الفصل الرابع عشر 14
بقلم شفق الغروب
عده الايام وبر عرفت الصورة الكاملة ان نادر قطع علاقتوا ب جوري وجرحها في الكلام وسبها بعد ما علقها بيه بر كانت بتشوف جوري بترن وتبكي لنادر بقهر انو ميسبهاش وانها مستعدة تعمل اي حاجه بس يفضل جنبها وهو كان كارف ليها
بر كانت حزينة علي حال جوري مهما ما كان هي بنت زيها وعرفه يعني ايه القلب يتكسر هي قلبها اتكسر كتير بس مش من علاقة لا من أهلها كانت مكسورة من صغرها
وفي يوم وبر اعده مع نادر والشلة بتعتوا في النايت دخلت جوري وقربت من عند الطربيزة بتعتهم ووقفت قدامهم نادر بص ليها بازدراء
وطنش كأنو مش شيفها وده اللي خلي جوري تبتسم رغم الدموع اللي في عيونها وقالت :
- انت عارف انك أقذر انسان انا عرفتوا في حياتي يا نادر...انت بجد زبالة وبحمد ربنا انك سبتني دلوقتي علشان اكتشف قذرتك دي
وجهت نظرها لبر وكملت :
- انتي اللعبة الجديدة بتعتوا صح ضحك عليكي وقالك انو اتعرف عليا علشان ياخد حقكك ولا قالك ايه اصلو كان قايل لينا كلنا واسئلي كل اللي قاعد علي الطربيزة كان بيقول انك مريضه ومتذندقة وانو عاوز يعرف كل نقط ضعفك علشان يستغلك ويعلقك بيه وبعدين يرميكي الجلسه اللي انتي فيها كانت بتكون تريقة عليكي كان بيضحك ويقول عليكي مجنونة ما صدقت تلاقي حد يسمعها
نادر وقف وبص ليها بغضب وقال:
- اخرصي
- مش عوزاها تعرف حققتك يا بيبي ولا ايه !!
بقولك اخرصي وامشي
جوري زعقت مش مشية يا نادر مش هخليك تكمل قرفك هخربها عليك وانا مش بكذب ودي الحقيقة هتنكر انك كنت بتقول عليها مريضه ومحنونة ومحتاجه علاج هتنكر انك بتستغلها
وجهت نظرها لبر وقالت :
- لو مش مصدقه اسئليهم وهيأكدولك ان مفيش سهرة خليت عن كلام نادر عليكي واد ايه انتي مش طبيعيه لدرجة وصلت انك تجرحي في نفسك وتتلذذي يشكل دمك وهو بيسيل وانك شيطانة وانو مستني اللحظة المناسبة علشان يرميكي بعد ما يلعب بيكي
نادر الدم غلي جواه ومقدرش يمسك نفسوا ونزل علي وش جوري بالقلم كانت عيونوا بطلع شرار
صرخت وهي حطه أديها علي وشها :
- انت بتضربني علشانها !!!
بر رفعت عيونها وهي مبتسمة ابتسامه هادئة من غير ما تنطق او تنزل منها دمعة بصت لعلها تشوف في عيونها الكذب بتاع جوري بس لقت كلهم وشهم في الأرض بضيق واضح ان كل كلمة جوري بتقولها صدقة
نادر راح عند بر ونزل لمستوى الكرسي بتعها ومسك أديها الاتنين بين أديه وقال وعيونوا بتلمع بالدموع:
- بر انتي مش مصدقه اللي هي بتقولو صح ...انتي مش مصدقه ولا كلمة انتي عرفه أني استحالة اعمل كده فيكي انتي بالذات
بر فضلت بصه لي بنفس الهدوء والابتسامة ومردتش
نادر صرخ والدموع بتهرب من عيونوا :
- بر ردي عليا متسكتيش كده هدوئك قاتلني هدوء بيموتني...ردي وقولي انك مش مصدقه كلامها عليا...قولي اي حاجه بس متسكيش !!!
بر من غير ما تتكلم او تبعد الابتسامة الهديه عن ثغرها
سحبت أديها من بين اديه وقربتها من وشو وحوطت وشو بين أديها ومسحت دموعوا بهدوء وفضلت بصة لي بتأمل واتنهدت وقامت بنفس الهدوء والابتسامة من غير ما تتكلم بعدت عن نادر وقامت تمشي مشيت خطوتين ونادر قام وقفها وهو بيزعق ليها :
- بر قلتلك متسكتيش لو مصدقة كلامها عتبيني ...لوميني ..بس متسكتيش تعالي واتكلمي حتي لو كلام يكسرني تعالي وقولي بلاش السكوت ده يا بر
كان بيقول كده وفي دموع فرت هاربة من عيونوا
بر وقفت وضغطت علي ايدها وهي بتاخد نفس طويل وتطلعوا ببطئ اخيرا نطقت بصوت هادي وبارد وخالي من المشاعر:
- إذا كنتَ لا تُجدي العِتابَ فإنما
سكوتي دليلٌ أن قلبي قد اكتفى
ووالله انو فعلا اكتفي يا نادر
قالت كده وكملت طريقها لباب الخروج
نادر كانت متجمد في مكانو وهو شيفها بتبعد مش قادر يروح يوقفها ازاي هيحط عينو في عيونها بعد اللي عرفتوا نادر فضل واقف باصص عليها لحد ما خرجت وكانت العبرات في عيونوا الحمرا من الغضب وتجمع العبرات نادر لف وراح مسك جوري من شعرها وقال بكرهيه وحقد :
