رواية فقيرة في جامعة الأغنياء الفصل السابع 7 بقلم ماريه عبد الله السعود

رواية فقيرة في جامعة الأغنياء الفصل السابع 7 بقلم ماريه عبد الله السعود

واهآ لقلبي ف العشق مزقه غفوتي 

واهآ لقلبي ف العشق سلبه ضحكتي 

واهآ لقلبي احببت من ينساني 

واهآن لقلبي أغرقت من أعطاني 

هذه الدنيا خدعااااآ ووعود

ياقلب ضاع هواك في  من جافاك عذبت من يهواك احببت من ينساك

دلني على قلبها فأنا شوقي يحرقو

وانا المتيم لي اللقاء حتى جفاها اعشقو 💔💫💥❤️‍🔥

مريم🖤

برضو شفت معدل الشقرا يارا كان معدلة كعب شديد شوي وترسب قلت اسه لو ركزت في دراسته مااحسن من الأمور البتعمل فيه دي الله يهديه الايام عدت والليلة الجامعة صحيت الصباح صليت وطلعت عباية لونه اناناسي وطرحه اناناسيه وعملت شويه مرطب وسرحت حواجبي مع كريمات الترطيب لوني بقا ناير وناعم والعجب وشي لما طلعت امي قالت مشاء الله تعالي احصنك مشيت عليه وطلعت على الجامعة المره انشاء الله بجتهد اكتر وصلت لقيت البنات التلاته وحده فيهم قالت لي يخلو فيك الاناناسي مشاء الله زياده حلا احلا فيك انو لونك طبيعي وسمارك حلو شديد اوع تتغير خليك كده الشعراء زمان غنو بي سمارك ضحكت قلت ليه والبيوض سمحين مافي زول شين قالت لي فعلآ اي زول خلقو ربنا العالمين سمح شديد واي زول فيو حاجه بتميزو بس الله يهدي بنات الزمن دا قلت ليه فعلآ قالت لي افتح تلفونك أحدث ليك التطبيق فتحتو حدثتو ودخلت الجامعة اتصلت بي رهف قالت قريبه ونون لسه ما طلعت من البيت فتحت التطبيق شفت المحاضره وين اتجهت على القاعة طبعآ شاشه العرض الفي الجامعة كلها فاتحه صور الولد صاحب اكبر معدل كان من دفعتنا خاتين معدلو وعاملين جنب الصوره نجوم والله حاجه حلوه شديد المهم اللهم اوعدنا  دخلت القاعة وقعدت شويه كده دخلت الشقرا يارا ومعها وحده من شافتني ضحكت وجات علي اوووو مريم الغراب شايفه في تغير اتحسستي ولا شنو بنشوف ليك لقب جديد ماتخافي وضحكت قالت لي لو مكانك مابجي الجامعة حتى لو غيرتي من ملابسك مابتقدري تغير من اصلك الفقير طوالي رديت ليه جاهلة وعقلك ناقص لسه لو طلعتني من راسك داو ومشيت مليت راسك دا معلومات مهمة ودرستي كان اسه معدلك يكون احسن بس راسك دا مافيو غير الفارغة الله يهديك وضحكت اتحرقت قالت لي انتي كيف تردي لي المره الفاتت رديتي وطلعت لو ما كده كنت وريتك انا منو قلت ليه وريني اسه رفعت يده عايزه تضربني مسكت يدها ولفيت ليه قلت ليه المره الجاية بكسر ليم احسن تنشغلي بحاجات تاني وتطلعني من عقلك الناقص دا طوالي سحبت يدها وفاتت اظن فاكراني مسكينه عشان كنت بسكت هههه دخلت رهف وصادفت يارا جنب الباب واضح فيه الغضب قالت لي دي ماله قلت ليه انا بعرف سلمت عليه واتونسنا القاعه اتملت بي الطلابه الدكتور دخل طلعت من المحاضرة اتصلنا على نون جات علينا سلمنا عليه وطلعنا رهف قالت لي ماشه البيت قلت لي اي ماعندنا تاني محاضره قالت لي انا قاعده شوية قلت ليه تمام وطلعت 

مكاشفي 

النتيجة طلعت ومعدلي كان كويس مابطال كنت بتمنا يكون احسن من كده وعمار معدلو كويس والشلة كمان مريم معدلة مشاء الله اصلا واضح انو ذكيه شديد والليلة اول يوم في الجامعة دخلت الجامعة كنت بتمنا اشوفه بس نهاي ماشوفتها وطلعت طوالي كنت ماشي المستشفي 

