رواية من العتمة إلى قلبي
الفصل الرابع 4
بقلم ال زهراء
مشيت جري عشان اكلم خالي بأمي واكلو بأمور عزام العملها لي استلمت تلفون امي وتلفوني لقيت رساله من رقم غريب مكتوب بكرة بتكوني مرتي ماف جامعة ماف زيارة لأهلك وماف اي طلعة حا تكوني بس محبوسة في البيت يلي حا يكون سجنك مدى الحياة،رسلت ليهو انت منو؟؟!، مع اني متأكدة انو ماف غيرو مختل!، رد معقول يا نتيجا لكن منو العايز يطين عيشتك غيري!!!، انا كلمتك وقولت ليك ابعدي مني واديتك فرصة بس انتي عملتي العكس ووصلتي اهلي!!،قايله انو بعملتك دي حا تفلتي مني! ،... انا حا اندمك على الساعة الفكرتي تمشي ليهم!، قولت ليهو انت قايل انو موافقة اخوي يعني حا تخليني أتزوجك! عليك الله لو قاطع موضوع ولا عندك مرض نفسي امشي اتعالج، واحد مفتري وعاجبة نفسو! قروشك برجعن ليك!، والله لو بعت كل بيتنا برجعن ليك بس اوعى تفكر انو ممكن تسيطر علي ولا تشتريني انا ما لعبة ولا بعرس عرس زي دة!، حياتك كلها مهزلة واسي كمان عايز تبقى الزواج مهزلة عشان ترضي غرورك! واحد منفصم شخصية مريض، حظرتو من كل الجهات وطوالي قولت في نفسي والله لو بقى اخر زول ما اتزوجو هو على كيفو ولا شنو. اتصلت بخالو وكلمتو بأمي جاء سريع وقال لي اسي وضعها كيف، قولت ليهو طلعت من العمليه وطوالي ودوها الicu للمراقبة ، قال لي الحمد لله صحصحت قولت ليهو لسه نشوف الدكتور بقول شنو ،قال لي تمام، انتظرنا الدكتور يوضح لينا قال لينا انها في غيبوبة حاليا بسبب انو حصلت ليها مضاعفات بس العمليه كانن ناجحة ،قولت ليهو مضاعفات شنو ؟؟!، قال لي الاوكسجين نقض في الدماغ بقى يشرح لي!، تاني سكت ومشى وانا بقيييت ابكي خالو طمني وقال لي إن شاء الله بتقوم وما بتجيها عوجة! ،عزام جاء وقال امي صحت ،قال ليهو خالي لا!، قعد وقال لخالي البت دي بكرة عقدها جهز ناسك العايز تعزمهم! ،عاين ليهو وقال ليهو عقد شنو ؟؟! وامكم في غيبوبة!!، ماف اي عقد بتعمل اسي، انا طوالي قولت ليهو يا خالو هو جابو من راسو العقد دة انا ما بعرف العريس اصلاً أدين قروش من زول وجاء قال لي بدل القروش تعرسيهو!،خالو قال ليهو يا عزام انت جنيت ولا شنو!؟؟؟، قال ليهو عارفو ولد منووو،ولد طارق الدسوقي، خالو دا عاييين ساي وقال ليهو ولد طارق بشحمو ولحمو داير عزة!، عزام قال ليهو ايوا، خالو قال لي دا عريس مناسب ليك، قولت ليها انت ما بتعرفو فاسد وما نافع وجنو بنات ،قال لي اي زول بتغير بعد العرس، قولت ليهو انت اكيد ما جادي صاح، قال لي ما جادي كيف زول كويس انا لي 30 سنة شغال في شركة النقل البتنقل ليهم بضائهم وما شوفت الا الخير منهم ،اتزوجيهو ومنها تريحي امك شوية ،قولت ليهو انا بقول ليك ما نافع زوجو لبناتك طيب ،خالو قال لي لو رضا بزوجو انا لاقي نسب زي دة!، قولت ليهو عليك الله يا خالو كون عندك منطق شوية وما تبقى زي عزام، قال لي بتطلعي من فقركم متين يا بتي انا ما دايم ليييكم!، ولا بقدر بعد كدة اكفيكم انا بناتي دايرات يدخلن الجامعات وعارفة الجامعات كيف وهاله دي قروشها ما بتغطي نفقة سكنها! ،قولت ليهو ايوا انت من قبيل عايز تصل لدة، نحن شحدناك يا خالو ما براك بترسل، قال لي اجدعكم ولا شنو!، المهم تتزوجيهو وما حا تفتحي خشمي بحرف! ،يا عزام بكرة من الدغش خليه يجي!، إن شاء الله امك للوقت داك ما تصحصح والا بتخرب اي حاجة ،عاينت ليهو شديد وبقيت مصدومة فيه مما شافو زول مقرش طوالي غيير رايو وكمان بقى يدعي انو اختو ما تصحى للدرجة دي مضايق من مصاريفنا وساكت!!، دمعت وبقييت متحركة منهم!، مشيت وقعدت في زاوية وقولت في نفسي لو اموت ما اتزوجو!، اقمت الليل كلو وصليت الصبح!، وادعيت انو ما يحصل العرس دة!!!.
