الفصل الحادي عشر 11
بقلم شفق الغروب
في ريحة طيبة طغية علي المكان مش عرفه تحدد هي ايه بس ريحة جميلة جميلة بشكل تخليك تدمنها بستان كبير جدا متعرفيش تشوفي نهيتوا أخضر خلاب فاتن الجمال..
بس ثواني بر مش اول مره تشوف المكان الخلاب ده شفتوا قبل كده هي متأكدة لفت وراها وشافت نفس الجحيم اللي فكراه ولقت نفسها وقفة في النص بين البستان الخلاب والجحيم رجعت نظرها للبستان تاني ناقص حاجه في حاجه نقصة بدأت تدور بعنيها وهي بتبص حوليها وهي بصة سمعت صوت جي من احدي أماكن البستان بيقول :
- بتدوري علي مين اللي بتدوري عليهم مش هنا يا بر
بر اتصدمت وبصت نحيت الصوت شافت شابة في نفس سنها تقريبا كانت مستغربه هي ازاي عرفت اسمها بر نطقت بتردد :
- انتي مين؟؟!!
البنت ابتسمت ابتسامة بهتة وقالت:
- ذكري ....انا ذكري
ذكري كملت بدموع :
- شفتي اللي كانت بتجري وتلعب عرفه دي مين ؟؟
بر هزت راسها بالنفي
- دي بنتي
وقامت طبطبت علي بر وبصتلها بحزن وقالت:
- خلي بالك عليها يا بر واسمعي كلامها وافتكري القصص اللي هتحكيهالك وانها موعظة وذكري للمؤمنين
بر رفعت عنيها تشوفها هي مش فهمه حاجه ومين دي اصلا بس ملقتهاش واختفي كل شيء وفجأة لقت نفسها في مكان... دي مقابر!!! هي بتعمل ايه هنا في الظلمة دي بصت حوليها وهي تيهه لقيت ست اعده جنب قبر راحت عندها تشوفها بس اول ما قربت منها ووقفت جنبها بصت لبر بابتسامه طيبة وشورت ليها علي القبر ولقيت مكتوب بالحرف الواحد
﴿وَأَقِمِ الصَّلَاةَ طَرَفَيِ النَّهَارِ وَزُلَفًا مِّنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ ۚ ذَٰلِكَ ذِكْرَىٰ لِلذَّاكِرِينَ﴾
ذكري!!!!!
سرحت في الايه بس حست بحد بيلمس أديها ويحط جوها حاجه بصت علي الست بس كانت اختفت بصت علي أديها لقت مصحف!!!!
فتحتوا وكأن الصفح مظبوطة علي انها تجيب الصفحة دي اول ما فتحت عنيها مجتش غير علي ايه واحدة كأنها مشفتش غيرها
﴿هُدًى وَذِكْرَىٰ لِأُو۟لِى ٱلۡأَلۡبَـٰبِ﴾
مين ذكري !!!
ومين الست دي واه علاقتها بالطفلة دي ومعنها ايه الآيات دي وازاي ذكري عرفت اسمها
غمضت عنيها من تاني بتقل بس المرة دي رجعت بين البستان والجحيم سمعت صوت صراخ عالي جي من نحية الجحيم في شخص جوه الجحيم بيتحرق وجلدو بيذوب ويرجع تاني كأنها دوامة ملهاش نهاية بر اترعبت من المنظر الشخص باصص عليها وهو بيبكي وكأنو بيحزرها بس مفيش صوت صوتو مش واضح تماما
دموعها بتنزل من مجرد رأيه المشهد وهي واقفه دموعها نزلة حست بحد مسك أديها وصوت بيقول :
- الحقي نفسك قبل فوات الأوان
بر بصت جنبها شافت واحدة لأول مرة تشوفها وكانت لسه هتسأل تلحق نفسها من ايه ؟؟!! بس كان كل حاجه اختفت رجع السواد سواد قاتم بصت حوليها لعلها تشوف النور اللي شفتوا اول مرة بس ملقتهوش
اعدت وسط الظلام تبكي لقت نفس صوت البنت اللي قالت الحقي نفسك قبل فوات الأوان سمعت صوتها بيقول : الحقي نفسك والحقيه معاكي قبل ما يفوت الوان
هو مين !! وتلحق نفسها من ايه !!
بس بدأت كل حاجه تلاشي وتشوف نور جي علي عيونها خالها تفتحها
فتحت عيونها بثقل فضلت حاولت تقوم بس جسمها مش مساعدها وبعد محاولات في انها تقوم قامت وأعدت علي السرير وهي مسكة رأسها بألم بتحاول تفتكر حاجه هي كانت لسه شيفاها هي حلمت بايه هي نسية الحلم بس هو جواها الخوف اللي كان في الحلم هي حسه بيه بس عجزة انها تفتكر الحلم المشاعر اللي حيتها صحيت وهي حساها بس مش فاكرة عاشتها ازاي او ليه ...كانت عوزاه تعرف هي خافت ليه ...ليه صحيت قلبها مقبوظ بالشكل ده ليه صحيت حزينة و مخنوقة مكنتش قدرة تفتكر في حاجه بسبب صداع رأسها اللي هيفتك بدمغها لدرجة انها عوزاه تصرخ من الوجع صداع غريب اول مرة تحس بيه كده بصت جنبها لأنها ديما في اوضتها بتحط جنبها مسكن ولاكن لما بصت علي الكمودو مش موجود بصت حوليها بتيه دي مش اوضتها!!!!
