الفصل الثاني عشر 12
بقلم شفق الغروب
مش كفايه كده ولا ايه ؟ طب قومي شوفي اخوكي بس ده هيجنني انتي مغيبة وهو بيجي يرخم عليا وطبعا بحجت انو عايز يطمن عليكي
بر فتحت عنيها صوت مين ده وهي بتقول ايه؟
اول ما فتحت عنيها اللي كانت بتتكلم بصت ليها بصدمة وصرخت:
- فااااقت
وطلعت علي طول بره الاوضة زينب خرجت من الاوضة ورنت علي نادر بقت تصرخ فيه بفرحة :
- فاقت يا نادر بر فاقت من غيبوبتها
نادر بصدمة وسعاده :
- اخوها ذراها النهارده زيارتو اليوميه؟ ؟
- ايوه كان لسه ماشي من شوية
- طب بصي متخليش حد يدخل عندها حتي انتي لحد ما اجي ومتبلغيش اخوها انها فاقت دلوقتي....انا لازم اشوفها الاول واتأكد منها لو كانت عيزا تبلغهم ولا لا
- بس لازم ابلغوا !!
- ماشي انا مقلتش حاجه بلغيه بس كمان شوية بعد ما اذورها
- امري لله ..حاضر يا نادر انا مش هدخل ليها لحد ما تيجي ولا هبلغ اخوها دلوقتي خلاص كده
- ايوه كده تمام
نادر قفل مع زينب وقام يلبس علشان يروحلها
وبعد نص ساعة كان وصل نزل من العربية ودخل المستشفى اتجهه علي اوضتها اللي هي كانت فيها ولما دخل لقاها نيمة علي السرير بصة علي السقف مش بتتحرك كانت سرحانة لدرجة انها محستش بيه وهو بيدخل
بر كانت اعده بتفكر هي رجعت للواقع تاني...طب هي مش عوزاه ....عوزاه ترجع تنام تاني الموضوع احلي .. بس في حاجه هي مشتقلها هناك هي عوزاه تنام علشان ترجعلها كأنها نسيت في المكان اللي كانت فيه حته من قلبها هي مش فكرة هي كانت فين بس حسه انها عوزاه ترجع ترجع لهناك ب اي طريقه حسه بالاشتياق لحاجه هي متعرفهاش
يمكن الاحساس ده بسبب انها مش عوزاه ترجع للواقع وكرهاه يمكن ....بس هي فين وبتعمل ايه هنا ....وايه اللي حصل هي مش فاكرة حاجه حرفيا اخر حاجه فكرها لما خرجت مع نادر وكان قبل اول يوم في الكلية مش فكرة غير انها دخلت الNight Club مع نادر وشافت شلتوا دي اخر حاجه فكرها طب برضو ازاي جت هنا هي ليه مصدعة ليه حسه بالغثيان حسه بالتشتت لدرجة انها مش عرفه تجمع أفكارها حسه بضعف وإرهاق لدرجة انها مش قدرة تقوم تقعد بدل ما فردة نفسها بطنها وجعها حسه بغثيان حسه بالذنب بس متعرفش ليه عوزاه تعيط ومش عرفه السبب حسه انها مكتئبة يمكن بسبب الأعراض دي حزينة ومكتئبة
نادر لما دخل وشاف حلها وسرحنها افتكر ان اختو قالتو لما سألها عن الأعراض اللي بعد استفقتها من الغيبوبه وقالت من ضمن الأعراض:
" ضعف التركيز والانتباه ، بطء في الاستجابه ، ارتباك وتشوش ذهني "
نادر قرب من السرير وهي متحركتش ولا اخدت بلها اصلا نادر كلمها :
- بر !!!
عده دقيقة موصلش رد نده تاني
- بر !!!
بر بدأت ببطئ توجه نظرها نحيتوا وبصت ليه كأنها بتحاول تستوعب هو مين اللي قدمها مردتش نادر راح عندها وسعدها تقعد هو عارف ارهقها بر بصت ليه وهو بيروح يقعد عند طرف السرير اعدت تفرك في عيونها وبتعصر عقلها انو يركز وبعد دقايق بدأت تتكلم والكلام بيخرج منها بالقوة
- نادر انا اه اللي جبني؟؟ هنا
بدأت تبكي بخوف كأنها طفلة تيهه
- انا ..م...م..مش فكرة حاجه!!
