الفصل العاشر 10
بقلم شفق الغروب
بعد مدة مكنتش بخرج فيها من البيت غير علشان اشتري كتب وراجع تاني...نادر عزمني على خروجة بس قال اننا مش هنبقي لوحدنا وهيعرفني علي صحابوا وكده وانا مرفتش ولبست ونزلت الساعه ٢ بليل من البيت رحت عند اللوكيشن اللي بعتوا ولقيت نادر مستنيني قدام Night Club ومعاه شلة من أربع شباب
معرفش ليه بس قلقت غصب عني
وفضلت وقفة مكاني جوايا حاجه بتصرخ وتقول ابعدي ابعدي بتقربي من جحيم في كل خطوة وحد تاني بيقول ادخلي انتي كده هديقي اهلك زي ما بيديقوكي هتردلهم الصاع اتنين مش كنتي قاسمة انك هتعصي وهتخلي شرفهم في الطين صراع جواها هتسمع كلام انهي صوت فيهم
نادر لما شاف بر مكانها خلي صحابو يدخلوا يسبقوهم وراح عند بر
- بر واقفة ليه كده تعالي ندخل
بر كانت بتضغط علي سننها حركتها لما تتوتر او تتعصب ونادر عارف كده ولما شافها عملت كده كلمها
- متخفيش انا معاكي ومفيش حد هيديقك بس قلت بدل ما بنقعد علي البحر نغير المكان
بر بصت ليه بتفكير واستلمت لوسوسة نفسها كرهها لأهلها ورغبتها في عصينهم تخليها تعمل اي حاجه هتطلق العنان لشيطانها بعد ما حبستوا بمساعدة نادر
دخلت مع نادر ولما دخلت لقت الشباب اعدين مع ثلاث بنات كانو بقيت الشلة ولقيت من ضمن الثلاث بنات جود ....بر لما شافتها افتكرت المشكله اللي عملتها معاها وازاي كانت هتقص شعرها وازاي جرحتها وتوقعت ان جود مش هتبقي طيقة وجودها وفعلا مكنتش طيقاها وباين علي نظرات جود انها نفسها تقوم تقتلها وبر تجهلتها
نادر عرف بر عليهم وبر مكنتش اخده راحتها وحست بالعطش وشافت كوبايه قدمها وكانت هتخدها تشرب منها نادر مسك أديها جامد بسرعه ووقفها:
- بر متشربيش ده !!
قال كده ونسي انها بتاخد الامور بشكل عكسي بر بصتلوا بقرف وزقت ايدو ورفعت الكأس وشربتوا وبعدها بصت لنادر وقالت:
- حد قالك ان في حد بيمشي كلمتوا عليا
نادر قلق لما شفها شربتوا وندم انو جبها هنا وفكر لو حصلها حاجه من اللي لسه شرباه هيعمل ايه
وبعد ساعه كانت بر اعده قدامو مغيبة من الشرب شربت حتي الثمالة
نادر كان واقف متعصب بيزعق للبنات اخدوها منوا واختفوا فجأة ورجعوها بعد ساعة سكرانة ومش شيفه قدمها
- انتو اتجننتو تشربوها كده اموت واعرف انتو ليه اخدتوها من جنبي اصلا ؟؟
جود: في ايه يا نادر مش فهمه انت ليه مكبر الموضوع كده ؟؟
خبط علي الطربيزة وزعق فيها :
- انتي شيفه الموضوع مش كبير..... طيب حليها ازاي ارجعها لأهلها وهي بالحالة الزفت دي ؟
واحدة اتكلمت وقالت :
- متلمناش احنا وتلبسنا غلطتك انت جيبها Night Club ومش عوزها تشرب بعدين احنا اخدنها منك سكرانه...مش هي شربت الكأس اللي قلتها متشربهوش فوقها زي ما كنت هتفوقها في الأول
- اني افوقها من كاس واحد ارحم من المنظر اللي هي فيه وبعدين دي اول مرة تشرب يعني كأس واحد كان كأنها شربت خمسة زي اللي بنشربهم
- خلاص يا نادر وصلها البيت وسبها تطلع لوحدها
- تطلع ايه هي قدرة تقف اصلا دي مش شيفانا
وحدة اقترحت:
- طب اخدها تبات عندي لحد ما تفوق كده كده اهلي مسافرين ومحدش بيسأل وانا لوحدي
- مش هينفع يا ريتال