هي فين وازاي جت هنا هي مش فكرة حاجه مش فكرة اه اللي حصل امبارح
حطت أديها علي معدتها هي حسه بنار جواها وريقها ناشف بتحاول تركز بس تركزها ضايع حسه انها عوزاه تنام تاني عندها نعسانة كأنها عمرها ما نامت في حياتها حاولت تقوم من علي السرير بس وقعت علي الارض مش قدرة تقوم ديخة حسه انها عندها غثيان وعوزاه تستفرغ
ايه اللي هي عيشة فيه تنادي علي مين هي متعرفش هي فين فضلت علي الارض مش قدرة تقف حتي غمضت عنيها بثقل ونفسها بتصرخ:
" قومي يا بر متنميش لازم تمشي دلوقتي قومي...."
دموعها نزلت وهي حسه بعجزها
فضلت مكانها وبعد عشر دقايق كان باب البيت بيتفتح نادر دخل البيت واول ما شاف بر اعده علي الارض جري عليها وراح عندها يشوفها لما راح عندها بدأ يسندها تقوم بر رفعت عنيها ليه وقالت بصوت مليان بالدموع كأنو جه نجدها من جحيم هي فيه :
- نادر
- معاكي يا بري
- نادر انا بموت
- متقوليش كده بعيد الشر عنك...ده تعب بسبب اللي حصلك امبارح
بر مسكت رأسها بألم ونادر قام يجيب ليها ميه تشرب لازم تعوض كل السوائل اللي هتفقدها زينب قلتلو كده
بر كانت بتتألم حولت تجمع كلاموا واستوعب اللي قالو امبارح!!!!
يعني هي من امبارح بره البيت أهلها هيعملوا فيها ايه ؟؟!!
لا شعوريا قمت من علي السرير بفزع اهلي هيقتلوني انا بره البيت مم امبارح قمت وانا بسند علي الحائط علشان اقدر امشي نادر شفني وجري عليا سندني وقال :
- بر ريحا فين انتي تعبانة مش هتقدري تمشي
- مينفعش يا نادر ...مينفعش لازم اروح
- طب هاجي اوصلك
- لا ...بلاش مش هينفع تيجي في وضح النهار كده
- خلاص هطلبلك أوبر
وفقت لأني مش قدرة احافظ على توزني وجسدي كلو بيئن من السقم رجلي مش شيلاني وغير الصداع اللي حسه اني هموت من وجعوا
استنيت الاوبر ولما جه نادر نزلني ووصي السواق عليا وانا كنت سندة علي الشباك بحارب الالمي انا معرفش ايه اللي حصل ولا فكرة حاجه عن امبارح كأن اليوم اتمسح من ذاكرتي بس اللي حسيتوا كانت ايد حنينة بتتحط علي رأسي وطبطب عليا ده شعور عمري ما هنساه لاني كنت اول مرة احسوا وصلت البيت ونزلت من الاوبر قدام البيت بالضبط كانت مهمتي اني اطلع سلمتين وادخل الاسانسير بس
ورغم سهولة الموضوع الا اني كنت حسه اني بعمل معجزة الموضوع كان صعب وشاق العرق مالي وشي وايدي بسند بأيدي المرتعشة علي الحائط علشان اقدر امشي حسه اني عوزاه استفرغ دوخة وصداع تقريبا ده تاني أصعب شعور بيعيشو بعد الظلم كنت بقول امتي هوصل.... ليه الطريق لشقتنا بعيد مع اني دخلة العمارة وقدامي خطوتين للسانسير حسه الوقت بطئ انا حرفيا في اسوء حالاتي الصحية انا بموت بالبطئ ضربات قلبي مش منتظمة ورغم كل المعاناه لازم ارجع ...هرجع ومعرفش ايه مستنيني في البيت
وبعد محاربة لآلمي ووجعي والسقم وصلت انا قدام الباب مكنتش قدرة افضل ادور علي المفتاح في الشنطه فا خبطت وحسه ان مع كل خبطة بتتكتب كلمة من الآلم
سقم ....برد.....دوخة ....صداع ....ده موت بطئ ده ولا ايه بتعذب قبل ما تطلع روحي
رنيت الجرس تاني انا مش قدرة أقف خلاص مش عوزاه غير الراحة عوزاه انام انا بجد تعبانه ومش قدرة حتي أقف
بعد دقيقه عدت كأنها سنة الباب اتفتح كانت امنيتي اللي يفتحلي مالك او ملوك مش ابويا
- كنتي فين يا هانم ؟؟
بر حطت شنطتها علي السفرة وكانت دخلة اوضتها تاخد المسكن هتمووووت من الوجع
قبل ما تدخل ابوها وقافها بغلظة:
- انا بكلمك يا زفته
قالت بدموع من الوجع :
- يا بابا انا تعبانه سبني ادخل استريح
كانت لأول مرة من مدة كبيرة تقول بابا وبدل ما يدرك ان بنتو بتتألم ويسعدها ويقف جنبها وبدل ما قلبوا يحن من كلمة بابا طلع قلبو مات من نحيتها ومهتمتش لشكلها وشها الأصفر اللي كان علامة واضحة للملاء انها مش كويسة مهتمش لوجعها ونفرها
- بلا بابا بلا زفت ردي علي سؤالي كنتي فين يا زباله؟
- ارجوك سبني ادخل الاوضة انا بموت
- موتي واهو نخلص منك
قال كده وهو بيروح ياخد المفتاح من باب الاوضة المقفول وبص ليها بنصر وقال :
- اوض مش هتدخلي وخليكي هنا حتي لو هتموتي مش هتدخليها
بر مقدرتش تستحمل واستجمعت قوتها علشان تتكلم وقالتلو ودموعها في عيونها :
- بقولك هموت ...هموت ...للدرجه دي حياتي رخيصه عندك ...انت ليه بتعمل معايا كده انا عملت ليك ايه ؟ انا ذنبي ايه ؟ زنبي اني اتولدت لقيت نفسي وسطكم لو مكنتوش عوزني كنتوا رمتوني لأي ملجأ اي مكان هيبقا احسن من القعده معاكم ....انا بسببكم بقيت بحسد اليتيم علي حياتو ...اتمنيت اليتم ....انجرحت منكم وكملت ...ضرب وإهانة وقرف ظلم وزل انتو عملين نفسكم طقيين وبتخافوا ربنا ...مفيش حد بيخاف الله يعمل اللي بتعملوا ...انا كرهت ديني وعقدتي وربي بسببكم ...انا شيطان انتو اللي صنعتوخ ورجعين تشتكوا من افعالو.....!! طب ليه عملتوه من الاول انا متولدتش عاصية بس انتو اللي صنعتوا عصياني ...انا متولدتش وحشة بس انتو اللي صنعتوا مني وحش.....انا متولدتش مريضه او مختلة بس انتوا اللي خلتوني افقد عقليتي.......انا متولدتش متذندقه بس انتو اللي صنعتوا ذندقتي انتو سبب كفري الباطني انتو اللي صنعتو ذندقتي ...
