رواية من العتمة إلى قلبي الفصل السادس 6 بقلم ال زهراء
جاء وقومني وبقى يقرب مني لمن بقاني على الحيط، قال لي ما تحاولي تعملي اي صوت..... ولو عملتي ماف زول حا يشتغل بيك فما تخربي صوتك الجميل دة بالصراخ وركزي معاي!!!، حاولت ابعد بس ما قدرت لانو كان ماسك يدي الاتنين بيديهو!! قال لي خليك مسالمة ومطيعة!، الباب فتح فجاءة لقيييتو مروان وكان باين انو مرهق وشكلو ما نايم كويس!!، قال ليهو بديك 3ثواني تبعد منها!، قال ليهو كلنا واحد يا أخوي!، ما تشدد!!! واطلع عليك الله!، مش كفاية شلت أجمل بت في الشله ورضيت كمان ما عايز تقاسمنا في دي!!!، جاء عليهو والله وزحاني منو وجدعو زي الريشة في الأرض وضربو تاني مسكو من ياقة قميصو وقال ليهو وهو معصب شديد وعيونو محمرة وعرقو بارزة من الغضب البت دي حقتي! والمرة الجاية لو حاولت تقرب منها والله ادفنك وانت حي! وما حا اكتفي بتشويه وشك !!، قومو وضربو في خدو وقال ليهو فهمت يا حبووب!!!!!، زياد قال ليهو الكلام دة ما بتقال لي انا، انا للأن ساكت ليك عشان معتبرك صاحبي، اتنهد وزحاهو منو وقال ليهو ما تعتبرني وتعال لي لو راجل!، زياد أتراجع !!!، مروان قرب منو وخت اصبعو عليهو وقال ليهو كويس انك عارف انك ما قدري !،اتخارج!،زياد مشى بدون ما يقول كلمة مروان كانت غضبان شديد!، حدر لي وقال لي انتي حسابك بعدييين معاي طول الوقت بتصرخي بس مما بقى زياد ما قدرتي تعملي حاجة!!، طلع وهو معصب وانا طلع وراه صصح كل القاعدين ناس مازن وناس فيفي وناس تاليا ،وزياد وريان كانو ماف!، قال ليهم وهو معصب الحفلة انتهت اي زول على بيتو!!!!!، تاليا قالت ليهو ما بدري لكن!!!، قال ليها تاليا كلامي دة ما عربي عشان كدة ما فهمتية ولا شنو!، الحفلة انتهت!، طلعو كلهم وتاليا قالت ليهو تعال بعدين شقة زيزو! ما اظن فيها زول بكون! شايفاك مهموم الفترة دي! وانا عايزة اقيف جنبك! ،قال ليها ولو عرفت ريان!، ضحكت وغمزت الجن ما بعرف ما تخاف!!، قال ليها قدام يا زولة!!، يادوب فهمت العلاقات الوسخة البينهم!!!، واستغفرت شديد!!!، زنا وفواحش كتيرة! لاحول ولا قوة الا بالله العلي العظيم، طلعت النقاب والعباية وقررت انضف عشان النضافة من الإيمان وما صاح اخلي البيت قذر، ربطت الطرحة! وجبت أكياس لبستهن في يدي وجدعت كل قاوريين السم الشربوهو دة!، تاني شلت الشيشة الجابوها وكنت عايزة ارميها برة!!، مروان مسكها وقال لي دي ما تهبشها!!، كان عايز يقلعها!! مسكتها بقوة وقولت ليهو دي حا تتجدع برة ولو ما عجبك حا تتجدع معاها، ضحك وقال لي لو ناسية دي شقتي! ،قولت ليهو ما ناسية بس انا ما بخلي حاجات زي دي في بيت قاعدة فيهو!، وتاني مرة ما تجيب شلتك هنا، هنا ما نادي تجيب صيعك فيهو وكمان بنات وأولاد وبكل وقاحة نايمين كلهم في الصالون زي الإخوان، قال لي انت مالك يا شيخة، غيرانة مننا، المرة الجاية بخليك تستاهري معاهم وتنضمي لخوتنا دي! ،قولت ليهو لو داير تموت حاول بس!، ضحك بخبث وقال لي شكلك عايزة جلدة تانية امس جلدك دة ما جاب فيك خبر!