- طب هتعمل ايه؟ ؟
نادر بص علي اللي مرمية علي الكرسي زي القتيلة وقال :
- انا هتصرف
- هتعمل ايه؟
- هلم المصيبه اللي عملتوها...طلعوها عند عربيتي
وفعلا البنتين نفذو الكلام وسندوها تطلع و جود رفضت تساعدهم
نادر طلع وراهم بس بر بعدت و سندت علي شجرة وأعدت تستفرغ نادر راح عندها ولما خلصت سندها ودخلها العربية ومشي بيها كان بينادي عليها يكلمها وهي مش بترد
بعد مدة مش كبيرة وقف قدام عمارة فتح باب العربية وطلع بر
وجرب يوقفها بس هي كانت فقدت اتزنها تماماً
- لا مينفعش كده سعديني شويه بالله عليكي يا بر
نادر دخل الاسانسير وداس علي الدور الخامس وطلع بيها علي الشقة اللي في الدور ده فتح الباب ودخلها في أوضة النوم نيمها علي السرير وطلع راح البلكونه طلع فونوا واتصل علي رقم متسجل الباقي من عمري
- السلام عليكم
- وعليكم السلام....زينب
- في ايه يا نادر ...وبعدين انت بتعمل ايه بره البيت الوقت ده
- زينب مش وقتوا انا واقع في مصيبه ومحتاجك
اختو بخضة :
- في ايه يا نادر متقلقنيش !!!!!
- تعالي شقة الخامس وانا هفهمك كل حاجه تعالي بسرعه لاني بجد محتاجك
اختو وافقت علي طول لأنها كانت خيفه عليه هو ليه راح هناك هو مش بيدخل الشقة دي من ساعت الحدثة
نادر قفل مع اختوا واتجه علي الاوضة اللي بر نيمة فيها اعد قدمها كان حاسس بالحر بس محبش يشغل التكييف علشان بر متبردش وهو حاسس المروحة هوها مش كافي فا خلع التيشيرت بتاعو وحطوا جنبوا علي الكرسي واقعد علي كرسي قدام سرير بر بيتأملها هو أول مره ياخد بالو من الندبة اللي في جبهتها قام وراح عندها يبعد شعرها عن وشها اعد جنبها يحاول يفوقها اه اللي خلاها تشرب هو كان حرسها بس البنات فجأه وهو بيشرب اخدوها منوا من غير ما يحس ولما اخد بالو حاول يدور عليهم بس معرفش لحد ما جولو بعدها بساعة وهما سندنها كانت الاول اعده تستفرغ و بتخترف في الكلام لاكن بعدها نامت واديها نايمة مش راضيا تصحى ....اففف ندمان انو ودها هناك سعات بيحس انو سبب في سوئها بس هي ضيعا من الاول ما عرفها هو معملش حاجه غير انو مش ببمنعها من انها تعمل حاجه كانت الاول حالة بيشفق عليها دلوقتي بقت جزء من حياتوا مش متخيل حياتو من غير بير اسرارو فكر للحظات وهو بيقرب ايدو من وشها
معقول بيحبها بس لا هو نفسوا اللي يحبها تبقي انسانة صالحة تغير من حياتوا لأحسن تطلعوا من السواد اللي هو عايش فيه وبر عكس كده بر السواد نفسوا حتي هو بيتمني انها تلاقي او تقابل حد يطلعها من ظلالها بس اكيد مش هو ...ان كان هو عايش في ظلال هيعرف يطلعها منوا هو عايز اللي يطلعوا اصلا
كان سرحان وهو باصص عليها وبيفتكر كل حاجه مرت بيها البنت اللي قداموا هل هي عملت حاجه في حياتها علشان تعيش في التعاسة دي من صغرها قد ايه الظلم ده بشع وببغير الإنسان بر كانت قلتلوا انها كانت زمان بتحفظ القرآن الكريم وكانت بتصلي بس امها قالتلها ان ربنا بيكرها فا سابت كل حاجه ليها علاقة بربنا افتكر انو قالها
- بس يا بر مكنتش معناه انك تهجري ربنا
- اسعي ورا حد مش بيحبني هتبقي مضيعة للوقت
