الفصل الثالث عشر 13
بقلم شفق الغروب
ابعد عن الشبه!!! الشبه ثم الشبه ثم الشبه !!!!
نادر خلاص عرف ليه الشيطان عدو مبين عرف ازاي ممكن يكون تزين المعصية عرف ازاي الراهب برصيصا ساب نفسوا للشيطان ووسويسو لحد ما وصل للكفر بالله
ونادر اعد في عرببتو بيفكر في كل حاجه وبيفكر في حكم ربنا الفون رن تاني هو من توترو اول مرة مشفش مين بيرن لما بص لقي اختو زينب اتصلت فتح فونو يرد عليها قال وهو بيمسح عيونوا بتعب :
- الوو
- ابدأ بالسلام صدقني عليه اجر
- السلام عليكم ورحمة الله وبركاته
- وعليكم السلام ورحمة الله وبركاته
عدت دقيقه وزينب متكلمتش نادر قالها :
- اه اتصلتي علشان تقولي كده ؟؟؟؟
- صراحة لا يا نادر انا عرفه انك حرجت عليا اني اعمل كده بس اخو البنت كان بيزن كتير وانا قلتلو علي مكان اختوا
نادر اتنهد بهدوء وقال :
- ماشي
زينب استغربت توقعت انو يزعق واتخانق معاها ويلومها علي عملتها بس رد بالبرود ده عادي
رغم استغربها ولاكن متكلمتش وقالت يمكن عقل وعرف اللي بيسعدها فيه ده غلط
عده اليوم ده وتاني يوم بر رجعت البيت وبعد ساعة بالضبط الباب خبط وراحت فتحت ولما فتحت اتصدمت لما شافت ابوها ومني وعمر قدمها
ازاي عرفو مكانها !!!
هما عوزين ايه منها جيين ليه وراها بعد ما رموها !!
جيين يدمرو حياتها هنا كمان !!!
عوزين ايه منها هما ليه مش سيبنها تعيش
امها اتكلمت :
- اه هتفضلي موقفانا علي الباب كده ؟
- ايه اللي جابكم؟
- كمان مش عوزانا نيجي طبعا عوزاه تكملي صيعتك
بر ابتسمت بتهكم علي كلامها وعيونها دموع
مني لسه عوزاه تطلعها الشيطانة سبب المشاكل مش عوزاها تبقي ضحية ابدا علشان محدش يحن عليها
- صياعة !! اه عوزاه اكمل صياعة وروني جمال خطوتكم بقا
وكانت هتقفل الباب بس عمر حط رجلو وزق الباب بايدو من غير ولا كلمة في اللحظة دي امها زقتها ودخلت الشقة وابوها دخل
دخلوا واعدو ولا كأنها شقتهم
بر كانت مصدومه من بجحتهم
هما بجد ليهم عين يجيو ويوروها وشهم
بر زعق فيهم :
- اطلعوا بره شقتي !!! عوزين ايه مني مش طردتوني واستريحتوا من قرفي عوزين مني ايه تاني؟؟!!!
ابوها قام وقف قدمها وقالها:
- والله اننا فعلا استريحنا منك ومن قرفك ...بس نعمل ايه لو اسمك لسه مكتوب جنب اسمي ولو عملتي اي مصيبة هتجيبي ليا العار مش بعد السنين دي واحدة زيك تخلي سرتي علي لسان الناس
بر دموعها نزلت بحصرة كل اللي خايف منوا كلام الناس يعني مقلقوش عليها او جاهو علشان خايفين عليها ....فكرت هي ليه لسه حطة امل فيهم ليه شيفه أن قلبهم ممكن يحن بعد كل اللي بيعملوه ...ليه متعلقة في حبال ديبة ....ليه عوزاه تشتريهم رغم انهم بيعين ....مفيش وقت انها تلوم او تعاتب خلاص فات الأوان وبقت قصة محولاتها كان ياما كان حكاية هتبقي تحكيها قدام وتقول يااااه ده انا حاولت زمان
وتفكر انها مسكت فيهم لآخر لحظه ومبعتش غير لما اتأكدت ان مفيش امل وأنهم قفلوا كل الأبواب خلاص لقد باعت السفينة وانتهي الأمر
بر اتنهدت وكملت بهدوء غريب بعد ما أدركت حقيقه اللي قدمها وأنهم مش عوزاها واجهت نفسها بالحقيقه من غير ما تزينها :
- امشوا اطلعوا بره وقفلوا الباب وراكم اقفلوا باب انا كنت سيباه موارب امشو ولحد هنا ونفترق طلاما لا انا عيزاكم ولا انتو عيزني امشو بهدوء كان نفسي اقول امشو وسيبو الذكريات الحلوة وافتكرت ان مفيش معاكم زكريات حلوة ....اعتبروني مت ولو عوزين تروحو تخدو عزايا اعملو كده انا ميته من زمان علي اديكم مفرقتش الموت ده من الموت ده كلهم بالنسبه ليا واحد
بعدها وجهت نظرها لعمر بابتسامه بهته وكملت :
- اعملو زي ما ابنكم عمر عمل نساني واعتبرني مت وزي ما انتو شايفين كأنو من شيفني حتي الكلام مش بيكلموا ليا هو معتبرني غير موجودة اتعلموا من ابنكم واعملوا زيو مش انا ميته يا عمر برضو ؟
عمر نزل عيونو في الأرض بضيق من كلامها من غير ما يرد عليها
رجعت نظرها لابوها بنفس الابتسامة البهتة :
- مش قلتلك اهو مش سمعني ...اعملو زيو واستريحو مني ومن قرفي ومن همي ونكدي ونحسي وعاري
- كان نفسي بس الناس هتقول رمي بنتوا ...يعني انا بالنسبه ليا عادي اعتبرك ميتة بس الناس مش هتشوفها كده هيشوفني غلطان وسبت بنتي ورميتها واتخليت عنها
بر ملامح وشها اتغيرت لغضب بس فضلت متماسكة ببرودها و بصت لي برفعة حاجب :
