رواية الأمل ما بعد النهايه الفصل الخامس5بقلم نورينا
بعد وقت صحيت لقيت نفسي ع كرسي ومتربطه والدنيا ضلمه بصيت حواليا برعب وانا بترعش من الخوف ومش عارفه اتكلم من الرباط الي علا بوقي عيوني دمعت من الخوف جسمي اتنفض بخوف لما لقيت باب بيتفتح وبيخرج منو شخص كنت اتمني يكون آخر واحد يكون هنا
قرب عليا بأبتسامة سخريه وهوا بيقول
_ اتصدمتي صح مكنتيش متوقعه
عيني اتملت بالدموع وانا حاسه برعشه ف جسمي كله مش قادره استوعب ازاي قدر يخدعني كدا ازاي هونت عليه
_ لي ي شادي دي آخرة ثقتي فيك تخدعني !!
بصلي بسخريه
_ طلعتي غبيه ي جوري غبيه اوي ! معقول صدقتي أن ممكن اسيب صفقه بملايين عشان خاطرك !!
للمره الي معرفش عددها كام خُذلت!!
_ فعلا كنت غبيه ازاي اصدق اخويا وحته مني ازاي اصدق أنه اخيرا قلبه حن عليا وبقا سند ليا وأنه بقا جنبي وفضهري ازاي اديتك لامان وانت اول شخص طعني ف ضهري انا فعلا كنت غبيه لما صدقت
بصلي بنظره مش مفهومه !
_ اه غبيه انا عمري م هتغير انا مش هضيع ملايين عشانك فيها اي أما تتحوزيه ونستفيد كلنا
بصتله بسخريه
_ نستفيد كلنا ! قصدك تستفيدو انتو ع حسابي علا حساب حياتي صح
بص بعيد وهوا بيقول
_ معتش ليه لزوم الكلام دا دا لا هيقدم ولا هيأخر المهم ف انك جايه لي
بصيت بأستغراب
_ جايبني هنا لي ي شادي
طلع ورقه من جيبو وهوا بيقول
_تمضي ع الورق دا
فتحت عيني بصدمه
_ ورقة جواز
_ ايوا هتتجوزي حازم
بصيتله بتحدي
_ مش هتجوز حد ي شادي فاهم ولا لاء
بصلي بهدوء
_ بشرط
قولت باستغراب
_ شرط اي
_ تجيبي الحجات الي انتي مخبياها عننا وساعتها مش هجوزك حازم
بصتله بكره وتحدي
_ لا هديلك حاجه ولا هتجوز حد والي عندك اعملو انا كدا كدا مبقتش باقيه علا حد فيكو
بصلي بنظره غريبه ومشي
قعدت بحيره وانا مش عارف اعمل اي ببص يمين وشمال مفيش اي حاجه هتساعدني أخرج من هنا اتهندت تهنيده طويله وانا بغمض عيني وبستسلم للسواد الي بيسحبني معنديش حاجه اعيش عشانها
بعد وقت قومت بخضه لما لقيت مايه سقعه بتتكب عليا بصيت بخضه لقيته بابا وحازم وشادي التلاته واقفين قدامي قولت بكره
_ نجوم السما اقرب ليكم من أن تنفذو الي عايزينه
قرب عليا حازم وهوا ماسك فك وشي بغضب
_ اسمعي يبت انتي تقولي فين الصور الي انتي مخبياها
اتأوهت بألم وانا بقول بكره ممزوج بغضب
_ والله م هتطولهم والله والله م هتطولهم ولا حتا هتتجوزني
كف نزل علا وشي
مش من حازم لا
من بابا ! غريبه كلمة بابا دي المفروض بتعبر عن
حب ، حنان ، امان ، واحتواء ،
بس عبرت عندي بغير كدا خالص
ممكن نقول قسوه ، عذاب ، الم ، وفقدان حب واهتمام وغيره
غريبه اقرب ناس ليك كانو اكتر ناس جرحوك وسببولك جرح عمرو م هيتداوى حتا لو مر عليه سنين !!
فضلت ساكته بصه للأرض بصمت دموعي بتنزل علا خدي علا قد م كنت بتظاهر بالقوه علا قد م انا ضعيفه بس مينفعش مينفعش دا ابدا يبان ايوا انا لوحدي بس هحارب عشان .. عشان حبيبي
خدت نفس عميق وانا بقول بتحدي وثقه
_ ولو موافقتش ع الي بتقولوه
خرج حازم مسد.س من جيبه وداه ل شادي !
_ ساعتها اخوكي هيخل.ص عليكي
قرب شادي مني وهوا بيعمر المسد.س وبيوجهو ناحيتي
_ امضي ي جويريه وتعالي معايا عرفيني مكان الصور فين
_ ولو معملتش كدا
قالي بهدوء
_ هقت.لك
صمت ... ملي المكان وصوت كسر قلبي الي مسموع فقط
اللحظه الي أعلنت فيها أن جويريه بقت خلاص يتيمه ..