، قربت وجدعت الشيشة في رجلو! ،غضب غضب شديد!!!، وضربني بخرطوشها في وشي لمن عملت علامة!، قال لي عزةةة انا والله صابر بس صبري كان نفذ برتكب فيك جريمة وما بس بلون ليك وشك دة!، ما اشتغلت بيهو وشلت الشيشة وجدعتها برة! جراني وجدعني في الغرفة وقال لي راجعي نفسك مدة انا اجيب الفطور واجي!،مشى وانا طوالي فتحت باب الغرفة جريت لباب الشقة لقيتو قافلو! ،مشيت فتشت تلفوني لقيتو!! قررت اتصل بزول بس تاني قولت ما عايزة ادخل معاي الناس!، وما عندي رقم اهلو!، قررت اني امشي ليهم عشان يشوفو عمل فيني شنو، ويطلقوني منو ، شلت التلفون وطوالي بقيت افتش للمفاتيح!!!،لقيت لي كم نسخة بقييت احاول واحاول فتح معاي واحد لبست عبايتي ونقابي وطلعت!،ما كان عندي قروش وكنت مرهقة وجيعانة شديد وحسيت انو حا أقع في اي لحظة!، بقييت قاعدة في الأرض جاء زول عاينت ليهو قال لي يا الأخت مالك؟!، قولت ليهو ساعدني الله يرضى عليك! وصلني بس... ،قال لي انتي شكلك تعبانة اوديك المستشفى اول!، قولت ليهو لااا عايزة اصل للعنوان اول ،قال لي لا باين عليك مرهقة قولت ليهو ما إرهاق مرض، انا بس ما اكلت حاجة من امس بعدني من الحتة دي عليك الله وبوضح ليك اي شي، قومتا معاهو وركبت العربية!!!، اتصل بيهو زول قال ليهو ما رجعت لسه كنت راجع يا ميمونة بس طلع لي شغل، قال ليها دقيقة اشوفو قاعد!، فتح الدرج قولت دا دفتر ميمونة كانت عاملة فيهو قلب ببرة ومعاها حرفها! ،قال ليها قاعد بجيبو ليك معاي ،قولت ليهو بتعرف ميمونة ؟! ،عاين لي وقال لي دي بت عمي!، قولت ليهو ما شاء الله انا صاحبة ميمونة بس عليك الله ما تكلمها باي حاجة!، قال لي سرك ببير ما تخافي!!! انقص ليك درجة التكيف شايفك زي البردانة، قولت ليهو لا شكراً، انا خايفة بس!، قال لي في حاجة مخوفاك!، قولت ليهو ياريت لو حاجة هن حاجات كتيييرة شديد الحمدلله على كل حال، نزلني على الطريق دة ما عايزة اعمل ليك مشاكل!، عاين لي بس وقال لي اشربي موية اول وبعدين خلينا نتفاهم، مد لي موية، شربتها وقف قال لي انتظريني هنا بس ادخل اجيب ليك حاجة على السريع، قولت ليهو انا...، قاطعني وقال لي بتحبي يكون فيهم حاجة السندوتشات!،قولت ليهو ما ضروري و...، قاطعني تاني وقال لي دة ما إجابة سوالي حا اجيبهن بمزاجي طيب! ،مشى وجاب لي، قال لي انا بقعد برة ممكن تاكلي براحتك العربيه مظللة ما تخافي ،قفل القزاز وانتظر برة!!!، قولت ما شاء الله تبارك الله اسحب عبارة الرجال ماتو في كرري بعد شوفت دة!، اكلت بمزاج مروان اتصل بي ،رديت قولت ليها هاااا عايز شنو ؟!، قال لي انا ما قايل بتردي انتي وين عندك دقيقة واحدة؟!، ضحكت وقولت ليهو ما بوريييك!، قال لي والله يا عزة آلم فييييك ما اخليك، قولت ليهو تلم فيني وين تاني!!، قال لي حياة امك في يدي وانتي عارفة!