- ومش هو ده اللي حصل مش انتي رمتني برضو واتخليت عني اكتر من ٤ شهور من ساعت ما طردتني لحد ما اتغيبت من المستشفى مش رمتني في الشارع ومفيش في جيبي جنية حتي كده بالنسبه ليك متخلتش عني امال لو اتخليت هتعمل ايه؟ ؟ انت خايف الناس تشوف حققتك وتعرف انك انسان زباله رمي بنتوا لكلاب الشارع تنهش في لحمها ده انت حته مهنش عليك تيجي تزورني وانا مرمية في المستشفى كلبة لقيطة لوحدي بيتنهش في عرضي وسرتي علي كل لسان لما لقوني مرمية في الشارع من غير ولا اي حاجه قالو عليا بعت شرفي لواحد اخد مني اللي عوزو ورماني....شفت عملت ايه في عرضك اللي خايف من الناس بسببو صدقني الناس مخدوعه فيك ولازم تعرف حقرتك
عمر كان بيسمع كلام اختو بحزن عليها وبديق من نفسوا طب هيعمل ايه في وعد طلع منوا مينفعش يحنث بيه كان بتراقب الموقف بهدوء من غير ما يتدخل
ابوها الدم جري في عروقة ازاي البت دي تهينوا بالشكل ده وتقلل منوا وكان هيضربها لولا ان عمر وقف ايدو ومسكها بقوة قبل ما تلمس بر وقال بصرامة:
- متفقناش علي كده ايدك متتمدش عليها هي هتروح تلبس وتيجي معانا من غير تعنيف
- مش هعمل كده انا مش عوزاه ارجع للجحيم برجلي
عمر بص ليها بغضب وقال وهو ماسك اعصابو :
- روحي يا بر البسي
صرخت عليه :
- قولتلك مش هلبس واطلعوا بره شقتي
ابوها بص ليها وقال وهو متجه للكنبة يقعد :
- براحتك بس انا مش هسيبك تتهني وانا هقعد هنا فا يأما تيجي يأما احنا هنيجي
بر اتخضت لما شافت مني بتفتح قامت بتفتح الاوض لو راحت نحيت أوضة نادر وشافت صورو او الجاكت بتاعو اللي نسيوا هتروح في دهيه وهتقول كلام اني جيبه حد الشقة هي عرفها بر فجأة صرخت
- موافقه اجي معاكم بس بشروطي !!!
مني لما سمعت جملتها راحت اعدت اكيد مش هتسبها تحط شروط وتتهني لازم تعرف عوزاه ايه
ياسر قال :
- واه هي شروطك؟ ؟
- اول حاجه انا مش هسيب شغلي انا هكمل في الشغل ده
- اممم ماشي
مني اتدخلت بصدمة وقالت لياسر:
- انت موافق علي انها تشتغل ؟!!
مني مكنتش عوزاه بر تطلع عن الحاجه ليهم او انها تحسيها بالذل وهي بتديها الفلوس كده مش هتحتاج حاجه فلوس مرتبها مع فلوس مصروفها اللي هتخدو مش هتعرف تشوف في وشها الانكسار وهي بتطلب حاجه منهم وهي بتفكر ياسر قال حاجه بردت قلبها قال:
- موافق بس مش هتخدي فلوس مني شغلك هيبقي مصدر دخلك اديكي ليه فلوس وانتي بتشتغلي مليش دعوة بيكي متجليش في فلوس حتي لو عوزاه تستلفي
- موافقه انا كده كده مش محتجاك
- اممم كملي
- ملكوش دعوة انا ريحا منين وجيا منين وافتكر اني ريحا علشان انت خايف من كلام الناس انت اللي محتجني انا ممكن اهرب واطلع علي نفسي سمعة اني هربت مع عشيقي يس ده مش هيحصل غير لو تدخلتم في شئوني رحت جيت ملكش فيه
- هنعتربك ميته ومفيش حد هيبص في خالقتك احنا مش طيقينك اصلا ....اممم حاجه تاني ؟؟
- تمن رجوعي بعد ما رمتوني وهنتو كرمتي
- كام ؟؟؟
- ٦٠ ألف
- بس ؟!! كنت عارف انك طول عمرك رخيصة دي قيمة كرمتك !!
علي العموم موافق هتدخلي البيت الفلوس هتبقي معاكي...اممم عندك حاجه تاني ؟
- لا انا كده ظمنت مصدر دخلي واوقات شغلي اللي بتتأخر وفلوس علشان لو رمتوني تاني ظمنت انكم لما ترموني تاني مش هتمرمط زي المره اللي فاتت ولا هقعد في الشارع
ياسر قام ببرود وقال لمني يلا
مني قامت تمشي معاه عمر كان وراهم ياسر بص عليه وقالو تقف عند الباب ومتنزلش من غيرها انا هروح انا وامك وانت هاتها وتعالي
عمر اومي رأسو بالايجاب
ياسر نزل وعمر قعد على الكنبه يستنى بر
بر بصت ليه بقرف ودخلت أوضة نادر وقفلت الباب واتنفست الصعداء
عرفت تبعدهم عن انهم يكتشفوا صدقتها مع نادر رغم أنها علشان تنفذ علاقتها بنادر اختارت ترجع للجحيم بس هو هيهون عليها هي مش مستعدة تبعد عنوا تضحي باي حاجه بس تفضل معاها هو احن شخص عليها في العالم رغم انو امبارح بص ليها بطريقة هي محبتهاش بس هي افتكرت انو كان سكران وحطت سكرو عذر
بر ملمتش هدومها وقالت تبقي ترجع تاخدهم علي رواقة بعد ما تبعدهم عن الشقة دي
بر لبست دريس بس كان قصير واصل لفوق ركبتها بالنسبه ليها اتجهت للنوع ده من اللبس من ساعت ما بعدت عن اهلها علشان تعمل الحاجه اللي كانت بدايقهم
لبست وطلعت من الاوضة عمر لما شاف الدريس اللي هي لبساه ادايق ان رجليها بينه ومتعريه بالشكل ده بر طلعت من الاوضة واتجهت علي الباب بتاع الشقة وفتحتوا وطلعت بصت علي عمر لقيتوا اعد مكانو قالت بضيق:
- لزقت في مكانك يلا
عمر رفع عينو ليها وقال وهو في مكان ببرود:
- ادخلي واقفلي الباب وراكي
- ليه ؟؟؟
- انا قلت كلمة .. لو قمت هجيبك من شعرك اللي فرحانة بيه
بر شافت الصدق في كلاموا علشان كده موفقتش وقالت :
- مش هدخل واعلي ما في خيلك اركبو ...انت هتهددني !!!