الصباح بدري عزام قال أجلنا العرس لبعد اسبوع ،خالو قال وامك لو صحت ،قال ليهو لو صحت ولو ما صحت العرس بحصل ولو ما عايزة يحصل تديهو القروش!!!، قولت ما بحصل وحتى امي ما حا تعرف المهزلة دي!!، سالت الممرضة من امي قالت لي لسه ما صحت ، جات عبير وشكلها يادوب عرفت كانت بتبكي وانا سكتها.
في اليوم التاني بعد فضيت قررت اطلع لناس عمو طارق واورية الحاصل!!، مشييت سامعة خالو برة بقول والله يا خديجة ليله القدر بتجينا!، انا بقنع ابو النسب انو يلقى لي وظيفة معاه واخلي الشغل دة كلو كلو!، تاني قال انا زاتي بقيت ما قادر على المصاريف الكتيرة!!، سبحان الله خالو دة ما كنت متخيلاة انو ممكن اسمهع منو كلام زي دة في يوم وما كنت متوقعة انو زي مرتو وبناتو مضايق من مدتنا!.
وصلت لناس عمو ودقيت الباب فتحت بت غريبه وعرفتها هديل كانت مبينة انو أكبر من توتة قولت ليها خالتو ثريا قاعدة!، قالت لي مشو وفاة!، قولت ليها بجو متين! ؟،قالت لي والله المات ببقى لامي شديد عشان كدة ما معروف اسي نحن طالعين في حاجة ،قولت ليها دايرة رقم ليهم، ادتني ليهو ،قالت لي بس الشبكة كعبه شديد إن شاء الله يدخل ليك، قولت ليها تمام كلمتها بأمور اخوها للاحتياط وقولت ليها كلمي اهلك يوافقو عاينت لي وقالت تمام ما كانت مدياني اي رد فعل وكانت باردة، طول الاسبوع بحاول وماف فايدة!!، عزام جاء وقال العقد الليله جهزي نفسك!!، انخلعت ومشيت بيتهم لقيتو مليان ناس!، دخلت جوة وانا مخلوعة خالتو جاتني وقالت لي يا عروس جاية لشنو!، قولت ليها نعم ؟؟؟!، انتي يعني موافقة على الأمر دة!، قالت لي هو انا لاقية بت زيك تكون زوجتو فرحنا لمن قال انو دايرك وحتى ابوهو سامحو بس عشان قال عايز يتزوجك، قولت ليها بس انا ما عايزاهو وجيت هنا على أمل توقفو العرس ولقيتكم ماف وحتى شوفي شلت رقمكم!!، قالت لي دة رقم مقفول ما بخش معاك!، ثانيا اهلك قالو موافقين وبنفسي اتكلمت مع اخوك، قولت ليها وانااا ؟؟؟!، قالت لي اخوك قال موافقة انتي خايفة منو ما يتغير بتغير ما تخافي انتي بتغيريهو، فاطمة جات في اللحظة دي وقالت لأمها انانين انتي وابوي عايزين بس حاجة ترجع ولدكم لعقلو بس ما معقول تعرسو ليهو واحدة ما عايزاهو!، هي زاتها بشر ومن حقها تختار الراجل العايزه تكمل معاه حياتها!، امها قرصتها وقالت ليها توتة ما تعديها قله ادب شوفي حاجات العروس جاهزة!، المشكلة انو هي لسه مصرة على رايها بعد كلام بتها معاها، قولت ليها انا ما دايرة اتزوج ولدك !، عاينت لي وقالت لي انا بقيف معاك يا بتي عليك الله انقذي ولدي ولدي بضيع مني!!، ما بلقى احسن منك انتي هدية ورضية!، قولت ليها لاااا، قالت لي هو زي الوقت دة اصلا بكونو عقدو ،قولت ليها نعم ؟؟؟؟، قالت لي اي بكونو عقدو وبقيتي مرتو ،جاتها هديل جارية وقالت ليها ابوي قال عقدو!!!، قولت ليها حسبي الله ونعم الوكيل فيكم كلكم حسبي الله!!