رواية من العتمة إلى قلبي
الفصل الخامس 5
بقلم ال زهراء
ضحك وقال لي بهظر بس انا عايز اكشفو بنفسي مسك ألنقاب بالقوة وقال نشوف النينجا دي عامله كيف انا كنت بلاوي فيه عشان ما يرفعة بس الخبيث كان أقوي مني ورفعو وطوالي انا ختيت يدي في وشي قلعو وجدعو في الارض!!، انا من عمري 14سنه ماف زول شاف وشي يجي الحقير دة ويهيني كدة!!!، مروان قال ليهم عروسي خجلانة منكم ما تخافي ديل كلهم اخوانك موش يا شباب، ضحكو!!!، يلا يا حبيبتي اكشفي لينا وشك!،ما رديت جاء وقرب مني زياد وقال ليهو خليها لي انا اسي بكسر ليها يديها ديل!، مروان عاين ليهو وقال ليهو معليش والله بس زي ماقولت ليك زول واحد فيكم بمد يدو عليها ماف ،قال ليهو مروان انا حصل بخلت عليك ببت!، خليني بس.......، قاطعو قال ليهو طيب! اعمل العايزو!، قعد وشرب سيجارة! ،حاولت اجري فيفي وتاليا مسكني! وبقن يضحكن وقالت تاليا اكشفي وشك وما زول بهبشك!، كنت مصرة انو ما اكشفو!!!، جاء زياد وقرب علي!! ولحسن الحظ الباب دق مشت تفتحو فيفي جات ريري وبقت تجوط وتصرخ وانا طوالي انسحبت جوة الغرفة وقفلتها علي!!!، بعد مسافة الباب فتح عرفتو دة هو! ،قال لي انا قولت بتكوني انتحرتي، قولت ليهو ادخل النار بسببكم لا طبعاً ،كنت بحاول اخفي عدم خوفي ورجفان يدي وصوتي بقدر الإمكان!، جاء بهناك وعاييين لي وقال لي ما قولت لابسة النقاب لسبيبن اتنين طلع كلامي صاح!، شينة وخصراء كمان!!!، قربت وقولت ليهو طلبت راييييك!؟؟؟، بقى يعاين لي شديد وضحك بسخرية! ،ريري جات داخلة وقالت ليهو انا برة زعلانة وعايزة اطق وانت حضرتك سيادك معاها ،قال ليها حباً فيها!، كنت بس ما عايزها تعمل حاجة في نفسها والا ببتلي بيها انا ،جات بعلينا ووعاينت ليهو وقالت لي تتزوج دي دي يا مروان دي شبهك، وعشان شنو عشان بس انتقام!!!، ياخ شوفها وشوفني!!!، ودقق كويس! ،قال ليها ما عايز اعاين انا ما همي شكلها انا بس داير اادبها!!!، قولت ليهو نظام انا دايرة تقييم منكم!!، امشو من هنا عليكم الله!، ريري قالت لي انا مفروض اقول ليك كدة اطلعي من البيت دة وما تصدقي نفسك انتي لا زوجتو ولا حاجة، قولت ليها الله يفتح عليك وحدك العاقلة قولي ليهو خليني امشي وكمان اديني تلفون اتصل!! عاينت لي باستغراب شديد!!!، مروان مسك يدها وكان عايز يطلعها بس رفضت وجات علي وقلعت مني الطرحة وكانت دايرة تجرني قالت ليهو حا اشوف رأيي الشباب في البت الجبتها!!!، فكت شعري وقالت ليهو شوفو عامل كيف وشوفها هي شينة كيف!!، انا اصلا شعري ناعم بس متوسط الطول!!!، وما شايفة انو انا شينة نهاي وحتى خضرتي ناعمة شديد وكل الناس ديل بعلقو من النوارة بتاعتي بس ديل لأنهم موهومييين شايفييين انو انا شينة عشان خضراء بس طبعا انا ما هاميني كتيير! ،لانو ديل ما بياخدوا رايهم! ،كانت دايرة تجرني فكييت يدها وقلعت الطرحة واديتها كف وقولت ليها بس تاني اهبشيني عشان اوريك!!، ريري عاينت لي مروان وقالت ليهو شوفت مرتك اهانتني كيف ؟!، مروان طوالي جاء وضربني كف!! لمن حسيت انو سنوني نزلن معاهو وقال لي ما تنسي نفسك انتي منو هنا!، قال لريري خليها اسي براها زي الشاطرة حا تجينا ،عاين لي وقال لي نص ساعة بس الاقاك برة! و بدون طرحة و ما تعملي لي فيها شيخة وبتاع! كل الناس ديل عايزة تشوفك، قولت في نفسي المتعود على الحرام شايف انو عادي جداً الأمور دي وحتى عرضو حا يعملو للناس فرجة!! ،صاح الرجال ماتو في كرري!، رقدت لانو كنت تعبانة شديد وما حسيت الا وانا مغمضة.