عمر قام من مكانوا واتجه عليها بر كانت مش عرفه تهرب ازاي فا دخلت وقفلت الباب بقوة علي اساس انها عملت كده علشان تخلص وقالت بعصبيه مصطنعه:
- اهو قفلت الزفت عايز ايه؟
عمر رجع اعد مكانو وحط رجل علي رجل وقال :
- بالنسبه للقرف اللي لبساه ده
بر بصت علي لبسها وقالت :
- مالو لبسي ؟؟!!
- اللبس ده تلبسيه لما تكوني نزلة مع خروف ...ادخلي دلوقتي حالا غيري القرف ده
- مش هغير !!!
- برحتك خلينا اعدين هنا ....لو فكرتي تخطي باللبس ده بره الباب اللي وراكي هتتحبسي في الاوضة وشوفي مين يطلعك منها
قال كده ومسك الفون يقلب فيه ببرود أعصاب
بر كانت عوزاه تخلص علشان كده دخلت الاوضة وهي بضرب الارض برجلها وتبرطم دخلت وغيرت ولبست دريس تاني كان أطول كان فوق مفصل رجليها بسنتي في حته بسيطة جدا من رجلها باينة كان فستان ابيض وعليه ورود زرقة صغيرة لبست عليه شوز ابيض فلات وطلعت من الاوضة عمر رفع عينو يبص عليها اول ما طلعت وقال بابتسامه:
- شفتي كده أجمل ازاي...مع أن في سنتي من رجلك باين بس هعديها ليكي المرة دي ...قدامي يلا نمشي
بر طلعت وعمر وراها وقفلت الباب ولسه هتطلب الاسانسير النور قطع ضربت باب الاسانسير جامد وقالت بصوت عالي بعصبيه:
- حبكت يعني دلوقتي وش مين ده !!
عمر ابتسم ابتسامة صغيرة لانو عارف انها قصدها انو وشو نحس عليها اخفي ابتسمتوا وفتح كشاف فونوا وقلها :
- يلا علي السلم
بر نفخت بديق ونزلت وهي بتبرطم كلام مش مسموع
بعد دقيقتين كانو تحت في الشارع بر بصت ليه وسألتو باستغراب:
- فين عربيتك ؟؟!!!
- في الشارع اللي ورا
بر حاولت تمسك اعصبها اليوم ده ماشي ضدها يوم زي الزفت...قالت بصوت واطي بتهكم علي كلامها:
- طبعا لازم يبقي زي الزفت مش شفت وشهم
اتنهدت وقالت موجه كلامها لعمر :
- سؤال واحد ...ايه اللي مخليك تركن عربيتك في الشارع اللي ورا وفيه هنا ميت ركنة
- علشان امشي الحتة دي...يعني بدل ما انزل واقعد علي أطول في العربية زي البرطة اتمشى قبلها
- تتمشي انت وتقرفني انا صح ؟؟!!
- مش عوزاه تيجي عنك ما جيتي استنى اجبها واجيلك
- وأفضل واقفة مستنياك انا ....بص انسي يلا بينا خلينا نخلص
عمر مشي وهي جنبوا وفجأة وقفت عمر بص ليها لقها بتميل مسك دراعها جامد قبل ما تميل وخلاها تعتدل في وقفتها ومال علي ودنها وهو بيضغط علي سنانو :
- انتي بتعملي ايه في الشارع وسط الناس ؟؟!!
- ايدي بدوس جامد....وبعدين هكون برقص هربط الشوز اتفك
- قوليلي انا اربطوا ليكي لاكن متميليش في الشارع
قال كده ونزل يربط ليها الشوز بتعها بر اتصدمت من حركتو هو بجد نزل قدام الناس علشان يربط ليها الشوذ ومنعها انها تنزل بدريس قصير مبين لمفاتن جسمها علشان خاف عليها من عيون الناس...هو ليه بيهتم بيها ...يمكن ناوي ليها علي نية وحشة اكيد عاوز يعلقها علشان يكسرها عوزها تتعلق بيه ويبدأ يستغلها ويستغل انو بقي شيء غالي عندها كانت سراحانة باستغراب وكل دفعتها اشتغلت بتقول متثقيش فيه اياكي تثقي فيه هو واحد منهم هو زيهم عايز يجرحك
عمر لما خلص ربط الشوذ لبر بص عليها لقها سرحانة ضربها براحة علي جبهتها وهو مبتسم ليها وقال :
- كده مش هيتفك تاني
بر متكلمتش وبدأت تتمشي علشان تروح للعربيه عمر راح وراها باستغراب مالها دي ليه سكته ومش بتتكلم حتي لما دخلو العربية كان عمر بيحاول يلطف الجو ولاكن بر بصة قدمها ومش بتتكلم
عمر وقف العربية في نص الطريق ونزل اشتري حاجه ودخل تاني واختو علي نفس الوضع
بر في صراع جواها بين الخوف والحنين شعور حنين لأنها كان نفسها في اخ يعمل معاها كده ويحميها من عيون البشر لاكن الخوف وعدم الثقة و التوتر والرعب اكيد استحالة تثقف فيه كلهم هيرموها هي ملهاش حد كلهم عوزين يكسروني
بعد وقت واصلو وبر طلعت لشقتهم وعمر كان وراها واول ما دخلوا بر كانت هتروح اوضتها بس عمر وقفها وبص في عيونها وقال وهو بيطلع من جيبو باكو شوكولاته وقالها بابتسامه طيبة:
- اتفضلي....اعتبريها ترحيب بيكي وانا عارف انك بتحبيها فا ملقتش حاجه غيرها اجبهالك
بر بصت ليه بضيق وعصبية وزقت ايدو وقالت وهي بتزعق لي :
- إياك تفكر ان هتكسرني او هتعلقني بيك وتجرحني فاكرني مش عارفة نيتك القذرة واستغلالك ....عاوز تستغل ضعفي علشان تتحكم فيا صح تعلقني بيك علشان عارف اني لوحدي وبعد ما اتعلق واقول اخيرا بقي عندي سند القيك سبتني....سبتني لوحدي ومشيت تجرحني وتسبني انزف من غير حتي ما تلتفت ليا.....انا مش هخليك تنولها يا عمر مش هخليك تشفني مكسورة مش هرخي دفعاتي ولا قلبي يحن حرمت عليكم حنيتي وشفقتي لآخر يوم في عمري حرمت عليكم دموع عيني انها تنزل حزناً عليكم .....متفكرش تكلمني أو تحاول تزرع الود علشان انا خلاص بعت الارض مش همسك في حد بايع وانا عرفه انكم بيعين وبتعشقو تشفوني بتألم وانا مش هنولها ليك ولا ليهم
قالت كده وبعدين ابتسمت بتهكم :
- صحيح من امتي وانت بتكلم اموات !!