وصلت البيت فطرت ودخلت اراجع المحاضرة فتحت الفيس لقيت مكاشفي منزل فيديو وهو في العربية كان بغني مع ود الأمين صوتو رهيب والعجب حركاتو الفيديو شغلتو الف مره لما حفظت الغنية وحركات مكاشفي شكلو كده كان مبسوط شديد نفسي البدلة الكان لابسه يوم التخريج عاينت لتاريخ الفيديو لقيتو نفسي التاريخ حق التخريج بس نهاية الفيديو كان مده ايدو على الجيب قبل ما يقفل الفيديو ومسك طرف طرحتي يعني بعد ما رجع مشيت الدولب طلعت المنديل لسه عليو ريحتو مسكتو مسافه معقول انا حبيت مكاشفي!!ياربي دا الحب البقولو عنو اول مره اجرب احساس زي دا رجعت فتحت الفيديو عيونو كانت نعسانة حلوه شديد شوفت التعليقات البنات ديل مكسرات تكسير تعلقات كلها غزل من غير ما احس ضغط لايك على المنشور وااااااي انا واااااي لو شلتو بكون ظاهر انو انا عملت لايك ولو خليتو بقول انا براقب فيو اخ مني اسه اعمل شنو قفلت التلفون واصلت دراسة مره اسرح في مكاشفي بقول عني شنو ومره ارجع ادرس لما نعست ونمت صحيت اتغديت وصليت ورجعت ادرس صليت المغرب والعشاء فتحت التلفون فتحت حساب مكاشفي لقيتو منزل منشور 

كان لابس قميص رمادي ساده وساعة بي الأسود وبنطلون جنز كحلي وفاتح زرارت القيص كان في سلسل واضح في رقبتو ولابس سبحة صغيره مع الساعة بي البني عليه اسم الله ومحمد صلى الله عليه وسلم السبحة كانت حلوه شديد قاعد في كرسي ومميل شوية راسو وبضحك اخ من ضحكتو حاجبو كان فيو قطعه في النهاية زي الندب كده اظن كان مضروب هنا بس قاطعة طرف الحاجبة بطريقه رهيبه واسنانو عندو انياب زي انياب مصاصين الدماء طويلة شوية ومسننه بقول ديل من علامات الجمال وعندو في الحنك طبقة كده عجيبه وهو بضحك كان بارزه تفاحة ادام اخ واظن بمارس رياضه كتير جسمو رياضي وهو طويل شديد انا معاو قزم هههه سرحت في الصوره خيت ايدي في وشو وحصنتو ماعارفه ليه عملت كده رفعت ايدي وشوفت كاتب في المنشور راجى الزمن فى يوم يجيبو

