رواية دون أن أشعر
الفصل الثاني والعشرون 22
بقلم ال زهراء
قال لي البدايه الجديدة القاصدها انا هي بدايتنا سوا، انا عايز اكون معاك اسره يا مها، عايزك تكوني زوجتي وام اولادي،دقيقين وانا كنت يستوعب الكلمة كنت مضطربة وما عقلي وقف من التفكير قولت ليهو سريع ومن غير تفكير لااا، عاين لي ومعالم الخيبة في وشو قال لي لااا لشنو!؟، انا كنت فاكر انو ممكن تتقبلي راجل تاني في حياتك بعد زوجك الأول وخاصة انو سالتني من علام اذا هو مناسب ولا لا، ولا انتي ما عايزاني انا ووممكن تتقبلي اي زول غيري، قعدت وانا حاسة الدنيا لافة بي دا كلام شنو القولتو دة، عاينت ليهو وانا مدمعة قولت ليهو سياف انا عملت شنو!!!، قال لي ما تبكي انتي ما مجبورة تبرري ،قولت ليهو ياود الناس انت عايز تقتلني والله ،قال لي اسف انا.. َ، قولت ليهو ما تتأسف ما تتاسف انا الاسفة لا دي شنو الطلعت مني دي ،انا كنت ما واعية كنت مصدومة سياف انت لسه بتحبني؟؟!، انا قايلاك انو مما قولت لي كلام المطار انسيهو بطلت تحبني ،قال لي انا ما نسيت حبك في يوم وقولت الكلام دة عشان بس ترتاحي في الشغل معاي وعشان ما تكرهيني ،اتنهدت وقولت ليهو ما قادرة!!!، قال لي مها الله يرضى عليك اهدي شوية انا ما الماقادر افهمك، قولت ليهو ولا انا قادرة افهم نفسي انا مبسوطة شدييييد بس لاااا دي طلعت من غير وعي ولاني كنت مصدومة، اقطع لساني القالها َ ولا كيف ،انا موافقة يا سياف موافقة بيك وعايزة اكون معاك اسرة، وعايزة اكون ام عيالك وعايزة اكون زوجتك!!، دنقرت راسي من الخجل دا شنو التسرع دا والحماقة دي انا يتعمل فيني كدة، الراجل دة يخيليني مضطربة كدة!!!، ضحك بأعلى صوت وقال مها ارفعي راسك انتي موافقة متأكدة!!!، رفعت راسي وقولت ليهو عندك شك ولا انت غيرت رايك، قال لي انا قولت يمكن زي لا الأسي دي، وبعدين كيف وافقتي سريع كدة ما عايزة تفكري، قولت ليهو انت عايز تنط ولا شنوو،ضحك وقال لي انا صدقت انو عندي فرصة معاك عشان انط تاني انتي غبية ولا شنو ،خجلت شديد وضربات قلبي زادت قومت وطلعت بره وهو كان لاحقني قال لي لا انتي وافقتي ولا انا بحلم، قولت ليهو بتحلم يا ثقيل انا ماشة، قال لي اوصلك، قولت ليهو لا ركبت ركشة وووصلت البيت من الفرحة ما قدرت احبس دموعي الكنت داساهن عليهو انا ما عايز اقول ليها بحبك ولا عايزة اقول ليهو مشاعري دي الا بعد يعمل خطوة رسمية عشان خايفة يضيع من يدي، بعد فترة لقيت رساله منو الي حبي الوحيد وملكة قلبي استودعتك الله حتى لقائي بك حلالاً ♥️،قريتها مية مرة وانا ببتسم براي ،رسلت ليهو استودعك الله الى ذلك اللقاء ❤️.
بعد اسبوع جاء وجاب معاهو اهلو ام وخالاتو واعمامو وما خلا زول وانا رسلت ليهو ميه رسائلة انو يمشي الفترة دي عشان ما يقولو فسخ الخطوبه بسببي ،بس ما بفهم وما رد علي والليله ما حا اخليه، البشوفو مرسل لقائي بك حلالا يقول بعد سنه ولا اكتر ،بس اسبوع!!!! دي كترها هو فسخ خطوبتو يادوب ياخ ،وانا كدة جاء عمو بابكر وقال لي عريسك قالو يعقد!!!، قولت ليهو ممكن اشوفو!!!، طلعت بخلقتي ديك وانا ما جاهزة كان في عمو وعم بابكر معانا ،قولت ليهو سياف انا ما عايزة أعقد، عاين لي وحك راسو وقال لي الأفضل العقد انا شايف، قولت ليهو لشنو ؟؟!، قال لي ما معروفة انتي ،عمو ضحك عليهو وقال لي يا بتي باركيها، قولت ليهو دا ليه 5ايام فاسخ خطوبتو ،يقولو شنو الناس، قال لي اخر همي الناس امشي يا عروس واتجهزي، قومت منهم وقولت ليهو مجنون!!!، ضحكو علي، اتغظت وطلعت جهزت نفسي وبقيت قاعدة ومتوترة لمن قالو عقد بقيت ابكي بكاء شديد وحسيت انو الفرحة ما سايعاني!!!، الباب دق انا بقيت بفرك في يدي من التوتر، دخل وكان لابس جلابية بيضاء وشال ودي يمكن اول مرة اشوفو لابسها!!