- انتي شكلك نسيتي بتحولي تلعبي علي مين بس قسماً برب العباد انا لو خسرت بر يا جوري هيتفتح عليكي أبواب الجحيم والنمرة اللي عملتيها دي هتترد وابوكي هيتطرد من شركة ابويا وابقي شوفي لو لقي شغل انما خليتك تنزلي تبوسي رجلي علشان اسمحك ابقي قولي اني مستهلش ابقي ابن مؤمن الشهابي
زقها ووقعت علي الارض وعدل الساعه اللي في ايدو وهو بيبص ليها بقرف وكمل :
- الحقي روحي علشان تبقي جنب امك وابوكي بيتقبض عليه
قال كده ولف ظهرو يمشي بس جوري قامت تمسكوا بسرعة وتقولو ميدخلش ابوها بس هو زقها بقرف وكره ومشي كمل طريقوا لحد بره
اول ما دخل العربية سند راسو علي ظهر الكرسي بضيق ايه اللي حصل معقول خسر بر خلاص حاسس بالضيق في حاجه خنقاه
دور العربية وهو بيقاوم الشعور البشع ده ولما روح اتجه علي أوضة اختو زينب وخبطت وهي سمحت لي بالدخول
نادر بتعب وصوت مخنوق بالدموع:
- فضيا نتكلم؟
- ولو مش فضيا افضي لأجل عيونك " قالتها بابتسامه حنونة"
نزل عيونو في الأرض لما العبرات لقت طريقها علي وشو واختو لما شافت كده قامت بسرعه وراحت عندو وحضنتوا وهو اول ما اختوا ضمتها بدأ ينهار ويقول بصوتو المخنوق :
- انا تعبان يا زينب ...حاسس اني خاين واستغلالي حاسس اني انسان شيطان انا بكرهني وبكره كل حاجه بعملها بكره نفسي الزباله دي
- متقولش كده يا حبيبي تعالي اقعد واحكيلي
نادر راح اعد وحط راسو علي صدر زينب اللي حضناه وفضل ساكت
- مش ناوي تحكي مالك ؟
- انا خسرت حد غالي عليا اوي يا زينب حد انا بخاف عليه اكتر من نفسي ومستعد اموت فداه خسرتو بسبب غبائي واني استغلالي انا اللي غلطان انا سبب ...انا كنت بستغل نقط ضعفوا وتعلقوا بيا
- طلاما انت اللي غلطان صلح غلطك
- مش هينفع استحالة يسامح بعد اللي عرفوا عني ...استحالة تسامح
- اممم تسامح بنت هي ...اكيد اللي في بالي صح ؟
نادر نزل عيونوا في الأرض وضغط علي سنانو هي بر اللي كسرها هو أقرب حد ليها مكنتش تتوقع منوا الغدر وفي الاخر هو اللي غدر دموعوا نزلت واختو زينب لما شافت دموعوا اتنهدت ومدت أديها تمسح دموعوا وقالت بصوت حنون :
- مهما كان عملت ايه ليها طلاما غلطان ريح نفسك وروح اعتزر علشان تبقي عارف انك مقصرتش ولما غلطت اعتزرت رغم ان انت وهي كلامك ده حرام الوجع اللي حاسس بيه ده بسبب الحرام اللي عشت فيه
- بس هي مش هتسامح انا جرحتها كسرت اللي باقي من قلبها ده حتي وعودي متوفتش
- اوفي وعدك ...وعد الحر دين عليه
نادر سكتت وبعدها اتكلم:
- زعلانه مني؟ ؟
- لا ..ليه بتقول كده يا حبيبي؟
- لما رفضت الي بتحبيه مجتيش لمتي ولا عتبتي ولا سألتيني عن سبب الرفض !!
- لو زعلانة منك هاجي اقولك وثانيا انا واثقة فيك واكيد انت رفضتو علشان مصلحتي حتي لو ده عكس رغبتي ( وعسي ان تكرهو شيئا وهو خير لكم ) انا صحيح أعجبت بيه وقلبي كان بدأ يتفتح ليه بس قفلتوا ودعيت ربنا يربط على قلبي وربط فعلا الحمد لله
نادر بعد عنها وقام وقف يمشي اختوا وقفتوا
- انت احسن دلوقتي؟
راح ضمها بقوة وقال وهو ضممها :
- انا كويس طول ما انتي جنبي...انتي الباقي من عمري امي التانية يا زينب انتي أعظم انسانة انا قابلتها
قال كده ومشي اتجه علي اوضتوا لما طلع فتح فونو وزي ما توقع بر بلكتوا كأنها بتقفل كل الأبواب في وشو اتجه علي درج الكمودو وطلع منو فون وفتحوا وسجل رقم بر واتصل عليها
--------------------------------------------
عند بر اللي خرجت من النايت وهي حسه بأحساس غريب مش قدرة تعيط عيونها بتأبي انها تبكي كانت مشية تيهه مش مركزة مش حسه بحاجة حوليها كأن العالم كلو وقف روحت بيتها وأعدت في اوضتها وهي مش عرفه ازاي وصلت لهنا اصلا كانت اعده وبصة لبعيد بسرحان وفجأة حطت وشها بين أديها وبدأت تبكي كأنها لسه مستوعبه اللي حصل ....ليه نادر يغدر بيها كده ده كان كل حياتها يعني كل مرة كان بيهون فيها كل هزار وحزن وفرح كل المشاعر دي كانت وهم مش موجوده كان بيضحك عليها ليه يا نادر.....بعد ما وهبتك نفسي وروحي وامنتك علي اسراري...!