قالت كده ودخلت اوضتها وسابتوا
عمر حس بضيق وخنقه وحزن بشعيين دخل اوضتو وهو مهموم ....ليه اختو شيفاه عاوز يئذيها رغم انو مفكرش في كده ليه شيفه أن كلنا مدبرين ليها المكأد وعوزنها تتألم ليه شيفاني وحش ....ليه خيفه مننا خيفه من الأمان شيفه أن حنيتي لما تظهر انها كمين ..صدق اللي قال:
"من اعتاد الخوف ظن ان الأمان كمين"
كان حزين من صد اختو كان نفسوا علاقتهم تتصلح واديه حاول واللي ادركو انو مهما حاول هتشوفو عاوز يئذيها حس قلبوا اتكسر لأنو هو اللي وصلها للحالة دي لو كان من الاول وقف جنبها لو من الاول اخدها في حضنوا وهون عليها مكنتش هتبقي كده بر عبارة عن أخطأ بر اتكونت من غلطاتهم مشاعرها اتكونت بشكل غلط الخوف القلق عدم ثقتها في حد العصيان الآلة الدفاعية الوحيده عندها بتخليها تحس انها اقوي وانها عملت حاجه كلنا كنا مش عوزنها وده بيديها القوة
مسح علي وشو بضيق من التفكير في كمية الغلطات اللي ارتكبوها في حقها
واستسلم من المحولة انو يحن ويسعدها في العلن واختار انو يعمل كده زي ما كان من ورا ظهرها يساعدها يقف قدام أهلها علشانها من غير ما تعرف هي متعرفش انو هو اللي خلي أهلها يروحو ليها علشان يرجعوها البيت متعرفش انهم مكنوش عوزنها ولولا انو اعد مع ابوه وقالو الناس هتقول ايه عليكم وسمعتك النظيفة تخيل انها تتلطخ بسبب ان الناس تقول الراجل ده رمي بنتوا وفضل وراهم لحد ما اقنعهم ....هي ليه مقدرتش أنو فعلا مش عاوز يأذيها وانو عوزنها تبقي احسن واحدة
حاول يسكت افكارو ومسح دمعة هربت من عيونوا مجرد ما فكر انها بتواجه هنا كره مني وياسر وقال بهمس وهو نفسوا انها تسمعوا لعلها تحن :
" هفضل اسندك وجنبك في الظل يا بر ...لو الدنيا كلها اتخلت عنك اخوكي معاكي "
عده اسبوعين والشروط اتحققت لبر وعملوا زي ما قالوا بر مكنتش بتخرج مع نادر الفترة دي متعرفش السبب بس هي حرفيا بترجع من كليتها والشغل بتبقي مهدودة وتعبانه سعات نادر كان بيزورها في مكان شغلها ويجي يعمل نفسوا زبون وبيسأل وهي بتبقي مسكة ضحكتها من اسألتو الغبيه
كانت بتكلموا كل يوم بليل قبل ما تنام لانو الوقت الوحيد اللي بتبقي خلصت فيه كل حاجه وراها
بعد الأسبوعين دول نادر كان مدايق وعاوز يقبلها وهي مرفضتش وراحت تقبلو بعد الشغل
كانت اعده معاه وعرفت انو مدايق بسبب ان فيه عريس متقدم لاختو وكان بيقول انو مدايق
- ليه يا نيدو ده بدل ما تفرح ان اختك كبرت وبقت عروسة
- مش عايز حد يخدها مني ...مش عوزاه تبعد عني
- كيوووووتي ..انت بتغير يا نيدو؟؟
- بس يا بت !
- عوزني اقولك ايه....دي سنة الحياة مهما ماطلت هيجي اليوم وتروح لنصيبها وبعدين جوزها علشان نفرح بيك بعدها
قالتها بضحك ومشاكسة وهي بتضرب كتفوا وتكمل:
- فوكها بقا يا نيدو
نادر ابتسم ليها وهي قامت
- علي فين؟ ؟
- مروحه هموت وانام بجد النهارده اليوم كان صعب بجد
- ابقي طمنيني عليكي لما توصلي
- ماشي يا اخو العروسة
مشيت وهي مبسوطه علشان اتقبلو بعد مدة طويلة وبعد وقت روحت ولما روحت شافت البيت مقلوب
بر كانت مستغربه وقفت في نص الريسبشن تبص عليهم باستغراب وهما مرتبكين كده
وهي بصة ليهم سمعت صوت وراها بيقول:
- مش تيجي تشوفي اخوكي وهو رايح يشوف عرستو
بر لفت ليه بكامل جسمها لقيتوا لابس بدلة وباصص عليها وهو بيلبس الساعه بتعتوا
بر تجاهلت كلامو بعد ما عرفت سبب الانقلاب ده وكان ريحة اوضتها بس عمر وقفها وقال :
- تعالي معايا ....عوزاك جنبي في يوم زي ده
- بالمنطق ازاي هطلع من قبري واجي معاك !!
- بعيد الشر عنك
- دي تقولها للأحياء مش اموات زي ده انت بنفسك اللي قلت عليا اني مت بالنسبه ليك
- انتي لسه فاكره الجملة يا بر
- وفي حد ينسي اليوم اللي يشوف فيه نفسوا مات وهو لسه عايش حي يرزق ؟!!