لديارو ولحبيبو

والفريق يفرح يغنى

انتى مهما تغيبى عنى

اصلو مابتفوتى منى

فى عيونك شايله اكوان

من براءة ومن محنه

وعزه تشرب من معزه

ومن تراثنا ومن اصلنا

و وعد غرقان فى نداهو

وزحمة اطفال جوه جنه

وزول بيحلم بالعديله

وفرحة الريد الطويله

ناس تجيهو تغنى ليهو

ناس تبارك وناس تهنئ

انتى مهما تغيبى عنى

اصلو مابتفوتى منى

وتبقى ياحلم الاماسى

شمعه ضاويه فى كل دار☕🎶🎵

صحيت الصباح لبست عباية لونه زرعي ساده وفي أطراف الايادي ورود بي البيجي مطرزه تطريز ولبست طرحة بيجي واسبورت زرعي وشنطة ضهر بي الزرعي وشلت فرم اسود عيوني متحسسه شديد اصلا دخل الشتاء  وانا اي غبار بعمل لي حساسيه في عيوني  عملت مرطب في شفايفي وطلعت وصلت المواصلات ركبت في مقعدين مافيهم زول واحد جنبو شاب والتاني راجل كبير شايل سبحة في ايدو ولحيتو كبيره وفي علامة صلاة في جبهتو طوالي مشيت قعدت في الكرسي الجنبو العربيه اتحركت وانا قاعده على الشباك فاتحه لي محاضره في تلفوني اسمع فيه كان احس بي الراجل قريب مني لصق رجلو عديل معاي قلت أمكن ما قاصد راجل اكبر من ابوي وشكلو محترم كده مستحيل يعمل حركات زي دي وانا في سرحتي اظن اطمن انو انا مابسالو خته ايدو في رجلي وانا بحركة سريعة سحبت الدبوس الفي طرحتي وطعنتو في ايدو زولك صرخ استغفر الله العظيم كتمت الضحكة وقلت في سري ومن جبيل وين انت من الله عالم غريب خلاص بتذكر لما كنت بخاف من اي حاجه ومابعرف اتصرف لو وحده اتشاكلت معاي و ضربتني ساي كنت ببكي ولا بعرف ادافع عن نفسي بدافع لي سماح بنت جيران صح اكبر مني بس دايمآ كنا مع بعض اي مكان بنمشي ليو مع بعض هي مجنونه شديد ومفتحته بتذكر لما كنا بنمشي السوق ونركب المواصلات هي طوالي بتسحب الدبوس من راسي واسمع الزول القاعد جنبه يصرخ هههههههه وانا لما يحصل لي موقف زي دا وهي معاي بكون خايفه بقرصه وهي بتفهم بتسحب الدبوس وبتمرر ايدها بي وبتطعن الواحد وهي نهاي ما بتلف الطرحه بتجدعه ساي ولما مااكون معاها قالت لي بعلقة في الباندا مابتحب بتلف الطرحه اها بتقول لي اااااوع تسكتي طوالي طلعي دبوسك وفرغي غضبك في اي واحد قليل ادب ههههه مجنونه غايتو في نص سرحتي وصلت الجامعة والراجل القاعد قام سريع سريع زح لي عشان اطلع اظن خاف هههه يستاهل عشان تأتي مايقل ادبو المهم وصلت الجامعة وانا داخله كده صدفت مكاشفي قال لي صباح الخير لابس تشير بي الأسود رقبتو مقفولة وبدل خفيفه كده لونه بيجي  بلبسوها مع التشرتيات مابعرف اسمه شنو انا صفر في الموضه المهم وبنطلون جنز اسود واسبورت بيجي قلت ليو صباح النور وانا لابسه الفرم قال لي اخبارك قلت ليو تمام التفت علي وضحك كده ضحك تحس بيه مستهتره قال لي الناس بتخت على المنشور حاجه عميقة احببته او اغضبني او الاسمايل الشايل قلب داك بتعرفيو؟وضحك مابتخت لايك زي لما تشوفي منشور عابر وتختي وتعبري طبعا انحرجت احراج واصلا كنت متوتره قلت ليو ظهر لي المنشور عااابر وانا ماانتبهت عملتو من غير ما اقصد قال لي ظاهر ليكك عابر وانت ما متابعة صفحتي ولا صديقة عندي ؟غريبه وضحك تاني انا ياارض انشقي وابلعيني فات مني ورجع تاني قال لي المنشور كيف ظابط؟ قلت ليو اه اي لا اه ضحك وفات وانا التفت واديتو ضهري واقفه انبز في نفسي رجع تاااني قال لي ود الأمين منور ياخي فريم وحركات وضحك التفت عليو شايفه فات رجعت لفيت راسي وطلعت الفريم  وصرخت واااااي انا منك يامريم وااااي انا كان احس بيو واقف قدامي وقال لي وواي انا يامريم من عيونك تحرم عليا نساء الكون كله من بعدك  وانا انخلعت رفعت راسي ووسعت عيوني مصدومة عاين لي بطريقة حنينه شديد وعيون الحمر دي ظهر فيه حنين وحب انا لما قلبي عمل شح  قال لي مريم بطريقه كده عجيبه صوتو كان طالع زي الهمس بطريقة حنينه عيونك ديل ماينفعو زول يشوفهم غيري الليلة بسحروك طالعة عسل  ارجعي البسي الفرم وانا واقفة بس مصدومة من كلامو فات كده وانا عايزه التفت عشان امشي لقيتو في وشي طلع كيف ماعارفه قال لي ماتكوني صدقتي قرده واشر لي على شجره قال لي يلا على بيتك وضحك وفات اااااخ انا من قلبي مكاشفي وقسم بالله انت قاعد تجننن فيني وانا واقفة مصدومه وسرحانه ما احس الا بي زول ضربني في ضهري قلت مكاش رهف قالت لي فااااات وضحكت