قطعني من كلامي قلم نزل علي وشي حسيتو شل كل اطرافي من الصدمة يعني بدل ما تحن تخليني ائن...سمعت صراخوا عليا :
- احنا ملناش دعوه بكفرك انتي بنت عاق ملحدة بتشكك بوجود اللي خلقها وخلقني اطلعي بره بيتي يا كافرة انا بيتي طاهر متدخلهوش نجسة زيك
ابويا طردني !!!
ده بجد ولا بتضحكوا عليا قولو انو مقلب قولو انو مطردنيش بصيت حوليا في حد امي من بعيد بصة بتأمل جمال اللحظة لحظة طرد بنتها من البيت ابويا مسكني من دراعي ورماني بره الباب
كل الأبواب اتقفلت في وشي كده مش حرام عليكم
كان نفسي اعاتب بس لو عتبت السطور مش هتكفي تكتب كم اللوم والعتاب كان نفسي اقولو ان كفري اللي هو بيقول عليه ده هي أكبر سبب فيه بيلموني ليه وانا من اول ما شفت الدين علي ايد امي كان عسر مش يسر كان وجع وضرب كان كره تقولي رينا بيكرهك ...وانا طفلة طبيعي هصدق كلمة امي هتقولها هي اكيد اعلم مني بس مع الوقت اكتشفت ان في أمهات لا تصلح انها يتقال عليها ام ...بيقولو الام نبع الحنان وانا امي كان نبع الآلآم
نزلت من البيت وانا تيهه لاحبيب ولا قريب ولا اي حد يقرب حتي لو من بعيد ..ولا ملة ولا دين وحسابي عسير يوم الدين
اد ايه يا حياة انتي وحشة تكسريني كده دموعي زهقت من نزلها نزلت وانا بسند بالحوائط اللي سندتني في وجعي وألمي اكتر من اهلي
نزلت وانا مخنوقة حسه الدنيا داقت بيا وزيادة علي كل ده السقام اللي ماسك جسمي والصداع الفتاك لما نزلت لقيت الاوبر اللي جيت بيه معرفش ايه اللي وقفوا ممكن نادر قلو يستنى شوية يتأكد اني وصلت ملقتش قدامي غيرو ركبت معاه لأني مش قدرة امشي ده اللي هو حرفيا
فضل سايق بينا ولما يسألني علي فين يا آنسة اقولو ابعد نقطة عن هنا ابعدني ...ابعدني وخلاص
فضلت مشية العربية لحد ما بعدت فعلا بصت معايا ملقتش شنطتي نسيتها بس لحسن الحظ كان معايا اخر فلوس في جيبي حسبت بيهم ونزلت اروح فين ولا اجي منين اعدت علي الرصيف حتي فون مش معايا كان جوه الشنطه وابويا رماني بهدومي انا في منطقة اول مره أجي فيها فعلا السواق سمع الكلام وبعدني طب وبعدين؟؟؟
ايه اللي هيحصل هعمل ايه ؟ هو ليه الجو برد كده ليه ضربات قلبي بتقل تدريجيا هموت بالشكل ده كان نفسي بعد الحياة المريرة دي اموت بطريقة حلوة مش اموت في الشارع وانا مطروده من البيت
بحاول اقاوم اقاوم اني اغمض عيني بس ثواني في ايد بطبطب عليا ايد حنونة بصيت بعيني اللي كانت هتقفل خلاص جنبي ملقتش حد بس انا في حد بيطبطب عليا حضنوا حنين بس مفيش حد ....سندت رأسي علي العمود اللي اعده جنبوا بدأت استسلم مين هيلقيني مين هيلحقني انا لوحدي
غمضت عيني وانا جسمي بيرتعش من البرد مع اننا في الصيف ضربات قلبي بتقل نفسي بيتقل معقول هدخل في غيبوبة تانية ممكن اموت وانا فيها بس انا كنت عوزاه اقول لنادر حاجه مهمة قبل ما امشي بس نادر مش هنا ....أفكاري ادراكي كل حاجه بتسكت......اممم همست بآخر طاقه عندها شكرا عل.... مكملتش جملتها وراحت في سبات عميق .....غفت لمدة لا يعلم نهيتها الا الله
___________________________
نادر بيرن بس فونها مقفول هو ليه فجأة قلق عليها كده اكيد فونها مقفول لأنها نايمه بس هو وصاها تكلموا ليه مكلمتهوش ...مش يمكن نسيت وبعدين هو وصي السواق عليها اكيد هي كويسه وبخير
كان نادر بيقول لنفسوا كده بيحاول يهدي قلقوا ووجع قلبوا عليه بنتوا ...هو بيحسها بنتوا لما ينصاحها ويكلمها ويعاتبها
عدت ساعه اتنين ثلاثة .....ثمن ساعات وفونها لسه مقفول نادر كان اعدت قدام فونو متوتر ماسك نفسوا عن انو يروح بيتها يطمن بنفسوا عليها
كان سرحان بيفكر وكل شوية تعصف في رأسوا فكرة اسوء من اللي قبلها قطع افكارو صوت فونو اللي بيرن للحظة اتمنى ان بر هي اللي بالتصل بس خاب ظنوا لما شاف ان المتصلة اختوا نادر رد عليها بخيبة امل:
- الو يا زينب
- طمني علي بر انا خلصت شغل واديني هخد شور واغير هدومي وجيا
- بر مشيت يا زينب!!!