_________________________
بلسان مروان
بعد نص ساعة ما جات قولت حا اكسر راسها القوي ،شلت القاش عشان ادقها واجيبها ليهم!!!، دخلت جوة لقيتها راقدة بالجنبة مشيت ليها لقيتها نايمة!!، عاينت فيها شديد ودققت في ملامحها كانت عندها شامة في خدها!!، لكزتها من كتفتها عشان تصحى بس شكلو نومها تقيل ،قومتها عديل وبقيت اهز فيها وقولت ليها صحصحي!!، عاينت لي بعين واحدة وقال لي طيير من هنا وما تزعجني عالم عجيبة!!، زحت مني وبقت تفتش بعين واحدة لغطاء واتغطت ووعاينت لي وقالت لي طفي النور معاك!، وعليك الله وطي صوت حفلتكم البرة دي!!!، المشكلة كانت جادة جد شديد انا بقول ليها نص ساعة وهي برة وهي بتقول لي اقفل النور!!!، مشيت وجبت موية باردة ومريت بالصالون كل الجماعة كانو مسطولييين وما مصحصحيين وأكتر واحدة ريري!!، دخلت جوة وكبيت فيها المويه الباردة!!!، صحت مخلوعة وقالت 5دقائق بس يا أمي!!، شكلها متعودة على كشحة الموية!، حاولت ترقد بس المرتبة كانت مبلولة قامت وبقت تفرك في عيونها قولت في نفسي اخيراً صحصحت! ،قالت لي انا وين؟؟!، قولت ليها ما متذكرة!!، اذكرك قربت ومسكت كتفها وقولت ليها انتي هنا مرتي ودة بيتي! كنت ضاغط عليها!، عاينت لي ببرود وقالت لي الساعة كم، قولت ليها، انخلعت وقالت المغرب!، جرت جري على الحمام الجوة وخلتني محتار ،البت دي أخوف فيها بس هي عايشة طبيعية!!، جات وقالت لي انا عايزة مصلاية!، عاينت ليها وقولت ليها ماعارف مكانها!، قالت لي انا اسالك لشنو اصلا بقت تفتش في الدولاب! لقت واحدة جابتها وصلت وانا منتظر تقوم من المصلاية!بس ما قامت وكانت بتصلي قررت أنو امشي اجيب للشباب ديل حاجة ياكلوها مدة هي تصلي واادبها.
