رواية انتقام عشق الصعيد الفصل الثاني عشر 12 بقلم المجهولة
وفاء بخضه: مالها بتي يا صقر
صقر: متخافىيش يا ماما عشق قاعده تحت
جعفر: بجد يا صقر
صقر: بجد
نزل جعفر ووفاء وصقر لتحت
عشق ومرام واحمد كانوا قاعدين مع بعض
مرام بقلق: انا مش مرتحالك يا عشق عايزه اعرف جينا هنا لي
عشق: استني وانتي هتعرفي
مرام كانت هتتكلم بس قاطعها نزول جعفر ووفاء وصقر
وفاء بقلق: فيكي اي يا حبيبتي حصلك حاجه
عشق: لا يا ماما انا كويسه
وفاء: طيب نور فيها حاجه
عشق: اهدي يا حبيبتي كلنا كويسين ونور كمان هتتجوز
وفاء باندهاش: اي تتجوز…ده مين الي امه داعيه عليه قصدي دعياله
كلهم ضحكوا
عشق كانت هتتكلم بس جه عمر من وراهم
عمر: انا يا طنط
وفاء: انت اي يا حبيبي
عمر: انا الي هتجوز نور
وفاء: لا دي مش بس امك داعيه عليك دي امت لا اله الا الله كلها داعيه عليكم انتوا الاتنين عشان تقعوا في بعض كدا
هنا كلهم رجوعوا يضحكوا تاني واكتر من الاول
عشق وقفت ضحك فاجأه وقال بسرعه: انت ازاي تيجي وتسيب نور لوحدها
عمر: انا جيت اخد حاجه بسرعه وراجع تاني
عشق: طيب يلا بسرعه
خلصت عشق كلام وبصت ناحيه جعفر الي واقف بعيد عنهم وعينه عليها وكانت عيونه مليانه دموع
قربت عشق منه والكل وراها
وقفت قدامه وبصتله بدموع
وفاء: ربنا بيسامح يا عشق انتي مش هتسامحي حرام يا بتي
جعفر خد جزاءه وعاش السنين الي فاتت كلها في ندم وحسره وحزن
جعفر بحنيه: اني غلطت يا عشق وندمت بجد ومن زمان واني مستعد اني اعوضك عن ابوكي الي راح بسببي والسنين الي عشتيها بعيد عن امك
عشق بدموع: صعب اوي يا عمده الي عديت بيه مش قليل عشان انسى واسامحك
جعفر بسرعه: طيب اديني فرصه واحده بس واني هخليكي تسامحيني
وفاء: ايوه يا عشق اديه فرصه
جعفر بصلها بحزن لما لقاها ساكته وقال: فرصه يا عشق واني هعوضك وتخليكي تسامحيني
عشق سكتت شويه
عشق: طيب هديك فرصه
جعفر حضن عشق بتلقائه وعيط وهو حاضنها
جعفر بعياط: اني اسف يا عشق اسف يا بنت الغالي اسف والله ندمان
بعد دقايق عدت من العياط جعفر بعد عن عشق وقال: انتي هتقعدي هنا انتي والقمر دي ومش هتسيبوا البيت وصاحبتك الي في المستشفى لما تطلع هتقعد هنا كمان
مرام بصت لعشق وعشق بصتلها
مرام بهمس: وافقي يا عشق
عشق: طيب يا عمي
احمد بهزار: مش كفايه دراما بقى انا جعت وعايز اكل
جعفر: متخرس ياد انت
احمد: شكرا يا عمي
وبص لوفاء وقال: متسكتي جوزك بقى وقوليله يحترمني شويه
وفاء بضحك: وانت من امته وانت بتزعل مهو علطول بيهزقك
احمد: لا خلاص دلوقتي مينفعش هيكسفني قدام الحبايب
وبص على مرام
وفاء: انت وقعت انت كمان
احمد: والله شكلي كدا مع اني معرفهاش غير من فتره بس عجبني قوتها واحترامها
وفاء: طيب تستقر الامور بس وانا هخطبهالك
احمد بحماس: بجد يا فوفها تسلميلي يارب
وباس ايديها
بس اتفاجأه بحد ضر*به على قفاه
احمد: ااااي يااا يا عمده
جعفر: متحترم نفسك ياد دي مرتي يا غب*ي
احمد بعصبيه مصطنعه: شايفه يا فوفا عاجبك كدا
جعفر: شوفي الحيو*ان برده يدلعها قدامي
صقر: امشي ياد من هنا
احمد: في اي بقى انتوا كلكم مش عايزيني ولا اي بقيت وحش انا
وفاء: خلاص متزعلش سيبك منها وتعالى معايا
جعفر: على فين انتي وهو
وفاء: اي هنروح ناكل
صقر: طب واحنا يا امي
وفاء: كلكم هتاكلوا بس اني كنت هاخده عشان يجيب الاكل معاي
احمد: حتى انتي يا فوفا اخص عليك انا زعلان منك
جعفر بعصبيه: شوفي الواد برده يقول فوفا
ضحكوا كلهم وقعدوا مع بعض ياكلوا في جو كله ضحك وفرح
خلصوا اكل واتجمعوا مع بعض
جعفر جاله مكالمه فقام يرد عليها
وفاء: انا قلت للخدم يجهزوا اوضتين ليكي ولمرام
احمد: طب وانا يا مرات عمي
وفاء: عيب اوضتك جاهزه يا ولدي
جه جعفر
وفاء: مين كلمك يا جعفر
جعفر بص لصقر: دي اختي منال قالت ان ريهام قدامها اقل من نص ساعه وتكون هنا
وفاء بصت لصقر وقالت: ودي جايه لي
احمد كمان كان باصص لصقر وصقر كان متوتر
جعفر: بتقول اننا وحشناها وجايه تطمن علينا
وفاء: طيب ربنا يعدي الايام الجايه على خير
مرام: معلش سؤال لي الكل بص لصقر لما جت سيره البنت دي
صقر حمحم وقام: انا طالع اوضتي حد عايز حاجه
جعفر: اني عايزك روح استناني في مكتبي جوه
صقر: حاضر يا ابوي
عشق: طيب انا هاخد مرام ونروح لنور
وفاء: طيب يا حبيبتي
عشق: احنا هنبات عندها ونرجع بكره
وفاء: خلي بالكم على نفسكم يا بتي
عشق: حاضر يا ماما
مشيوا البنات وراحوا لنور و….