فتحت فونها وهي منهارة و بلكتوا من كل حته
لحد اخر لحظة مكنتش عوزاه تصدق مينفعش تبكي....ده اللي نادر عوزو ضعفها ...بس انا متبكيش وهي شيفه أقرب حد ليها في حياتها الشخص اللي كانت عيشه علشانوا اللي كانت بتضحك لضحكو وتحزن لحزنو ...الشخص اللي حبت الحياة علشانو خانها طلع زيهم ....بيكرها
عده وقت وهي بتبكي لحد ما قلبها وجعها من كتر العياط
بعد ساعه من الانهيار كانت اعده بصة للسقف ودموعها بتنزل بهدوء وهي بتحارب الشعور الموحش اللي جواها سمعت فونها بيرن مسحت عبرتها وهي بتبص علي المتصل ولقيت انو رقم مجهول الهوية
فضلت بصة علي الرقم وسرحانة خلص الاتصال ورن تاني وتالت رغم ان بر عرفه هوية المتصل بس ردت بعد اكتر من اتصال
--------------------------------------------
نادر كان شغال يتصل على بر وكل ذرة جواه بتصرخ عوزاها ترد و بعد عده من المحولات اخيرا جالو صوتها الخالي من المشاعر
- الو
- بر
قالت بنفس البرود:
- عايز ايه يا نادر؟ ابعد عني وسبني في حالي وزي ما عرفت تكذب عليا وتوهمني بوجودك هتعرف تعمل كده مع غيري عادي....بس عوزاه اقولك حاجه خنقاني واعتبرها الفضفضه الأخيرة.....انت عارف اني متوفعتش منك انت بالذات كده لأنك بكل بساطه كنت كل حياتي كنت سبب سعادتي صحيح في احساس بشع جوايا مش عرفه اوصفو من وجعوا وتقلو انت سبب فيه بس عوزاه اشكرك ....انت عيشتني سعادة انا عمري ما كنت احلم بيها بجد والله انا رجعت حبيت الحياة بسببك يا نادر....عرفت معنى أن يكون ليك حد يخاف عليك احساس ان يكون ليك سند حاجات جميلة بشكل...عمري ما كنت اتخيل اني هجربها صراحة رغم أنها طلعت بكل مشاعرها كذب وخيانة ووهم بس كانت حلوه.....بجد انا بسببك عرفت معنى الحياة ومعني انك تنكسر من اقرب الناس ليك ولقلبك انت عيشتني كل المشاعر من اجملها لابشعها......انت عامل زي نسمة الهواء الباردة اللي بتعدي عليك في وقت الدفي رغم جمالها بس بتأذيك وتتعبك .....متخفش مش هفتكرك بسوء ولا بخير انا مش هفتكرك اصلا يا نادر.....رغم ان قلبي بيأبي النسيان بس صدقني انت هتبقي ماضي اسود من اللحظة دي ومش هتنزل دمعة عليك اصلك كنت بتقول ديما دموعي غالية ومتنزلش غير علي غالي وصدقني انت ارخص منك مفيش يا نادر
غمض عيونو وساب العبرات تنزل قلبها قصي عليه فجأة ازاي بتتكلم كأنو كان بالنسبه ليها ولا حاجه هو مقدر ان اللي عرفتوا مش قليل بس هي لازم تسمعوا
اتكلم بصوت مخنوق بالدموع :
- بر علشان خاطري اسمعيني انا....~
قطعتوا ببرود :
- ملكش خاطر عندي
- يا بر اسمعيني انتي ظلاماني بر انا مقدرش اعمل كده فيكي انا فعلا قلت الكلام ده بس~
زعقت ليه :
- مفيش بس مفيش حجة ولا عزر هتقولو هيبرر نيتك اتجاهي هيبرر اسراري اللي قولتها ليهم احزاني ومشاعري اللي خبتها عن كل البشر وامنتك عليها انت ...انت الوحيد اللي كان يعرف عني كل حاجه يعرف بعلاجي النفسي وتشويهي لجسمي وحبي لتجريح نفسي كل سر كل دمعة كل حزن امنتك عليهم كلهم عرفوهم....انت زبالة يا نادر...انا بجد بكرهك ياريتني ما عرفتك ولا قابلتك
قالت كده وقفلت السكة قبل ما تنهار كانت بتقاوم دموعها وتقول :
- مفيش دمعة هتنزل نادر ولا حاجه نادر صفحه واتقفلت نادر هو الحبر الأسود في كل الصفحات!!
نادر حاول يتصل عليها بس حظرت رقموا صرخ والدموع مغرقه وشو
" فرصه يا بر ..فرصه "
اعد بضعف وإرهاق علي سريرو وعيونو مدقتش النوم لمدة ثلاث ايام حابس نفسوا في اوضتو مقديها هواجيس فتح فونو يبص علي احدي الصور بتعتهم كان بيعمل زوم علي الصورة المكان!!!
المكان ده بالذات في ذكريات ووعود كتير انو هينفذ الوعد في اليوم المناسب
كان بيفتكر كل لحظة يقعدو فيها في المكان ده كانت لازم تفكرو بالوعد وهو يوعدها انو هيتنفذ
من اكتر من سنتين لما خرجت معاه وكانت لأول مرة تشوف البحر وعرفت انو متعلم الفروسية ابهرت وكان نفسها تجرب وعدها في الوقت المناسب
قام كأنو لقي ملاذو...." الوعد... مش هنفترق قبل ما يتنفذ "
راح اتجهز وهو مقرر انو هيروح الكلية النهارده بعد ثلاث ايام من الهواجيس والاكتئاب
لبس ونزل وهو عارف انو هيشوف بر هناك
وفعلا شفها وحاول يكلمها بس هي صدتوا
فضل اسبوع يروح وراها في كل حته حتي في شغلها وكانت بيستغل انها في الشغل وهو ذبون علشان يحاول يفتح كلام
بعد الأسبوع ده بر بطلت تروح الكلية ولما راح يشوفها في الشغل لقي انها اخدت اجازة
حس انها بتقفل كل الأبواب في وشو مغيبة عن الكلية بقالها اكتر من ١٥ يوم وشغلها برضو كان قلقان عليها ومش عارف يوصل ليها
في يوم نادر كان في النايت
اعد بيشرب وهو سرحان بيفكر ازاي هيقدر يتواصل مع بر ويوضح موقفوا وهو اعد جت واحدة وأعدت جنبوا وهي بتسحب الكأس من ايدو وهي بتقول :
- كفايه شرب انت شربت كتير لو كملت الربع الفايق في دماغك هيروح وانت بالذات مينفعش تغفل
- بر انا اسف !!