لمن مشييت وجيت ختيت ليهم الاكل، ومشيت عشان اقول ليها انو عقاب ليها ماف اكل كنت عايزة ادخل سمعت صوتها وهي بترتل ايات قرانية قال تعالى (وَلَقَدْ أَرْسَلْنَا إِلَىٰ أُمَمٍ مِنْ قَبْلِكَ فَأَخَذْنَاهُمْ بِالْبَأْسَاءِ وَالضَّرَّاءِ لَعَلَّهُمْ يَتَضَرَّعُونَ42فَلَوْلَا إِذْ جَاءَهُمْ بَأْسُنَا تَضَرَّعُوا وَلَٰكِنْ قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ43فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّىٰ إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ44) جسمي كلو اقشعر ودخلت جوة وقفت عاينت ليها قولت ليها ماف ليك اكل الليله عشان تاني ما تسمعي الكلام، عاينت لي وقالت لي انا ما باكل منك حاجة!، قروشك ديل قروش حرام كلهن!، ضحكت وقولت ليها لو قروشي قروش حرام امك عايشة بيهن ،قالت لي المضطر بياكل لحم الخنزير وامي كانت محتاجة، بس انا اسي ما بموت لو فوتا وجبة وبكرة بعرف اكل من يوم وربنا برزقني، قامت وجات على السرير كانت هادئة شديد وهدوها دة عصبني زيادة فما قدرت اتمالك نفسي شلت القاش القبيل وضربتها بيهو ضرب شديد! بس ما ادت اي ردة فعل!!!، وكانت بتبسم بس ودة الزعلني زيادة وكانت بستغفر وتتحسبن, قولت ليها انتي عاملة منصددة صاح حا تشوفي الايام الجاية والله اخليك تعتذر لي وتبوسي لي رجليني عشان بس أرحمك، قالت لي باخر نفس ليها وبحس مختفي ما بجي اليوم دة!!، بتعرف قصة سمية بت الخياط اتنهدت وقالت انت اصلا ما اظن بتعرف حاجة عن الدين الاسلامي ! ، حا اوريك ليها كانت من المستضعفين وقليلين الحيلة ،ولمن عرفت قريش باسلامها هي وأهل بيتها كانت بتجرهم وبتخليهم في الحرعشان أجسامهم تشقق وتمنع منهم الموية ،سمية كانت بجلدوها لحدي ما جسمها كلو يبقى دم لكن كانت بتقول بثبات احد احد وكلماتها دي ما دليل على يائسها لا ابدا كانت عارفة انو مهما ضاقت فإن رحمة الله اوسع،انت عارف ابو جهل لمن شافها ثابته بالرغم من انها ضعيفة وما عندها اي سلاح شال حربة وقتلها ،هو قايل انو كدة انتهى منها بس هو ما عارف انو أصبحت اول شهيدة في الإسلام وبقت قصتها خالدة ،وهو نال عقابو ومات في معركة بدر... الحق ما بضيع والظلم بزول ،وانا حا اكون زي سميةحتى لو قتلتني ما بتنازل ليك، مسكت حنكها وقولت ليها تمام يا سمية!!! حا نشوف لمتين بتستمري في امورك دي!!! طلعت وانا غضبان وبقيت اشرب عشان اهدا.
_________________________
بلسان ميمونة
يا بت خطيبك جاء!!!، اخدت شقهة وقولت ليها خطيب شنو يا أختي ، قالت لي أسامة القراك طول السنين دي واسي سمعت تحت تحت انو امو دايراهو ليك،قولت ليها انا قولت ليهو قريني وبعدين انتي تقولي خطيبي على اي اساس هو ما حصل فتح معاي الموضوع دة وما عندي شغلة بكلام الناس، قالت لي سمعت انو اخواتو وامو قالن عديييل بعد قراها ما بنديها لغريب قولت ليها تفكييير أسامة ما كدة هو من الاول ساعدني عشان ابوي ميت واكيد ما برضى انو يعرسني بس عشان قراني ومَنّ علي، قالت لي انتي لشنو ما عايزاهو لكن هو زول كويس، قولت ليها كويس بس ليه اتزوج واحد تأمن ما خلصها انا وهو ما بنتفق هو ما بفهمني وتفكيرو بسيط ما مطلع زي ........ انا ممنونة ليهو لمن اموت والله وحا أعوضو بس ما باني اعرسو ،قالت لي لو خطبوك مشيهم الفترة دي لمن تتخرجي بس والعايزاه تعمليهو اعمليهو ،قولت ليها لا كدة غلط انا مستحيل اغش أسامة! ونحن بنتكلم الباب دق مشيت عشان افتح! لقيتو هو كان ملتحي وخضرتو بقت أنعم!، احتمال اخر مرة شوفتو فيها قبل ما يتغترب هو ود عمي ومما اغترب بقى بقريني وحتى هو القال قدمي خاص لمن شافني متجرسة من الاعادة للمرة التالتة! ،قولت ليهو أسامة والله ليك وحشة! اخبارك وصحتك!؟ متيين الجيه ؟! ،قال لي بخييير الحمد لله جيت قبل يومين كدة بس ما كنت قادر اصلكم من التعب الوالدة قاعدة ،قولت ليهو جوة اتفضل!، دخل وامي دي طوالي استلمتو بالاحضان وقالت ليهو حباب الطله حبابك يا ولدي الغالي! حبابك!، اتفضل اتفضل يا ميمونة جيبي لود عمك موية باردة تلقيهو لاف لفة شديدة ،ضحك وقام وقال ليها والله يا خالتو ما خليت بيت بس برضو بستذنكم! شارب والله عند حبوبة التومة ومليان فل الحمدلله!، قالت ليهو كان قعدتا وخليني نسوي ليك شاي بلبن اصلك بتريدو ،قالت لي مرة تانية انا قاعد وبجيييك إن شاء الله ،قدمناهو للباب! ،امي قالت ليهو امك قبل فترة فاتحتني بموضوعك انت وميمونة، عاينت لأمي شديد!، بس ما اشتغلت بي كانت متابعة ولا هاميها ختمت كلامها بانو هي ما عندها مشكلة نهاي وفي أي وقت يجو مرحب بيهم ،قال ليها دا ما وقتو لسه هي ما انتهت من القرايه باقي ليها اخر سنة!، لمن تنتهي!، طلع خليت امي دخلت ولحقتو ناديت ليهو وقولت أسامة وقف!، وقف جيت وانفاسي متسرعة من الهرولة، قولت ليهو انت موافق على العرس؟!، قال لي ركزي في قرايتك وخلي الفارغة!، قولت ليهو ما بقدر انا معتبراك زي اخوي واعرف انو ما بتزوجك نهاي، عاين لي وقال خيييير إن شاء الله وما زاد اي كلمة ومشى،قولت في نفسي خليه يفهم! كمان يقول لامي لمن تنتهي!!!.
اليوم التاني وانا مجهزة حاجاتي للجامعة!!، الباب دق دق شديد مشيت فتحتو لقيتها ام أسامة خالتو نجوى!!، جات ووعاينت لي من تحت لفوق!!، وتاني دخلت وقالت لأمي مكلمة أسامة لشنو ؟؟!، قالت ليها قولت افاتحو بالموضوع مالو ما رضا، قالت ليها قال بدور بت تانية!، قالت ليها اجييي دا كلام شنو البدوها من وين ، يفوت بت عمو عشان غريبه،قالت ليها ما بعرفو بس هو مقوي راسو وقدر ما حاولت ادردقو ابا يتكلم واسي ماش البندر وحلف ما يتكلم لشنو، انا قولت في نفسي احرجت نفسي امس هو اصلا ما شايفني وبزولتو ،قولت ليها ماش الخرطوم انا ماشة معاه طوالي جهزت شنطتي واتحركت واتصلت بيهو ،قال لي بجييك إن شاء الله ، خالتو مشت وانا انتظرتو البوري ضرب قالت لي امي احييييييي منك يا ما ملحلحة احييييييي منك خطفتو بت البندر!! وانتي قاعدة ،قولت ليها أسامة دا بس الوحيد الكويس في العالم بلقى زول احسن ما تخافي ،قالت لي غبيييه، طلعت وركبت جنبو! ،هو عندو دبل قبين!، طبعاً هو مما مشى هناك رسل واشترك هنا مع صاحبو وعمل محل اسبيرات ومحلو بقى فيه كم فرع، وشغلو في السعودية برضو كان كويس عشان اغترب بدري من عمر 18سنة، المهم قولت ليهو ماش الخرطوم ليه ؟!، قال لي عندي زول ضروري ألاقيه!،قولت ليهو منو؟!، عاين لي وما رد، هو ما بقول كلمتين وراء بعض.