ضحك وانا ضحكت معاها سلمت عليه وقالت لي الفضول قتلني كان بقول ليك في شنو قلت ليه خلي يقتلك كده ارح المحاضره قبل الدكتور مايدخل وصلنا المحاضره وانا عقلي مع مكاشفي وكلامو داخل الدكتور ودخلو معاو ٦ طلاب هو قعد في الكرسي قدام الشاشه و٥قعدو معاو وواحد وقف في نص القاعة قلت لي رهف دا شنو قالت لي من تدخلي السمستر ١٠ بكون في نظام انو تدخلي مع الدكتور تقدمي محاضره والدكتور بقيمك وبضع ليك علامات الدكتور بختار ٦ طلاب وبكلهم قبل المحاضره بي يوم وبقول ليهم المحاضره عن شنو و٦ديل بقعد اي زول بختار جزء معين وبدرسو قلت لي حلو بس عايز زول قلبو قوي ال٦كانو تلاته بنات وتلاته اولاد المهم ٢ كانو كويسين شديد ولد وبنت والباقي دا اظن متوتر شوية انتهت المحاضره وطلعنا فطرنا وكان عندنا ٣ محاضرات ورجعت البيت تعبانه ماقادره اقيف زولة نوم بس استحميت وصليت واكلت صحيت الساعة ١١ وقعدت ادرس نمت الساعة ٢ونص صحيت الصباح اصلا عندنا  محاضره وحده بس صليت وشربت الشاي دخلت لبست عباية بي الكحلي وطرحة كحليه واسبورت اسود وشنطة سوده ساعة صغيره بي الكحلي وعملت مرطب دخلت علي سماح تكشكش وتغني قلت ليه بسم الله يابنت اصبحنا قالت لي وااااي ماشوفتي بعد ما احكي ليك اسه انا عروس عرسي قرب اول شي لابسه اكيس وشربات وعباية وتوب واظن كم شراب كتمه على روحه كتمه ههههه وشايله مرايا وروج قالت لي طالعة قلت لي اي قالت لي دقيقه ماتطلعي   طلعت طلعت اشوفه دي ماله طلعت في السرير الجنب الحيطه ورفع رجله في الحيطة ونطت في بيتهم ضحكت ضحك والعجب امي ودي اسه كانت بتقول لي عروس واعروس سمحاح دا والله ماطبيعه رجعت تاني بي الحيطه قلت ليه العروس قالت لي اي عروس ومحبوسة وبكرا لو اتزوجت بنط بي الحيطه وضحكت قالت لي تعال جوه اقعدي طلعت قلم لونو بني عدلت لي الحواجب وروج وردي وعملت لي شوية بدره قالت لي ظاااااابط والله مجنونة اسه وقفتني عشان دا قالت لي اسكتي يامحمد ولد كان تجيبي لينا عريس من جامعتك دي وتفكي بورتك طلعت وادعي الله يهديه طلعت لي امي وقالت ليه جاي المديده شالت الكوره وقعدت تشرب امي قالت لي محبوسه ههههه ضحكت وطلعت اتصلت على رهف قالت ماجايه الليلة ونون اخوها جاي من السفر وليو اكتر من ١٠ سنه مسافر قالت لي بعد تخلصو تعالو قلت ليه تمام  وصلت الجامعة جريت جري عشان الحق المحاضره كلو من سماح دخلت القاعة الحمد لله الدكتور ما دخل قعدت جريت نفسي كده الدكتور دخل ومعاو طلاب دخلو ٥ وانا بتكلم مع وحده كده عيني ما تقع الا في مكاشفي داخل كان لابس قميص ابيض مرتب شديد وبنطلون اسود واسبورت ابيض ريحت عطورو سبقتو اصلا من يوم المنديل داك وهي لسه في انفي سبحان الخالق البنات ديل كلهم عيونهم على مكاشفي حتى لما دخل طلع صوت من القاعة والدكتور حمحم كده عشان يسكتو برضو ال٦ كانو ٣بنات و٣اولاد البنات مشاء الله اي وحده احلا من التانيه اظن مجهزات لي اليوم والأولاد كمان بس مافي واحد خطف نظري غير مكاشفي وهو قعد وعيوني علي وبعدين نزل راسو لابس سبحه في ايدو وساعة بي البني قدمو ال٥ وكانو كويسين برضو تحس بيهم متوترين مكاشفي اخر واحد وقام سلم اول حاجه وقدم بطريقه ابدع كان صوتي عالي واضح واثق من نفسو شديد ايدو بتتحرك في الشاشه بطريقه سريعه الدكتور اتكيف منو والقاعة بس عيونه عليو واصلا طبيعي يكون عادي لانو متعود على الجمهور والناس طوالي بكون مع المنظمات والمبادرات الخيريه واي خطاب كان بقولو هو حتى مرات بطلع في التلفزيون اخر شي رفع عيونو وعاين لي وانا والله اي شي قالو مكاشفي حفظو ينفع يكون دكتور في الجامعة المهم المحاضره اننتهت ومكاشفي طلع مع المعاو والدكتور طلع وأنا اتاخرت شوية عشان اطلع لما طلع الطلاب كلهم طلعت كنت عايزه مكاشفي يبعد طلعت كده لقيتو في وشي وقف جنب الباب ومتكل على الحيطة انخلعت قلت بسم..قال لي شيطان انا ورفع حاجبو قلت ليو العفو بس اتخيلت يكون الكل فات قال لي الكل ولا انا بس وضحك اح منو كاشفني دايمآ فعلا اسم على مسمى مكاشفي ههه طلع السبح من يدو وقال لي هاك قلت ليو شنو قال لي البسيه اتردد وتاني شلت لبسه كانت كبيره قال لي طلعيه طلعت جر الحبل ونقصه ومدها لي شلت لبسته قال لي ربنا يحفظك يامريم ويحميك واتحرك فات وانا وقفت واعاين فيو لما فات 

