رواية فقيرة في جامعة الأغنياء
الفصل الاول 1
بقلم ماريه عبد الله السعود
مريم بنت جميلة جمال مابتوصف اي زول بشوفة ساي بسرح في جمالة دا عيونة تبارك الرحمن من بعيد بتجذب العيون وبعد الجمال دا ومحترمة عيونه دي م بترفعه في زول من البيت لي المدرسة ومن المدرسة لي البيت مابتطلع اي مكان ومن اسرة محجبه امها مشاء الله محترمة شديد ومريم من دخلت تامنه الطرحه مابتنزل من راسه امه مرات بتسرح فيه عديل وبتقول في نفسة مشاء الله الله يحفظك يامريم انا امك دي بخاف عليك من عيوني كيف احميك من عيون الناس أبوها شغّال في مصنع رزق اليوم بي اليوم مريم كانت حلمها تبقى دكتورة من صغيره شاطره شديد ٢٤ ساعة بتقرا
لما وصلت الثانوي من اول سنه جابت كم ٩٠ ومن حظه السمح كانت في شركة من اكبر شركات البلد واول مره تعمل منحة لي جامعة اي فقير يحلم يدرس فيه وما فقير بس حتى الوضعو متوسط صعب يدخل فيه حتى لو كنت جايب فوق لي ٩٠ مابتقدر تقدم فيه رسومه غاليه شديد والجامعة ما بدخلهوها الا اولاد الاسر المشهوره في البلد لانو الجامعة حديثه واي شي فيه حديث بتعرفو لقدام لما مريم تدخله المهم المنحه كانت انو يختارو طالب او طالبه وحده ويكون او تكون جايب من ٨٠ لفوق بشكل عشوائي والشركة بتتكفل بكل شي
مريم اسمه دخل السحب العشوائي ولي حظه طلع اسمه ونهاي ماكانت مصدقه وشايفه حلم مستحييل وخاصه كانت خايفه من انو تقدم في اي جامعة وتكون الرسوم كتيره على ابوها من غير المراجع وقروش المواصلات وابوها شغلو تعبان شوية
*أول يوم في الجامعة:*
صحيت من الصباح بين خااااايفه ومتحمسه انو ادخل في جامعه ولا كنت بحلم انو اجي بي شارعه لانو في مكان مابسكنو الا ناس مرطبة والمشهوره المهم من الصباح ادعي ساااي انو الله يثبتني ههههه طلعت لي عباية سودا وطرحه سودا وانا نهاي مابعرف حاجات البنات يومي كلو فاتحه الكتاب مع انو عندي تلفون وداخله قروبات في الفيس وعندي حسابات تك توك انستا وفيس واتس بس مابدخل الا اشوف مقاطع الفيدوهات في التك توك يعني تصفح بس وشي دا غسلتو بي موية بس واصلا م محتاجه شي المهم طلعت ع الجامعة وكلي حماس ورهبه ركبت المواصلات ونزلت قريب من الجامعة ومن وصلت وانا ماقادره من الخوف والرهبة وجمال الجامعه ولا الناس ولا العربات ولا الطالب دخلت فيني خلعه الحاجات دي مابشوفه الا في المسلسلات واي بنت ولا ولد بنزل من عربتو اظن انا الوحيده الراكبه مواصلات ولا اللبس كيف بنات على اولاد تحلف انو ديل ماناس في الكره الأرضية تقول جاين من كوكب تاني مافي بنت لابسه طرحه والشعر دا كيف وانا بس اعاين وقفت جنب الباب مسافه عشان عيوني بس تتعود على الأشكال دي لما وصلت البوابة طوالي بتدخل ع قاعه طويله فيه تلاتة بنات قاعدات على مكتب وانت داخل بتمشي عليهم توريهم اسمك طوالي بسلموك بطاقه ومفتاح خزانه وبنزلو ليك في تلفونك تطبيق لانو الجامعة فيه كم قسم تحس مدينه كامله ما جامعة