بصيت بصدمه احتلت كياتي
_ مهند !!!
الدكتور " امير " بأستغراب
_ انتي تعرفيه
عيني اتملت بالدموع وانا شيفاه واقف قصادي مش مصدقه أن شوفتو قدام عيني اكيد بيكرهني بس للحظه استوعبت خطوبه !! هوا هيخطب حد غيري ! هوا نساني بجد وعاش حياتو
بصلي مهند بنظره خاليه من اي مشاعر حتا الكره!
_ لا معرفهاش عموما ي امير خطوبتي الجمعه الجايه زي م قولتلك لازم تيجي ها " ووجه نظرتو ناحيه الشباب والبنات " وانتو طبعا معزومين لازم كلكم تحضروا الخطوبه هتكون ف كافيه النيل
امير حضنو بسعاده وقال
_ الف الف مبروك يصحبي بجد مبسوط اوي أنك قدرت تطلع من الي انت فيه اكيد كلنا هنيجي معندناش اعز منك
اتكلم مهند بأبتسامه
_حبيبي ي مارو طبعا يلا همشي انا بقا عشان اشوف الي ورايا عريس بقا
خرج وقفل الباب وراه ونا تفكيري وقف عند كلمه خطوبه وعريس ا اي ازاي هيخطب غيري لا. لا ازاي ازاي هيتجوز غيري مش بعد كل الي عملتو وضحيت بكل حاجه عشانو مش بعد كل دا لا ياخد غيري ازاي. لا لا اكيد بحلم اكيد انا سمعت غلط لا مش دا مهند لا
بصلي امير بقلق بعد أما ظهر عليا علامات التشنج ووشي اصفر وبدأت اترعش قعد يهز فيا
_ جويريه انتي كويسه في اي مالك انتي كنتي كويسه اي الي حصل
خطوبه .. عريس يعني اي لا لا لا مش معقول بعد كل العذاب دا ومش هنكون لبعض لا
قعدت اهز ف راسي بنفي وانا بردد بـ لا
امير جري بسرعه يجيب حقنه مهدء والممرضين بيحاولو يهدوني بس انا كنت ف عالم تاني خالص
جه امير وادوني الحقنه ومحستش بنفسي ونمت ..
بعد وقت صحيت بصيت حواليا كنت لوحدي دموعي نزلت تلقائيا بعد أما افتكرت الي سمعته قومت شلت كل الي متوصل بأيدي من اجهزه وفتحت الباب وخرجت مشيت ف الطرقه وانا بدور زي المجنونه عليه .. عشان افهم ازاي وأمتا قابلتني ممرضه وحاولت توقفني زقتها وجريت جريت بسرعه وخرجت بره المستشفى بدور بعيني ف كل حته ع أمل أن اشوفو ..... شوفتو واقف بعيد مع .. مع واحده ! وبيضحكو ! .... محستش بنفسي غير وانا بجري وصوت العربيه بيدي فرامل قوي وف نفس الوقت امير جه وسحبني بخوف شديد وهوا بيحاول يطمن عليا بس انا نظرتي كانت متعلقه بيهم هما
امير بخوف وعصبيه
_ انتي اتجننتي ازاي تجري كدا ازاي اصلا تخرجي برا المستشفي وانتي ب الحاله دي
بصتله بعين كلها ألم
_ هوا ازاي عمل كدا ازاي قدر يعمل كدا
بصلي بعدم فهم
_ هوا مين دا
زقيته بقهر وبجنون ونا بصرخ بصوتي كله صوت بيحمل الم شديد
_ ازاااايييي ازايييي بعد كل الي عملته دي تطلع النهايه ازاي ازاي بعد كل المعاناه الي حسيتها دي تبقي النتيجه انا مضحتش بكل حاجه عشان عشان الاقي دي النتيجه انا لي بيحصل معايا كدااااا لي ها لي لي كل اما اثق ف حد يخذلني كدا انت ساعدتني لييييي كنت تخليها تدوسني كنت سبتني امو.ت اعيش لييييي وعشان ميييين لما كل الناس الي حبيتها جرحوني وغدرو بيا " كملت بأنهيار شديد " انا السبب الوحيد ي امير السبب الوحيد الي كان مخليني اكمل هوا كمان سابني وبقا مع غيري اعيش لي بقااااا " زقيته بأيدي بقوه وانا بقول " اعيش لي ها خلاص شكرا ي يدكتور انا مش عايزه الحياه دي
سبته وجريت جريت بقوه ودموعي سبقاني
وشقاتي بتعلي وعياط شديد
مكنتش شايفه قدامي
بجري وبس
امير كان بيجري ورايا وكان بيحاول يخليني اقف
_ بالله عليكي لتقفي استني بس فهميني في اي وهنحل الموضوع دا صدقيني ي جويريه اين كان الي زعلك مش هسيبو وهعاقبو بس اقفي ارجوكي .... جويريه اقفي مش هسيبك تمشي كدا
////////////////////////////////////////////
كنت واقف رجلي متجمده مكاني من الحاله الي هيا وصلت ليها مش قادر افهم هيا زعلت لي هيا الي طلبت مني كدا بنفسها كان صعب عليا ابعد واكون مع غيرها بس انا بحاول اعيش
بصيت ع الطريق بخوف شديد وقلق ووجع ف قلبي رهيب
خايف !