- بر مين انا ريتال !! انت شكلك تقلت في الشرب وبدأت تخرف
كأنو فاق من سرحانو و مسح عيونوا وقال بتقل لسان:
- لا لا انا فايق بس سرحت شويه
- امممم.....كلمتها وفهمتها ان اللي جوري قالت عليه من سنين
قال بتقل وهو حاطط وشو بين أديه :
- لا الغبية مش عوزاه تفهم مش عوزاه تكلمني مش عوزاه تشوف وشي محسساني اني قتلت ليها قتيل ...مش قدرة تفهم اني مكنتش يستغلها بجري وراها عاوز افهمها وهي مصرة تبعد ..ليه يا ريتال عوزاه تبعد رغم اني كنت طول الوقت جنبها ومعاها ...ليه تصدق بكل البساطة دي ...انا عايز اكلمها عاوزها انا تعبت من بعدها انا لازم اكلمها !!!
انا هروحلها البيت وتبقي توريني ازاي هترفض تكلمني !
قام وقف وريتال راحت وراه بسرعه ووقفتوا
- انت اتجننت مش عارف أهلها والوضع اللي هي عيشة فيه بالي هتعملوا ده هتكون سبب في موتها
نادر غمض عيونو بتقل وفتحها تاني وبص علي ريتال وسأل بتعجب وسكر:
- ليه بر طلعت من النايت ...هي قالت إنها ريحا منين ..بر مستنياني عند مؤمن الشهابي
البنت حطت أديها علي وشها بتعب
- ده انت ضايع خالص وقال ايه لا مش سكران ده انت في عالم تاني....تعالي
ريتال سحبتوا وراحت ركبتوا العربية وبعدها طلبت ليه قهوة ساده وخليتوا يشربها علشان يوعي شويه واخدتو علي مكان هادي علشان يسرع مفعول فوقانو وفعلا بعد وقت كان فاق وبدأ يبقي واعي ولما فاق شويه مسك راسو بألم من الصداع وقال :
- انا اسف يا ريتال تعبتك
- ولا تعب ولا حاجه بس انت هتعمل ايه مع بر
- مش عارف
- فكر يا نادر انت كسرتها جامد تخيل بعد ما اعتبرتك كل حاجه في حياتها تكتشف انك بتضحك عليها حتي ولو جوري كانت بتكذب برضو يا نادر كانت هتتكسر انا لو مكانها كان زماني قتلتك بجد كان زماني منهارة قلبي من جواه نار وكره بر اكتفت انها تمشي لأنك كنت غالي عليها وده اللي هو اكيد
- وهي ليه تصدق الكلام ده ازاي اصلاً صدقت عليا كده ازاي فكرت اني ممكن اخون !!!
- مش هلومها صراحة بالي شفتوا في حياتها واحساس الخيانة اللي كان ملازمها هي ليها حق تصدق
- بس انا غير الكل !
- علشان كده جرحها المرة دي أعمق من كل مرة
نادر اتنهد تنهيدة طويلة مليانة هموم وحزن بعدها وجه نظرو لريتال باستغراب وقال :
- انتي عرفتي منين الحاجات دي عن بر انا لما كنت بتقولكم مكنتش تعمقت في كل ده !
- الفترة الأخيرة كنت قربت منها جدا فا كنت بحكلها وهي تحكيلي
نادر بص ليها بصدمة واستغراب وودنو مش مصدقه اللي بتسمعوا
- انتي وبر مقربين من بعض !!! يعني بر بتكلمك !!!
- اممم لسه مقبلها النهارده رحت قابلتها علشان كانت بقالها فترة حالتها زفت ....ليه بتسأل ؟!
- بتتت انتي هتشليني انتي ممكن تبقي وسيط بنا انا كده عرفت ازاي هرجع علقتي ببر
- هتعمل ايه مش فهمه !!
- هقولك ......~
___________________________
بعد مرور شهر وريتال وتقربت جدا من بر لدرجة ان بر بدأت تحس ان ريتال ظهرت علشان متسبش ليها وقت تفكر في نادر وتحزن هي بقت بتقعد مع ريتال كتير ولسبب هي مش عرفاه كانت مستريحه ليها بشكل غريب لدرجة انها فتحت قلبها ليها زي ما فتحتوا لنادر وبقت تبكي وتحزن عند ريتال مكنتش تعرف السبب يمكن علشان ريتال عاشت زيها من غير اهل رغم وجدها ريتال عيشة لوحدها لان أهلها مسافرين زي ما كانو طول الوقت عاشت في إهمال مرمية للمربيات اللي كانو بيجبوها ليها مع انها بنتهم الوحيدة معندهاش اخوات يعني المفروض يكفوها ويوفوها من الاهتمام بس كان عكس كده
يمكن استريحت ليها علشان هي عشه جزء من اللي هي عيشه فيه الإهمال واليتم رغم وجود الاهل
في يوم ريتال بعتت لبر في وقت متأخر
- بر ممكن نخرج ؟
بر بعتتلها باستغراب
- دوقتي!!!!
- ايوه انا بجد مخنوقة وعوزاه نتكلم شويه
- علي اساس اننا دلوقتي بنغسل مواعين محنا بنتكلم اهو
- بر انا مش بهزر
- يعني انا اللي ميته ضحك !
- خلاص خلاص مش عوزاه حاجه
بر فكرت ثواني وبعدها ردت
- هنتقابل فين ؟
- بجد !
- لو مردتيش هغير رأي قدامك دقيقه
ريتال بعتت ليها زغروطة في ريكورد وهي بتقول اخيرا وده اللي خلي بر تضحك هي كانت فكرة اخيرا وافقت تخرج لأنها عرفة ريتال اوفر بس ريتال فرحانة علشان حاجه تاني
بر سابت الفون وهي بتضغط علي سننها وهي بتفكر وبتفتكر نادر بسبب التوقيت بتاع الخروجة بتفكر هتفضل لأمتي تفكر فيه كانت عرفه انو هيبقي اكبر لعنة في حياتها عرفه انها بترمي روحها في الجحيم كانت عرفه انو هيبقي نقطة ضعفها ورغم ده سلمت نفسها واديها كل مرة بسببوا بتبكي هو اسوء حاجه في حياتها وهي عرفه كده
بر اتنهدت بضيق وهي بتحاول تبعد عن لعنة الذكريات
قامت واتجهت علي الدولاب طلعت هودي اوفر سايز اسود وبنطلون سبورت اسود و لبست عليهم كروكس اسود مهتمش انها تتزين وقفت تتأمل ملامح وشها الكئيب قدام المرايا حطت أديها علي وشها وهي بتسأل فين الدموع فين المشاعر ليه قلبها محمل بالكرهيه بس حسه ان طاقتها خلصت ده اللي هو حرفيا....مبقاش عندها شغف لأي حاجه في كمية برود جواها هي مش عرفه سببوا يا تري هتفضل بقلبها فارغ واسود كده هتفضل بأحساس البرود ده كتير
بعدت عن المرايا وخرجت من البيت علشان تروح لريتال اللي المفروض مستنيها
نزلت من البيت لقت ريتال تحت البيت ولما شافتها ضحكت وهي بتنغزها
- شكلك مرعب بليل وانتي لبسه اسود في اسود وحطة كاب الهودي علي رأسك ...لولا اني مستنياكي كنت افتكرتك ام رجل مسلوخة طلعالي
بر أبتسمت بهدوء وريتال بصت لرجلها وقالت :
- انتي نزلة بالكوركس يا بر !!
