رواية انتقام عشق الصعيد الفصل الحادي عشر 11 بقلم المجهولة
عشق اتوترت ومعرفتش ترد تقول اي بس قبل متتكلم دخل عمر
احمد جري عليه حضنه
احمد: كنت فين يا عم انت قلقتنا عليك
عمر مردش
صقر: مترد يبني كنت فين
بص لنور وكمل: واي الي خلاك تسيب نور وتمشي واحنا مش هنا
عمر سمعه فبص لنور وافتكر الي حصل
فلاش باااك…
عمر: اتكلمي يا نور يلا
نور: هحكيلك كل حاجه بس انت مستعد تسمع
عمر بصلها بخوف: في اي يا نور
نور بدأت تعيط وقالت: لو فاكر قبل منمشي باسبوعين كنا خارجين احنا واهلك وقتها انت مجتش معانا عشان عمو عبد الرحمن كان معاقبك
لما خرجنا انا كنت بلعب لوحدي بس بعدين جه واحد كبير قالي تعالي العبي معايا وانا رحت
وسكتت..
عمر: كملي يا نور
نور بعياط اكتر:اخدني مكان بعيد عن الكل وقالي ابعد عنه شويه وهو هيروح يجيب حاجه ويجي
انا وقفت اتفرج على المكان حوليا بس اتفاجأت بيه بيحط حاجه على وشي حاولت اصرخ كتير عشان حد يسمعني بس بعدين محستش بحاجه
صحيت بعدها بفتره وكنت في المستشفى انا وبابا وماما
وماما كانت بتعيط وبابا واقف مصدوم وبيعيط كمان
سألت في اي كتير محدش رد عليا
رجعنا البيت وبعدها باسبوعين بابا قال اننا لازم نمشي وانا مكنتش عايزه امشي قبل مودعك بس هما منعوني واخدوني غصب ولما كبرت شويه ماما قالتلي الي حصل
وعرفت ان الحيوان ده اغتص*بني يا عمر
عمر اتصدم وعيونه دمعت وحس كأن قلبه اتكسر مليون حته هو كان حاسس ان حصل كدا بس كان بيكدب احساسه بس في النهايه سمعها
نور: بابا اخدنا ومشي عشان انا وانت مكنش ينفع نتجوز يا عمر قال انك متستاهلش انك تتجوز واحده حصل فيها كدا حتى لو غصب مشي عشان مكنش هيقدر يواجه باباك يا عمر
انا لما شفتك كان نفسي احضنك واقلك قد اي انت وحشتني بس مقدرتش انا كمان اواجهك
سكتت نور وبصت لعمر بعياط شديد
وبعد صمت طال شويه
نور: انا اديني قلتلك الحقيقه هل لسه عندك امل نكون مع بعض
عمر بصلها وسكت وكان بعيط مقدرش يرد عليها خاف ياخد قرار يندم عليه ويبعده عنها فقام مشي وسابها
باااك..
صقر: عمر اي احنا بنكلمك
عمر: انا معاك
احمد: كنت فين كل ده
عمر: حبيت اقعد مع نفسي شويه وافكر
صقر: تفكر في اي
عمر بص لنور ونور غمضت عنيها عشان تستعد تسمع قراره بالابتعاد عنها نهائيا
عمر: بفكر في جوازي من نور
الكل حتى نور في صوت واحد: اااي
بصوا لنور وبعدين لعمر
عمر قرب من نور واتكلم بحب: اي مالكم بقول قررت اتجوز نور
نور: انت بتقول اي يا عمر انت معقول هتتجوزني انا
عمر: ايوه ومالك بتتكلمي لي كدا انتي ست البنات
نور: بس انا منفعش ليك يا عمر
عمر بسرعه: اشش اسكتي…انا مش عايز غيرك يا نور انتي وبس فاهمه ومش عايز اسمع اي اعتراض ده امر يا نقيب نور يا روح قلبي
عشق ضربته على ضهره بقوه وقالت بضحك: متحترم نفسك ياض داحنا كلنا هنا وبعدين ابعد كدا انتوا بينكم اي عشان تقرب منها كدا
عمر: انا اسف يا باشا هبعد اهو حقك عليا
الكل ضحك الا صقر كانت عينه على عشق وكان مدايق جدا من هزارها مع عمر بالطريقه دي
في الوقت ده احمد بص لمرام بحب ظاهر وهي كمان بصتله بس بعدين بصوا بعيد عن بعض
في سرايه العمده..
جعفر كان قاعد على طرف سريره وحاطط ايده على راسه ودموعه نازله على خده
قربت منه وفاء بحنيه
وفاء: اول مره اشوفك بالحاله دي يا جعفر
جعفر: وشكلي هفضل كدا لحد مترضى عشق وتسامحني
وفاء: هتسامحك يا جعفر….صح انا مكنتش عايشه معاها فتره طويله بس من وهي صغيره وهي طيبه ومش بتزعل من حد ولحد دلوقتي شايفه في عنيها براءه زمان
سكتت وفاء وعم الصمت المكان
بس قطعه جعفر لما قال: انتي بجد سامحتيني يا وفاء
وفاء: ربنا بيسامح يا جعفر فانا العبد اكيد مش هغضب
جعفر: مين قال ان ربنا سامحني
وفاء: لو مكنش ربنا سامحك وعالم بندمك مكنش طلعك من مو*ت مصطفى وكنت انت اتحبست يا جعفر مش سعاد
سكتوا تاني
وفاء اترددت تقرب من جعفر بس في الاخر قربت وحضنته
جعفر: اني بحبك يا وفاء حبي ليكي كان السبب في كرهي لمصطفى الله يرحمه بس والله اني حبيتك قبله
وفاء سكتت
جعفر: معقول محبتنيش يا وفاء السنين الي عدت دي كلها
وفاء سكتت بس شافت جعفر ادايق فابتسمت ابتسامه خفيفه
جعفر شاف ابتسامتها وحس ان في امل انها تحبه
جعفر:افهم اكده ان في امل تحبيني
وفاء بتلعثم: الاكل تحت يلا عشان ناكل
كانت هتبعد عنه بس شدها قعدها جمبه
جعفر: لا اكل اي دلوقتي اني مصدقت شفت الامل ده
وفاء بخجل: بس يا جعفر عيب كدا ابعد عني
جعفر بحب: ابعد اي بس انتي..بقلك اي
وفاء: اي
جعفر: الكل مشغولين صح
وفاء: اي اختك وبنتها والخدم تحت بيجهزوا الاكل وو..
استوعبت وفاء هو سأل لي
وفاء بتوتر وخجل: ابعد اكده يا جعفر ابعد عيب الي بتفكر فيه ده احنا كبرنا
جعفر قرب منها اكتر وقال: بس اني شايفك لسه صغيره وقمر
وفاجأه قاطعهم خبط على الباب
جعفر بعصبيه: يوووه هو وقته
وفاء بضحك: احسن تستاهل قوم شوف مين
جعفر: مين انت يا هادم الاحظات السعيده
صقر: اني يا ابوي
فتح جعفر الباب وبص لصقر
جعفر: في اي يا ولدي
صقر: عشق يابوي
وفاء بخضه: ملها بتي يا صقر
صقر:....