- بس مين قالك ان ربنا مش بيحبك امك بتقول كده علشان تديقك
- منا اتأكدت في حد ربنا بيحبوا يسيبوا عايش في الجحيم وهو قادر يسلب روحوا ويريحوا
- فكري في كلامك وارجعي لربنا تاني اللي انتي فيه ضياع
- انا طول عمري ضيعا وملقتش حد يلقيني
ابتسمت وهي بترفع عنيها لي وكملت:
- غيرك يا نادر....بس مش ضمنه وجودك صراحة اخاف اثق فيك واشتريك واتفاجأ انك بايع....ان كان اللي انا من لحمهم بعوني انت مش هتبيع
نزلت عنيها بعيد عنوا واتنهدت وكملت :
- بس انت عارف انا مستعدة اشتري ساعدتي الحبه دول علي الاقل هيبقي فيه حاجه بستطني حتي لو كانت مدة مؤقتة مش احسن ما يفضل كلوا حزن ودموع ولو فارقت وبايع انا تعودت اصلا علي البيع وعلي الوحده فا مش هتفرق وصدقني مش هتنزل مني دمعة عليك لأنك ولا حاجه ومتستهلش دموعي ولا اي حد يستاهل دموعي انا مش ببكي علي اهلي ولا علي تفرقتهم انا في كل مرة ببكي علي حالي وعلي نفسي اصلي بصعب عليا اوي والله حرام اللي بيحصلي ولما ملقتش حد يزعل علي حالي زعلت علي نفسي دموعي دي عليا
قالتها وكانت العبرات نزلت من عنيها تقريبا علشان افتكرت وجعها علي نفسها او فكرة ان نادر يسبها هو مقدرش سعتها يحدد الدموع دي كان سببها ايه
رجع من الذكري دي واتهد من تعب التفكير الوحده بتخلي الأفكار تزيد والذكريات تكتر
وهو اعد بر قامت اعدت وبقت تبكي وتقول كلام مش مفهوم بتبكي بانهيار ونادر بيكلمها مش بترد مش عارف نايمة ولا صحيا ولا ذكري عابرة عدت عليها خلتها تبكي في نومها نادر حط راسها علي صدرو وبدأ يطبطب عليها لعلها تهدي او لو فاقت تتجاوب معاه بدأت تهدي وتسكت تماما نادر بص عليها لقاها نيمة تقريبا ذكري عدت عليها خلتها تبكي كده وهي نايمه وذكري بتوجع من أهلها سمع وسط خترفتها وكلامها اللي مش مفهوم اسم امها ....امها كابوسها الدائم بيطردها ومش بيسبها بيدمر ليها أحلامها وبر مش بمقدورها حاجه لو هربت هتروح علي فين
وهو اعد ورأس بر علي صدرو وهو سرحان سمع شهقة جيا من عند باب الاوضة اتلفت لقي اختوا زينب حطه ايدها علي بقها بصدمة وليها حق صدرو عريان ووحدة اعده في حضنوا مش بتتحرك افتكرت انو نايمها وجبها هنا
نادر بعد بر عنوا بسرعه وقال :
- بالله عليكي ما تفهميني غلط
- نادر...انت ازاي تعمل كده دي تربيتي ليك ليه ؟؟؟ليه ؟؟ تنيم بنت وتجبها هنا علشان شهوتك ورغبتك ؟؟
- انتي مجنونه ايه اللي بتقوليه ده؟
- جيبني علشان اسعدك في جرمتك دي !!
- زِينتيِ ...اسكتي علشان هتوديني في دهيه ؟؟
- يا خسارة تعبك يا ماما في ابنك الوحيد
نادر قال بضيق :
- زينب!!
- بلا زينب بلا بتنجان متجبش اسمي علي لسانك....ليه تعمل كده في بنات الناس مفكرتش فيا الدنيا دواره واللي هتعملوا هيتردلك !
نادر نفخ بضيق يفهمها ازاي دي راح عندها ومسك أديها وبصلها في عيونها بحزن :
- زينب انا جبتك لأنك الوحيدة اللي بثق فيها ...انا محتاجك ؟
زينب قلقت من نبرتو ونظرتوا وحطت أديها علي وشو بخوف :
- مالك يا نادر في ايه ومين اللي نيمة دي ؟؟؟؟
- هفهمك
وبعد مدة مش كبيرة كان زينب اعد مع نادر:
- انت رحت Night Club تاني يا نادر مش كنت وعدتني انك هتبطل!!