- وايه الجديد؟
- اننا خارجين مش ريحة الشغل أو مشوار تحت البيت
- انا بروح بيه الكلية تتوقعي مش هخرج بيه ؟!!!!
- امممم وجهت نظر تحترم
- عرفه
- طب يلا ياختي قدامي معرفش ليه حسه اني خرجة مع وحدة من الجن بشكلك ده
- مش هطلع اغير لو بتعملي كده علشان السبب ده يا تخديني كده يا سبيني اطلع البيت
- خلاص خلاص يلا بينا
- علي فين؟
- مفاجأة مكان بتموتي فيه
- مش بطمن لمفجأتك ...اوعي يكون زي اخر مرة ....~
ريتال قطعتها قبل ما تكمل وهي بتقول:
- Don't worry baby
- مش هكلك يختي
ريتال ضحكت ودخلت العربية وبر معاها واتحركت بيهم كانت بتروح بيها لمكان ودتها علي مكان صحراوي بر كانت بتسألها امتي نوصل وريتال تقولها مفاجأة
بر محطتش احتمالات سيئة ابدا ان ريتال ممكن تغدر بيها محطتش احتمال انها كانت صحبة جوري فا بكده هتبقي زيها علي العكس كانت واثقة فيها او ممكن مطنشة ومكنش عندها طاقة انها تفكر
وبعد ساعه في الطريق ريتال وقفت العربية قدام اسطبل موجود جنب بيت بر استغربت المكان البيت ده هو الوحيد في المنطقة دي مكتوب جنبوا ملك لمؤمن الشهابي ....!
المكان غريب وفيه هدوء مرعب ريتال راحت سحبت بر من أديها ودخلتها الاسطبل
اول ما دخلت لقت نادر قدمها رمي السجارة اللي كان بيشربها بر لما شافتوا اديقت وكانت هتمشي بس نادر مسك أديها بسرعه يوقفها وقال :
- بر ارجوكي اديني فرصه واسمعيني
- اسمع كذبة عايز تخترعها صح نادر إنساني
نادر قال :
- معنديش مانع بس انا مش هبعد غير لما اوفي بوعدي ....مش نادر اللي بيحنث بوعدو
بر بصت لي بتعجب وعد ايه اللي بيتكلم عليه!!
قطع تعجبها تحركو لاحدي الحجرات وفتحوا ودخل ثواني وطلع وهو ماسك لجام لخيل أدهم اللون سوادو قاتم ولامعة فرائو الاسود تحت ضوء القمر خيالية فاتن الجمال اللي يشوف جمالو يدرك قدرة الله في الخلق سبحان من خلق الجمال وجملو
نادر قرب منها والخيل ماشي وراه قرب بيه من بر اللي كانت سرحانة في جمال الخيل
وقالها بصوت هامس: متخفيش قربي منوا وامسحي علي وشوا
بر وكأنها مغيبة راحت قربت من ونفرها بشدة وقوة ورفع حوافر الامامية وده اللي خلي بر ترجع لورا بخوف وقلبها بيدق بسرعه بصت لنادر ولقيتوا مبتسم كائن مكنش من خمس ثواني حصانو هيرفصها
وجهت نظرها لريتال وشافتها طالعة من الباب وماشية بر كانت هتجري تلحقها وتمشي معاها بس نادر سبقاها وقفل باب الاسطبل
بر بصت لي بضيق وقالت:
- عوزاه امشي
- مش قبل ما انفذ وعدي وتسمعيني
تعالي سحبها برفق وودها عند الخيل اللي كان اسمو أدهم زي لونو وقالها وهو بيطمنها انها متخفش :
- اكيد أدهم خايف ولازم اطمنوا انك مش عدوه
مسك كف أديها وحطها في ايدو وده اللي خلي جسمها يسري فيه رعشه غريبه
نادر قرب أديها من الحصان اللي نفر منها بس نادر قرب من الحصان بعد ما ساب ايد بر وراح بيه بعيد شوية وقال وهو بيطبطب عليه :
- مالك ؟!!.....مش عدتك تعمل كده ؟
اهدي بر دي حته مني زي زينب.
نادر رجع لبر مع أدهم وقرب منها ومد ايدو وقال :
- يلا
- يلا ايه ؟؟!!!!
- مش كان نفس تركبي الخيل اهو
بر بعدت عنوا وهي بتشاور علي الحصان
- لا لا مستحيل اركب علي البتاع ده .....ده مش طيقني هيقلبني من عليه
- تعالي بس
- نادر انا خيفه!!!