ملامح وشو اتغيرت لحزن وقال :
- انا سعتها كنت مدايق منك واي حد كان مكاني كان عمل اكتر مني ....عوزاني كنت أعمل إيه وانا شايف حته مني بتخرج مع واحد في نص الليل لوحدها
- الواحد ده كان احن عليها من أهلها تخيل...لقت كل اللي محتاجاه عندو كان بيسمعها وكان معتبرها محور الكون .....سبني بقا علشان انا مش نقصة وجيا من الشغل تعبانة ومش نقصاك
قالت كده ودخلت اوضتها وقفلت الباب وحاولت تتجاهل فرحتوا اللي اتقلبت بحزن بسببها
اعدت دقايق تحاول تتجاهل احساس الذنب الغريب ده
فكرت شويه ولحظت انها عملت زي ما بيعملوا فيها بيكسرو فرحتها
" لا لا لا مستحيل ابقي زيهم انا احسن منهم "
نظرة اخوها الحزينة مش مفرقاها بس هي مش عوزاه تفتح باب ود ويستغلو
سمعت صوتوا عند الباب بتاع الشقة علشان يمشي هو رايح لوحدو يشوف لو موافقين بعدين يجيب اهلوا كان عوزها معاه طلب منها كده ومطلبش من الباقي لقيت نفسها بتقوم من مكانها وتفتح الباب وقبل ما عمر يقفل الباب وراهم بر وقفتوا
هو بص ليها باستغراب
راحت عندو وقالت بحرج :
- كان ممكن اجي معاك بس انا بجد مش قدرة وتعبانه....متزعلش من كلامي روح وشرفني هناك
عمر ابتسم ليها وكأن الحزن اختفي من وشو ونسيه بسبب الكلمتين دول الكلمة بتفرق!!!
أبتسم واومي براسو بهدوء وقال :
- هشرفك
بر ابتسمت لي
أهلها اخدو خواتها الصغيرين وراحوا يخرجوا واول ما مشيوا كلهم
بر ابتسمت وقفلت الباب واول ما الباب اتقفل جريت علي فونها بعتت لنادر ورد عليها في نفس الدقيقه
هي سألتو:
- فاضي اكلمك كول ؟؟؟
لما بعتت كده علي طول اتصل هو عليها
فتحت وحكت ليه اللي لسه عملاه وانهت كلامها وهي بتقولو انا مش عوزاه اسبلهم مدخل يعلقوني منه بس هو صعب عليا وحسيت اني بقيت زيهم لما كانو بيكسرو فرحتي انا صحيح مش عوزاهم في حياتي ولاكن مقدرتش اكسر فرحتوا
ابتسم من الجانب التاني من السماعة وقال :
- انتي قلبك ابيض وطيب اوي يا بر ومهما حاولتي تبقي عكس كده....رغم انهم اذوكي كتير محبتيش تكسري فرحتوا ...بجد انتي أطيب واحن قلب انا قبلتوا يا بري
بر ضغطت على سننها وهي بضم أديها وبتضغط عليها هو شيفها غلط يمكن علشان اتعود على سوئها ...هي عرفه انها اسوء واحدة عرفه انها شيطان ماشي وسط البشر عرفه انها عاصية لكل البشر ورب البشر .....هي بتتمني لأهلها الموت....نادر بيكذب هي مش طيبة هي اسوء حد ممكن انسان يقبلوا في حياتوا
نادر لما لقها مش بتتكلم قال باهتمام:
- سكوتك فجأة ده انا عرفوا ...سرحانة في ايه؟
- امممم.... ولا حاجه بس استغربت كلامك عليا وبدأت اشوك انك متعرفنيش كويس
- بالعكس انا اكتر واحد عرفك وكل كلمه قلتها فعلا فيكي
- يمكن ....سلام روح انت اجهز علشان عريس اختك اللي جي
- انا جهزت ومستني المحروس يجي
بر ضحكت وقالت :
- ده انت هتبقي زي اللقمة في زور الراجل ...حساك مش طيقو
- متحسيش اتأكدي ده جي ياخد اغلي حاجه في حياتي
- كان نفسي اخويا يعمل كده ويعتبرني حاجه مهمه في حياتو سعتها انا اللي هرفض اسيبوا وأفضل جنبوا لحد ما اموت
- فهمت دوقتي ليه مش بيعمل كده ...هتلزقي فيه لحد ما تعنسي جنبوا
بر ضحكت وهو كمل :
- بعدين مين قال ان مفيش حد هيعمل معاكي كده امال انا رحت فين طب خلي حد بس يجي يطلبك كده علشان اقتلك انتي وهو !
- انا مالي طيب !!
- هو كده ....مش انتي عوزاه حد يقف قدام اي حد عوزاك ويمسك فيكي ؟!!
- الاهتمام جي من الشخص الغلط المفروض اخويا هو اللي يعمل كده ...مش انت !!
قالتها بحزن
نادر اتنهد وقال بنبرة حنونة :
- انا اخوكي وسندك وظهرك وهفضل جنبك لحد اخر يوم في عمري يا اغلى عليا من عمري
بر مسحت دمعة هربت من عيونها وقالت بضحك مختلط ببكاء مكبوت :
- انت عارف ايه اللي مخليني متمسكة بيك ؟
- ايه؟؟
- كلامك اللي بيثبتني... عليك شويه كلام ينسوني حياتي ومشاكلي كلامك ...بيطفحني فرشات
سمعت صوت ضحكتوا الروجولية اللي بدوب قلبها وزادت ابتسمتها لما سمعتها وقالت :
- خلاشو علي الضحكة القمر يا ناسو
- مفيش قمر غيرك يا قمري
- مش بقولك بتطفحني فراشات ...اسيبك زمان العريس جي وبراحة عليه شوية
- يا حنينة !!
بر ضحكت وخلصت المكالمه مع نادر وراحت تترمي علي سريرها بسعادة
--------------------------------------------
نادر قفل المكالمه مع بر وراح اعد وبعد دقايق طلعت اختو وهي لبسة فستان محتشم جميل ولفة خمارها بشكل جميل مناسب مع ملامح وشها وقرب من نادر وقفت قدامو ولفت بالفستان وهي مبسوطه وقالت :
- ايه رأيك ؟؟
نادر رفع عينوا ليها وقال بسعادة مخلوطة بحزن :
- جمالك فاق الوصف والتعبير عجز اللسان عن وصف هذا الجمال
اختو ضحكت علي مغزلتو ليها وهو ابتسم ليها وقال بعد ما نزل عينوا في الارض:
- بتحبيه ؟
- هو مين؟؟!!
- يخربيت غبائك ....هيكون مين المحروس اللي جي عاوز يخدك مني !