نادر مسك أديها وطبطب عليها :
- اهدي يا بر
- ازاي اهدي يا نادر انا مش فكرة حاجه ولا عرفه ازاي جيت هنا اخر حاجه فكرها لما خرجت معاك ورحنا النايت ...انا ازاي جيت هنا
نادر حس بضيق ازاي يقولها ان الكلام ده مر عليه اكتر من شهر
- بر لو حكتلك اللي حصل توعديني تمسكي أعصابك ومتنفعليش ولا تضيقي ؟
بر مسحت دموعها وبصت لي بترجي انو يحكي
نادر اتنهد وبدأ يحكلها اللي حصل من اول ما راحت معاه النايت لحد اللحظة دي وبعد وقت مش كبير كانت بر اعده ضمه نفسها وبتبكي بحرقة للدرجه دي هانت علي أهلها لدرجة انهم يطردوها وهي في تعبها يرموها رميه الكلاب هي عملت ايه علشان كل ده؟ ؟
ليه تتجرح بالشكل ده؟؟ ليه كل مرة بتبكي ليه ؟؟؟المفروض تبقي اتعودت علي أفعلهم ...هي عرفه كرههم بس هي متوقعتش ولو حتى في ابشع أفكارها اتجههم انهم يطردوها...ازاي شافو سقمها وعادي....مش كان المفروض قلبهم يحن ...كانت بتسأل نفسها سؤال كل مرة تتئذي منهم فيه ...سؤال عمرها ما باحت بيه لحد سؤال نفسها بتصرخ بيه بألم مع كل دمعة تنزل " ما هو ذنبي؟ " انا كان زنبي ايه اني مكنتش أبرار طب ما انا من حقي ابقي نفسي من حقي متقرنش بابرار
أبرار كانت احسن مني في ايه علشان هي اللي تعيش وانا اللي اموت ليه بيفرقو ليه انا ليه ربنا بيكرهني وبيحب أبرار لدرجة انو اخدها عندو رغم أنها كانت عيشة في هناء وسيبني رغم اني عيشه في تعاسة هي دي الرحمة ؟؟
انا كان نفسي اشك في كلام امي ان ربنا بيكرهني وانو هيدخلني النار اتحرق فيها مهما عملت... ان ربنا مش هيديني رحمة ولا هيغفرلي زنب تركي لفرض وان مهما عملت ربنا عمرو ما هيحبني وكلام كتير قالتو وتهديد وضرب كانت بتقولوان الجنة تحت أقدمها وان دعوتها مستجابه وكانت تدعي عليا ربنا يحرقني ويعذبني وانا كنت طفلة كنت بروح اعيط وانزل تحت رجلها بذل أقولها خلاص ووالله هسمع الكلام واعمل زي ما انتي بتقولي علشان ابقي زي أبرار هي خلتني مشفش في ربي الرحمة خلتني اشوف فيه العذاب والظلم والقهر وانو عايزها تدعي علشان يستجيب ويبدأ يعذبني
" محدش يلومني انا لما عرفت ربنا عرفتو بعكس اسمائو ملقتش اللي يصلح مفهيمي بما اني مكنتش بطلع من سجني عشت علي اللي هي بتقولو وعقيدتي ادمرت لحد مبقاش فيه غير عقيده مشوه كلها تشكيك وكرهيه وانتهي الموضوع بالي شيفينوا ...."
دمرو حياتي وديني ونفسيتي ودمروني وفي الاخر يرموني كأني كيس زباله
- متبكيش كده يا بري علشان خاطري متتعبيش نفسك علشانهم
- مش عيزني ابكي بعد اللي حكيتوا بعد ما قلت ان اهلي فرطو فيا بكل سهولة الارض ومفكروش يدور عليا وسبوني مرمية في المستشفى
نادر محبش يقولها ان اخوها عمر كان بيزورها يوميا علشان كان عارف ردها لأنها شيفاها بيكرهها زيهم كانت هتقول جي يشمت فيا ويشوف عجزي جي يشوف ويروح يحكلهم ويخدو السهرة كلام عليا
نادر محبش يزود توتر علاقتهم
- انا قلت للدكتورة متبلغش اهلك دلوقتي انك فقتي لحد ما اقولك
بر مسكت أديه وبصت ليه بترجي وقالت :
- متخلهاش تقولهم..!!
- ليه ؟؟!!
- يا نادر عشان خطري !!
نادر بص ليها بقلة حيلة مش هيرفض او هيناقش وهي في الحالة دي سألها :
- هترجعي علي البيت عندهم؟؟
- بعد ما طردوني ورموني بالشكل ده استحالة دول حتي مفكروش يجوا يزوروني
- طب هتروحي فين ؟
- اي حته حتي لو اعدت في الشارع احسن من اني ارجعلهم ...هما فكرني هرجع حتي بعد ما طردوني علشان مليش حد ولا ليا مكان ارحلوا
نادر حط عينوا في عيونها وقال:
- ملكيش حد امال انا ابقي ايه قرطاس لب ؟!!