نادر بص ليها بحنان يطمنها:
- متخفيش انا معاكي ...مش هيعمل حاجه
ورغم كل البغض اللي كان في قلب بر نحيت نادر اطمنت لما قال كده رغم أنها مش عوزاه بس استريحت لما قال انا معاكي
قامت معاه ونادر اللي اخدها وسحب الخيل لحد باب الاسطبل وفتحوا وخرج بالخيل بره الاسطبل وسط الصحراء وبر كانت لسه وقفة جوا الاسطبل بصة عليهم بتوتر نادر راح جبها وسعدها انها تركب علي ظهر الخيل وهو ركب وراها بر اترعبت لما سمعت نادر بيقول
- امسكي كويس
وفجأة رفع الجام وشدو والخيل جري بسرعه كانت بالنسبه لبر مرعبة غمضت عيوني وقلبها بيدق بسرعه وبتردد ....اشوف فيك يوم يا بعيد انا ليه صدقتك
نادر كان سمعها وضحك وقالها :
- افتحي عيونك وعيشي اللحظة وخدي نفس من الهوا اللي بيخبط في وشك اللحظة مش هتتكر تاني
بر حست بمية بتبل الهودي وبتبجي علي وشها بر فتحت عيونها ولقت الدنيا بتشتي والمطر محاوطهم مع ضوء القمر الساطع والنجوم المنيرة بتنور ظلام الصحراء كأنها مصابيح صغيرة معلقة لتنير درب كل مخيم ومسافر وكل مخلوق في الصحراء المظلمة
فجأة بر حست بنادر بيفرد ظهرها لحد ما بقي مواجهه لصدرو وحط أديها علي اللجام وقال :
- كده هتشوفي احسن
بر بصت وشافت النجوم والمطر مع سرعة الخيل المهولة والقمر
الخيل والليل والقمر والمطر والنجوم
النجوم منتشرة جدا في السماء شكلها خلاب خيالي مفيش عقل ممكن يتخيل جمال المنظر
أدركت ليه فان جوخ رسم لوحة وابدع فيها في رسم الليل والنجوم سمي اللوحة ليلة النجوم لأن النجوم والليل كان أجمل ما فيها رغم الألم يولد الجمال كل الجمال ده موجود وانا عيشه في آلم كان لازم ابص حوليا بعمق واتأمل ....!
نادر لما لقي بر سرحانة ابتسم وبدأ يقولها أساسيات ركوب الخيل وازاي المفروض تخلي الخيل يتحرك وازاي يوقفوا
ولما توقفي الخيل مش بتشدي الجام مرة وحده بقوة كده بتذيدي سرعة الخيل ولاكن بتفصلي تشدي وتسيبي تشدي وتسيبي بحركات متتالية وسريعة
بر كانت في عالم موازي من التأمل وفجأة حست ان مفيش حد وراها بصت ولقت نادر نزل من الخيل وقرب منوا وهمس في ودن الخيل بحاجة خلتوا يجري بسرعة جنونية بر مسكت في رقبتو بسرعه
ايه اللي عملوا ده يخربيت الجنان
صرخت :
- انت عملت ايه وقفوا
- لا
- لا لما تلئك ....بقولك وقفوا
نادر ربع ايدو ببرود وقال لا انا قلتلك ازاي توقفي وانتي اتصرفي
- ورحمت امك يلا وحيات اختك وستك وقفوا
- لا
بر عضت علي شفتها تكتم دموعها الخيل بيجري بسرعه وهي لازم توقفوا هو قال ايه
حاولت تفتكر وجمعت قوتها وقامت شدة الجام مرة واحدة جامد وده زاد من سرعت الخيل وخله يرفع رجليه الامامية ويقف علي الخلفية بر اتمسكت برقبتو بقوة علشان متقعش
وهو رجع يجري اسرع من الاول
ونادر وقاف مستني يشوف ايه اللي هيحصل
بر غمضت عيونها تتذكر اللي نادر قالو بتحاول تضبط انفسها بتضم الحصان اكتر علشان متقعش هو مش هيساعدها كانو بيعقبها انها مسمعتهوش
بر جربت مرة تاني تشد اللجام وده زاد من سرعة الخيل وخلها تتأكد ان مش دي طريقه ايقافو
فكرت نادر كان قاعد ازاي وبيعمل ايه وجمعت قوتها وقعدت ظهرها علي الخيل بثبات اكتر ومسكت اللجام زي ما كان نادر مسكوا وبقت تحاول تحرك فيه وبدأ تفهم طريقه التحكم افتكرت ان نادر لما قبل ما يوقف الخيل فضل يسحب اللجام ويرخيه مرات متكررة وبطريقة سريعة بعدها الخيل وقف اخيرا افتكرت !!!
بصت علي نادر اللي واقف بابتسامه خبيثة وهو شيفها بتحاول وتعاني
بصت ليه وابتسمت هي عرفت ازاي تتحكم فيه وده اللي خلاه توجه الخيل عند نادر وعلي وشها ابتسامة انتقام نادر لما شاف ملامحها فهم هي نويا علي ايه وصرخ عليها قبل ما تشد اللجام علشان يجري نحيتوا انها تقف ومتعملش كده علشان الخيل هيوقعها ولاكن هي مسمعتش وجريت بيه نحيت نادر
الخيل لما شاف في مرآه آن نادر اللي قدامو وهو بيجري بسرعه نط وثبت رجولو علي الارض بسرعه وقوة علشان يوقف قبل ما يخبط في صحبوا
بر لما شافت الحركة المفاجأة بتاعت الخيل بدأت تسحب وترخي في اللجام توقفوا بسرعة وفضلت تعملها وسرعة الخيل قلت لحد ما وقف
نادر جري علي بر بقلق متوقعش غبائها يوصلها انها توجه الخيل قدام صحبوا
راح عندها وساعدها تنزل واول ما نزلت زقتوا بعنف وهي بتزعق ليه
- انت زبالة بجد !!!
تعمل فيا كده!!!
كنت هموت بسببك!!!
- انتي اللي غبية
- بجد يعني انا اللي غلطانه؟!!