لمن وصلنا قال لي انزلك وين ؟!، قولت ليهو هنا، قال لي الداخليه هنا، قولت ليهو لا، قال لي طيب انزلك على اي اساس وين الداخلية في... ، قولت ليهو كدة ما بزعجك شايفك تعاين للساعة ،قال لي ما عندي مشكلة اوصلك ،وصفتها ليهو جاهو اتصال قال دقيقين بس واكون معاكي !، وصلني نزلت نزل لي شنطة الضهر قال لي رسلت ليك بنككك وديل كاش!، ولو احتجي تاني رسلي لي بس رساله وما تخجلي مني! اصلك بقيتي الفترة دي بتخجلي!،قاعدة تعملي ناموسية ؟؟!، قولت ليهو لا بكرها... ،قاطعني وقال لي تمشي تشتريها في حميات واشتري الساهلة التركيب، قولت ليهو ديك غاليه لكن، قال لي ما عندك شغلة بالقروش اشتريها باي سعر!، قولت ليهو والله ما عارفة اجازيك كيف، قال لي انت بس اتفوقي كل مرة وكدة بتجازيني، وربنا يوفقك!، عاينت ليهو وانا مبتسمه قولت ليهو شكرا على كل حاجة، قال لي دا شي قليل! الاهل عملوهم لشنو يلا ادخلي البرد!، قولت ليهو تمام مع السلامة ،ركب ومشى بالعربية!!!، قولت في نفسي مبالغة مبالغة أسامة دا!!!،دخلت وانا مبسوطة شديد،قعدت اتذكرت انو ما اتصلت نهاي بعزة!! ورسلت ليها واتس بس عشان اطمن على صحة امها لانو ما عندنا شبكة اتصالات نهاي والنت دة الا باليل شديد، رجعت ليها الرقم مغلق تاني رجعت لها نفس الشي، قولت في نفسي إن شاء الله تكون كويسة هي وامها بس اختي ما طمنتني، طبعا اختي متزوجة وراجلها هو البقري فيها هو دكتورها في الجامعة ووانا بالجد نفسي القى زيو زول متعلم وكويس شديد ومحترم وكمان بتناقش معاها في أمور قرايتها بكل سهولة .
_______________
بلسان عزة
طول الليل وامس خايفة وماقدرت انوم عشان الشيطاين ديل كلهم برة وعشان الألم كان شديد من أثر الضرب !، صحيت وجسمي كلو مكسر للصبح دخلت الحمام ما لقيت موية!،قررت اطلع عشان اصلي!، لقييت ريحة غريبة زي ريحة الخمر!!!، وكأنو كلهم نايمين الا زياد الصاحي!، دخلت الحمام التاني لقيت فيه موية قولت معانتو الخزان ما موصل للجوة!!، اتوضيت ومشيت اصلي صليييت وبقيت اتدعى! لبست نقابي عشان قولت اتخارج!!! وامشي اشوف امي ، سمعت صوت فتح باب عاينت ما لقيتو مروان وطلع زياد قرب مني وقال لي أخيراً لقيت فرصة معاك معقول مروان يغنج بيهو براك ،كلامو قرفني هم زي الحيوانات!، جاء وقومني وبقى يقرب مني لمن بقاني على الحيط، قال لي ما تحاولي تعملي اي صوت..... ولو عملتي ماف زول حا يشتغل بيك فما تخربي صوتك الجميل دة بالصراخ وركزي معاي....................
__________________
لماذا؟
لماذا تَقسو عليَّ الأيّام ،
والأشخَاص ،
وكُلّ شَيء؟
حتّى أنا ..
*حتّى أنا أقسُو علي