- اهدي متزقش كده ...بص هو مش حب هو اخو مريضه جت المستشفى وهو كان بيزورها وكان بيحاول يفتح كلام معايا بس انا كنت بصدو وبعد ما اختو خرجت كان كل يوم القي هدية جيا لمكتبي من مجهول وبعد فترة لقيت روان صحبتي بتقولي أن في حد برا عوزني ولما طلعت لقيتوا جي ومعاه بوكية ورد وبص ليا ومدو ليا عرفت ان هو صاحب الهدايا من نوع الورد اللي جيبوا سعتها اول ما رفعت عيني لي لقيتوا بيقول ليا بحبك!!!
علي طول رميت الورد في وشوا وهزقتوا وطردتوا وهو جه بعدها بأسبوع وقفني وانا خارجه من المستشفى مروحه واعتزر عن اللي عملوا وقال انو مكنش قصدو يضايقني و صارحني انو معجب بيا جدا ونفسوا اني اكون من نصيبوا وانو عاوز رقم ابويا علشان يتقدم ليا واديتوا رقمك واديه جي
- اممم وبالنسبة ليكي انتي موافقه عليه ومعجبه بيه زي ما هو معجب بيكي
- بص في الأول مكنتش طيقاه ولحد اخر لحظه وفضلت هكذا لحد ما قال انو عايزني في الحلال سعتها كبر في نظري وعرفت انو داخل جد مش عاوز يلعب بيا
- مفيش حد يقدر يلعب بيكي وانا موجود
- ربنا يخليك ليا يا حبيبي....بس بصراحه حساك مش مبسوط خالص
نادر اتنهد بحزن وقال :
- اكلمك بصراحه ومتزعليش مني ؟
- عمري ما ازعل منك مهما عملت او قولت يا حبيبي
- انا مش عوز حد يخدك مني مش عوزك تسبيني وواضح من كلامك انك مش رفضاه.....انتي حياتي انتي اللي فضلالي..انا مليش غيرك انا تيه من غيرك ...نفسي أقتلو هو او اي حد يفكر يخدك مني ....انا هضيع من غيرك يا زينب
زينب بصت ليه بحنية واخدتو في حضنها لسه وقت ما يضايق بيجي يبكي في حضنها زي الطفل الصغير في حضن امو
اختو قالت وهي بطبطب عليك :
- ومين قالك اني هبعد عنك او هسيبك انت ابني مش اخويا ده انا اللي مربياك يا ندورتي...انت اهلي يا حبيبي انا عيشه علشانك وحتي لو اتجوزت استحالة ابعد عنك مهما المسافات طالت انا جنبك ومعاك ...وبعدين مين قالك اني هتجوز دوقتي الشخص ده مش يمكن ميكنش فيه نصيب ؟
- كلامك وفرحتك فرحة واحدة بتحب وحببها هو اللي جي يخدها مهما حاولتي انك متبينيش ان قلب نبض باسمو هيبان في عيونك ...عيون العاشق فضحاه ...عيونو بتلمع لما يسمع اسم حبيبوا
- واحدة واحدة...خلتني عاشقة!!
- متحوليش تخبي مشاعرك وعليا انا بذات
وش زينب احمر وقامت من جنبوا وهي بتقول:
- بس مفيش من الكلام ده
- بجد طيب ليه مطفشتهوش زي اللي قبلوا ؟؟
قال كده بخبث
- علشان...علشان هو شخص محترم وحبيت اديلو فرصه مش اكتر
- والله ؟!
- ايوه
قالت كده وجريت علي اوضتها وهي بتحاول تجمع انفسها اللي اتحسبت من احرجها
بعد وقت مش كتير كان عمر وصل ولما نادر فتح لي الباب اتصدم هو ده العنوان !!مش معقول انها تبقي اختو... مستحيل!!
نادر مكنتش تختلف صدمتوا عن عمر كتير هو كمان اتصدم
اللي واقف قدامو ده نفس الشخص اللي طعنوا !!!
هو اللي عيش بر في حجيم!!
هو اللي كانت بر بتقول ان نفسها يبقي شبهوا!!!
احد اسباب بكائها وألمها!!
كان ببصرخ من جواه ملقتيش غير ده يا زينب.....يعني تفضلي قفلة قلبك كل المدة دي ولما تفتحيه يكون للقذر ده !!!
مش عاوز اكسر قلبك بس صدقيني علشان مصلحتك مش هقبل انك تعيشي في الجحيم اللي الغاليه عيشاه مش هقدر اشوفك مكانها
عمر دخل واعد ونادر معاه وزينب قدمت العصير واستأذنت عده دقايق ثقيله وعمر كان هيتكلم :
- انا عا.....~
نادر قطعوا :
- كنت بتجرح فيها من غير ولا ذرة رحمة ...كانت بتعاني بسببك انت وأهلك اتمنت الموت بسببكم اتحسبت علي ذنب هي مش مرتكباه ...كانت باردة بشكل بشع كانت علشان متحسش بوجع تجرح في نفسها لدرجة انها بقت بتلذذ بشكل دمها وتشوفو جميل وان لو لوحة اترسمت بالدم هتبقي من أجمل لوحات العالم....كانت شيطان مرعب معندهاش مانع انها تعصي ربنا والي حوليها...كنت فاكرها معندهاش قلب ولما قربت منها لقيت قلبها متكسر لمليار حته وهي لوحدها بتحاول تجمعو وكل ما تجمعوا تيجوا انتو تكسروه.....كنت بتسأل لما كانت تجيلي وتبكي بقهر انتو ليه عملتو فيها كده؟ ليه توصلوها لدرجة انها كانت هتفقد انسنيتها خلتوها تشوف كل البشر وحوش وانها كائن غير مرغوب....انتو استحالة تبقوا طبيعين لما تجلدوها بالحزام من غير سبب ولدرجه ان العلامات في جسمها تفضل مصحبها تبقوا مش طبيعين ....انا نفسي كان نفسي اقتلكم واحد واحد واخليها تشوفكم جثث هامدة علي الارض علشان نارها تنطفي ...انت عارف انا كنت فاكرها زي اي حد شفها او بيشوفها انسانة مريضه واستحاله تبقي طبيعيه لحد ما عرفتها واكتشفت ان احنا اللي بشر مريضه تخيل انكم عملتو فيها كده من وهي طفلة مشفتش الحياة لحد ما كبرت من غير ما تعمل ليكم حاجه تبقي هي اللي مريضه ولا انت !!