واهآ لقلبي ف العشق مزقه غفوتي 

واهآ لقلبي ف العشق سلبه ضحكتي 

واهآ لقلبي احببت من ينساني 

واهآن لقلبي أغرقت من أعطاني 

هذه الدنيا خدعااااآ ووعود

ياقلب ضاع هواك في  من جافاك عذبت من يهواك احببت من ينساك

دلني على قلبها فأنا شوقي يحرقو

وانا المتيم لي اللقاء حتى جفاها اعشقو 💔💫💥❤️‍🔥

اتصلت على نون وقالت عندها محاضره تاني قلت ليه ارح نفطر مشينا الكفتريا فطرنا وهي طلعت على المحاضره وانا قلت ليه بنتظرك في المكتبة مشيت المكتبة راجعت اتصلت علي قالت لي ارح اطلعي وانا طالعة جنب المكتبة في شجره كبيره وقفت جنب الشجره اعدل طرحتي وسبحان الله اظن الله دايرني اسمع كلام يارا وانتبهت لما قالت انا لو ماطلعت من الجامعة دي مايكون اسمي يارا طلعت تلفوني سريع وفتحت الكاميرا وفتحت الفيديو واتجهتو على الشلة يارا قالت ليهم مريم دي لو مادريت انا منو ما يكون اسمي يارا قالت لي واحد عاين نحنا بنجيب لحتى عندك في الشجره دي وانا بفتح الفيديو وانت بتكوني مديني ضهرك عشان ما تظهر ومريم وشها على الفيديو انت احضن وقول ليه بحبك وخلي الباقي علي البس طاقيه عشان ماتنكشف وانا برسل بنت لي مريم ماتكون من الشله وتقول لية في زول منتظرك انا حفظت الفيديو واتحركت سريع عشان ما يشوفوني ودموعي دي عشره عشره

وانا طالعه لمحت مكاشفي طوالي لبست الفريم قال لي بتبكي مالك مسكت في طرف عبايتي شديد عشان التوتر يخف وحاولت اطلع صوتي طبيعي قلت ليو وابكي لي قال لي مريم طلعي الفريم قلت ليو انا عندي حساسة وانت شايف الهو كيف قال لي احكي عارفك كنت بتبكي انا واقف لي ساعة وانتي دموعك نازله قلت ليو قلت ليك عندي حساسيه وعيوني حساسات من الهوا قالت ليو واتحركت طوالي 