- انت بتقول ايه!!!! مشيت امتي ؟؟
- اول ما فاقت علي طول
- انت اتجننت يا نادر ازاي تسبها تمسي وهي في الحالة الصحية دي !!!
- زينب انا مش ناقص تأنيب انا بتصل عليها من اول ما مشيت وفونها مقفول مع اني قلتلها تطمني اول ما توصل
- ليه سبتها تمشي لوحدها مش عارف انها تعبانه ومينفعش تتساب في وقت زي ده لوحدها البنت مستوي الكحل عالي في دمها ممكن علشان ماخدتش الرعاية اللزمه تدخل في غيبوبة
- زينب متقلقنيش عليها
- انت لازم تقلق بالي عملتوا ...
اتنهدت بضيق وكملت:
- ليه مكلمتنيش تقولي؟؟
- مجاش في بالي سعتها
غمض عيونو يفكر بس فجأة عصفت في زهنوا فكرة متهورة بس قرر ينفذها
- زينب خلصي اللي كنتي بتعمليه وتعالي ....انا عرفت هتصرف ازاي
- هتعمل ايه؟ ؟
- هقولك لما تيجي
زينب قفلت مع نادر وراحت تاخد شور وتغير هدومها وتروح لنادر
وبعد ساعتين كانت عربية وقفة قدام بيت بر
- نادر انت متأكد من اللي هنعملوا ؟؟!!
- مفيش قدامي حل غير كده وانتي اعملي زي ما قلتلك بالضبط انتي صحبت بر وهي كانت بيته عندك امبارح ومشيت تعبانة وانتي بتتصلي بيها وفونها مقفول وجيتي تطمني عليها
- ماشي يا نادر....لولا ان البنت ملهاش زنب وانت اللي اخدتها المكان الزفت ده وانت سبب اللي هي فيه مكنتش جيت هنا وسعادتك علشان تتعلم عواقب أفعالك
قالت كده ونزلت من العربية اتجهت نحو العمارة اللي فيها بيت بر وطلعت كانت واقفة علي الباب سمعة من جوه شقت أهل البنت صوت زعيق اللي خلها تتصنت لما سمعت اسم بر هي جيا علشانها اصلا وقالت يمكن تعرف أو تفهم من غير المسرحية اللي نادر عملها سكتت ووطت صوت انفسها صوت حد بيزعق بيقول :
- انت ازاي تطردها ترمي عرضك في الشارع ازاي تطلعها من بيتك بالشكل ده...ازاي جالك قلب ترميها
- اهدي يا حبيبي
- بلا حبيبك بلا زفت ....انتي كنتي فين وهو بيعمل كده ...اه نسيت اتلقيكي كنتي بتتفرجي علي المشهد مش ده اللي نفسك فيه
- هو انا علشان سكتلك اتكلم مع امك بأسلوب احسن من كده
- ولا تسكتلي ولا اسكتلك انا هنزل ادور عليها و اقسم بالله لو حصلها حاجه او ملقتهاش ما هيعدي عليكم يوم عدل في البيت ده ومتنسوش انكم كتبتوا الشقة دي باسمي وربي في الشارع وزي ما رمتوها هرميكم
مني وياسر كانو في صدمة من كلام ابنهم عمرهم ما اتوقعو انو يقلهم كده بس عمر مكنش شايف قداموا من الضيق وصلت بيهم الحال يطردوها للدرجه دي هانت عليهم
عمر فتح الباب وهو متعصب واتصدم لما شافت زينب قداموا
- انتي مين ؟؟؟
- اااا ...اانا صحبت بر !!
عمر بلهفة:
- هي جتلك؟؟؟ كلمتك ؟؟؟
- لا انا جيا اسأل عنها هي كانت بيته عندي امبارح لأنها كانت تعبانه وصحيت تعبانه بس أصرت تمشي في عز تعبها وانا طلبت ليها أوبر يوصلها وبرن عليها من الصبح فونها مقفول فا جيت اطمن عليها
- بر مش هنا
- امال فين؟ ؟
- زعلت ومشيت وانا كنت نازل اشوفها
- طب ممكن تبقي تقولها ان زينب سألت عليها وبتقولك طمنيها عليكي
- يوصل يا زينب
عمر كان باصص عليها بتأمل تاه في حشمتها وجمالها وهو باصص عليها شاف لبسها الواسع الساتر وخمارها اللي داري مفتنها واتكسف من نفسوا انو بيبص ليها كده نزل عينوا وغض بصرو عنها وزينب استأذنت تمشي ومشيت وعمر نفسوا يقلها خليكي اعده معايا شويه هو ميعرفش ليه عايز كده بس هو عيزها تقعد معاه
__________________________
زينب كانت عرفت اللي حصل وأنهم طردوها مش هي اللي مشيت لما سمعت صوتهم
زينب نزلت وقالت لنادر ان اهل البنت طردوها وده اللي فهمتوا من كلامهم لما سمعتهم نادر اول ما سمع اللي اختوا قالتو اتجنن يعني ايه طردوها ...ازاي جلهم قلب يعملوا في بنتهم كده ...مشفوش حالتها وازاي كانت تعبانه...!!!