، سكتا مسافة القزاز دق نزلت ألنقاب وفتحتو قال لي انتهيتي ولا لسه، قولت ليهو انتهيت تعال، جاء بهناك، مروان شكلو سمع وقال لي عرفت انك بت ما نافعة وبت بتاعت مظاهر الكلب القاعدة معاه منو ومشيتي ليهو وين يا منحطة، قولت ليهو كل الناس القذرين تفكيرهم قذر وانا ما حا احاول أوضح ليك اي حاجة لانك ما بستاهل اي توضيح والمفكرو صاح ! وتاني ما تتصل بي ولو انت ما خايف تعال لأهلك ووريهم سبب ضرب ليك يا شبية الرجال،قفلت الخط في وشو، عاين لي وما فتح خشمو بحرف!، وصلني لحتتي!!، قال لي لو محتاجة تمشي الشرطة ولا محتاجة اي مساعدة قولي، قولت ليهو لا شكراً، كنت دايرة انزل جات عربية مروان ونزل منها! قولت إن شاء الله ما يشوفني عشان ما عندو ذنب ود اهل ميمونة!، قولت لود عم ميمونة ارفع القزاز، قال لي في شنو، قولت ليهو عليك الله ارفعو وبكلمك ،مدة ما يعملها لقيت يد ممدودة جوة بجهه السوق!، قال ليهو يا شاب نزل القزاز دة وانزل انت زاتك!، وقول للمعاك دي احسن تنزل بالهداوة!، نزل وانا نزلت مروان انت عبدالرحمن!!!، قال ليهو لا انا أسامة! عايز شنو من البت دي ؟؟، ضحك وقال دي مرتي! عشان كدة اركب عربيتك اتوكل يا شاب عشان ما ابقي ملامحك ما تتعرف!،تاني جاء وجراني وقال لي وانتي يا عزة في البيت بحاسبك، قولت ليهو ما ماشة!،أسامة اعترض طريقو وقال ليهو لو مرتك ولو غيرو لو ما عايزة تمشي معاك ما حا تمشي!، مسك يدو وبعدها مني وقال لي اركبي العربية!، قولت ليهو أسامة دة مجنون بياذاك، قال لي اركبي العربية! بقول ليك!، وتاني عاين ليهو وقال ليهو رجولتك دي ما تعملها في مرة تعال لي انا!!!، مروان غصب غصب شديد وجاء عليهو انا طوالي جريت جوة لناس اهلو وقوولت ليهو مروان بشاكل في زول برة!، امو انخلعت وابوهو كمان طوالي جو معاي لقيناهم الاتنين اتملو دم ولسه بضاربو! ،ابوهو مشى وقفهم!،وقال لمروان الشاب دا مالك معاهو؟؟، قال ليهو بتحشر في حاجة ما عندو دخل فيها! وانا بس حبيت أوضح ليهو اخر الدخل دة، والمرة الجايه بقتلو لو عادها، أسامة قال ليهو كلامك دة ختو في جيبك وتعال واجهني!!!، مروان هنا هاج وكان داير يهجم عليهو لو ما امو وقفت ليهو في الطريق، قالت ليهو اهدى عشاني!!!، وما تتهور عليك الله ،جيت انا وطوالي قولت لأسامة انت كويس عليك الله امشي من هنا وما تعمل لي نفسك مشاكل!، مروان في اللحظة دي جرانيي عليهو وبقى ماش بي ،بقيت بصرخ وقولت لخالتو ما عايزة امشي معاهو هو ضربني واذاني شديد!، كلهم جو عمو طارق فكاني منو! وقال ليهو انا قولت ليك شنو يا مروان مش قولت ليك ما تضربها!! ،انت ومرتك ديل حا تقعدو معانا في البيت ولو ما عايز طير محل طاير وخلي لينا عزة!، مروان فتح باب العربية وطلع فيها وساق بسرعة!!!،خالتو قالت لي ورح جوة، قولت ليها دقيقة اتكلم مع ود اهل ميمونة صاحبتي، قالت لي تمام، دخلو، شكرت أسامة وقولت ليهو امشي المستشفى، قال لي جروح بسيطة ما بحتاجن، قولت ليهو لو سمحت ما تكلم ميمونة ما عايزاها تتورط معاهم! ،قال لي تمام بس قصتك شنو انتي يا عزة!، قولت ليهو احسن ما تعرف شكرا ليك واسفة جداً اني خليتك جوة الموضوع، قال لي انا عندي اخوات برضو والما برضاه فيهن اكيد ما برضاهو لبنات الناس وريني ممكن أساعدك بشنو ؟؟؟