- يا زينب مش وقتوا سعديني في اللي نايمة جوه دي !
زينب قامت وراحت عند بر ونادر وراها زينب سألتوا :
- هي اول مره تشرب ؟
- ايوه ...بس شربت كمية كبيرة
- كمية كبيرة!!! نادر انت اتجننت ترشبها بالطريقة دي وهي أول مرة !!!!
- والله ما انا اللي شربتها منا قلتلك هما رجعوهالي كده
- قولي كانت عملة ازاي لما جبوهالك ؟؟
- بصي هي اعتدت تستفرغ ومبقتش حسه بينا وكانت بتخترف وتقول كلام غريب لحد ما فجأة نامت كده
زينب خافت من شارحوا اللي بيشير ان البنت عندها Alcohol Poisoning ( تسمم الكحول )
راحت بقلق قربت من بر وحطت رأسها عند قلب بر تسمع النبضات تنفسها بطئ وشها شاحب شايفها زرقه حطت أديها علي جبين بر لقيت حررتها منخفضة بشكل مرعب صرخت علي نادر يروح يجيب من عربيتها شنطتها الطبية بسرعه واخدت بر علي رجلها بتحاول تفوقها وتقولو مكنتش ينفع تنام مكنتش ينفع تسبها تنام بعد ما فاقت اول مره من اغمئها
نادر اخد مفتاح عربيه اختو نزل فتح العربية لقها حطه شنطتها جنب كرسي السواق اخدها وطلع عند اختوا كانت اعده بتغطي بر باكتر من بطانيه علشان تدفيها اخوها يجيب شنطتها تكشف وتتأكد من تشخصها المبدئي لبر وفعلا كشفت واتأكد ان بر عندها Alcohol Poisoning( تسمم الكحول ) بسبب شربها خلت اخوها ينزل يدور على صيدلية وكتبتلو حاجات محتاجها زي محاليل وريدية ونادر فعلا راح يجيب الحاجات اللي اختوا كتبتها ولما جابها رجع واختو عملت الازم وبعد ساعه كان نادر واقف في البلكونة وهو خال التيشيرت والهوا بيلامس جسموا كأنو بيشيل كل سخونة جسموا يخدها ويمشي
نادر كان واقف بيشرب في سجارتو زينب قامت من عند بره بعد ما كانت اعده بتراقب حالتها وراحت علي البلكونة دخلت واتنهدت بقله حيلة:
- انت لسه بتشرب القرف ده يا نادر؟ ؟
- سبيني اهي حاجه تسليني في وسط الهموم
- بتتسلي بمحرمات الله يا نادر!!!
نادر زفر دخان السجارة من غير ما يرد
زينب اخدت من ايدو السجارة وطفتها في طفاية السجاير وقالت :
- كفايه كده
نادر مهتمش ومد ايدو في جيب البنطلون ياخد واحدة تاني بس ملقهاش
زينب بصتلوا وقالت :
- رمتها متدورش
نادر بضيق :
- مش هتبطلي شغل العيال ده !