كان بيلوم نفسوا هو ليه سبها تمشي بحالتها اللي كانت فيها ليه سابها؟؟
نادر راح يشوفها في كل مكان راحتوا معاه لعلو يلقيها بس ملقهاش كان هيتجنن هتكون راحت فين ؟
هي ملهاش حد معندهاش أصحاب معندهاش حد ترحلوا
مر اسبوع كامل ونادر يوميا يدور عليها مكنش عارف حتي يبلغ عن اختفائها هيقول ايه هو ميمدش ليها بصلة ازاي هبلغ عن اختفئها
زينب كانت بتحاول تهدي اخوها وتقولو انت ملكش زنب أهلها هما السبب ومتخفش عليها دي في حماية الذي لا يغفل الحافظ استودعها عن ربنا
نادر حاول يعمل كده بس مقدرش ...كان نفسوا يروح يقتل اللي كان السبب هو مش فاهم تفكير أهلها ازاي يرمو بنتهم بالبساطة دي.....هتكون راحت فين بقالها اسبوع محدش يعرف ليها طريق
في يوم كانت زينب في المستشفى اعده تعبانة وزعلانة علي حال اخوها دخلت واحدة زميلتها مكتبها وقفلت الباب واترمت علي الكرسي وقالت :
- بجد انا مش فهمه اه اللي خلاني اشتغل كل ده علشان ايه ؟؟مالو بيت اهلي البت ملهاش غير بيت ابوها
- يا حبيبتي اهلك شويه ويقتلوكي دول ما بيصدقوا انك تروحي شغلك
- اممم منا قصدي البت ملهاش غير بيت جوزها
- والله؟
- اه والله
زينب ابتسمت بحزن وصحبتها سألتها:
- مالك يا زينب بقالك حبه مش تمام شيلة هم ايه ؟؟
- مفيش يا حبيبتي انا كويسه بس نادر...
قطعتها صحبتها وقالت:
- توقعت انو اخوكي السبب هو انتي بتشيلي هم حد غيرو والمشكله انك فكرة نفسك امو ...حسه انك حبه وهتبدأي تروحي تخطبي ليه وتقولي عوزاه اشوف عيالك قبل ما يحصلي حاجه
زينب ضحكت وقالت :
- ومالو اروح اخطب ليه مش اخويا الصغير ده برضو
- المشكلة انك اخده دور مش دورك وشيله هموا وهو مش شايل هم نفسوا يا حبيبتي سبيه يعيش وحرريه وخليه يشوف بشاعة افعالو علشان يرجعلك ندمان
- انتي مش فهمه يا روان انا لو سبت نادر من غير ما اقفلوا هيعمل ابشع الأفعال هيضيع وعمرو ما هيرجع انا بحاول ابعدو عن افكارو السودواية علشان لو غاص فيها مش هيطلع تاني هيبقي شيطان مفيش حد يقف قدام شهوتو ورغباتو انا بروض الوحش اللي جواه علشان لو الوحش انطلق مش هنعرف نوقفوا
- مش فهمه قصدك!!
- ولا عمرك هتفهميه الظلال اللي نادر فيه ده نعمة السوء والغلط اللي بيعملوا ده بحمد ربنا عليه انو وصل لهنا بس انا طلاما ما وقفتوا هنا هعرف ارجعوا ان ظلالو وهو كده نادر لو اتحرر مفيش حد هيرجعوا عن الظلال نادر هيبقي هو الظلال نفسوا
- للدرجه دي !!
- واكتر يا روان
روان سرحت تفتكر في كلام صحبتها بس زينب ابتسمت وقالتها :
- سيبك انتي مني انا ونادر ايه اخبار الشغل معاكي؟ ؟
- والله ما عرفه اقولك علي ايه ولا ايه الخصومات اللي نزلة عليا ولا علي الحالة اللي انا اطورت فيها
- حاله ايه دي ؟؟
- ما انتي مع اخوكي ومبقتش مهتمه بيا ولا بتسمعيني حته
الأشياء اللي ممكن تحصلها ويمر اسبوع كامل ونادر يوميا يدور عليها مكنش مكنش عارف حتي يبلغ عن اختفائها هيقول ايه هو ميمدش ليها بصلة ازاي هبلغ عن اختفئها
زينب كانت بتحاول تهدي اخوها واقولو انت ملكش زنب أهلها هما السبب ومتخفش عليها دي في حماية الذي لا يغفل الحافظ استودعها عن ربنا نادر حاول يعمل كده بس مقدرش ...كان نفسوا يروح يقتل اللي كان السبب هو مش فاهم تفكير أهلها ازاي يرمو بنتهم بالبساطة دي.....هتكون راحت فين بقالها اسبوع محدش يعرف ليها طريق محدش
في يوم كانت زينب في المستشفى اعده تعبانة وزعلانة علي حال اخوها دخلت واحدة زميلتها مكتبها وقفلت الباب واترمت علي الكرسي وقالت :
- بجد انا مش فهمه اه اللي خلاني اشتغل كل ده علشان ايه مالو بيت اهلي البت ملهاش غير بيت ابوها
- يا حبيبتي اهلك شويه ويقتلوكي دول ما بيصدقوا انك تروحي شغلك
- امممم ...انا اقصد البت ملهاش غير بيت جوزها
- ولله؟
- اه والله
زينب ابتسمت بحزن وصحبتها سألتها :
- مالك يا حبيبتي بقالك حبه مش تمام شيلة هم ايه ؟؟؟
- مفيش بس نادر.....