- ايوه
- اتصدق صح انا اللي غلطانه علشان سمعت كلامك ووثقت فيك انت خنزير غيني اصلاً
ملامح نادر اللي كانت مديقة بقت لينه وهو باصص ليها وقال وهو بيبلع غصة وألم :
- انا اسف
بر ابتسمت بتهكم وهي بتقول:
- علي ايه ولا ايه بالضبط ....علي غدرك بيا وضحك عليا بعد ما امنتك علي كل حاجه في حياتي...نادر انت كنت اول بشر في الكون افتحلو قلبي واستريح معاه انا كنت بدأت اشوف الدنيا معاك انت كنت النور اللي في حياتي قلت انك هتزين صفحات الحبر الأسود واكتشفت انك انت الحبر الأسود ولطخت كل الصفح بالسواد ....انت لما وقفتني قلت هفهمك انتي فهمه غلط انت مانكرتش الكلام لا انت قلت الكلام ده اي حجة هتقولها هتبقي تضيع وقت صدقني....لو بتقول اسف على الحركة الحقيرة اللي لسه عملها دي وزرع الخوف في قلبي من غير رحمة وتحويل السحر اللي شفتوا لكبوس مش اول مرة ت.....~
نادر حط ايدو علي بوقها يسكتها بر بصت ليه بضيق ولما رفعت عنيها ملامح وشها الباردة المتهكمة اتغيرت..!
الدموع اللي في عيون نادر دي بجد!!
هو بيبكي بجد !!!
ليه كانت بصة ليه بصدمة وفجأة لقيتوا سحبني في حضنوا !!
وهو بيبكي بقهر !!
مالو ده ...!
طب اعمل ايه أفضل ثابته ولا ابعدو بقسوة من غير ما اهتم بمشعرو واكسرو؟ ولا اسيبه يبكي ويريح قلبوا الموجوع اللي باين انو طول الفترة دي كان شايل كتير ...اسيبه يبكي في حضني ويبقي راحة لي ما هو ياما استحملي واستحمل بكائي وطبطب عليا
صوت شهاقاتو بيعلا انا اول مرة اشوف نادر كده اول مرة احس انو تعبان وشايل في قلبوا
قطع افكاري صوتو المخنوق بالدموع اللي طالع بالقوة وهو بيقول:
- اسف علي كل حاجه ديقتك عمري ما كان قصدي ابقي سبب جرحك مع اني المجروح والمكسور...انتي مسمعتنيش وصدقتي جوري وكأني غريب عنك انا مانكرتش الكلام لاني قولتو بس كان لما كلمتك اول مره .... الكلام ده عده عليه سنين كتير ...قلتوا قبل ما اتعرف عليكي قبل ما حياتي تتعلق بيكي وتبقي انتي اهم جزء في قرف الدنيا ومحدش جاب سيرة الكلام ده تاني لأنهم كانو عرفين انك خط أحمر واني ممكن اقتلهم بدم بارد علشانك وغيره جوري منك فتحت كلام انا قلتوا مرة انا وسكران ومش داري بالدنيا...انا حتى مكنتش فايق وانا بقولو ....انا فعلا انسان زباله وقذر ومعنديش رحمة اصل مفيش حد ينام وضميري مرتاح وهو عارف ان فيه خشرميت بنت نيمة بتبكي وقلبها مكسور بسبوا انا عشت المرار اللي كنت بعيشوا لغيري في بعدك ...متبقيش زي وسامحيني انا مش عارف اعيش من غيرك حياتي ناقصها حاجه.....اسف ومستعد اعتزر مليون مرة لحد ما ترضي مستعد احرق الكون بس تسمحيني مستعد اعمل اي حاجه علشان نرجع زب الاول انتي كنتي اللي بتهوني عليا سواد الدنيا ....انتي مستحيل تتخيلي مكنتك في قلبي ....انتي روحي اللي لو بعدت ومشيت هموت .....واقسملك بالله الذي لا إله إلا هو ان الكلام الي جوري قالتو كان من سنين في بداية تعرفنا واني قلتوا وانا سكران وكان غصب عني وانا مقلتش غير اني ناوي العب بيكي وكام حاجه كنت بغسل بيهم دماغ جوري وباقي الكلام اللي جوري قلتلوا عرفتوا منك لما سكرتي استدرجتك في الكلام انا اللي غلطان سعتها لاني جبتك المكان ده ومعترف بغلطي واديني بدفع تمنوا وان فرقنا بسبب لعبي القذر بالبنات.... سمحيني قلبك ميبقاش اسود زي حياتي من غيرك
بر كانت وقفة في حالة صدمة من نادر وغصب عنها قلبها اشفق علي دموعوا
بر رفعت أديها وحطتها علي راسو وبدأت تمشيها براحة وهي بطبطب عليه ونادر لما حس بيها بطبطب عليه ضمها اكتر وبكائوا بيزيد
وبعد وقت كانت بر اعده مستربعة ونادر حاطط رأسو علي رجلها كان الأدهم حصان نادر مربوط جنبهم وبر كانت بداعب فيه ونادر كان اعد ساكت وهو باصص للسما وسرحان
اتكلم وهو لسه نظرو متعلق بالسما :
- صافي..؟
- جرحي من نحيتك وكسرتي كانت أكبر من اني اقدر انسي واعدي بسهولة
- طب وانا جرحي وكسرتي ووجع قلبي والمرار اللي شفتوا من غيرك سهل انو يعدي عليا
- بس انا مبقتش وثقة فيك
- للدرجه دي!!
قالت بزعل مصتنع :
- ايوه انت واطي وقذر وزباله وخنزير غيني كمان ....تسبني فوق الأدهم وتخليه يجري بيا بالشكل ده قلبي كان هيقف
- قلبي يقف بدالك ويروح فداكي
بر زقتوا بضحك ومشاكسة وقالت :
- مش قلتلك انك لسه في حياتي بسبب كلامك اللي بيطفحني فرشات
نادر ابتسم بحزن وقال :
- يعني مفيش امل حتي بعد ما عرفتي ان نص الكلام طلع منك وانتي سكرانة
- امممم بص هفكر اني انسي بس بشرط
ضحك وقال :
- عيوني ليكي
- خليهم ليك هعمل بيهم ايه عيونك !