- لا مش هبطلوا غير لما تبطل تشرب سواء السجاير او الخمره....وبعدين مش انت كنت واعدني انك هتبطل يا نادر وقلتلي ان مش هتروح للزفت النايت ليه رجعتلوا تاني لا وكمان اخد واحدة معاك لهناك يعني مش مكفيك تعمل لوحدك الحرام لوحدك اخد معاك حد توديه لسكة الحرام
- زينب انا معنديش دماغ هو انتي كل ما تشوفي خلقتي هتفضلي تقولي الكلمتين دول؟
زينب بدموع :
- ايوه يا نادر هفضل اقولك وأنصحك لحد ما حالك يتعدل
- خلاص بقا خنقتيني عرفنا انك الأخت المثاليه اللي بتنصح اخوها ....عرفنا انك بتحولي تخدي مكانها وانك مخلية بالك على اخوكي الوحيد...خلاص انا زهقت منك انتي مهما حاولتي عمرك ما هتبقي زيها يا زينب ولا عمرك ما هتخدي مكانها انتي وهمه نفسك بالقوة وانك عادي وانتي بتتألمي لحد دلوقتي من فراقهم متمثليش متعمليش عليا انك الأخت الكبيرة اللي مستحملة سواء اخوها واللي اخده دور الام مفيش حد هياخد دورها او دور اي واحد فيهم
كان بيزعق فيها والعبرات علي وشوا وبعد ما خلص كلاموا طلع من البلكونة بضيق واخد تشرتوا ونزل يمشي في الشارع بضيق وخنقه هو كان مخنوق من الشقه دي من الاول وطلع خنقتوا في اختوا
الذكريات اللي في المكان ده اقوي منوا هو مش مستحملها مدايق اعد يلف نص ساعة وهو بيفكر ومدايق من كلاموا لاختوا اللي اكيد اعده تلوم نفسها هي ديما بتلوم نفسها علي غلاطتوا حتي لو هي ملهاش علاقه بيها هي ديما شيلة همو وبتعاقب نفسها بدالو
راح نادر سوبر ماركت واشتري الشكولاته المفضلة ليها ورجع علي الشقة رغم انو مش عايز يقعد فيها دخل ولقاها زي ما توقع اعده تعيط وتكلم في صوره لاهلهم
نادر قرب منها بحنيه ونزل لمستوى الكرسي بتعها ومسك أديها وقال :
- انا اسف يا زينِي
مفيش رد واختو اعده تبكي اكتر قام واخدها في حضنوا وهو بيطبطب عليها
- علشان خاطري متعيطيش انا اسف والله مكنش قصدي ابقا سبب في دموعك
- .......
- طب اعمل ايه علشان زينِي متزعلش؟
- ......
- ردي عليا طيب متقلقنيش عليكي وتكرهيني في نفسي اكتر
- ن ن نادر انا مش قصدي اني اديقك بس انا خيفه عليك من النار عذاب النار مفيش حد يقدر ييتحملوا ...خيفه نتجمع كلنا في الجنة من غيرك
- عارف انك خيفه عليا
- طب ليه بتعمل كده ...ليه بتعمل الغلط وانت عارف انو غلط واخرتها القيك جيبني علشان اعلاج بنت من اللي انت في علاقه محرمة معاهم
- ممكن تقفلي علي الموضوع ده
- لو كل مرة هكلمك عن غلطاتك وعن الحرام اللي بتعملوا اقفل الموضوع ازاي هتصلح ....عوزني اشوفك بتروح مني واسيبك ....ماما لو كانت موجوده كانت هتزعل مني علشان سيباك
- ربنا رحمها قبل ما تشوف ابنها الوحيد كده
- نادر اوعدني انك هتبطل شرب هتبعد عن السكة اللي ماشي فيها
- اوعدك بحاجة انا معرفش هتحصل امتي او هتحصل ولا لا
زينب بعدت عنوا وبصت ليه وقالت بصوت مخنوق بالدموع:
- يعني انت مش هتبطل؟؟!!!
نادر بصلها وابتسم وهو بيحاوط وشها بين أديها :
- لا يعلم الغيب إلا الله
- نادر!
- اقفلي علي الموضوع ومتشغليش بالك اللي مكتوبلي هيحصل ....مهمتك عقبال ما يحصل المكتوب انك متتعبيش نفسك بالتفكير او تلومي نفسك ولا تخلي دموعك تنزل علي واحد زي
- انت احسن حد متقولش كده
نادر ابتسم ليها وباس راسها وقام هي ديما يتنصحوا ديما جنبوا مستسلمش ومش بتستسلم
نادر راح علي الاوضة اللي بر فيها وزينب كانت وراه
قالها وهو باصص علي بر :
- هتفضل نيمة كده كتير؟؟
- لا ان شاء الله بكرة تفوق وهتبقى كويسة بس هتعاني من شوية اعراض كده بس عادي يعني مش هتبقي مشكله
- هتباتي معاها هنا ؟
- امال هسيبك معاها تختلي بيها وتبقي أنت وهي والشيطان ثالث في جلستكم
- انت عرفه أني استحالة اعمل كده
- ما هو مش هيبقي بمزاج وممكن متفقش غير بعد ما تغلط ما هي دي مهمة الشيطان...انت متعرفش قصة الراهب برصيصا؟
- عرفها
- بس شكلك نستها تعالي احكيلك
- مش عايز
زينب قالت وهي بتسحبوا :
- تعالي بس السهرة طويلة وهنزهق