صحبتها قطعها وقالت :
- نادر اه ...كنت متوقعه انو هو السبب هو انتي بتشيلي هم حد غيرو والمشكله انك فكرة نفسك امو ...ده انتي شويه وهلقيكي بتلفي تروحي تخطبي لي وتقولي عوزاه اشوف عيالك قبل ما يحصلي حاجه
زينب ابتسمت وقالت:
- ومالو اروح اخطب لي مش اخويا الصغير ده برضو
- المشكلة انك اخده دور مش دورك وشيله هموا وهو مش شايل هم نفسوا يا حبيبتي سبيه يعيش وحرريه وخليه يشوف بشاعة افعالو علشان يرجعلك ندمان ويعرف اد ايه هو وحش هو مش هيشوف سوئو غير لما تحرريه ..لاكن طول ما انتي مسكاه وبتنصحية مش هيحس انو غلط
- انتي مش فهمه نادر يا روان نادر لو اتحرر هيضيع وعمرو ما هيرجع انا بحاول ابعدو عن افكارو السودواية علشان لو غاص فيها مش هيطلع تاني هيبقي شيطان مفيش حد يقف قدام شهوتو ورغباتو
- انا مش فهمه قصدك!!
- ولا عمرك ما هتفهمي ...انا بحمد ربنا علي انو وصل لهنا بس.....ظلالو وهو كده نعمة السوء والغلط اللي بيعملوا ده بحمد ربنا عليه انو وصل لهنا بس انا طلاما وقفتوا هنا هعرف ارجعوا من ظلالو وهو كده... نادر لو اتحرر مفيش حد هيرجعوا عن الظلال نادر هيبقي هو الظلال نفسوا ...هيبقي وحش....انا بروض الوحش اللي جواه علشان لو الوحش انطلق مش هنعرف نوقفوا ولا نروضو...هيتسحب في عمق الظلال والسوء نادر لو اتحرر هيبقي مطلوب دولايا القبض عليه انا بسيطر علي الوحش علشان هيكون في عدد لا نهائي من الضحايا بتعتوا
- للدرجه دي!!!
- واكتر انتي متعرفيش الإنسان لما يفقد انسانيته ويبيع نفسوا للشيطان ممكن يحصل ايه
روان سرحت تفكر في كلام صحبتها بس زينب ابتسمت وقالتها :
- متشغليش بالك انتي بالموضوع ده وقولي عملة ايه في الشغل ؟
- والله ما عرفه اقولك علي ايه ولا ايه الخصومات اللي نزلة عليا ولا علي الحالة اللي انا اطورت فيها
- حالة ايه اللي اطورتي فيها ؟
- ما انتي مش فضيا ليا ومركزه مع المحروس ومش عرفه احكي لمين
قالتها وهي بتمثل الحصرة
زينب ضحكت من قلبها وقالت وهي بتنسي همومها :
- لا ازاي بقى انا هنا اسمعك لو الكل طنشك
روان ابتسمت وبدأت تحكلها:
- بصي يا ستي من قيمة اسبوع كده جت للمستشفى حالة بنت من غير معاهاش حاجه تعرف شخصيتها ولا فون ولا شنطة ولا بطاقة تحسيها مش عيشه معانا لقوها مرمية في الشارع وطلبو الإسعاف وطلعت عيشة بس دخلة في غيبوبة وسببها انها كان عندها تسمم الكحول وملقتش العنايه ومستوي الكحول في دماها كان عالي جدا البنت قلبها وقف خلال الأسبوع ثلاث مرات وعملنالو انعاش البنت من شكل لبسها باين انها مش عيشة في الشوارع لبسها نضيف والمشكلة مش هنا المشكله في الأقوال اللي طلعت عليها كل واحد بيستنتج من دماغوا اللي يقول اتلقيها بيعة نفسها وشرفها للرجالة اتلقيها كانت سهرانه مع واحد وبعد ما اخد غرضوا رمها اكيد دي واحدة شمال وطبعا اللي مخليهم يقولو كده ان الحالة اللي هي فيها بسبب السكر وكده فبقت بقعة للكل انو يطعن في شرفها...البنت في الغيبوبة كأنها مرتاحه ومش عوزاه تفوق حته كأن اللي عيشه فيه عجبها...انا مش مشكلتي مع الحالة انا مشكلتي الكلام اللي طالع عليها بجد بتقهر وبمسك اعصابي بالعافيه المرة الجاية هفتح رأس اللي هيطعن في شرفها مش هعرف امسك اعصابي تاني بجد الموضوع بقا صعب حسه انها أصعب حالة عدت عليا بسبب الكبت اللي بكبتوا
روان كانت سكتت وبصت علي زينب بس كانت سرحانة
ملامح وش زينب اتقلبت وهي بتسمع روان معقول تبقي بر معقول اللي شاغله بال اخوها واللي بيلوم نفسوا مل يوم عليها كل ده كانت معاها في نفس المكان
- زينب حبيبتي انتي معايا
زينب قامت فجأة وبصت لروان بصدمة وقالت :
- انا عوزاه اشوف الحالة دي
- ليه مالك ؟؟ وليه وشك مخطوف كده ؟؟
- روان مفيش وقت افهمك تعالي انا لازم اشوف الحالة دي
- حاضر حاضر
زينب راحت مع روان ودخلت الاوضة اللي فيها الحالة بصت علي السرير اللي كانت مستقرة عليه المريضه دون حراك
زينب اول ما شفتها اتنهدت وطلعت من الاوضة وروان وراها هي ليه اديقت لما شافتها جايز اديقت من الكلام اللي بيتقال عليها طلعت فونها علشان ترن علي اخوها وتريح قلبوا
- الو يا زينب
- بنقول السلام عليكم
- انت متصلة تقولي كده ؟؟
- نادر انا لقيت بر
- انتي بتقولي ايه ؟؟بتتكلمي بجد ولا بتهزري !!