المهم التطبيق دا بكون زي شات جي جي بس صوت ماكتابة من ينزلو ليك طوالي بتنزل ليو كل معلومات البتخص الجامعه انت في اي سنه وفي اي قسم واي تخصص بتم ليو ثانية حاجه سريعه شديد وانا من دخلت البنات التلاته عيونهم علي وحده قالت لي تبارك الرحمان يابنت انت حقيقية معقول في جمال كده مشاء الله وانا خجلت ورديت ليه تسلمي بي خجل كده وانا واقفه دخل شب وانا بعرفو لانو شوفته في التك توك مشهور شديد اسمو مكاشفي بقولو ليو موكا عندو صفحه في الفيسبوك كلها جمعيات خيريه اهلو ناس مرطبة شديد عندهم شركات في السودان وبرا نهاي ما كنت بصدق انو اشوف شخصيات مشهوره في أرض الواقع وقبل م اطلع من سرحتي رفع راسو عاين لي ونزل عيونو بحركه سريعه وسلم على البنات واظن سنير لانو بعرفو المهم شلت مفتاح الخزانه ودخلت على الجامعة دخلت وطوالي فتحت التلفون وفتحت التطبيق طلع منو صوت مرحبا بك في جامعة ذكر اسم الجامعه وذكر لو عايز تعرف اي شي بخص الجامعه انا جاهز طوالي قلت ليو عايزه اعرف المحاضره هو طبعا عندو كل المعلومات عني فطوالي وصف لي القاعة والماده شنو واسم الدكتور غايتو حاجه زي دي في الأحلام ماممكن تشوفه يعني تدخل الجامعه وانت مطمن وشبه انو معاك دليل ولا ونيس ولا صديق ولا شنو ماعارفه المهم بتكون مطمن واتجهت طوالي على القاعةوانا عيوني تتفحص في الجامعة ماقادره اوصفه مخلوعة ومن وصلت ع مكان القاعه اظن القسم دا لي تخصص الطب بس مجسمات بجسم الإنسان والحيوان ومجسمات ورسمات مفصله اي مكان بجسم الإنسان تحس نفسك كانو انت داخل جسم انسان ولا حيوان ولا انت في رحلة علميه ولا في متحف وعيوني دي بس تتفرج دخلت القاعة القال لي التطبيق في اي طاولة في شاشه صغيره والبنات والأولاد قاعدين واي واحد مشغول بي تلفونو وانا شوفت أقرب مقعد وقعت عليو وعيوني على المكان لما دخل الدكتور ولا عرف عن نفسو طوالي ضغط زر اشتغلت الشاشات الصغيره الموجوده على الطاولة المفي المقاعد وطوالي ظهر على الشاشه السيره الذاتية لي الدكتور وبعده الشاشه اتغيرت ع المحاضره اللي عايز يدرسه وحتى الطاولة الجنب الدكتور لما هو يشرح بظهر مجسم كبير لي الحاجه البشرحة وبفصل ليك اي شي تفصيل بعد انتهت المحاضره وجيت عشان اطلع وماعارفه اطلع وين فتحت التطبيق طوالي عرفت مكان الكفتريا وين وانا ماشه على الكفتريا سمعت صوت بنت قالت لي هاي رديت ليه واتعرفت عليه وطلعت بنت ظريفه شديد ودمه خفيفه متواضعه لابسه لبس رهيبه وهي عسل مشاء الله ومشينا مع بعض على الكفتريا وصلت الكفتريا طوالي ومن دخلت العيون علي ماعارفه عشان اللبس مازي لبسهم وبسيط ولا عشان لفت الطرحه في راسي ولا عشان لبسي محترمة بالنسبه ليهم ولا عشان جمالي زي مابتقول امي فيك حاجه بتخلي الناس كلها بتنجذب ليك !