بر ضحكت وهي بتمسح دموعها وتزقوا وتقول:
- متهزرش
- مش بهزر وبعدين ملكيش مكان وانا موجود مفاتيح الشقة اللي في الخامس خديها اقعدي فيها وهي كده كده محدش بيدخلها
- مينفعش يا نادر
- أنتي عرفه انك في وضع ميسمحلكش انك ترفضي
- بس ....
قاطعها بصرامة وقال
- مبسش الكلام منتهي
قالت بخجل وهي منزلة وشها في الأرض:
- شكرا
- بتشكريني علي ايه بس ده وجبي اني أقف معاكي في وقت طردتك
- مش كانت زنقتك ؟!!!
- لا انا صح طردتك
بر ضحكت على ثقتوا العمياء دي
عند زينب لما اخوها راح عند بر اعدت تفكر لو سمعت كلاموا اخوها هيفضل جنب بر صحاب ولد وبنت علاقة محرمة وهتبقى سعدتوا فيها امها لو كانت موجوده وشفتها بتساعد أخوها علي الغلط هتبقي رضيا اعدت وقت تفكر لحد ما حسمت قرارها وهي واثقة انو الصواب رنت علي عمر اخو بر وبلغتوا ان اختوا فاقت اعد يسألها بلهفة وخوف طب هي كويسه ؟حالتها ايه دوقتي؟ هي ممكن تدخل في غيبوبة تانية؟؟
هي طمنتوا وقالتوا انها كويسه وبعد دقايق قفلت معاه واول ما قفلت سمعت صوت اخوها وراها لفت بتوتر معقول سمعها وهي بتكلم اخو بر بعد ما اقلها متبلغش أهلها
- مالك وشك مخطوف؟؟
- مش مخطوف ولا حاجه بيتهيألك...انت جي ليه؟؟
- جي اقولك تقدري تدخللها علشان تعملي فحصاتك
زينب كانت هتروح بس نادر وقفها وقلها :
- ولا اقولك خلي صحبتك روان هي اللي تعمل الفحوصات وتكشف عليها
- و ليه بقا ان شاء الله؟ ؟
- علشان انا عرفك هتروحي تفتحلها محضر
زينب بصت ليه بتملل وبعدها راحت علشان تقول لروان تكشف عليها
وفعلا فحصتها وكل حاجه كانت مشية كويس
بعد مرور اسبوعين كانت حالت بر استقرت وكانت تقدر تخرج خلال الأسبوعين دول مكنتش فيه حد بيزورها غير نادر اخوها بعد لما عرف انها فاقت بطل يروح يزورها بعد الأسبوعين اتكتب لبر علي خروج بر خرجت بعد مدة طويلة دخلت لوحدها واديها بتخرج لوحدها اتعودت انها تبقي لوحدها كان نفسها تقول زي اليتيمة بس هي مش يتيمة هي اترمت وهما حيين طلعت من المستشفى لقت نادر مستنيها تحت كأنو جي يمحي فكرة انها لوحدها ....اهي مش لوحدها للدرجه دي اهي عندها حد بيخاف عليها بيهتم بيها بيعتبرها شيء جميل في حياتوا ركبت معاه ونادر وصلها قدام العماره اللي فيها الشقة اللي هتقعد فيها هي دخلتها قبل كده بس في ظروف اسوء من كده وهي اصلا مش فكرة دخلتها ازاي بسبب اللي كانت فيه وقتها
طلعت مع نادر وهو فتح الباب علشان تدخل بر دخلت ونادر وراها
بر دخلت وكانت بتتأمل شكل الشقة دي احساس دفئ غريب ريحة ايام جميله في طاقة إيجابية في المكان في ذكريات حلوة الترتيب تصميم البيت يخليك تحس بدفئ والحنين كانت سرحانة وملامح وشها مرتاحه بر اخدت نفس ببطئ غريبه اول مره ترجع من بره ومتحسش بالخنقة اللي كانت بتحس بيها كل ما تدخل بيت أهلها مش خيفه وهي دخلة تقابل امها في وشها وتبدأ تاخد تشط تهزيق لسبب هي لا تعلموا وتراهن بعمرها ان حتي امها متعرفش السبب ...هي كده بتحب تضربها تهزقها تزعقلها من غير السبب المهم تديقني وخلاص
لفت لنادر اللي كان واقف ساند علي الباب باصص علي بر بابتسامه واول ما بر لفت لي قال :
- ايه عجبتك؟ ؟
- جميلة ودفية وفيها ذكريات متتنسيش من جملها
نادر سكت وهو حاسس بحنين ورد عليها في نفسوا " فيها أجمل لحظات حياتي "
- نادر
- عيونوا
بر كانت بتتكلم بحرج مخلوط بحزن ووشها في الأرض
- نادر خلاص مش عوزاه اقعد هنا ...!