،انا مستعد لأي حاجة!!، قولت ليهو شكرا بس ما عايزة منك تتدخل، دخلت جوة خالتو ودتني لغرفة وفتحت وشي لقت آثار الضرب تاني قلعت العباية القاش كان معلم في يدي!!!، اتعوذت كم مرة،وقالت لي اعمل شنو للولد دة عشان يعقل انا اسفة يا بتي اسفة شديد!!!، قولت ليها خالتو عليك الله لو اسفة ما تخليني معاه في بيت برانا!!، قالت لي دة البحصل الطابق دة فاضي وخليه يسالك عشان انا اوريه!، رقدت غطتني ومشت ،هديل جات داخلة وقعدت وقالت لي ممثله بارعة لكن! ،انتي غاشة كل الناس بس ما بتقدري تغشيني!، قولت ليها يا بت الناس انت عارفة اخوك شنو ،قالت لي لو ما سالتية ما سالك، قولت ليها انتي ما فاهمة حاجة ،قالت لي فاهمة اي شي انتييي واحدة متصنعة وكل يوم مع زول جديد ونقابك دة مجرد تمويه وحتى أشك انك عملتي كل الحركات دي بس عشان يعاين ليك ويتزوجك!، ضحكت عليها وقولت ليها منفصمة زي اخوك!!، اطلعي!!!، ولا اوريك انا البطلع ليك! مشيت لخالتو وقولت ليها عايزة اشوف امي ،قالت لي خليني امشي معاك.
____________________________
بلسان ميمونة
اتصل بي أسامة وقال لي تعالي استلمي دفترك! جيت ليهو وانخلعت لمن شوفت وشو!!، ،قولت ليهو العمل فيك كدة منو قال لي شكلة!، قولت ليهو في شنو؟!، قال لي ما ضروري احكي ليك تفاصيلها يلا شيلي دفترتك وادخلي، عاينت ليهو وقولت ليهو انت مجنون اخليك وانت في الحالة دي! دقيقة دقيقة !، ااشوفك
ليك شاش ومعقم من بنات الداخلية، قال لي ما بحتاج!، قولت ليهو أسامة عليك الله ما تمشي، اتكل في العربية وقال لي اسرعي!، مشيت وجيت وعقمت ليهو جروحو وقولت ليهو الله يكسر يديهم العملو فيك العملة دي انا بس لو عارفاهم كنت وريتهم!، ضحك وقال لي حا تعملي شنو؟!، قولت ليهو بردح! بعمل شنو يعني غير الردحي!، ضحك وقال لي الله يعقلك!، قولت ليهو والله يا اسامة زعلانة زعلانة وقلبي دة حارقني عليك!، كيف يضربوك كدة وريني ليهم منو، قال لي ميمونة ركزي بس في سنتك النهائية !، ركب العربية وانا ركبت جنبو وبقيت اديهو في تنبهيات لقيت تلفون فيها عاينت وقولت ليهو دة تلفون عزة صاحبتي!، قال لي ايوا عزة نستو هنا ،قولت ليهو انت بتعرفها قال لي اي، قولت ليهو من وين، قال لي صدفة ،قولت ليهو ليك كم؟؟!، قال لي بتستفيدي شنو لو عرفتي ،قولت ليهو طيب عزة هي البت القابلتها قبيل صاح ؟؟؟! ، عاين لي وقال لي انزلي عايز امشي، نزلت وجيتو بهناك قوولت ليهو بتحبها هي ؟؟!، هي البت العايزاها!!!؟، اتنهد وقال لي ادخلي يا ميمونة، والتلفون دا اديهو ليها ،تاني غير رايو وقال لي ولا اوريك جيبيهو والفترة دي زاتك ما تمشي ليها هي مشغولة شديد!، قولت ليهو مشغولة بشنو ؟؟!، كلمتك معانتها البت القابلتها، بس هي ما عندها شغلة بالعلاقات ولا علاقاتكم كانت مقطوعة مما أعجبتو ببعض ،وجيت عشان تكلم أهلها!!!، قال لي يا بتنا انتي بالعة رادي ولا شنو!، اتكلت وقولت ليهو وريني وريني عليك الله مش انا صاحبتك!، قفل القزاز وكشا العربية قولت في نفسي لازم امشي اشوف الحاصل منها.
