مهند بصريخ
_ جوري لاااااااااااااااااااااااا
بصيتله بغضب
_ انا مش فاهمه انت عايز مني اي سيبني ف حالي بقا يهمك اعيش اوي
مهند بخوف وقلق
_ اه يهمني انا بحبك ي جوري ووالله مقدرتش انساكي لسه
قولتله بغضب
_ بتحبني هه بتحبني وانت خاطب انت ازاي كدا بجد
سكت شويه بتفكير وقولت
_ انا مش هرمي نفسي عارف لي عشان اكتشفت أن كفايه اوي كدا كفايه تعبت وقهر لحد كدا كفايه انا عشت سنين ف تعب وعذاب انا من حقي ارتاح
مهند بحزن
_ طب ادينا فرصه نرجع تاني ي جوريريه متهديش الي بينا تاني انا مصدقت أن افوق من الي كنا فيه متعمليش كدا ي جوريريه
اتهندت بحزن ونزلت من علا الصور بحزر ووقفت قصاده بجمود
_ انا مقبلش انك تكسر بنت وتجرحها بسببي خصوصا أن خطوبتك بعد يومين شكلها اي قدام الناس لما خطيبها يسيبها عشان حبيبته الاولنيه
مهند ف محاوله إقناعي
_ يستي أقسم بالله الخطوبه دي كانت تقليديه جدا ولا حبتني ولا حبيتها انتي بس تعالي نقعد واشرحلك متبعديش تاني كدا انتي بتبيعيني للمره التانيه !
بصتله بحزن
_ سعات الظروف بتجبرك تتخلي عن احلامك غصب عنك وبتخليك تاخد قرارات عكس رغبتك بس هيا الدنيا كدا مش ديما بتكون عادله ..
عن إذنك انا لازم امشي .. لازم افوق لنفسي بقا ... انا بقالي سنين ضايعه لازم الاقي نفسي وافوق انا محتاجه افوق بجد سيبوني بقا الحق الباقي من عمري انا بقيت جث.ه ماشيه ع الأرض منغير روح ..
////////////////////////////////////////////
وقفت محتار مش عارف اعمل اي مش عارف اعزرها ع الموقف الي اتحطت فيه ولا اعاتبها انها مش قادره حتا تديني فرصه اشرحلها ..
هيا لي الدنيا قاسيه كدا ...
لي لما بنحلم عمرنا كله بحلم مبنكنش طالبين غيرو..
بتيجي الدنيا وتشوفك بتحبو قد اي وعلا قد حبك فيه ..
بتحرمك منه بكل سهوله ؟
بصيت عليها وانا جوايا صوت بيقولي ..
متسيبهاش ...
حاول مره واتنين وعشره ..
هيا تستاهل ..
تستاهل تحارب عشانها
سيبتها تمشي تاخد وقتها انها تتعافي بس اكيد هكون جنبها منغير متعرف ..
بعد مرور " 6" اشهر ....
_ اي يبني فينك كل دا تأخير الاجتماع بدأ من ربع ساعه وكلنا مستنيينك
مهند بجمود
_ معلش كان ورايا حاجه مهمه
امير بخبث وضحك
_ اه يعم اهي الحاجه دي الي بتجيبك كل يوم كدا متأخر وشغلك الي تعبت تأسس فيه طول الشهور دي هيروح بسبب تأخيرك دا
مهند بأبتسامه وسرحان
_ تغور الدنيا كلها فدا بس أن ابص عليها ولو لنظره والله من بعيد
فوقت لنفسي لما لقيتهم بيبصولي باستغراب اتمالكت مشاعري وقولت بجديه
_ معلش ع التأخير هنبدتي الاجتماع
////////////////////////////////////////////
طلعت علا سلم الشركه بسرعه شديده وانا بنهج متأخره كل يوم متأخره يسواد ليلك ي جوري من البهدله الي هتاخديها النهارده
_ لا حول ولا قوة الا بالله البت اتهبلت وبقت تكلم نفسها
جويريه بغيظ وخوف
_ابعد عن وشي السعادي ي مصطفي لحسن انا هاخد تهذيق لما اقول بس
الموظفه بصوت عالي
_ بشمهندسه جوري المدير عايزك ف مكتبه فوراً
جوري بخوف
_ يلاهوييي مكانش يومك يا جويريه مكانش يووومك
جريت بسرعه علا مكتب المدير وخبطت ع الباب
_ ادخل
دخلت بأرتباك
_ احم ا ا حضرتك طلبتني
بصلي المدير بحده
_ في ملفات تبع شركه من الي بنتعامل معاهم الحسابات فيها أخطاء كتيره وطبعا الشركه بطلت تتعامل معانا لأن الخساره كانت كبيره ي بشمهندسه
قولت بأستغراب
_ بس يفندم انا مبقتش ف مقر الحسابات وزي م حضرتك عارف بقيت ف فرع الهندسه المعماريه والملفات كلها سلمتها للموظف الي جه بعدي وحضرتك اتطلعت ع الاوراق وقولت أن كل الشغل مظبوط وإلا مكانش حضرتك وافقت اكون ف فرع الهندسه المعماريه
المدير بسخريه
_ حضرتك دا الملف بتاعك وانا عشان كنت واثق من كفائتك مراجعتش الحسابات كويس واتفضلي شوفي بنفسك
خدت الملفات بارتباك وانا براجع الملف بتركيز شديد واستغربت جدا أن الملف دا انا فعلا عملتو وخلصتو بس مش بنفس الطريقه دي ابدا لا يمكن يكون دا شغلي !!