وفعلا اخدتوا ونادر حط راسو علي رجلها وهي بتحكي عن قصة برصيصا وانو كان راهباً عابداً يخاف الله عز وجل ، اعتزل في صومعة يتفرغ للعبادة وفي يوم جالو ثلاث اخوه كانو عوزين يروحو للغزو، وكان عندهم اخت جميلة فا رحولو وقالو :
" يا راهب ، عندنا اخت ، ونخشي ان نتركها وحدها ، فارعها لنا "
في الأول اتردد بعدها وافق كان بيحط ليها الاكل علي باب صومعته من غير ما يكلمها او يشوفها بس وسوسة الشيطان وخلاه يتكلم معاها ويقرب منها واحدة واحدة وبقي يقرب اكتر لحد ما وقع في الفاحشة بعدها البنت حملت منوا ،فخاف ان امرو يتكشف وبعد ما كان راهب عابد الله يبقع في فاحشة ويخسر احترام الناس ليه وقدرو العالي عندهم ، الشيطان وسوس لي انو يقتلها علشان ميتفضحش و فعلا قتلها ودفنها
لما رجع اخوتها الشيطان قلهم في المنام عن اللي عملوا الراهب برصيصا فيها فا دورو لحد ما لقوا اختهم مقتولة واتقبض علي الراهب وأقيم عليه الحد وهنا جاء الشيطان للراهب وقالو:
" انا الذي اوقعتك في هذا ، فإن كفرت بالله ويجدت لي ، انقذك "
والراهب سمع كلام الشيطان واول ما عمل كده قبض الشيطان علي روحه وهو كافر
والقصة دي اتذكرت في ايه في سورة الحشر
( كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ )
قولي بقا يا استاذ نادر الدروس المستفادة من القصة
- لازم ؟؟
- ايوه ...يلا ؟؟
- ان المعصية مش بتبدأ كبيرة العكس بتبدأ صغيرة وبعد كده بتفضل تكبر زي برصيصا لما بدأ يبص عليها وبعدها الكلام معاها و بعدها لمسة من أديها لحد ما وقع في الفاحشة
- اممم واه تاني؟ ؟
- انتي ليه مش مصدقه اني حفظهم مم ساعة امي الله يرحمها
زينب بصتلو بصة أمهات معنها هتكمل ولا اقملك وقالت :
- كملللل؟
- الثقة الزيدة بالنفس ونسي الاستعاذة زي برصيصا اتغر بنفسوا وعمل نفسوا محصن وانو استحالة يعمل حاجه غلط وفي الاخر وقع في اكتر من غلط
- اممم ...كمل ؟
- لا كملي انتي بقا ...انا تعبت وعايز انام
- هتكمل ولا اقملك؟
- تقميلي ايه ده انتي بتقفي بفتكرك لسه اعده انتي معدتيش دراعي انتي حبل الكذب أطول منك انا معنديش طولت بال بس بالي أطول منك
- متتنمرش علي اختك الكبيره يا ندورتي
- حاضر يا اختي الكبيره
زينب ابتسمت وقالت بحنيتها الامومية :
- يلا ادخل نام وانا هقعد مع بر
- هو انتي معندكيش شغل بكره في المستشفى؟ ؟
- عندي
- وهتفضلي سهرانه مع بر وتروحي الصبح مطبقة !!!
- ايوه ...شفت عميلك مشقياني ازاي ( قالتها بمنغشة وهي بتضحك)
- لا انا هسهر معاها روحي انتي علشان شغلك بكرة
- قلتلك مش هسيبك معاها لوحدكم الشيطان شاطر وانت متعرفش ممكن ايه اللي يحصل وهي نيمة ومش حسه بالي حوليها ولوحدكم كمان ..انت لو قاصد تظبطها للشيطان مش هتعملها كده
- طب نامي انتي جنبها وانا هسر ولو حسيت انها بتحصلها مضعفات هصحيكي
- يا حبيبي متقلقش انت روح نام وانا هقعد معاها وبعدين انا متعوده على التطبيق كنت بطبق في المستشفى وانا براقب احدي الحالات
- لا نامي ومتنهديش بقا
قال كده وقام اخدها في الاوضة اللي فيها بر وقلها :
- نامي جنبها وانا هقعد هنا ارقبها وعلشان تبقي مطمنة اننا مش هنختلي انا وهي
- متأكد يا نادر مش هتنام
- متخفيش بقولك
- يا ستير يارب
قالت كده وهي بتخلع حاجبها الساتر تماما وتعلقو وتحط الدبابيس علي التسريحه وبعدها فردت نفسها جنب بر ونامت
تاني يوم كان نادر نايم علي الكرسي وزينب بصت عليه بخيبة امل وهي بتقول لنفسها :
" كنت متأكدة انك هتنام "
قامت وغسلت وشها وجهزت نفسها انها تنزل راحت عند نادر تصحيه بس مصحاش اتنهدت بتملل وهي بتمت وهي بتمسك ازازة الميه :
" انا غلطانة اني بجرب اصحيك زي الناس انت مش بتصحي غير بالطريقة دي "
قالتها وكبت ازازة الميه عليه ونادر قام مفزوع وهي بتتريق عليه وتقلد كلاموا اللي كان قالو ليها :
- متخفيش مش هنام نامي انتي بس وانا هفضل صاحي ... ده انت اول ما اعدت علي الكرسي نمت
نادر قال وهو بيمسح وشو من الميه بنعاس :
- لا ده انا غفلت حبه بس
- غفلت ست ساعات امال لو نمت هتنام ست قرون !!