____________________________
بلسان مروان
مشيييت لشقة زياد ولقيتو ماف!!!، وكأن في تاليا جات وقعدت جنبي وقال لي مالك مضروب! ؟ ،قولت ليها مشكلة صغيرة وانحلت!، قالت لي ما يكون سببها عزة، قولت ليها منو غيرها البسبب المشاكل، قالت لي روق وفهمني الحاصل ،حكيت ليها قالت لي مرتك طلعت ما هينة!!، انت اقبضها بالثابته بس وأثبت لأهلك انها كعبه ولكل البعرفوها ،قولت ليها اي بس ما اسي، ختت راسها في كتفي وقالت لي ننتقل لموضوع اهم اخترت ريري لشنو يا مروان انا مالي، عاينت ليها وقولت ليها ما ناقصك شي منها بس ممكن في الفترة دي أعجبت بيها اكتر ،قالت واسي، قولت ليها واسي بحبها عديييل وعايزاها ،قالت لي وانا ،قولت ليها انتي لو عايزة تتقربي لي بعد كل الكلام دة ما عندي مشكلة ،قالت لي انا بحبك وما بحب زياد وانت عارف زيادة دة تمضية وقت، بعدتها وقولت ليها وانا زاتي حااعتبرك كدة!، قالت لي ما عندي اي مشكلة ،حا اقوم واجيب ليك حاجة تشربها تهدي بيها أعصابك! ،اتصلت بعزة ماف رد ،تاني اتصلت لقيت رد قولت ليها يا زفت الطين تلفونك جادعة وين ،قال لي الصوت انا لو عارف انو دة انت ما كنت رديت وقفل!، في اللحظة دي عرفت انها واحدة اكعب مني وقررت امشي اقتلهم، قومت وانا زهجان شديد ،جات تاليا وقالت لي وين ماش، قولت ليها ماش لعزة!، مسكت يدي وقالت لي ماش ليها لشنو ؟؟؟!، قولت ليها عزة بتلعب من وراي، قايله نفسها ذكية وبتقدر تخدع الناس بنقابها دة ،انا بوريهم الاتنين، قالت لي اهدى اول شي، انت عارف مكانها، قولت ليها اسي بعرف!!، قالت لي ما تمشي في اي يوم بتقبضها ويوم حا تقع في شر أعمالها، زحيت يدها وقولت ليها تاليا نحن لحدي هنا حبايب ما تتجاوزي حدودك!، طلعت وبقيت متحرك واتصلت بالرقم! ،في النهاية رد قولت ليهو انتو وين؟!، قالت لي في بيتكم يا منفصم!، كشيت العربية ووصلت البيت ما رديت علي امي الكان بتنادي لي وطلعت ليها......................
اللهم صل على محمد عدد ما ذكره الذاكرين وغفل عن ذكره الغافلين..❤
بقيت أردد لا بأس لا بأس وكل البأس في قلبي 💔