نون اتصلت  اطلعي برا منتظرك في العربيه طلعت وركبت معها واتحركت 

مكاشفي 

اليوم من الصباح ظابط ياريت لو دكتور عشان يومي اشوف وش مريم حاولت ما اعاين ليه عشان اركز بس الحمد لله قدرت اركز كنت خايف أضعف قدام عيونه ولما طلعت عرفته مابتطلع لانو بتكون ماعايزه تشوفني بس وين يامريم قاعد ليك انا شوفته صراحه سرحت في جماله الليله الروج الوردي والحواجب لونه بني طلعت سبحتي البحبها واديته تلبسه تحميه من عيون الناس وطلعت طوالي على الشباب ما كنت جيعان قعدنا على النجيلة وقعدنا نغني انا والشباب وبعدها مشينا فطرنا وانا طالع على البيت اغير بس واطلع على المستشفي لمحت مريم تبكي والله قلبي وقف عديل مشيت عليه ملهوف وسألته بس قالت انو عنده حساسيه هو انا غبي لدرجة عشان أصدقه حتى صوت كان متغير واضح كانت بتبكي اااخ يامريم اخ انا قلت ليها انو حتى لو رفضتيني انا بكون ليك الأخ والسند انتي بس تعالي قولي لي مكاشفي والله امد ليك ايدي وما اعاين لي اي حاجه اخ يامريم اخ البنت دي عنيده شديد نهاي ماقادره أفهمه اتحركت مني وانا اتحركت على البيت 

مريم🖤💥

طلعت لقيت نون منظراني ركبت معها واتحركنا على بيت رهف وصلنا البيت هو مابيت قصر  ماشاء الله من تدخل في بوابة كبيره وبعده حديقه كبيره وكراج فيو اكتر من ١٠عربات بعدين باب البيت مشاء الله اللهم زد وبارك دخلنا سلمنا عليهم وعلى اخوها مشاء الله الصلاه على النبي عيونو من قعدنا على نون هههه ولا ام رهف صغيره شديد ماحبيته حسيت بيه مغروره شديد عكس رهف ولا بنات اهله وخالته وعماته ناس كده مابدخلو القلب نهاي سبحان الله وابوها هيبه ظاهر فيو الترطيب اتغدينا وتمينا اليوم معهم وطلعنا وصلت البيت سلمت على أمي ودخلت نمت وبعدين صحيت راجعت صحيت الصباح ماكان عندي جامعة قلت لي امي ارح نفطر مع ناس سماح جهزنا فطورنا قالت لي سماح اخوها جاي معاو صحبو وصحبو طلب اتقدم لي سماح قلت ليه حكايةالعروس ما كانت هظار ضحكت قالت لي لا قلت ليه مشاء الله ربنا يتم عليه على خير سماح تستاهل والله شلنا فطورنا وطلعنا من وصلنا الباب فتح لينا اخوها الصغير وكان جاري قلت ليو بسم الله مالك قاااال القيامه قايمه سمعنا صوت الكوراك رجع لي وقال لي اعملي حسابك ما تقع فيك سفنجة ولا كمشه شغاله الحرب العالميه التالته ضحكت ودخلنا وسماح راكبه في الشباك وامها شغاله ترمي فيه بي العده وهي تكورك والله الا ادخن الليله دخان بس امها دي فايره فوره حجزنهم وقعدنا نفهم الموضوع سماح قالت عايزه تدخن وامها قالت لينا عليكم الله الزول ولا وصل ولا دق الباب  تدخن كيف شبت سماح امي قال بنزل والعرس طوالي يعني مافي طريقه اتحبس وادخن وامي ضحكت قالت ليه ياسماح لما يصل ويجيب حاجات الحبسه تاني انتي اتحبسي وحبستك عندي انا 

امها قالت شفقت بنت أحمد......وكملت ضحكنا ضحك فطرنا وشربنا القهوة مسكت سمح من يدها ودخلنا غرفته غرفته في  كل مكان كريم مجنونه غايتو اها فتحت ليه الفيديو وحكيت ليه قالت لي بس موضوعك عندي ربعت رجوله في السرير وحشرت ليه قلم في رأسه القلم قلم تخطيت حواجب سماح اخر زول يكون في غرفته قلم رصاص ولا حبر هههههههه اها قالت لي اول شي نعمل حساب وهمي تمام وتاني نرسل لي يارا من الحساب الوهمي الفيديو ونقول ليه انو هو واحد من شلته وكده بنزرع الشك في قلب يارا والشله بتفكفك لكن قبل دا لازم نحرق قلبها ونفشل خطته قلت ليه كيف قالت لي نخليها تواصل في خطته ويوم ترسل البنت انتي قولي  ليه جايه وماتمشي نهاي خلي دمها يفور العفنه قلت ليه فظيعه فظيعه قالت لي جاياك بي التقيل قبل ما تمشي لي المدير تمشي لي يارا وتقول ليه انا عارفه اي حاجه في زول من شلتك رسل لي الفيديو وتحرقي قلبها زياده لما تقول ليه قوليه مع ضحك كده ههههههه وبي ودربك تمشي المدير وتحكي ليو وتوري الفيديو وزي ما عايزه تطردك من الجامعة هي بتنطر ومن حفره حفره لي أخيه شنو قلت ليه وقع فيه ساااااامح انتي كابوس كاااااابوس كنت تكوني محقق ياخي بس اخر شي مامعاك فيو مستحيل اضيع حلم زول قالت لي وحلمك؟اصلا غبيه ومتخلف وقلبك ابيض وحضنتني 