اتكلمت بأحترام
_ يفندم لو هتطلع ع الاوراق التانيه هتلاقي أن الشغل الي ف الملف دا وطريقته متغيره جدا غير ملفات شغلي الي سلمتها لحضرتك ودا مش اسلوب شغلي ابدا وخلال الست شهور الي كنت فيهم هنا محصلش ولا غلطه وحضرتك شاهد علا كدا
المدير بهدوء
_ افهم من كدا اي بقا
رديت بقوه وثقه
_ أن دا مش شغلي يفندم واكيد حد قاصد يعمل دا عشان يوقعني بس انا معنديش مشكله اصلح الملف وهتكلم بنفسي مع الشركه وهشرحلهم سوء التفاهم دا بنفسي واوعدك يفندم هلاقي مين الي عمل كدا وهجيبو لحضرتك وهحل المشكله
المدير بهدوء
_ تمم وانا ف الانتظار هثق فيكي يبشمهندسه
قولت بثقه وقوه وانا بستعد للخروج
_ إن شاء الله اكون قد ثقه حضرتك
خرجت وانا بتوجهه لمكتب معين خبطت ع الباب ودخلت
قعدت ع الكرسي بقوه وجمود
_ انت شكلك لسه متعرفش وشي لما حد بيجي عليا بعمل فيه اي
حاتم بتوتر
_ في اي ي جويريه مالك داخله قالبه خلقتك علينا لي
ميلت بنفسي للمكتب بحده
_ اسمي البشمهندسه أو استاذه أو انسه لاكن تندهلي بأسمي وتشيل الألقاب هزعلك
بلع ريقه بتوتر
_ حاضر يبشمهندسه بس خير جايه لي مش عوايدك يعني
سندت ضهري ع الكرسي وانا بحط رجل علا رجل وبقول بجمود
_ تيجي معايا تعترف بالحقيقه لمكتب المدير يأما قسما عظما لاخليك تعيش اسود ايام حياتك بعد أما طبعا تترفد من الشركه دي وطبعا لما كل الشركات تعرف انك اترفدت من أكبر شركه ف الشرق الأوسط ابقي قابلني لو اتقبلت
بلع ريقه بخوف
_ ح حقيقه اي انا معرفش انتي بتتكلمي عن اي
رفعت حاجبي ب بأبتسامه مكر
_ يعني انت متعرفش
_ ا ا اه معر فش
وقفت وعدلت ياقه الشيميز
_ تمم انا مش هضغط عليك بس لما تلاقي نفسك مرفود بتهمه التحر.ش ومفيش ولا شركه تقبلك وباباك الي مريض كانس.ر يعرف أن ابنو بقا عواطلي وطنط يحصلها حاجه بسببك وخطيبتك تسيبك ابقي وقتها اعرف بقا
قام بخضه ورعب
_ بس انا معملتش كدا
بصيت له بحده
_ وانا كمان دا مش شغلي وانت لعبت ف الملف عشان رفضتك وقررت تنتقم بعد أما عرفت أن انتقلت لفرع الهندسه وقررت تخطب واحده ملهاش ذنب عشان بس تغيظني مع انك اصلا ولا تسوي حاجه بالنسبالي فوق كل دا تأذيني ف شغل لا كدا كفايه اوي ولازم تتعاقب وانا الي هعاقبك
بصلي بكره
_ ايوا عملت كدا عشان اكسر مناخيرك الي رفعاها ف السما دي وعلا حب الناس ليكي وانك رفضتيني لعبت ف الورق وقولت ان اخدت الملف منك كدا عشان يطردوكي بس معرفش لي المدير سايبك لحد دلوقتي
ضحكه مكر خرجت مني
_ يعني انت معترف بكدا
حاتم بشماته
_ اه وشوفي انتي مين الي هيوافق يشغلك عندو بقا
انفجرت في الضحك بسخريه
_ قد اي انتا غبي عشان فكرت تيجي ع واحده اتعودت أن متحنش ع حد وقلبها قسي
_ قصدك اي يعني
قولت وانا بقف بثقه
_ ابدا لما المدير يعرف بالتسجيل دا هيعرف بكل حاجه وساعتها انت الي منخيرك هتتكسر مش انا ومحدش هيقبلك
اتنفض برعب وهوا بيقول
_ تسجيل ! انتي كنتي بتسجلي
_ اه كنت بسجل هههه يلا تشااااو
_ استني استني بالله عليكي خلاص هتعرف هتعرف بس متعمليش كدا ابويا لو عرف هيحصلو حاجه هوا تعب عشان يلاقيلي الشغل دا ارجوكي
مهتمتش ..