هي قعدت في طاولة وطلعت التلفون وفتحت التطبيق وطلبت الفطور وسالتني حابه افطر بي شنو فقلت ليه اي حاجه وطوالي الطلبات دقيقه بس والفطور كان على الطاولة وانا بس بعاين ومخلوعة في الناس وفي المكان ولا في انو اي حاجه ساهلة تفتح التطبيق واي شي بكون ليك متاح هههه ونحنا بنتونس وبناكل وهي بتحكي لي عن قصة حياته وانا بسمع بس لانو ماعندي شي اقوله خجلانه من نظرات الطلاب شوفته الولد المشهور داك مكاشفي في الكفتريا ومعاو كم واحد وكلهم مشهورين وبظهرو معاو في التك توك والفيس والانستا انا طبعآ بظهر معاي مقاطع فيديهاتو على التك توك وبعرف حسابو في الفيس لانو بنشر حاجات كويسه شديد وتحس بيو زول محترم وملتزم شديد ماعندو شغله بي أي بنت صفحتو وتك توك والانستا مافيهم بنت معاو في فيديهاتو نهاي ولا بي الغلط وحتى لو في بتكون معاو في أفعال الخير وظن في المنظمات البدعمه ومن تعليقات البنات في صفحتو تحس عندو عقد او نفسيات من البنات هههه كلهم بتكلمو وبقولو عليو متعقد من البنات وبعد دا كلو البنات ديل يزحفن ليو زحف في المنشورات وهو منشوراتو كلها سياسه وكوره وجمعات خيره ودينيه مع انو صغير في عمرو دا مفترض يكون منشورات حب وعلاقات بس اظن هو مختلف وبنعرفو لي قدام وانا اراقب فيو ولا كل الكفتريا عيونا عليهم هو وشلتو لانو شلتو كلهم مشاهير وانا اعاين فيهم عيونو تاني رفعه في عيوني وعاين لي سريع ونزل عيونو وانا خجلت وتاني نهاي ماعاينت ليهم وتميت اليوم مع رهف وعرفت تاني وحده اسمها نون ورجعت البيت وانا في عالم تاني سلمت على أمي وابوي وطوالي حكيت ليهم وانا احكي واحكي نهاي ماسكته ههههه وبعد م اكلت دخلت غرفتي وطلعت المراجع طبعا لما طلعت من الكفتريا مشيت على الخزانه وفتحته ولقيت كل المراجع ولبس رياضه ورق واقلام يعني الخزانه فيه اي شي ممكن احتاج ليو في الجامعة المهم طلعت المرجع وقعت ادرس بس اتذكرت الولد وطوالي مسكت تلفوني فتحتو كان اسمو مكاشفي بقولو ليو موكا من فتحت حسابو على الفيس بوك طلع لي منشور كان ناشرو من دقايق وانا من شفتو استغربت لانو كان عليو تعليقات ولايكات مبالغة مع انو من نشرو ماتم ليو دقيقه وكان كاتب في المنشور( تركت حب الفاتنات لانني رجل تقين زاهد قوام
فعندما رأيت رمش عينها سقطت ارضآ أردت النهوض ولكن سيف عينيها بتار رفعت راسي فريتها مندهشا هل هي انس او ملاك منزل جبار )وطبعا اول مره مكاشفي ينزل منشور ويتكلم فيو عن غزل وعن عيون وعن ملاك وعن بنت ياخي الدنيا مقلوبه في التعليقات والمنشور في أقل من دقايق عليو اكتر من ٥الف تعليق ولايك مستغربين في مكاشفي الكانو بقولو عنو معقد كيف ينزل منشور زي دا
طلعت من الفيس واصلت دراسه وبعدين صليت العشا ونمت الصباح ماكان عندنا محاضره الصباح من صحيت صليت وساعدت امي شوية ورجعت ادرس كانت عندي محاضره بعد ١٢ طوالي من جات ١٠ نص استحميت عشان المواصلات واصل مع المحاضره طلعت عبايه ملونه وتاني غيرت رأي قلت اصلا مابفرق كتير لو لبست ملون او اسود طلعت لي عباية سودا وفيه ورده بي البني مع طرحه سوده وشنطه سودا ونزلت الجامعة