، انهزيييت وانهد حيلي وما قدرت اقيف كل الناس طلعو عايزين مصالحهم بس ،يا حليللك يا أمي الحنينة اللسه ما صحيتي!!!، خالتو جات وقعدت في الأرض وضمتني علييها وقالت لي ما بعمل ليك شي انا وابوه قاعدين عشانك ،حا اعتبرك زي بتي وانت اعتبريني امك حا اشيلك فوق راسي، حا اخلي كل طلباتك مجابة وما بقصر منك، لو قلا ادبو ولا اساء ليك حا اقيف معاك ،قولت ليها انا الجابرني شنو اعاشر زول زيوووو واصلا ليه تتخذو قرار عني وهل في ام بترضى لبتها عريس زي دة اصلا، اعتبرك كيف امي وريني؟؟!، انا ما عايزة حاجة منكم انا العيشة الكنت عايشها احسن بالف مرة من عيشتكم دي!، قالت لي معليش معليش يابتي حقك علي بس انا زي اي ام بحب انو ولدي يستقر ويلقى ليهو بت حلال، زحيتها مني ووقومت سريع بقيت متحركة حسيت راسي تقيلل والدينا لافة بي خارت قواي ووقعتا.
_____________________________
بلسان مروان
جيت لقيت امي بتبكي وتقول لتوتة ما تغلطيني انا دايرة ولدي يبقى زول بكرة يجيب لي واحدة ما معروف أصلها من فصلها ،انا بس قولت وقت رضا يتزوجها نزوجها ليهو وحتى ابوك اقتنع!!، انا ام في النهاية ام يا توتة، قالت ليها لكن ظلمنا البت البت دي ممكن تروح فيها لسمح الله ،جيت وقولت ليها خير يا أمي مالك؟!، قامت وقالت لي حلفتك بالله الاعظم البت دي اتعامل معاها كويس وما تزعلها انا ما عايزة اخش في ذنب، ابوك مش حذرك زاتو!، والله تعمل ليها شي يقلع منك اي حاجة ،قولت ليها ما بسالها بس انا جواي اتزوجتها لشنو لو عايز اخليها في حالها وما اسالها!!، قالت لي طيب هي جوة ادخل ليها ،قولت ليها جوة، قالت لي اي جوة جات عشان ما تعقد عليها عليك الله خليها تفهم انك حا تتغير!، قولت ليها جداً ،دخلت ليها في الغرفة كان معاها توتة وهي كانت راقدة على ضهرها ولابسه نقابها! ،قولت لتوتة اطلعي!!، طلعت هي قامت طوالي وقالت لي عملت الحاجة العايزاها صاح وكمان اقنعت اهلك وأهلي حتى دخلت اختك المنافقة في الموضوع ،ضحكت وقولت ليها هو اهلي صدقو انو ممكن اتزوج واحدة زيك، قالت لي زي ما رضو يعرسوني ليك اخواتك حا يعرسن ناس زيييك!، ما قدرت اتمالك غضبي ومسكت يدها بقوة وقولت ليها ما تجيبي سيرة اخواتي في لسانك هو اخواتي زيييك قايلاهن!! عشان يتورطن مع ناس بشبهوني!!، قالت لي بغضب خايف شديد عليهم صاح بس ما عندك خوفة على بنات الناس حسبنا الله ونعم الوكيل!!!، قولت ليها انا ما معتبرك بت ناس!، واوريك شي انا ما شايفك بت اصلاً ،قالت لي لا انا المعتبراك!، زهجت وقولت ليها ما هنا بادبك في بيتنا!، قالت لي ههه قايلني بمش معاك وبعترف بيك كزوج! ،في أحلامك!!!، قولت ليها انا ما عايز اي اعتراف منك ولا بتشرف بيك انا بس داير اربيييك ولسانك الطويل دة عايز اقطعو ليك واصبري لي! ،قامت سريييع وقالت لي تطلقني بكرة دي وما عايزة اي نقاش!