غمضت عيني بألم رهيب ألم لا يحتمل
_ اقتل.ني ي شادي لو فعلا هتقدر تعملها اعملها ي اخويا بس عايزاك تعرف حاجه انا فعلا صدقت أنك اتغيرت كنت اول مره احس من سنين أن مبقتش يتيمه لاول مره احس وقتها بالحنان من اهلي كنت داخله انام وانا حاسه ان دي اول مره في حياتي هنام فيها مرتاحه عشان عارفه انك هتجبلي حقي وقتها مشلتش اي هم قولت اخويا جنبي وف ضهري خلاص مش هبقي لوحدي مهند بعد عني بسببكم وماما ما.تت وبابا بقا بيكرهني وعايزين تجوزوني غصب عني طول ال 10 سنين كنت بتضرب منكم كلكم حتا انت كنت سبب ف جرحي كلكم ظلمتوني بس انا مع ذالك حاولت اكرهكم بس معرفتش كان عندي امل انكم ترجعو زي الاول بس طلعت غلطانه للاسف الفلوس عمتكم لدرجه عايزين تقت.لوني اقت.لني ي شادي لو هتقدر اعملها
بصله حازم وهوا بيقولو وبيقنعو
_ صدقني لو قت.لتها هتستفيد كتير حياتنا هتتغير كتير ومش هنتحبس اختك لو طلعت من هنا حايه هتحبسنا كلنا وكلنا هنخسر كل حاجه أما لو عملت الي بقولك عليه هنكسب ملايين وهتحقق كل الي كان نفسك فيه يلا يا شادي ووعد مني هديلك النص ف كل صفقه هندخل فيها يلا يا شادي هنتحبس
بصتله بحزن وألم علا امل أنه ميعملش بس خالف توقعاتي لما قرب المسدس ووجهو ناحيتي وصوت طلقه خرجت من المسدس وبتخرج معاها روحي ...
قعد شادي ع الأرض والمسدس ف أيده للحظه صدمه وعدم استيعاب أنه قت.ل أخته عشان شويه فلوس رمي المسدس ع الأرض وهوا بيقرب مني ودموعو سبقاه
_ جوري قومي جوري عشان خاطري متسيبينيش جوري قومي اضربيني قومي بهدليني بس بالله عليكي متروحي مني بالطريقه دي جوري لو حصلك حاجه انا مش حسامح نفسي جورييييييييييي
حازم قرب منو وهوا بيقول
_ قوم ي شادي عشان ندفنها ف اي حته قبل أما البوليس يعرف مكانا
زقه شادي بقهر وهوا بيصرخ
_ انتااا السبببب انت الي خلتني اقت.لها اختي راحت مني لا ي جوري لا مش هسيبك تروحي لا والنبي عشان خاطري انا زعلتك انتي روحتي زعلانه مني لا ي جوري والنبي همو.ت لو حصلك حاجه انا كنت معمي والله كنت معمي ارجوكي قومي اسعاااف بابا اتصل بالاسعاف والنبي هتروح مني
حازم بسخريه
_ انا السبب مين يابا انت المسد.س ف ايدك وانت الي قت.لت مش انا انا بس قولت وانت نفزت انت عملت كدا عشان مصلحتك عشان الفلوس اساسا انا لو مكانك مستحيل اعمل كدا ولا أضحي بأختي عشان اي حاجه انا بس قولت وانت نفزت مضربتكش علا ايدك ولا هددتك انت عملت كدا بنفسك متجيش تلومني بعدين الندم مبيرجعش الي راح
شادي بدموع وحزن
_ عندك حق انا فعلا السبب انا السبب ف كل حاجه انا السبب
صوت شرطه حوالين البيت بصو لبعض برعب وطلعو يجرو من باب خلفي ف نفس الوقت بتدخل الشرطه وبيتصلو بالاسعاف بتوصل وبياخدو جويريه بتدور الشرطه ف كل مكان بس كانو اختفو
بعد مرور ثلاثة أشهر
الدكتور بأبتسامه
_ مش ناويه تتكلمي بقا
قاعده سرحانه باصه ف ركن معين ف الاوضه بصمت
اتكلم الدكتور تاني بأبتسامه
_ عارفه كل الممرضين الي هنا بيحبوكي اوي سُبحان من محبب فيكي عبده منغير حتا متتكلمي عايزينك تتكلمي عشان نعرف مين البنت الجميله دي بقالك شهرين من ساعه م فوقتي وانتي ساكته ي جميله
وجهت نظرتي عليه وانا بنطق لاول مره بعد مرور ثلاثة أشهر شهر كنت ف غيبوبه ولما فوقت كان عندي صدمه خلتني ف عالم تاني الاول مره هتكلم
_ فكرك هيفرق اوي معنديش الي يفرحلي
واحد .. اتنين .. تلاته ... المستشفي بتتقلب .. اخيرا اتكلمت
بيقرب مني الدكتور بفرحه
_ انتي اتكلمتي بجد يانهار ابيض بجد مش مصدق
ابتسمت بحزن
_ اول مره اشوف حد مهتم بيا كدا
قالي بأبتسامه
_ كلنا هنا بنحبك وانتي طبعا شوفتي دا
بصله بأبتسامه امتنان
_ شكرا جدا لوجودكم جنبي لولاكم مكنتش ابدا بقيت ب الحاله دي شكرا لكل شخص ساعدني ولو بحاجه بسيطه عمري ابدا م هنسي انكم كنتو سبب ف سعادتي
بصيت للدكتور بأبتسامه
_ لو سمحت انا عايزه أخرج من هنا وأشوف شغل وشقه وكدا عايزه استقر بقا
الدكتور بفرحه
_ اكييد اكيد بس الاول اعرف انتي مين احنا منعرفش عنك اي حاجه
جوري بحزن
_ موضوع كبير اوي عندي أهل عايشين ومش عايشين المهم انا جويريه عندي 20 سنه
قال الدكتور بحنان
_ متقلقيش احنا مش هنجبرك تتكلمي خالص ساعه لما تعوذي تتكلمي احنا كلنا صحابك وانا هساعدك تلاقي شغل وشقه كمان
واحده من الي واقفين
_ فعلا ي جويريه احنا كلنا اخواتك
بصلها الدكتور برفعة حاجب
_ الا شخص لو سمحتي
بصتله بأستغراب
_ مين الشخص دا
بيتفتح الباب فجأه وبيدخل شخص وبيقول
_ امير مش تباركلي خطوبتي الجمعه الجايه
بصيت بصدمه احتلت كياتي
_ مهند !!!