- والله يا نادر
- طب انتي فين انا جيلك
- في المستشفى وبر هنا
- بر بتعمل ايه في المستشفى هي كويسه؟ ؟
- يا نادر تعالي وانا هفهمك كل حاجه
نادر فعلا جهز وراح علي المستشفى وهو قلقان معقول يبقي أصابها مكروه لما وصل كانت اختوا مستنياه
طلع مع اختوا مكتبها ولما دخل وملقاش بر سألها بقلق :
- فين بر ؟؟
- اقعد و هفهمك
نادر اعد و القلق جواه بيزيد بدأ يضغط على سنانو نفس الحركه اللي بر بتعملها بقي يعملها زيها
زينب اتنهدت وقالت :
- صحبتي اللي كانت مسكة حالتها قالت إنها هنا من اسبوع لقوها في الشارع مش بتحرك وطلبوا الإسعاف ولما جت وكشفوا عليها كانت دخلت في غيبوبة بسبب ان نسبة الكحل كانت عليا في دمها وماخدتش الرعاية اللزمه خلها تدخل في الغيبوبة دي وهي من اول يوم اختفت فيه وهي هنا مغيبة
نادر اتنهد ورجع ظهرو لورا بالكرسي وبص لفوق وهو حاطط ايدو علي وشوا بتعب وضيق يعمل ايه يفرح انو عرف مكانها ولا يحزن علي الحال اللي هي فيه
اختوا لحظت ضيقوا وحيرتوا
- نادر انت كويس ؟
نادر نزل ايدو من علي وشو واتكلم وهو باصص للسقف :
- لو طلبت منك طلب هتعمليه
- وايه هو الطلب ؟؟!!
- عاوز اشوفها
زينب فكرت شويه وقالت لنفسها مش يمكن لما يشوفها يرتاح شوية بدل ما هو في الحالة النفسية الزفت اللي دخل فيها من ساعت ما البنت اختفت ....بس هي كده هتسعدوا في حاجه غلط بعد مدة من السكوت زينب رفعت عنيها لاخوها وقالت :
- موافقه بس مش هتدخل عندها هتبص عليها من بره الاوضة من الازاز
- وانا مش عايز اكتر من كده المهم اشوفها بس
كان بيتكلم ببرود وفقدان شغف كأن مع إختفاء بر اختفت مشعرو
زينب اخدتوا قدام أوضة بر نادر اتجه عند الشباك الازاز يبص عليها ويتأملها وبعد ما كان وشوا خالي من التعابير اترسمت عليه ابتسامة وهو بيبص ليها
اتكلم وعيونو لسه متثبته علي اللي مغيبة في الاوضة بنفس الابتسامة:
- هطول في الغيبوبة
- وانت عرفت منين ..بتنجم؟؟!!
- علشان هي مش عوزاه تصحى هي مرتاحه
- انت مخاوي ولا ايه بجد انت عرفت منين بتهبد صح!!
- لا بس بصي علي ملامحها باين عليها الراحة باين انها عجبها الوضع ومش عوزاه تقوم ...انا حافظها وعرفها اكتر من نفسها بر مبسوطه في المكان اللي هي فيه دوقتي
زينب وجهت نظرها لبر لعلها تشوف اللي هو شيفوا بس ملحظتش حاجه نادر مسك ايد اختوا وقال :
- سبيها في وهمها مرتاحه يلا احنا نروح نكمل عيشه في الواقع
زينب بصت لاخوها شافت في وشوا ابتسامة خاليه من الهم والحزن هو كان من دقايق حزين مجرد ما بص ليها هدي مفعولها معاه اسرع من البروفين
زينب تقدمت ومشيت قداموا ونادر قبل ما يمشي لف يبص عليها تاني ووجه كلاموا ليها :
- عارف انك مبسوطه بس مطوليش هناك...انا مش مبسوط من غيرك يا بري
قال كده ومشي
نادر بقي يروح الكلية بتعتبوا بعد ما هجرها اول اسبوع بسبب إختفاء بر بدأ يروح ويجمع ليها المحاضرات ويكتبها علشان لما تفوق ميبقاش فيتها حاجه كان كل يوم يرجع من كليتوا يروح علي المستشفى يطمن عليها ويروح
وبالنسبة لأهل بر زينب كلمتهم علي انها صحبتها وقالت ليهم مكانها وانها لقيتها في المستشفى اللي بتشتغل فيها وعمر ارتاح هو كمان كان بيزورها يوميا كان قلقان عليها بس هي مينفعش تعرف انو بيجلها او دور عليها بسبب الوعد كان ندمان علي وعدو اللي قفل كل أبواب القرب والود بينهم هو اللي دمر الأخوة اللي بنهم هو لازم يتحمل عقوبة اخياراتو ويساعدها ويدافع عنها وعن حقها من أهلهم في الخفية
مر شهر كامل وبر مغيبة في المستشفى شهر نادر مفوتش يوم يزورها فيه وعمر كان بيسأل عن اختوا وكان ديما بيقصد يستدعي الدكتورة زينب أعجب بيها واعجابو بيها كان بيزيد زينب كانت بتتجاهلو تماماً من كتر ما كان بيستدعيها روان صحبت زينب بقت كل ما يجي تجري علي زينب وتقولها المغرم وصل وخمسة وهيطلبك زينب كانت اوقات تخلي روان تقولو انها مجتش وهو كان يقلق عليها ويسألها طب هي كويسه