نادر ملامح وشو اتغيرت وراح قرب منها وسألها :
- ليه مالك ايه اللي حصل عشان تقولي كده؟؟!!
- نادر انت ملكش دعوه بمشكلي علشان تشلها معايا انت ايه زنبك علشان اجي اخد منك شقتك ...انت ملكش زنب تصلح إفساد غيرك
نادر ابتسم ليها وقال:
- ومين قالك اني بعمل كده ببلاش ؟؟!!
- وايه المقابل؟ انت طول الوقت بتساعدني من غير مقابل نفسي يبقي في مقابل علشان محسش بالتقل اللي انا فيه ده...انا عِبء عليك
نادر سحبها وقعدها قداموا وقال :
- اولاً انتي مش عِبء انتي احلي حاجه حصلتلي في حياتي...انا كنت محتاجك اكتر ما انتي محتجاني ثانياً مقابل اللي بعملوا اني اشوفك ارتحتي من ظلمهم ليكي وانك تخفي نكد شويه عوزين نخرج مرة من غير ما اهلك يخنقونا والحل بقي لكل مشاكلك البعد عن المرضى دول
- انا مش عرفه اشكرك ازاي علي اللي بتعملوا معايا
- اقولك ازاي بس متفهمنيش صح
قالها وهو بيغمز وبيضحك
بر زقتوا وقالت :
- احترام نفسك وبلاش قلة أدب وسفالة
- اه ده في ايه انتي فهمتي ايه ؟ انا قصدي نخرج النهارده مع بعض والمرة دي لوحدنا علي البحر
- هشوف واقولك
بر فكرت هتقولو ازاي هي مش معاها فونها ولا معاها هدومها اكيد التأقلم هنا هيبقي صعب هي محتاجه كل حاجه تقريبا هي مش نويا اكيد تعيش في الشقة دي ديما هي تشتغل وبعدين تبدأ تظبط حياتها براحة وتدور علي مكان تاني
نادر قام وقالها :
- شوفي وكلميني ولو احتجتي حاجه كلميني
بر هزت راسها بالايجاب وفي نفسها بتقول بتهكم " مش لما اتصرف انا هجيب هدوم منين ابقي اتصرف ازاي اكلمك "
نادر مشي بعد ما حط المفتاح علي الطربيزة ووصها تقفل الباب ومتفتحش لحد
بر بصت حوليها هتاخد انهي أوضة هي حطة في نيتها ان اللي هتخدها مش هتغيرها ومش هتدخل الاوض التانية ابدا هيفضلوا مقفولين
اتجهت نحيت أوضة الباب بتعها موارب ودي حاجه لفتت نظرها اشمعنا دي اللي بابها موارب والتانين مقفولين والمفتاح في ابوبهم راحت عند الاوضة دي وفتحتها بصت عليها وتوقعت انها اكيد لنادر واضح من القوس والسهم اللي متعلقين وجوائز في السباحة واسيكرات الخيل اكيد لنادر مش محتاجه وبما انها كانت مقررة اول أوضة هتفتحها هي اللي هتنام فيها وتقفل الباقي رست علي أوضة نادر قامت تشوفها بدقة وبتفصلها طلاما هتبقي بتعتها
بعد دقيقتين راحت علي الكمودو فتحت الدرج لقت ورقه وجنبها فون جديد فتحت الورقه بصدمة اه اللي جاب الفون ده هنا !!!