نادر ضحك بنعاس وهي ابتسمت وقالت قوم اغسل وشك وفوق كده وتعالي افطر قبال ما اعملك قهوة ليكون مفعول الشرب بتاع امبارح لسه موجود
- اه بالله عليكي قهوة علشان عندي صداع مش قادر
- طب قوم افطر انا جبتلك سندوتشات بره علشان متشربش القهوة علي الريق كده
قالت كده وراحت تحضر ليه القهوة علشان لازم تنزل تروح لجدتها الاول تاخد شور وتغير هدومها وبعدين المستشفى كانت عيزا تشرحلوا بر لما تصحي هتحس بايه ويعملها ايه
نادر قام وبص علي البر اللي نايمه وقال موجهه كلاموا ليها :
- قومي بقا ...مينفعش تفضلي نيمة كده كتير ...عوزين نلاقي حجة تقوليها لأهلك
ومشي راح بفطر وزينب عملت لي القهوة وشربها وبدأت تقولو ان بر اول ما تفوق هتحس بصداع شديد أشد من صداع السكر العادي وهتبقى ديخة ومعندهاش اتزان هتلقيها عندها صعوبة في التركيز فقدان ذاكرة جزئي مش هتفتكر اي حاجه حصلت وقت سكرها هتبقي نعسانه وعندها إرهاق عام وشرحت كل الأعراض كاملة وقالت تشربها ميه كتير او ما تفوق لان هيبقي عندها فقدان سوائل وتاكلها حاجه خفيفة ولو مقدرتش تستحمل الصداع أديها مسكن **** وادتو علبة المسكن وخليها ترتاح متتحركش هتبقي عوزاه تستفرغ وده شيء عادي
قالتلو كل حاجه ونادر حاول يركز مع كلامها ولما خلصت قامت وكانت هتمشي وفي آخر كلامها قالت :
- نادر خليك اعد بعيد عنها يعني هي نيمة في الاوضة خليك اعد بره افتكر الراهب برصيصا ازاي الشيطان اغواه انا لو عليا مسبكش معاها لوحدكم بس مطرة
نادر مسك أديها بصلها يطمنها واتكلم:
- والله ما تخافي ولا تشغلي بالك...انا كل ما بفكر في حاجه زي كده بشوفك مكانها وبتخض وببعد ووعد مش هقعد معاها طول ما هي مغيبة علشان مفكرش استغل نومها واعمل حاجه
زينب اتنهدت بطمأنينة وقالت :
- ماشي انا وثقة فيك
واتجهت نحيت الباب تمشي بس نادر تقدم وقالها :
- تعالي هوصلك
- لا والبنت هنسبها لوحدها
- مش انتي كشفتي عليها وهي كويسة وهي كده كده نايمه ومش هتصحي دوقتي اوصلك وهرجع بسرعه وانا عايز اجيب هدوم علشان اخد شور وانا كنت هنزل اشترلها اكل فتعالي معايا بالمرة
زينب وافقت بما انو كان رايح البيت يجي هدوم فا ليه لا
وفعلا نزلو وراحو علي بيت جدتهم اللي هما عيشين معاها فيه
___________________________
في ريحة طيبة طغية علي المكان مش عرفه تحدد هي ايه بس ريحة جميلة جميلة بشكل تخليك تدمنها بستان كبير جدا متعرفيش تشوفي نهيتوا أخضر خلاب فاتن الجمال..