كان باين انو واقع بس زينب مدتهوش وش رغم ان تصرفاتوا كان بتخليها تضحك كانت كل ما تحس قلبها هيحبوا تدوس عليه وتحاول تسكتوا
مر الشهر ده علي نفس الحال
_________________________
بر كانت نيمة في الحضن الدافي ده اللي اول مرة تحس باحساسو الجميل حسه براحة الايد اللي بطبطب عليها لسه زي ما هي بر مفكرتش تفتح عنيها كانت مغمضاها ومبتسمه براحة الحضن ده هو نفسوا اللي اخدها اول ما غمضت عنيها ونامت بر قررت تفتح عنيها تشوف مين اللي بيطبطب عليها من غير كلل او ملل مين صاحبة احن حضن مين اللي هي في حضنها مين اللي حضنها عامل زي حنية وجمال حضن الام اللي طول عمرها بتسمع بيه
فتحت عيونها وشافت ظلمة كانت بتراجع نفسها تقوم وتشوفها ولا تفضل حطة راسها علي رجلها وتسبها تطبطب عليها قررت تقوم علشان فضولها مخليها عوزاه تعرف صحبت الحنية دي
قامت وبصت عليها بس هي معرفتهاش فيها ملامح من حد تعرفوا
- حضرتك مين ؟
- نجد يا حبيبتي يا نور في ظلام حياتوا
- هو مين ؟؟
- مش مهم هو مين يا حبيبتي هتعرفي هو مين في الوقت المناسب وهتعرفي انا مين ومؤمن مين
- مين مؤمن ؟
- اممم ...هقولك اعتبري مؤمن باباكي واعتبرني انا ممتك يا كتكوتي او اعتبريني زيها حتي
- بعيد الشر عن حضرتك بلاش زيها انتي احسن منها مليون مره هي عمرها ما حضنتني زيك انتي اخدتيني في حضنك كل الوقت ده
نجد ابتسمت ليها وقالت وهي بتمسح علي وشها بحنان :
- للدرجه دي شيلة منها يا حبيبتي
- واكتر انا بحاسب علي غلطة هي السبب فيها بحاسب علي اني مش أبرار....بس انا اتمنيت اكون هي
- متقوليش كده يا حبيبتي انتي احسن منها انتي احسن حد في الدنيا يا نور بعد ظلال ..يا نور في وسط الظلام
- شكرا " قالتها بدموع "
- علي ايه يا كتكوتي انا مقلتش غير الحقيقة
- لا لا طلعت احلي من ما توقعت آيه جمال
صوت جه من جنبهم بر بصت لقيت راجل اعد كان فيه شعر رمادي مختلط مع شعرو الأسود وكان جسموا رياضة
- مؤمن!!! آيه في الجمال ايه !!!دي كل الجمال
- صح انتي صح يا نجدي
بر رجعت لاستغربها مين دول
مؤمن بص ليها وقال:
- عارف بتفكري في ايه بس زي ما قالت نجدي كل حاجه في وقتها يا بنتي
- بنتك !!!
- مش نجدي قالت اعتبريني ابوكي وهي اعتبريها امك
بر هزت راسها بالايجاب ورجعت حطت رأسها علي رجل نجد ونجد فضلت تطبطب عليها
- كان نفسي اقعد معاكي اكتر يا كتكوتي بس مينفعش
- ليه ؟؟ريحا فين يا نجد ؟!!
- لكل حاجه نهاية يا بنتي وانا ونجد مش هينفع نقعد معاكي اكتر من كده
- حتي انت يا مؤمن !!
- مش قلنا زي ممتك وبباكي يبقي بابا مؤمن وماما نجد
- متسبونيش يا ماما وبابا انا عوزاكم خيفه انساكم
- لو نستينا هيجي الوقت اللي تفتكري فيه كل حاجه وتعرفي فيه كل حاجه يا كتكوتي
بر اعدت وهي بتعيط يعني لما لقت الحنان يتاخد منها
نجد ومؤمن قربوا منها وبقوا يطبطبوا عليها يهدوها وبعد وقت كانت اعده في حضنوا نجد ومؤمن بيطبطب علي أديها كانت هديت تماماً
مؤمن ونجد وقفوا علشان يمشوا ولاكن بر حضنتهم وقالت هتوحشوني اوي يا بابا انت وماما
نجد ومؤمن ابتسموا بفرح وقلبهم كان هيطير من الفرح بسبب انها قالت بابا وماما
هما بصلها ودموع الفرحه عيونهم مؤمن قال :
- وانتي كمان هتوحشينا يا قلب ماما وبابا عيلتنا زاد فيها فرد اسمو بر ...خلي بالك على نفسك وعلي الظلال اللي هتبقي في حياتو نور خلي بالكم علي بعض يا بنتي
وفجأة اختفوا بر اعدت وغمضت عيونها وهي بتقول سلام يا احن عليا من امي وابويا
- مش كفايه كده ولا ايه ؟ طب قومي شوفي اخوكي بس ده هيجنني انتي مغيبة وهو بيجي رخم عليا وطبعا بحجت انو عايز يطمن عليكي
بر فتحت عنيها صوت مين ده وهي بتقول ايه؟
اول ما فتحت عنيها اللي كانت بتتكلم بصت ليها بصدمة وصرخت:
- فااااقت