لقت مكتوب فيها بالحرف
" عارف ان فضولك جابك تدخلي الاوضة الوحيدة اللي مفتوحة دونا عن الاوض التانية وعارف انك حسيتي الحياة صعبة بالذات انك سبتي كل حاجه فجأة ...بس انا معاكي نواجه الصعب والفون ده علشان اعرف اكلمك ما انتي نسيتي فونك عندهم وفي الدولاب بتاعي في لبس ليكي مش انا اللي شاريه او اختارت حاجه دي اختي انا بس عطتها الفلوس وقلتلها مهما كان التمن يروح فدها وهي تعرفك بس انتي متعرفيهاش علشان كده كان سهل انها تجيب الحاجه مقاسك......مش عاوز كلمة ولا رفض كده كده هتخدي الحاجه غصب عنك......واوعي تنسي اني نيدو اللي وعدك انو هيزين صفحات الحبر الأسود يا بري♡ "
في وسط الهدوء الدفئ مفيش غير صوت انفسها دموعها نزلت وهي بتقول《 معقول تبقي احن عليا من اهلي معقول تبقي بتفكر فيا لدرجة انك فكرت في المشاكل اللي كانت في دماغي وحلتها...جتلي في عز سواد حياتي زي النور الخافت اللي بيصرخ بالأمل ...خلتني اشوف السواد ده علي انو سماء جميلة مليانة بالنجوم وصدقني كنت القمر فيها ....انت مش بيجيلك مني غير المشاكل كنت هتموت بسببي ورغم كل الصعوبات متمسك بيا رغم برودي وسلاطة لساني.... رغم نكدي الدئم كنت جنبي في سقمي مع أن اهلي اللي من لحمي ودمي رموني كنت سندي بعد ما عشت حياتي وانا افتقر لسند ...بتعمل حاجه مش ملزم بيها حد غيرك كان طنشني وطنش مشكلي وقال وانا مالي كنت انا السبب فيها اللي كان السبب يجي يصلحها .... بسببك عرفت ان الانسان مش بيتولد وحش بس البشر اللي بيصنعوه ... عرفت ان مفيش حد بيتولد شرير لاكن البشر هما اللي بيصنعوه ....مفيش حد بيتولد عاصي هما اللي بيصنعوا عصيانو .....أيقنت اني مش انسانة وحشه بس هما اللي صنعوا الوحش اللي جوايا ....حسيت بيا وبظلمي ومديرتش وشك وقلت أهلها وبيربوها ...ياريتك كنت في حياتي من زمان...!》
قالت كده وهي مسكة الفون اللي نادر جابو ليها فتحتوا واتصلت عليه هو كان حاطط فيه خط ومسجل رقموا اتصلت وافصحت عنما في جعبتها رنت عليه ملحقش يقول ولا كلمة لقاها بدأت تتكلم من غير مقدمات من غير تصنع من غير تماسك
نادر متكلمتش هيرد يقول ايه؟؟
كان سامع صوت بكائها صدق كلامها كان بسمعها بهدوء لحد ما انهت كلامها ومفيش غير صوت اننها نادر غمض عيونو واخد نفسوا طلعو ببطئ وقال :
- حرررررام ليه توجعيني بصوت انينك ليه تخليني احس بعجزي وانا سمعك بتبكي وانا بعيد لا انا عارف اهون ولا اواسي .....بس طلاما قلتي كل اللي جواكي بصدق جه دوري ....بر انا قبل ما أعرفك كنت بموت بوجع الفراق تخلي بعد ما عشت في دفئ وحب وأهلي كانو كل حياتي فجأة بسببي القيهم راحو مني انا كنت بموت من فكرة انهم ماتو بسببي لو مكنتش سافرت مع جدتي واتخانقت وعملت نصيبة كانت هترميني في السجن بسببها مكنوش ماتو مكنوش اتخضوا واطرو يجوا المحافظة اللي انا فيها مع جدتي سابو اختي اكبر وحدة زينب في البيت واخدو جويرية وميمونة علشان يجولي كانو بيجرو علي الطريق علشان يجولي ويحلو المشكله اللي كنت فيها مكنش زمان العربية اتقلبت بيهم وماتو كان زمان آمنه و ميمونة وامي وابويا عيشين هما ماتو بسببي......اتمنيت اتحبس وابعد عن زكرياتي اتمنيت احساس الذنب يفارقني.....الولد اللي كنت هموتو وكان في العنايه فاق واهلو اتنزلو عن المحضر لما عرفو اللي حصل لأهلي علشان اشفقوا علي حالي انتي عرفه الولد ده يبقي مين ؟.....يبقي آدم صحبي اللي انتي مش بطقية اللي قالك لما عملت حدثة انتي السبب لانك دعيتي عليا.....غبي مكنش يعرف اني اتخطيت بيكي....انا كنت بموت قبلك كنت حاسس بالظلم وان مفيش حد غيري مكسور ومهما سمعت مشاكل مكنتش بشوفها حاجه جنب الذنب اللي شيلوا ....لحد ما شفتك ولفتت نظري وحدتك وجرأتك ورفضك لكل اللي بيحاول يصحبك حتي البنات ...شغلتي بالي لدرجة نسيت احساس الذنب وكنت حاسس ان وراكي مأساة علشان تخليكي بالبرود ده وتحجر قلبك بالشكل ده كنت حسك روبوت خالي من المشاعر!!