طلعت منها ومشيت البيت لي بكرا يا يارا لي بكرا 🔪👹

صحيت الصباح لبست عبايه سودا وطرحه سودا وكسرت بي اسبورت وردي وشنطه ورديه ضهر وطلعت وصلت الجامعة رهف ماجات قالت لسه معاهم ناس ونون ماعنده محاضرات طبعآ عملت زي ماقالت لي سماح وسماح كانت متابعة معاي وبعدين من الحساب الوهمي هي رسلت طبعآ كنت قاعده في الكفتريا لما يارا رسلت لي البنت واظن هي مجهزه اي شي ومنتظره هههههه اها بعد ما عملت زي ماقالت لي وقفت جنب يارا وقلت ليه زي ماقالت لي سمحاح خليتها تكورك ودخلت المحاضره والشله مادخلو اظن اتشاكلو برا طلعت بعد المحاضره على البيت وانا طالعة صادفت مكاشفي سلم علي سلمت وطلعت يارا كانت طالعة وماسكه تلفونه اتصلت على زول الو عايزاك في خدمه قال ليه يارا اخر مره قروشك كانت شوية قالت ليو ماتخاف المره دي ببسطك وقفلت انا لو ما وريتك انا منو يامريم ما بكون يارا عايزه تلعبي معي كووويس ركبت عربيه وشلغت ليه اغنية اجنبيه طلعت كيس من الشنطه كبت شوية في ايدها وشمت وطلعت سجاير ولعت واتحركت تغني مع الاغنيه 

وصلت البيت وسماح من فتحت الباب هي جات جاريه وحكيت ليه ضحكنا ضحك المهم اليوم انتها صحيت الصباح رهف قالت جايه الجامعة ونون كمان طلعت لي عبايه بي البيجي وطرحه كمان اسبورت بي الجوافي  وشنطه بي البيجي ساعة بي الجوافي وانا من صحيت وقلبي مقبوض طلعت لي امي وعاينت فيه مسافه وضحكت حضنتها شديد جات سماح حضنته وضحكت امي بعد اتحركت مريم تعالي جيت خت راسه في أيدي وحصنتني وحضنتني تاني سماح تعاين ساي طلعت امي سماح قلبي مقبوض شديد كده اديني السبح الجنبك دي مالك يا خالتي انتي كويسه والله ياسماحه ماكويسه من صحيت وقلبي دا منقبوض الله يجيب العواقب سليمة خالتي ارح نمشي معاك المركز أمكن الضغط مرتفع لا ياسماح ماعندي حاجه انا 

مريم طلعت على الجامعة جنب المواصلات في وحده قاعده في الواطه ومعها أولاده حالتهم تحنن مشيت عليهم طلعت قروش عصرتهم ليه وعصرت لي الشفع فرحو شديد قلت ليهم اشترو حلاوة  دعت لي شديد ومسكت يدي مسكت يدها بي يدي تانيه وطبطبت عليه وقلت ليه الله يحفظك ويحفظ عيالك يا خالتي واتحركت ركبت وصلت الجامعة سلمت على رهف ونون وانا قلبي مقبوض طلعنا من المحاضرات

طلعنا انا ورهف نون قالت عندها محاضره ودعت نون وحضتها قوي هي زاته استغربت قالت لي انتي كويسه ابتسمت قلت ليه اي مسكت ايد رهف شايفه مكاشفي عاينت ليو ابتسمت وطلعت رهف مريم مالك قلت ليه مالي طلعنا قالت لي اوصلك قلت ليه لا انتي في الشرق وانا الغرب امشي ساي بصل قالت لي اوصلك جنب المواصلات قلت ليه لا هي تحلف وانا احلف في النهاية ركبت عربيته وانا عايزه اقطع الظلط ما اشوف الا عربيه جاااااايه سريع وانا واااااااااااي امي ياالله يالله ... رهف وقفت مصدومه الطلاب الجنب الباب جرو علي