ايوا خايف عليها
انا منستهاش ولا قلبي قدر ينساها
انا لازم افهم في اي
لسه همشي لقيت ايد بتمسكني
بصيت لقيتها مريم غمضت عيني بألم وانا بقول
_ سبيني ارجوكي اروحلها
مريم
_ عايز ترجع لنفس الحاله الي كنت فيها احنا مصدقنا انك تتقدم خطوه
بصله بحزن
_ انا عمري م قدرت اتخطاها وعمري م هقدر اعملها ي مريم انتي عارفه انا بحبها قد اي
مريم بحنان
_ايوا بس كنت بدأت تضحك بدأت تخرج دلوقتي انت رجعت لنقطه الصفر من تاني أنت ناسي انك لما جيت هنا كان حالك عامل ازاي
_ مش ناس بس برضو مستحيل اسيبها انا مش عارف هما عملو فيها اي بعد أما مشيت لا مينفعش مينفعش ابدا انا رايحلها عدي ي مريم
سبتها وخدت عربيتي ومشيت بأقصي سرعه
مريم بزهق
_ طول عمرك عنيد ي مهند عمرك م هتتغير ربنا يستر
////////////////////////////////////////////
وقفت عند كوبري عالي طلعت ع الصور وانا مقرره خلاص دي نهايتي غمضت عيني وانا بفتكر بألم لحظاتي معاه
"""
_ يمجنون انت بتعمل اي هنا لو حد شافك هتبقي مصيبه
مهند بضحك
_ هقولهم ملكوش دعوه واحد وواقف تحت شباك حبيبته عشان زعلانه منو ومش راضيه تحن عليه
ابتسمت بغلب
_ طب امشي بقا لحسن والله حد يشوفك
مهند بحب
_ همشي بس قوليلي بحبك ي مهند
بصله بخجل
_ بحبك ي مهند امشي بقا
ضحك مهند بصوتو الرجولي
_ يولا يمكسوف ماشي يستي همشي اهو بس افتحي تلفونك
ضحكت بفرحه
_ حاضر يمجنون
"""
_ شوفي يا جويريه الباب
_ حاضر يا بابا
بصيت بصدمه لما لقيت مهند بلبس عامل دليفري
_ مهند بتعمل اي هنا
بصلي بمشاغبه
_ عايزه بيتزا ي فندم
اتكلمت بضحك
_ بس انا مطلبتش بيتزا
مهند بضحك
_ مش لازم تطلبي
_ امم ماشي يا دودي شكرا ع البيتزا يلا امشي بقا عشان بابا ميعلقناش
بصلي بقرف مزيف
_ دودي بقا ابقي بالطول دا وتقوليلي ي دودي خدي يبت وخشي جوه قال دودي قال
ضحكت غصب عني ف لقيت بابا طالع وبيبصلي بغضب
_ بتعملي اي يبت ع الباب
بصتله بخوف
_ احم لا ابدا انا بس كنت باخد البيتزا خد الفلوس اهي
بصتلي مهند بضحك وهوا بيعدل الماسك وبيقول
_ يفندم انا خدت الفلوس انتي نسيتي ولا اي
بصتله بغيظ وراح نزل خدت البيتزا بسعاده ودخلت اوضتي
"""
مهند بحنان
_ طب انتي زعلانه لي طيب
اتكلمت بزعل طفولي
_ مش زعلانه
مهند بحنان وضحك
_ ياشيخه يعني الصوت المقموص دا مش زعلان
_ اه مش زعلان
مهند بضحك
_ ي بت دي قد بنتي عادي كنت بسلم عليها
قولت بغيظ
_ خلاص ماشي وانا هبقي اسلم علا احمد بن الجيران بقا مهوا قد ابني
قالي بغضب
_ عشان اكون جاي مكسرك انتي وهوا انتي اتهبلتي يبت
ضحكت بصوتي كله
_ بتغيير يبيضه
قال بغيظ ممزوج بضحك
_ بس يمستفزه
"""
فوقت من سرحاني علا امير وهوا بيترجاني انزل
_ جويريه بطلي جنان وانزلي
مردتش عليه
_ جويريه انا بكلمك ردي عليا
_ سبني ف حالي يا أمير
_ طب افهم في اي ومين دا الي بتتكلمي عنو
قولت بألم
_ مهند
اتكلم بصدمه ظهرت علا صوتو
_ مهند صاحبي
_ اه
قال بأستغراب
_ انا مش فاهم حاجه
قولت بحزن
_ مش لازم تفهم خلاص الي حصل حصل انا دلوقتي معتش في حاجه اعيش عشانها