لحد ما عرفتك وعرفت اللي عيشة فيه من ظلم وإهانة وزل وكره عرفت مأساتك اللي تخلي اي حد قلبو يتكسر حتي لو كان حجر وبدأت فجأة اعمل مقارنة مين حالة اسوء انا ولا انتي ؟؟؟
انا اللي عشت مع اهلي في ترابط ودفئ وسكينة ولا انتي اللي اهلك عيشين يكرهوكي في حياتك اهلك اللي صنعوا منك شيطان بيحب العصيان اهلك اللي كرهوكي في كل حاجه ......حتي ربك خلوكي تكرهيه دمرو عقدتك ودينك وحياتك وخلوكي تتمنى الموت وتجربي ٠تنتحري اكتر من مرة اهلك اللي بيعذبوا فيكي وهما مبسوطين اللي شيلوكي خطأ انتي ملكيش زنب فيه حملوكي خطأ اهملهم في اختك
وفجأة لقيت نفسي بقاوم دموعي طب انا اللي حصلهم كان قداء وقدر كان مكتوبلهم يموتو الوقت ده ولو مكنوش جاهو علشاني كانو ماتو برضو ....لاكن انتي....انتي في حجيم ..انا لما افتكر اهلي هفتكر ذكري حلوة لاكن انتي معندكيش ذكريات معاهم ولو فكرتي تعملي ليهم ذكري واحدة مش هتلاقي غير وجع ودموع وكسرة
ده خلاني عاوز افضل جنبك اسعدك اخفف وجعك كنت فاكر اني اكتر انسان موجوع بس لما عرفتك أدركت عكس كده
بسببك افتكرت ان اللي حصل لأهلي انا مليش علاقه بيه وانو مكتوب ليهم كده انا اتعفيت بسببك يبقي لازم اسعدك تتعافي زي ما سعدتيني صحيح انا مش بعرف ادخل مكان فيه ذكريات ليا معاهم بس ...انا اتخطيت بسببك وانتي هتتخطي وتعيشي بمسعدتي يا بري
قال كده وسكت وهو بيمسح دموعوا لما افتكر اهلو
بر كانت بتسمعوا باستغراب اول مرة يحكي ويتكلم عن نفسوا اول مرة تعرف ازاي اهلو ماتو اول مرة تعرف انو كان جريح ...ده نادر اللي كان ديما قوي وبيحسسها ان الدنيا سهلة وجميلة وأننا احنا اللي بنتوهم الوجع وآلم
بر غمضت عيونها ودموعها نزلة وقالت بصوت بالكاد يتسمع من فرط البكاء:
- سلام
وقفلت
فردت نفسها علي السرير بتفكر مش كل حد بيضحك بيبقي مبسوط مش شرط كل حد مطنش يبقي مش شايل هم حاجه كلما بنحبس مشاعرنا
بدأت تضحك بهستيرية وهي علي السرير فضلت تضحك لحد ما قلبها وجعها من كتر الضحك سكتت تدريجيا وبقت بصة علي السقف افتكرت فجأة موقف حصل من زمان زده اللي خلها تضحك وسكتت عن بكائها وقامت تشوف حاجه تكولها
" دائما اكثر الناس آلماً أولئك الذين يضحكون دائما " دي طريقتهم علشان يتخلصوا من حزنهم ممكن يفتكرو موقف من سنين يضحكوا عليه من شدة آلم وساعات المواقف دي بتبقي غير مضحكة ممكن تبقي مواقف آلم قديمة بقوا يضحكوا عليها يضحكوا علي وجعهم دي طريقتهم في نسيانوا ديما لو جاهو يبكوا بيرجعوا يقولو حاجه تضحك قبل ما حد يحس بوجعهم كتمينوا في نفسهم مخبينوا مش مسرحين بيه وبر حالتها كانت كده مهما بكت ترجع تضحك مع نفسها مكنتش بتحكي لحد.قبل مل تعرف نادر واوقات كتير بتخبي عليه بعض الأشياء كام مرة فضلت تحزن لوحدها واختارت كتمان مشاعرها علشان تطلع وتضحك مع نادر لعلها تنسي
بعد ثلاث ساعات من مكالمة نادر وبر نادر رن عليها وقالها انهم يخرجوا وهي وافقت ولما قابلها كانت بتتكلم عادي وتهزر ولاكأنها من كام ساعه بتبكي سعات بيستغربها بس اتعود على اسلوبها وطريقتها
مر شهرين كاملين بر اعده فيه في شقة نادر بعد اسبوع من اعدتها فيها لقت شغل وبدأت تشتغل كانت الصبح تروح الكلية بتاعتها وبعد الظهر الشغل لحد الساعه ٧ المغرب وبتروح
ونادر كان بيزورها الساعه ٩ شبه يومياً كان بيقعد معاها ويتكلموا وكانت في أيام الاجازه بتروح معاه النايت كان نادر بيرقبها ولو فكرت تشرب كان يمنعها وهي تقولو
- ما انت بتشرب وكلكم اشمعنا انا ؟!!