- اتصدقي انا غلطان...عوزاه ايه يا اخرت صبري ؟
- ممكن تعلمني ازاي اتحكم في الأدهم والعب معاه تاني
نادر ضحك بنبرتو رجولية وقال :
- مقابل؟
- انا اللي المفروض اقول مقابل ايه بعد عملتك
- ده عندها
قالت باستلام
- عاوز ايه؟؟
قرب منها وهو مبتسم ابتسامة خبيثة وقال :
- عوزاك
- انت سافل وقليل الأدب بجد
- انا !!!!!
قالها بصدمة مصتنعة
- امال امي
نادر ضحك
وبر بصت ليه بتسأل وقالت:
- نادر
- اممم
- سمعت عن أسطورة تلال المخطئات؟ ؟
- تلال المخطئات!!! لا اول مره اسمع عنها
بر ضحكت وقالت:
- هحكيلك عنها بس تعالي اديني لفة تاني علي الحصان
نادر ابتسم ومسكها من الكاب بتاع الهودي وسحبها زي الشوال علشان يطلعوا بره الاسطبل وهو ماسك في الأيد التانية اللجام بتاع الأدهم وساحب الاتنين وطلع بيهم
ونادر علم بر ازاي تتحكم فيه وجربت وبقت تجري وهي علي ظهر الأدهم وصوت ضحكها عالي كانت سعيدة وبعد ساعة ركبت العربية مع نادر يروحها بعد ما ودعت الأدهم ونادر وعدها انو هيجبها تشوفوا
وهما في الطريق نادر سألها علشان يفتحها في الكلام والرغي بدل الهدوء بقالو كتير مسمعش دوشتها المحببة لقلبوا رغم الصداع اللي بيصتحبوا بعدها
- مقلتيش ايه هي أسطورة تلال المخطئات؟
بر بصت ليه واتكلمت بشغف وحماس :
- بص تلال المخطئات دي أسطورة قديمة ان في تلال موجودة ادفنت فيها ملايين النساء قديماَ بحجة غسل العار لأنهم بيشوفها انها لا تستحق انها تندفن في قبر وطبعا اهل كتير كأنو من غير ما بنتهم تعمل خطيئة او حاجه كانوا يروحو يقتلوها هناك ويدفنوها التلال دي مقابر ظلم ودم اتهدر لحجج تفهه بس هي أسطورة معرفش ممكن تكون كانت فعلا موجودة قديما ... بس لو كانت حقيقه كان زمان اهلي دفنني فيها
قالت كده وضحكت وكملت حكاوي لنادر....
( وبعد وقت ....)
نادر كان راح بيها عند البحر علشان مينفعش يوصلها لحد بيتها بنفسوا
وقبل ما تتحرك تمشي نادر مسكها من الكاب وقفها وهي قالت بعصبيه:
- مش هلبس الزفت ده تاني انت كل شويه تمسكني زي الكيس
- صافي؟
- تفتكر انا ليا غيرك ؟
حتي لو لسه زعلانه بعد تحفة النهارده خلاص...وبعد كلامك اتأكدت انك فعلا استحالة تغدر بيا او تلعب بيا وعرفت اني الخط الأحمر بتاعك
- طب والبلوك اللي معملي من كل حته ؟
- هرفعوا لا تكلك
- اكلك!!!! مش هكلك وابقي طمنيني عليكي وابعتيلي اول ما تروحي
- خلاص يا محنوا مش خطبتك انا ده ايه المحن ده؟!
نادر نزل جاب طوبة من الارض وكان هيرميها عليها وبر جريت قبل ما يرميها وهي بتضحك ونادر ابتسم عليها وبعد دقيقتين مشي وراها واتأكد انها روحت
عدت ٦ سنين ونادر علاقتوا ببر مستمرة بس مش بيحبوا بعض كل واحد معتبر التاني مؤنس وحدتو كل واحد غالي عند التاني بس مش حب ...نادر حلموا شريكة حياتوا تبقي تقية ونقية القلب تنتشلة من الظلال وده اللي نادر عمرو ما شافو في بر
نادر فتح البزنس بتاعو من وهو في الكلية وبفضل الله ثم اسم ابوه العريق مؤمن الشهابي ساعدو في انو ينجح ويفتح شركة تبقي خاصة بيه في المدة القصيره بتاعت سنين الكلية
بالنسبه لبر علاقتها بأهلها بقت معدومة حتي اخوها استسلم من صدها بقت تخرج في نص الليل قدمهم بكل بجاحة وتعصي كل أمر يقولوه بقي عندها سلطة علي نفسها ومفيش حد يقدر يقف قدمها او يوقفها
بالنسبه لعلاقتها بربها متحسنتش يمكن سئت اكتر بعيدة عن ربنا بعد شديد لدرجة انها نسيت ان في خالق نسيت الدين مبقاش في حاجه بتهمها غير متعتها ورغبتها نسيت ان في حساب وآخرة نسيت عقيدتها تعمقت في الظلال وملقتش الي ينجدها منوا سابت العبادة من وهي ١٥ سنة ودلوقتي عندها ٢٥ سنة ومركعتش بقالها عشر سنين ولا ركعة ولا عمرها في العشر سنين دول قرأت ايه او صامت حتي يوم
بر عمرها ما فكرت في انها ممكن تتوب وترجع لربنا اصل مش
معقول بعد كل الظلال و التشكيك ده هتشوف النور ومين اللي هينور ليها الطريق مش ممكن انها تلاقي هدي ...
في احدي الشركات دخلت بطلتها الفاتنة ولبسها شبة العاري وببرودها المعتاد وشعرها اللي كان مفررد علي ظهرها
كانت لبسه سكيرت قصيرة مبينه رجليها وعليها شميز وبليزر صوت خطوتها الثابتة بيرن في المكان مع ريحة عطرها الفواحة لدرجة الفتنة
ملامح وشها ثابتة زيها بتبص للكل بذدراء ونظرتها باردة زي التلج واكتر حاجه ملفته لبسها اللي ديما مبين مفاتن جسمها كأنها اعرضت عن التستر واقسمت بالعري بس اللي محدش يعرفوا انها أقسمت بالعصيان مش العري محدش يعرف ان قنبلة المفاتن والمحرمات دي شيطان اتصنع علي يد بشر ............!