ومشيت لمكتب المدير وهوا ورايا ودخلت ودقيقه وحاتم جه ورايا بصلي المدير بأستغراب
وقفت بثقه
_ قولت لحضرتك أن انا مظلومه وهجيبلك الدليل اتفضل
اخد المدير التسجيل وسمعو وبص لحاتم بغضب شديد وهوا بيقول
_ انت مرفود وتاخد حاجتك ومشوفش وشك هنا تاني انت سامع ولا لاء
قعد حاتم ع الكرسي بأنهيار
_ والنبي لا انا ورايا أهل برعاهم وأبويا مريض وانا الي بصرف عليهم انا اسف يا جوي... ق قصدي يبشمهندسه والله م هتتكرر تاني
بصلي المدير وقال
_ كدا كدا هشيلك من الحسابات ولو البشمهندسه سامحتك هحطك ف اي مقر تاني
بصيت عليه بتفكير وبعد صمت ..
_ هسامحه بس بشرط البنت الي معاه يسيبها وطلاما شايف نفسك مش راجل وعمال تتصرمح مع كل واحده شويه وبتخونها ومش عارف تكتفي بيها يبقي تحاول تبقي راجل لمره ف حياتك وتسيبها لراجل بمعني الكلمه يصونها ويحبها
حاتم بتوتر
_ بس انا بحبها
قولت بسخريه
_ بتحبها ! وبتخونها وبتكلم عليها مليون بنت ! حب اي دا معلش فين الحب ف كدا انت عارف الحب دا عباره عن اي اصلا عن ثقه وامان واهتمام واكتفاء بالشخص الي بتحبه تقدير واحترام .. الشخص الي بيحب مبيقدرش يشوف حد غير حبيبه الشخص اللي بيحب من قلبه ... تلاقيه مش عايز غيرك بيكون قدامو فرص كتير اشكال والوان بس هيا الوحيده الي بتكون ف بالك وعقلك وقلبك بتخاف عليها وعلا زعلها مبتكلمش غيرها مش عشان هيا هتزعل لا عشان انت مش عايز كدا انت نفسك مش حابب تكلم غيرها بيكون في حب في غيره في اهتمام حجات مبتطلعش غير من عاشق !
لما تلاقي نفسك فيك العبر دي كلها يبقي فعلا بتحب غير كدة انت بتضحك علا نفسك وعليها ...
شرطي هيفضل موجود لحد اما اتأكد أن البنت دي قدرت تخلص من شخص اناني ومريض وتوكسيك ذيك!
مسكت شنطتي ونزلت اتمشيت شويه وقابلت كافي شكله يخطف القلب منظره مبهر الديكور الي يفكرك بأيام زمان الايام الجميله الي كان فيها بركه وحب وامان الورد المزين المكان وصوت مياده الحناوي بيقول
« حبيبي كان هنا، مالي الدنيا عليا
بالحب والهنا...
حبيبي يا أنا، يا أغلى من عينيا
نسيت مين أنا؟
أنا الحب اللي كان، اللي نسيته أوام
من قبل الأوان...
نسيت إسمي كمان...
نسيت يا سلام، على غدر الإنسان»
دخلت قعدت علا ترابيزه قريبه للكاسيت غمضت عيني وسمحت لعقلي يسرح ويفكر وتلقائي جت صورتو ف بالي ابتسمت تلقائي
منكرش انو وحشني ووحشني اسمع صوتو
بس مينفعش خلاص
هوا مبقاش ليا ، مبقاش معايا
بقا مع غيري
يترا بيعمل اي ، يترا اتحوزها !
معقول اكون اتسرعت لما طلبت منو يبعد عني
مكنش نفسي ابعد بس بس كنت ارجع ازاي
وهوا كان شاف حياتو بقا ف حياتو بنت غيري كنت ارجع ازاي
جوايا صراع كبير بين عقلي وقلبي صراع بقالو شهور مش بيخلص مش عارفه انسا ومش عارفه اعيش
قطع تفكيري الويتر
_ تطلبي حاجه يفندم
قولت منغير مابص عليه كنت سرحانه ومش مركزه
_ قهوه ساده
قالي بصوت حَنين
_ القهوه غلط عليكي
بصتله بصدمه بعد أما ركزت في الصوت و و لقيته !!
_ مهند انت !
قالي بحب باين ف عينيه
_ قلب مهند ونور عيني مهند