، ضحكت عليها كانت متحركة على الباب قفلت الباب وقولت ليها ماف اي مكان بتمشي ليهو بعد كدة يا مرتي!، بدت تصرخ مسكت ليها خشمها وجبت المخدة كنت عايز اخنقها واقتلها وارتاح منها!، بعد مدة فكيتها!، بقى نفسها يطلع وينزل قولت ليها تصرخي تاني برتكب فيك جريمة!، رجعت تصرخ زي المجنونة بعد ما اخدت نفس!!!!، جيت وسكتها مفروض اعرف اصلا انو هي ما بتسمع الكلام وعنيييدة!، قولت ليها تصرخي تاني وقسماً بالله قروش امك يقيفن وحا اطلعها من ICU والخيار خيارك ،فكيت خشمها ما صرخت ، الباب دق، فتحتو كانت أمي وتوتة امي قالت لي ضربتها انا سمعت صوت صرخة قوية!، قولت ليها ما ضربتها بس انخلعت لمن صحت، امي قالت ليها صاح يا بتي، ما ردت انا بقيت اعاين ليها ،قالت ليها تاني صاح، توتة قالت ليها حا اجيب ليك عباية ونقاب غيري لبسك!، هزت راسها ! ،جيت وقعدت جنبها قولت ليها اول شي تمشي معاي بيتنا هناك عندنا احتفال بيك!، تاني حاجة طول ما انتي عندك امك في المستشفى ماف طريقة نهاي تعارضيني!، وعارفاني بعمل شنو!، تالت حاجة اخوك دة ! والله انا اوديه في ستين الف داهية واخششو السجن بظرف ثانية بسبب القروش الشالهن مني ،فأحسن تكوني مطيعة وعاقلة! !،قالت لي انت والله ما نصيح معقول بس عشان تعذبني تعمل كدة!، ضحكت وقولت ليها تصدقي اييي!! انا شوفت انك بعيدة مني فقولت لو كنتي قريبة وعندك صلة بي عذابك بكون اكتر!، انتي من الاول ما كان تتورطي معاي!، عاينت لي ولسه كانت مصنددة ودمعة واحدة ما فيها وقالت لي ما خايفة منك ولا حا اخاف والمتاهة الدخلت ليها بعرف اطلع منها!، جات توتة وجابت ليها العباية والنقاب مشيت لبستهن! ،وجات قعدت قولت ليها نمشي يا مرتي، ما ردت علي مسكت يدها بالقوة! ،وهي بتحاول تسحبها مني قولت ليها اتذكزي كل الناس الحياتهم في يدك!، برضو ما اشتغلت بي وسحبتها زي الما حاصل حاجة!!، ووعاينت لي ،مسكتها بالقوة وجريتها جر وقولت ليها احسن ليك تبقي عاقلة وتسمعي الكلام!!، بقييت مسرع عشان ما تعمل حركة ما ياها، وطوالي قولت لأمي ماشين مع السلامة ،قالت لي مستعجل مالك لسه المناسبه اصبر!؟، ابوي جاء وقال لي عاملها كويس وتاني عاين لعزة وقال ليها انا من اللحظة دي ابوك! وكلميني باي حاجة تحصل ليك ومتاكد انو ما بسالك!، هو فهم واعتذر امس في ساعتها وقرر كمان يعرسك ودة حاجة فرحتني! قالت ليهو انت عارف اني ما موافقة اصلاً، قال ليها البت ما بشاورها خالك وافق وآخوك وافق ، ما ردت وفكت يدها واتحركت ،امي قالت لي البت دي عاملها كويس وبراها قلبها بلين ليك اسي امشي الحقها ولمن تهدى تعالو تاني،قولت ليها تمام !، طلعت برة لقيتها عايزة تركب ركشة!، مشكلتها انو راسها ناشف نشاف شديد! مع التهديدات دي كلها ما اتادبت!، مسكت يدها بالقوة ونزلتها من الركشة سيد الركشة نزل ،قولت ليهو امشي يا حبيب من غير مشاكل، دي مرتي وعايزة تطلع معاي!