وحتي لو هي فعلا مريضة فا انتو اللي صنعتوا مرضها...انت طعنتني مرتين مره في جانب بطني والتانية في قلبي لما بعدتها عني وخلتها تعيش تتألم لوحدها طب كنت خليك جنبها معاها بدل ما فرقتها عني رمتها في ظلام الوحده انا عمري ما هسمحكم علي اللي عملتوه فيها حتي لو هي سمحتكم انا هبقي شاهد عليكم يوم الحساب
واتفضل خد ضيفتك وامشي معندناش بنات للجواز عاوز تاخد الي باقي من عمري وتعذبها زي ما كنت بتعمل في اختك ...انا مش هرمي اختي في الجحيم لو انت اختك بالنسبه ليك فا انا اغلي اغلي عليا من عمري ومش هقبل ان واحد ذيك يخدها دي اختك اللي من لحمك ودمك كنت بتموت فيها هتعمل ايه بقا في اختي؟؟!!
عمر عيونو كانت في الأرض طول ما نادر بيتكلم كان حاسس كلام نادر خنجر بيطعنوا في قلبوا الغريب حن واتحسر علي حالها واهلو لسه قلبهم حجر هو كان زيهم ومعترف بس هو ندمان أشد الندم ولما حاول يقرب منها صدتو
عمر رفع عيونو بصدمة لما نادر رفضوا لاختوا قام وقف وقال:
- بس انا اتغيرت صحيح كنت زيهم بس والله اتغيرت وانا بجد بحب اختك وعوزها في حلال ربنا
- مصدقك وممكن اديهالك بس تفتكر امك هتعملها زي بنتها دي لو هتعملها زي بنتها هتبقي نصيبة...ده انت اعلم بتعامل بنتها ازاي!
- هبعدها عنهم مش هتبقي ليها بيهم علاقة بس متكسرنيش انا مشاعري صدقة اتجاه اختك
- وانت فكرت لما كسرتها !!
عمر نزل عيونو في الأرض حزنو علي اختو اكبر بكتير من أن اللي حس انو حبها بتروح من بين اديه
نادر شاور علي الباب وقال:
- اتفضل من غير مطرود وإياك ثم إياك تفكر ترجع تحاول تتقرب من اختي انسها علشان عمرك ما هتنلها
عمر طلع من البيت وقلبوا متهشم لمليون حته
اللي كان معيشوا لاختو هيعيشوا ده كان احسسها لما كانو بيجرحوها ويكسرو بخاطرها
عمر مشي ورجع البيت ولما رجع دخل اوضتو من غير ما يكلم حد بر من شكلوا عرفت ان الامور ممشيش احس حاجه كان باين عليه الضيق
عمر دخل اوضتو ودخل في حالة اكتئاب بشعة مبقاش يطلع من اوضتو مكنش طايق يشوف حد كان نفسوا بس بر تيجي تكلموا تطمن عليه في الوقت ده ذكرياتو بتطردو ايام لما كانت بر بتتظلم وهو وقف ساكت من غير ما يطبطب عليها بيعيش احسسها في كل ثانيه بتعدي
مر ثلاث اسابيع وبر مكنتش تعرف ان اللي اخوها راح أتقدم ليها كانت اخت نادر ونادر مقلهاش
بعد الثلاث اسابيع بر لحظت ان نادر
تعملوا مع جوري بقي زباله بيتلكك علي اي حاجه كأنو قاصد يديقها ويطفشها لدرجة انو كان بيزقها بعنف قدام اصحبهم والناس عموماً يقلل منها ويكسر بخاطرها و يطلع اي عيب فيها كانت بتجي تبكي وتقولو هو ليه بطل يكلمها و ليه
بيعملها كده ليه اتغير عليها
بر كانت عرفه أن نادر بيعمل كده علشان يسبها ويبعد عنها اكيد زهق بيتعامل مع البنات علي انهم تسليه وينسي قلوبهم اللي بتتكسر بيلعب بيهم ويعلقهم بيه بشوية كلام معسول
في اليوم اللي سبها فيه كان نادر في النايت و كان بيشرب وفجأة تدخل جوري و تروح عند نادر وتزعق :
- انت ليه مش بترد عليا بتشوف المسدج وتطنش!!
نادر ساب الكأس اللي كان في ايدو وبصلها بحدة وغضب
- انتي اتجننتي تعلي صوتك عليا انتي شكلك نسيتي انتي وقفة مع مين متنسيش اني ابن مؤمن الشهابي وانتي ابوكي كان شغال عند ابويا
- نادر انت ليه بتعملني كده ...ليه اتغيرت عليا ؟
قالتها بدموع وحصرة
هرش في دقنوا كأنو بيفكر وقال :
- يمكن علشان مبقتش طيقكك ...ومش عاوز اشوف وشك تاني ...اللي بنا خلص وانتهي خلاص ..صراحة زهقت منك يا مزه
- نادر انا مش هقدر ابعد عنك انا هموت ....نادر انا بحبك
- وانا مش بحبك ولا عمري هحب و لما احب مش هحب واحدة زيك
بقت تصرخ بنهيار وصدمة :
- يعني ايه والكلام اللي كنت بتقولو يعني ايه مش بتحبي..انت كنت بتقول اني هبقي مراتك وهتتجوزني وانك محبتش قدي يعني ايه محبتنيش
نادر قرب منها ورفع وشها وقال ببرود:
- كنت بلعب بيكي وبضحك عليكي علشان لما أقرب منك تبقي موهومه بحبي ..انا مش هتجوز واحدة عرضت نفسها علي كل الناس وتروح تقعد في حضن حد متعرفهوش واحدة كانت علي علاقات قبلي
- بس انا ..انا كنت بعمل كده علشانك علشان قلت اني ليك وانك لما تمسك ايدي او احضنك عادي علشان هبقي ليك
- منا قلتلك بلعب بيكي
قعدت علي الارض تبكي بحرقة :
- نادر متسبنيش ...انا حبيتك وسلمتك روحي وقلبي ابوس ايدك خليك معايا...انا مش هقدر اعيش من غيرك
- شكلك وحش اوي قدام الناس وانتي تحت رجلي وبتترجيني فين كرامتك ؟
قامت من علي الارض وبقت تزعق ليه :
- فكرني مش عرفه سبتني ليه ....مش عرفه بعلاقتك بيها مش عرفه انها كانت اعده معاك في شقتك وانا اقلها عمري ما رحتلك الشقة....اكلت دماغك لحد ما سبتني صح !! هي فيها ايه زيادة عني دي اسوء مني ميت مرة انا صحيح مش كويسة بس علي الاقل مش بنكر قدرات ربي عجباك المريضه!! المجنونة عديمة الديانة !!