بس ثواني بر مش اول مره تشوف المكان الخلاب ده شفتوا قبل كده هي متأكدة لفت وراها وشافت نفس الجحيم اللي فكراه ولقت نفسها وقفة في النص بين البستان الخلاب والجحيم رجعت نظرها للبستان تاني ناقص حاجه في حاجه نقصة بدأت تدور بعنيها وهي بتبص حوليها وهي بصة سمعت صوت جي من احدي أماكن البستان بيقول :
- بتدوري علي مين اللي بتدوري عليهم مش هنا يا بر
بر اتصدمت وبصت نحيت الصوت شافت شابة في نفس سنها تقريبا كانت مستغربه هي ازاي عرفت اسمها بر نطقت بتردد :
- انتي مين؟؟!!
البنت ابتسمت ابتسامة بهتة وقالت:
- ذكري ....انا ذكري
ذكري كملت بدموع :
- شفتي اللي كانت بتجري وتلعب عرفه دي مين ؟؟
بر هزت راسها بالنفي
- دي بنتي
وقامت طبطبت علي بر وبصتلها بحزن وقالت:
- خلي بالك عليها يا بر واسمعي كلامها وافتكري القصص اللي هتحكيهالك وانها موعظة وذكري للمؤمنين
بر رفعت عنيها تشوفها هي مش فهمه حاجه ومين دي اصلا بس ملقتهاش واختفي كل شيء وفجأة لقت نفسها في مكان... دي مقابر!!! هي بتعمل ايه هنا في الظلمة دي بصت حوليها وهي تيهه لقيت ست اعده جنب قبر راحت عندها تشوفها بس اول ما قربت منها ووقفت جنبها بصت لبر بابتسامه طيبة وشورت ليها علي القبر ولقيت مكتوب بالحرف الواحد
﴿وَأَقِمِ الصَّلَاةَ طَرَفَيِ النَّهَارِ وَزُلَفًا مِّنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ ۚ ذَٰلِكَ ذِكْرَىٰ لِلذَّاكِرِينَ﴾
ذكري!!!!!
سرحت في الايه بس حست بحد بيلمس أديها ويحط جوها حاجه بصت علي الست بس كانت اختفت بصت علي أديها لقت مصحف!!!!
فتحتوا وكأن الصفح مظبوطة علي انها تجيب الصفحة دي اول ما فتحت عنيها مجتش غير علي ايه واحدة كأنها مشفتش غيرها
﴿هُدًى وَذِكْرَىٰ لِأُو۟لِى ٱلۡأَلۡبَـٰبِ﴾
مين ذكري !!!
ومين الست دي واه علاقتها بالطفلة دي ومعنها ايه الآيات دي وازاي ذكري عرفت اسمها
غمضت عنيها من تاني بتقل بس المرة دي رجعت بين البستان والجحيم سمعت صوت صراخ عالي جي من نحية الجحيم في شخص جوه الجحيم بيتحرق وجلدو بيذوب ويرجع تاني كأنها دوامة ملهاش نهاية بر اترعبت من المنظر الشخص باصص عليها وهو بيبكي وكأنو بيحزرها بس مفيش صوت صوتو مش واضح تماما
دموعها بتنزل من مجرد رأيه المشهد وهي واقفه دموعها نزلة حست بحد مسك أديها وصوت بيقول :
- الحقي نفسك قبل فوات الأوان
بر بصت جنبها شافت واحدة لأول مرة تشوفها وكانت لسه هتسأل تلحق نفسها من ايه ؟؟!! بس كان كل حاجه اختفت رجع السواد سواد قاتم بصت حوليها لعلها تشوف النور اللي شفتوا اول مرة بس ملقتهوش
اعدت وسط الظلام تبكي لقت نفس صوت البنت اللي قالت الحقي نفسك قبل فوات الأوان سمعت صوتها بيقول : الحقي نفسك واللحقيه معاكي قبل ما يفوت الوان يا بر
هو مين !! وتلحق نفسها من ايه !!
بس بدأت كل حاجه تلاشي ونور بيجي علي عنيها يصحيها من النوم ومع استيقاظها بتتلاشي كل حاجه في الحلم