- هو كده لو عجبك...وبعدين انتي نسيا لما شربتي ايه اللي حصل ولا انتي عجبتك الغيبوبة؟
- من ناحيه عجبتني فا اه ...صراحة كنت حسه براحة وأمان معرفش سببهم ...بس برضو اشمعنا انت بتشرب انا عوزاه ادوقو مرة
- متحلميش ولا كأس
- ليهههه؟؟
- علشان دي مضرة يا روحي ومينفعش تشربيها دي هتبقي إدمان ومش هتعرفي تبطليها وانا خايف عليكي يا حبيبتي وعلشان خاطري ابعدي عنها
- اولا بلاش محن ثانياً لو مضرة ليه بتشربها ؟
- علشان انا خلاص وقعت في الفخ بتعها ومش هسمح انك انتي كمان تقعي فيه وتدمري صحتك
في يوم بعد الشهرين وفي اول ايام الشهر الثالث نادر خبط عليها الساعه ١١ بر لما فتحت وشافتوا واستغربت هو لما بيجي بيجي ١٠ بالضبط ولو اتأخر اكتر من ربع ساعة معناها مش جي
بر وسعت ليه وخلتوا يدخل وكلمتوا:
- مش بعادة يعني تيجي الوقت ده !!
- كنت في النايت
- مش ديما بتروحو بعد ما تجيلي ؟!!
- كنت مخنوق يا بر ومحتاج اشرب كنت محتاج جرعة السم علشان احس بشوية راحة
- وحسيت ؟؟
- لا علشان كده جات اقعد معاكي
بر ابتسمت وقالت :
- ممتك كانت بتحبك انا عملة بسبوسة ولسه مطلعها من الفرن سخنة هروح اجبلك منها وانا وثقة ان الخنقة هتروح لما تكلها الاكل راحة لكل بال و ونس لكل مشتاق انا لما بزعل باكل ثواني اجبلك بسبوسة وجيه
وفعلا راحت وجبتلو منها ومعاها عصير وطلعت لما طلعت شافتوا رامي الجاكت اللي كان لبسوا علي الكرسي وفارد نفسوا علي الكنبة ومتنح في السقف وهو سرحان
بر ابتسمت وتقدمت وحطت صينية التقديم على الطربيزة اللي قداموا
وراحت وقفت قدام موضع راسو مالت شويه ووشها بقي مواجهه لوشو بشكل معاكس بس فيه مسافة
بر ابتسمت وهي بصة لي وقالت :
- مالك سرحان في ليه ؟
نادر بص ليها وقال :
- زهقت يا بر
- من ايه ؟!!
- كل حاجه .....حاسس اني مخنوق مدايق طهقان
- متعودتش عليك كده فكها ومتشلش هم أو تضايق أكرف للعيشة وشد الفيشة
قالتها وابتسمتها البريئة علي وشها وهي لسه ميلة وموجها لوشو بالعكس
نادر ابتسم وهو بيبص ليها بشهوة وحاوط رقبتها بين درعاتو وهو بيبص عليها بنفس الشهوة اللي عمرو ما بص علي بر بيها
بر جسمها انتفض و سرت فيه رعشه غريبه ملامحها اتغيرت بتعجب وخوف هو ليه عامل كده !!!
نادر فك واحد من درعاتو اللي محوطه رقبتها ولمس وشها وقال بشهوة وهو بيمرر ايدو علي ندبة جبنها :
- اول مرة اشوف ندبة تحلي ملامح الوش وتزيدو جمال ...انتي جميله يا بر رغم ان شكلك عادي بس جمالك ساحر كانو سحر بيخلبني اغرم بيكي كل يوم اكتر من اللي قبلوا بر.....
بر وهو بيتكلم وشيفة نظرة الشهوة في عيونوا كانت عوزاه تبعد بس عجزت هي عمرها ما فكرت انو ممكن يشوفها كده عمرها ما فكرت ان اللي بيحميها ممكن يئذيها كانت مصدومه والصدمة مخليه جسمها عاجز عن الحراك ازاي نادر كده
نادر كان بيقرب وشها منوا وهو بيتكلم وبيدقق النظر فيه علشان يشوف كل صغراتو بس فونو رن وكأن الرنة دي افاقتو من وهمو لما شاف انو محاوط بر كده بعد عنها بسرعه وقام بسرعه وتوتر ....هو ايه اللي كان بيقولو ده ايه نظرة الشهوة اللي بص ليها بيها قام بسرعه وجسموا بيرتعد من التوتر والرعب اللي هو فيه قام وقالها بتوتر وهو كلوا عرق من الحالة اللي وصلها :
- بر انا لازم امشي !!