نادر اتعصب ومسكها من شعرها بقوة وكره وقال:
- إياكي تجيبي سيرتها علي لسانك النجس ده انتي شكل الشرب لحس دماغك اللي بتتكلمي عليها دي احسن منك ومن اهلك قلبها ابيض من قلبك اللي عشش فيه السواد والحقد والانانية....خليكي عرفه أن لو قولتي كلمة تاني عليها مش هيحصل ليكي خير وهقلبلك حياتك جحيم
قال كده وزقها بقوة وجوري وقعت علي الارض في اللحظة دي بر كانت دخلة النايت وشافت نادر وهو بيزق جوري بالقسوة دي وقبل ما تروح عندو كان نادر راح ليها وسحبها بره النايت وهو بيقول :
- تعالي عوزاك
نادر اخد بر وراح اعد معاها عند البحر وهي كانت سكته طول الطريق مستنية تفهم منوا ايه اللي حصل خلاه يزق البنت كده قدام الناس اللي كانوا وقفين بيتفرجوا
لما قعدو نادر قلها ان جوري كلمتوا بأسلوب وحش علشان كده سبها
بر اتنهدت بضيق هي عرفه انو كذاب وانو بيقول حجة وخلاص بصت لي برفعة حاجب وبتكذيب وقالت :
- مش هتبطل لعب بقلوب البنات حرام عليك ...ولا عايش دور الضحية كمان
- انا؟؟!!!
- امال أمك
- ميته !
- استريحت من عميلك
- مش بعمل حاجه هما بنات بيعه نفسها وعملة عرض ليها انا مرحتش ضربت واحدة علي أديها وقولتلها تعالي نرتبط
- بجد ايه شعورك وانت عارف ان في بنت بتنام كل يوم بتبكي علي مخدتها ومكسورة بسببك ؟؟
- تاني احلي شعور بعد اكل مال اليتيم
- ازاي بتنام وغيرك سهرانه بتبكي مع زكريتها وموقفه حياتها بسببك !!
- بنام علي السرير عادي
- انت انسان بارد ومعندوش ريحة الدم
- اكيد معنديش دم من ساعة ما شفتك وعيونك جت في عيني قلبي وقف من جمالك وبطل يضخ الدم جوايا وبقي اسمك وجودك هو اللي بيجري في شرايني وضحكتك هي سبب سعادتي
لفت عيونها بتملل وفي ابتسامة صغيرة مرسومة علي ثغرها بيقول الكلام ده علشان تنسي النقاش انو لازم يبطل اللعب بقلوب البنات
بر وجهت نظرها للبحر وعيونها بتتأمل في امواجو اللي تدخلت صوتها مع صوت الهدوء
- نادر
- عيونو
ابتسمت وهي سرحانة في البحر وقالت :
- انت عارف انا بشوف البحر حزين وتعبان وشايل هموم الكون
- ايه اللي خلاكي تشوفيه بالشكل ده !!
البحر بيتنهد ،موجة موجة زي ما قال محمود درويش...تنهيداتو طويلة وعميقة وتقيلة كأن فيها هموم الدنيا كأن في حمل علي قلبوا تعبوا ....تقريباً هموم الناس اللي بتغرق فيه بتتراكم عليه شكل كل اللي غرق مكنش مرتاح وكانت حياتوا صعبه
- ليه مشفتهوش شرير مثلاً هو سبب غرق كل الجثث فيه في ناس كتير ماتت بسببوا
- العيب فيهم مش فيه، ديما فيه تحزير من الدخول والتعمق فيه ورغم ده بيدخلوا ويعملوا مع انو حاطط حدود لنفسوا بس بيتخطوها ...هو عارف انو لو حد تعمق دخلوا مش هيستحمل ويغرق عارف ان جواه سواد وموت وحزرهم ورغم ده تعمقوا
هز راسو وبص علي البحر بتعجب من كلامها وقال :
- نظرتك للاشياء عميقة رغم أنها بسيطة
بر اعدت شويه مع نادر وبعدها روحت
عده الايام وبر عرفت الصورة الكاملة ان نادر قطع علاقتوا ب جوري وجرحها في الكلام وسبها بعد ما علقها بيه بر كانت بتشوف جوري بترن وتبكي لنادر بقهر انو ميسبهاش وانها مستعدة تعمل اي حاجه بس يفضل جنبها وهو كان كارف ليها
بر كانت حزينة علي حال جوري مهما ما كان هي بنت زيها وعرفه يعني ايه القلب يتكسر هي قلبها اتكسر كتير بس مش من علاقة لا من أهلها كانت مكسورة من صغرها
وفي يوم وبر اعده مع نادر والشلة بتعتوا في النايت دخلت جوري وقربت من عند الطربيزة بتعتهم ووقفت قدامهم نادر بص ليها بازدراء
وطنش كأنو مش شيفها وده اللي خلي جوري تبتسم رغم الدموع اللي في عيونها وقالت :
- انت عارف انك أقذر انسان انا عرفتوا في حياتي يا نادر...انت بجد زبالة وبحمد ربنا انك سبتني دلوقتي علشان اكتشف قذرتك دي
وجهت نظرها لبر وكملت :
- انتي اللعبة الجديدة بتعتوا صح ضحك عليكي وقالك انو اتعرف عليا علشان ياخد حقكك ولا قالك ايه اصلو كان قايل لينا كلنا واسئلي كل اللي قاعد علي الطربيزة كان بيقول انك مريضه ومتذندقة وانو عاوز يعرف كل نقط ضعفك علشان يستغلك ويعلقك بيه وبعدين يرميكي الجلسه اللي انتي فيها كانت بتكون تريقة عليكي كان بيضحك ويقول عليكي مجنونة ما صدقت تلاقي حد يسمعها
نادر وقف وبص ليها بغضب وقال:
- اخرصي
- مش عوزاها تعرف حققتك يا بيبي ولا ايه !!