_ لا في ي جويريه انا
لفيت بأستغراب
_ انت ازاي يعني
قالي وبحب ظهر عليه
_ من ساعه م جيتي للمستشفى وانا حاسس بأحساس غريب ناحيتك مع انك جيتي ودخلتي ف غيبوبه وشبه متكلمتش معاكي بس معرفش كنتي حاجه غير اي حد
قولت بصدمه
_ يعني اي
قال أمير بابتسامه
_ يمكن نقول كدا إعجاب وصدقيني انا هعوضك عن اي حاجه وحشه شوفتيها ف حياتك بس انزلي واسمعيني
قولت بحزن
_ لا ي امير مينفعش ارجوك الحق مشاعرك قبل أما تتحول لحب انا منفعكش ابدا ولا انفع لأي حد
_ ازاي يعني
قولت بتوهان
_ انا قلبي لشخص واحد بس وعمري ابدا م هقدر احب غيرو صدقني كدا هتظلم نفسك معايا انا خلاص من ساعه م مهند بقا مع غيري ونساني وانا مبقاش ليا اي حد ف الدنيا دي خلاص
_ طب م انا كنت معاكي ي جويريه وطلبتي مني ابعد عنك حاولت افهم منك في اي ومرضتيش وروحتي اتجوزتي حازم وكسرتيني ببعدك عني
بصتله بألم
_ كان غصب عني
بصلي بحزن
_ مرينا بحجات كتير وحشه اشمعنا جيتي ق الآخر وبيعتي
بصتله بدموع
_ هددوني بقت.لك وكان لازم ابعدك عشان احميك
مهند بصدمه
_ اي !!
نزلت وقعت ع الصور بحزن
_ اه اتهددت لما انت مشيت بابا اجالي وقعد معايا وقعد يهددني بيك وف وسط م انا بتكلم معاه اجالو مكالمه من اخويا أنه شافك ف دولابي مستخبي بس عمل نفسو مخدش بالو وساعتها بابا هدد.ني لو موافقتش اتجوزو ساعتها شادي هيقت.لك وافقت بس قولت يخرجوك الاول وانا هتكلم معاك لما انت اجيت ودخلت واتكلمت معايا اخويا كان واقف ورا الستاره عشان لو عملت عكس الي اتقالي عليه هيقت.لك ف اتطريت اجرحك ب الكلام عشان تبعد عندي كان لازم اعمل كدا عشان تبعد وميحصلكش حاجه لما روحت البيت وكنت عايزه انتقم منهم اخويا خدعني وقالي انو ندم وعايز يصلح الي حصل وانا وثقت فيه وصدقتو بس غدر بيا وخطفني ف مكان عشان أوقع ع الورق واعرفهم المكان الي خبيت فيه الورق والصور الي بيثبت أنهم بيتاجرو ف الاعض.اء ساعتها هددني لو موافقتش ع الي بيقولوه هيقت.لوني وقتها انا دافعت بكل ما عندي عشان متكتبش ع راجل غيرك بس اخويا كان مسلم ودانو لحازم وضر.بني ب النار ههه وساعتها فكرني مو.ت وهربو لما الشرطه اجت وانتقلت للمستشفى ومن ساعتها معرفش عنهم اي حاجه
مهند كان ف صدمه
_ انتي حصلك كل دا وانا الي كنت مفكر انك بعتيني وسمعتي كلامهم ازاي مكلمتينيش تاني وعرفتيني كنت خدتك وسافرنا
_ مكنش ينفع اعرضك لأي خطر انا امو.ت ولا حد يأذيك بس خلاص انت قدرت تنساني وتكون مع حد غيري
قومت وقفت من جديد
_ مقدرش اقولك ربنا يتمملكم بخير ولا اقدر اقولك الف مبروك بس اقدر اقولك ان بتنمنا تفضل بخير وتعيش حياه سعيده
بصلي بخوف وقلق وهوا بيقول
_ لالا انتي فاهمه غلط انا منستكيش والله م نسيتك استني بس اسمعيني
غمضت عيني بألم
_ خلاص فات الاوان متكسرهاش وتسيبها صدقني ي مهند الوحده لما بتتكسر بتتجرح اوي خلي بالك من نفسك
دموعو نزلت وهوا بيقول
_ لا ي جوري لا لا استني
لفيت بوشي للبحر وغمضت عيني
مهند بصريخ
_ جوري لاااااااااااااااااااااااا