قال كده ومشي علي طول ونسي الجاكت بتاعو
كان بيلوم نفسوا علي تفكيرو ده وافتكر كل كلمة اختوة قالتها وافتكر قصة الراهب برصيصا اللي حكتهالو فجأة كده وهما لوحدهم في خلوة الشيطان يخليه يشوفها كأنها أجمل نساء العالم علشان شهوتو ورغبتو تزيد ويقع في المعصية والفاحشة
عرف ليه ربنا حرم خلوه الرجل بالمرأة دلوقتي اتأكدت مهما كنت مؤمن مهما كنت عارف ربنا مهما كنت واثق في نفسك مهما كنت حاسس انك عمرك ما تعمل حاجه زي كده الشيطان اشطر واخبث انو يدخل ليك من صغرات هيزين ليك المعصية انت وهي لوحدكم الباب مقفول المعصية ميسرة شيطان يخليك تشوفها أجمل شيء في الكون اللي خلي راهب عابد الله يقع في المعصية والمعصية جرت معصية لا لخلوة الرجل والمرأة دلوقتي شاف الحكمة عرف ليه رب العالمين حرمها
لحد دلوقتي هو ميعرفش ازاي شفها كده كانت في اللحظة دي في عينوا فاتنة اه اللي حصلوا معقول الشيطان عرف يوهموا بعد ما كان بيقول لاختو بر اختي ومستحيل ابصلها باي شكل تاني هو فعلا بيعتبرها زي اختو بس ميعرفش ايه اللي حصل حكمت ربنا انو يحصل الموقف ده علشان يتأكد ان ربنا لما يحرم حاجه مش معناها انها أوامر وخلاص لا معنها انها حصانه لينا خير لينا دي حاجه تخلينا نحافظ علي نفسنا ربنا مش هينهنا او يحرما لينا حاجه الا وكانت خير لينا ومنقعش في المعصية
نادر اتنهد بضيق عرفت الحكمة يارب....عرفت الحكمة يا نجد عرفت الحكمة يا مؤمن ابنكم عرف الحكمة والحمد لله اني فقت قبل ما اتمادى
" لا خلوة لرجل مع امرأة مهما كان السبب"
مهما كانت ثقتك في نفسك مهما كانت قوت إيمانك لا تنسي ان الشيطان ماهر لا تنسي وسوسته وكيف يزين اكبر المعاصي وييسرها أمامك حتي تقع فيها وحينها لا يفيد الندم لا تنسي كيف يمكن له ان يوهمك بما تراه ولا تنسي قوله تعالى في سورة يوسف { إِنَّ الشَّيْطَانَ لِلْإِنْسَانِ عَدُوٌّ مُبِينٌ }
ابعد عن الشبه!!! الشبه ثم الشبه ثم الشبه !!!!
نادر خلاص عرف ليه الشيطان عدو مبين عرف ازاي ممكن يكون تزين المعصية عرف ازاي الراهب برصيصا ساب نفسوا للشيطان ووسويسو لحد ما وصل للكفر بالله
أيقنت صدق الحديث اللي نجد ومؤمن كانو بيرددوه عل مسامعوا ان الرسول صلى الله عليه وسلم قال:
«لا يخلون رجل بامرأة إلا مع ذي محرم»
وكمان قال ﷺ:
«ألا لا يخلون رجل بامرأة إلا كان الشيطان ثالثهما»
الفكرة إن الخلوة (يعني وجود رجل وامرأة لوحدهم في مكان مغلق أو بعيد عن أعين الناس) ممكن تفتح باب للفتنة والمعصية، علشان كده الشرع سدّ هذا الباب من أصله.
لكن لو فيه وجود محرم (زي الأب، الأخ، أو ابنها مثلًا) أو وجود ناس آخرين، ساعتها ما تُعتبرش خلوة محرمة.
هو ديما كان بيخرج معاها في أماكن مفتوحة فيها ناس صحيح في وقت متأخر بس كان بيبقي في قلة من الناس لاكن لما اتقفل عليهم الباب وبقوا لوحدهم تماما كان ممكن تحصل معصية كبيرة لولا انو فاق حسم امرو انو مش هيطلع عندها تاني استحالة ربنا سترها المرة دي والله واعلم المرة الجاية ايه؟؟
ونادر اعد في عرببتو بيفكر في كل حاجه وبيفكر في حكم ربنا الفون رن تاني هو من توترو اول مرة مشفش مين بيرن لما بص لقي اختو زينب اتصلت فتح فونو يرد عليها قال وهو بيمسح عيونوا بتعب :
- الوو
- ابدأ بالسلام صدقني عليه اجر
- السلام عليكم ورحمة الله وبركاته
- وعليكم السلام ورحمة الله وبركاته
عدت دقيقه وزينب متكلمتش نادر قالها :
- اه اتصلتي علشان تقولي كده ؟؟؟؟
- صراحة لا .... نادر انا عرفه انك حرجت عليا اني اعمل كده بس اخو البنت كان بيزن كتير وانا قلتلو علي مكان اختوا ..!