، جريتها وطلعتها بالقوة!! ومشيت بجهه السايق وركبت كانت عايزة تتصل شلت التلفون وقولت ليها ماف اي تلفون ليك تاني دة حا يكون معاي بس!، لقيت اتصال من واحد اسمو عبدالرحمن، قولت ليها عاملة فيها الشريف الرضى بس شكلك جايطة الدينا جوطة شديدة،قفلت التلفون وجدعتو ،قالت لي جيب التلفون دة!، ضحكت ودورت العربية قولت ليها عايني للشارع كويس تاني ما حا تشوفية، قالت لي انت قايلنا في غابة ولا شنو ؟؟؟؟، انا اسي ما غالبني الم فيك الناس بس ما عايزة عشان امي ما تتضررر مجرد ما ابيع عفش البيت واديك قروشك انا حا اطلق منك!، عاينت ليها قولت عارفة كم طالبك ؟! ،قالت لي بغصب كم يعني مليار مليارييين!!! كم؟؟!، ضحكت وقولت ليها انتي عارفة يوم الicu والعمليه بكم ؟؟؟،ب....، نطططتت فيني عيونها وقالت لي كم كم؟؟؟؟، ضحكت وقولت ليها شوفتي انا حنين كيف وبرضو مصرة تعانديني اسمعي الكلام! يا عزة اسمعية والا انتي واخوك حا تمشو السجن وامكم بتموت.
__________________________
بلسان عزة
كان بقول الكلام دة بكل برود كانو امي دي ما انسان!!!، خوفت فسكتا وقولت حا القى طريقة اي حا القى!!!، وولوقت داك بصبر!!، بقى يسجر وشرب 10 وراء بعض ،قال لي اديك واحدة يا مرتي!!، عاينت ليهو بتقزز وقولت ليهو بس عيد الجملة دي تاني ،ولو سمحت ما تقول لي مرتي انا ساكتة ليك من قبيل عشان مسكتني من اليد البتوجعني بس لو تاني اتظارفت ما عارفة انو انا ممكن اعمل معاك شنو!، ضحك وقال لي القطة البرية عايزة تعملي لي شنو؟!، قولت ليها احسن ليك ما تعرف!، ضحك وقال لي والله ياخ ماف زول لاقاني زيك! بت عجيبة وعندك مفاجات غريبة.
وصلنا البيت وحلفت ما انزل ليهو، قال لي عايزاني اشيلك ولا شنو ،نزلني بالقوة وجراني!!، دخلني جوة بالغضب لقيت كل صيعو قاعدين!!، فيفي زغردت وزياد بشر!!!، ومازن جاء وبارك !!، وتاليا قالت ليهو والله عملتها يا مروان!!!، وبقيتها مرتك!!! عشان تقص جناحها بس لو سمعت ريري بتموت ،قال ليها هو ما زواج حقيقي وما معتبرها مرتي! ،انا بس داير اوريها انا منو!!، ولازم اقيدها معاي!، وبدون رابط ما بقدر! المهم اللعبه دي بتنتهي بكسرتها لي ولو ما شوفت الحاجة دي في عيونها ما بطلقها!، هي عامله روحها عزيزة نفس وقوية وانا عايز اشوف الانهزاز فيها ، قال ليهو مازن البت دي جننتك والله!! نفسي اشوفها!، فيفي قالت ليهو منقبتنا بترضى لكن!!، قال ليها معقول ما تسمع كلامي قرب علي وقال لي نحن هنا كلنا سوا لو مروان ليهو حق فيك، انا زاتي لي حق فيك عشان كدة عايز اشوفك، مسك ألنقاب مني وعايز يرفعو!!!، مروان جاء ومسك يدو وقال ليهو معليش ممتلكات خاصة!، انا دفعت فيها دم قلبي وماف زول بشوف وشها غيري !!!،كلهم انصدمو وحتى انا انصدمت!!، ضحك وقال لي بهظر بس انا عايز اكشفو بنفسي مسك ألنقاب بالقوة وقال نشوف النينجا دي عامله كيف انا كنت بلاوي فيه عشان ما يرفعة بس الخبيث كان أقوي مني ورفعو........