 سيد العربيه دور وفااااات وانا في الواطه والدم في كل مكان العبايه البيجيه بقت حمره من الدم  الطلاب في بنت ضربت عربيه والجامعة جات كلها جاريه الإسعاف الاسعاف اتصلو بي الاسعافة يارب الطف بيه عايشه عايشه فيه نفس رهف مريم مرييييييم مرييييييم عمار دخل في نص الشباب وشاف مريم مريم مريم مريم الإسعاف وصل رفعوني مكاشفي عمار ياعمار دي منو دي دي منو ياعمار حضني شديد وقال مكاشفي دي مريم لما قال دي مريم حسيت صوتو بعيد مريم مريم فكيتو وجريت مريم ركبت عربتي ولحقت الإسعاف

الو يارا الو مالك انا كنت عايزه اخوفه زي ما اتفقنا وبس العربيه ضربته وانا والله ماقااااصد يارا البنت دي مابتعيش اظن ماتت

يارا الله ياخدك ياخي  الله ياخدك انا قلت ليك خوفه تمشي تقتله كوركت وصرخت بصوت عالي امشي احرق العربيه سريع واختفي طلعت الكيس شميتو كلو وقعدت اصرخ انا قتلت انا قتلت 

الإسعاف وصل المستشفي ودخلوني سريع دكتور دكتور في بنت عاملة حادثه وحالته صعب شديد الدكتور جر

 مكاشفي دخلت المستشفى و جاري مافي خشمي غير  مريم يالله يالله مريم يالله مريم

وصلت مريم دخلوها غرفه العمليات رهف شالت تلفون مريم اتصلت على امها سماح الو سلام عليكم وين ام مريم قالت لي خير قلت ليه مريم عملت حادث ونحنا في المستشفى....سماح سامعه الكلام بعيد كتمت صوتي عشان خالتي عندها الضغط خالتي سماح دا منو ياسمااااح دا منو قلت ليه دقيقه دقيقه بس امي يامي تعالي امي جات مسكت امي حكيت ليه وانا وامي مشين على ام مريم وحكينا ليه خالتي صرخت وااااااي مريم من الصباح قلبي مقبوض وااااي يامريم وااااي انا مريم خالتي انفعلت شديد قلنا ليه حادث بسيط عايزين نطمنه شويه قالت لي جايه التوب وطلعت تجري مشين معها وصلنا المستشفى الوصفته رهف وانا في الشارع اتصلت على ابو مريم ام مريم  مرييييم يامريم الله معاك يامريم الله معاك يارب مريم وتكورك لقيت رهف وقلت ليه وينه مريم قالت لي دخلوها العمليات شايفه شابين جنب باب الغرفه ونحنا واقفين ابو مريم دخل انشاء الله خير انشاء الله خير وخايف شديد الممرض طلع يجري مستعجل شديد كلنا جرينه عليو اتكلم اتكلم وحد من الشباب مسكو وكانت حالتو صعبه الممرض خير خير انشاء الله خير بس عايز اجيب لي درب و

وفات مستعجل بعد كم ساعة طلع الدكتور كلنا جرينه عليه قال لينا الحمد لله العمليه نجحت كان عنده كسر في الايد والراس مضروب وعندها نزيف داخلي وقفنا النزيف ونشوف البحصل شنو اسه هي كويسه بكينا بكا رجعنا قعدنا جنب الباب مريم حولوها العنايه مشينا عليه واقفين جنب الباب كان نسمع صوت إنذار الدكاتره كلهم دخلو الغرفه الدكتور جهز الصدمات سريع مريم قلبها وقف مريم مريم ابو مريم وقع امها انهارت جري رفعنا ابو مريم الضغط والسكري ارتفع 

قلبها رجع اشتغل طلعوها سريع على غرفة العمليات وبعد كم ساعة طلع الدكتور شافنا كلنا ما صابرين مسك واحد من الشباب وقال لي تعال 

الدكتور والله يامكاشفي مابقول ليك وضعه بطمن جاها نزيف داخلي تاني ونحنا عملنا العلينا والباقي على الله 💔

الفصل الثامن من هنا