، قومت عليهو وقولت ليهو سياف انت مصر على رايك، قال لو ضعتتي مني تاني انا اعمل شنو!؟، قولت ليهو اضيع منك كيف، فيها شنو لو صبرت شويه ،قال لي انتي مشكلتك شنو؟ ؟!، قولت ليهو الخطوبه بتاعتك الفركشت قبل يومين دي، قال لي انا انتظرت اسبوع انتظر كم تاني!!!؟، عليك الله راجعي نفسك وللوقت داك راسليني، قولت ليهو دقيقة ماش وين انت!!!، قال لي امشي محل ماش، قربت وقولت ليهو لا انت من أسى عايز تعمل حركات، كيف تمشي محل ماش انا مرتك ولي الحق اعرفك ماش وين، ما رد وبقى متحرك!!!، مسكت يدو وقولت ليهو راجلي انا كترتها عليك صاح، واتلائمت معاك انا اسفة شديد ،واعرف انو انا ما عندي مشكلة في العقد لا انا مبسوطة جداً ومن قلبي كمان وما صدقت انو بقيت مرتك، لانو انت زي ما بتحبني انا كمان بحبك!!، وحبي ليك احتمال اكتر من حبك لي عديييل، بسسس انا خايفة من كلام الناس لانو بالجد البت دي كعبه واحتمال تجيب كلام اخر وتالف حاجة عنك وعني، فقولت الأمور تهدأ شويه ،بس ما تفكر انو ما عايزاك انا والله من زمان حبيتك بيني وبين نفسي وحتى في وقت من الأوقات كرهت اي حاجة بسبب معاملتك لي الباردة وقررت استقيل بس عشان ما اشوفك،اتلفت وجضمني وقال لي كلامك كلو وصل لي بس حكايه حبك الاكتر من حبي دي ما قادر اتقبلها ضحكت حضني عليهو وقال لي الحمد لله الذي أنعم علي ورزقني بك حلالاً ،ضربات قلبو كانت قريبة ومسموعة لي،وحسيت انو طايرة في السماء من شدة السعادة الحاسة بيها ،فكاني ولبسني الدبلة وباسني في يدي قولت ليهو العمر كلو مع بعض يا حبيبي ، عيونو لمعن وهو سمع الكلمة دي وابتسم لي إبتسامة خلت قلبي يرقص وبقيت شاردة فيه مسافة، قال لي مهاا،قولت ليهو نعم !!،قال لي كانك نسيتي شي، قولت ليهو شنو؟؟!، قال لي يدي فاضية انا، ضحكت و لبستو الدبله.
قال لي اها يا عروس عايزة عرسنا متين ؟؟!، قولت ليهو يادوب اتذكرت انو في واحدة اصلا مفروض تستشيرها، ضحك وقال لي لو تابعتك انتي ما اظن نتزوج، ضحكت وقولت ليهو عايزة العرس بعد 3شهور!، قال لي تمام انا زاتي مشغول ومفروض اسافر برة حا ارافق مريض عمليتو صعبة ومع تقنياتنا هنا ما اظن تتعمل، عاينت ليهو وقولت ليهو وين مسافر معاه، قال لي الهند، قولت ليهو رجلي في رجلك، عاين لي وحك راسو قال لي ماش ترفيه انا،ضحكت وقولت ليهو ما بعرف انا عايزة امشي معاك، قال لي لا مرة تانيه!!!، قولت ليهو ما بخليك تجدعني 3شهور طيب ،قال لي انتي براك قولتي انك عايزة العرس بعد 3شهور، قولت ليه غيرت رايي، قال لي طيب عايزة متين، قولت ليهو سفرة الهند متين، قال لي بعد اسبوعين، قولت ليه طيب وانا عايزة العرس بعد اسبوعييين، كنت عايزة اغيظو بس مستحيل امنعو من انو يمشي مع مريض بس كان نفسي امشي معاه عشان حا اشتاق ليهو ،ضحك وقال لي ما حا تغيري رايك، قولت ليهو لا اغيرو لشنوو؟؟!، قال لي اسجل ليك، قولت ليهو سجل، قال لي ما تقومي تنسحبي، قولت ليهو لا طبعاً، قال لي تمام، سكتنا وبعد مسافة قولت ليهو انا كنت بهظر امشي سافر مع مريضك ،قال لي مريضي دة مسافر بعد 6شهور انا كنت عايز اشوف ردة فعلك، بس انا ما حا انسى كلامك حق بعد اسبوعين دة وحا نعمل العرس ،قولت ليهو انت من قبيل تلعب علي ، ضحك وقال لي مها ماف انسحاب، قولت في نفسي وقعني الكريهه ،قولت ليهو طيب موافقه ما هو انت لازم تلقى حاجة وتمسكني بيها وتعمل الفي مزاجك ،ضحك!!، وقال لي مدام سياف بعدكدة نديك هدية العقد ،قولت ليهو هديه شنوو كمان، قال لي تعالي شبك يدي وطلعنا امو باركت لينا وهو كان مستعجل وبجر فيني جر وانا بقول ليهو اصبر اهلي عايزين يباركو لينا واعمامك ،وقف وباركو لينا طلعنا طوالي كان في عربية وراء عربيتو وظاهر انها جديدة كانت لونها ابيض، قال لي اتفضلي كان مفتاح عربية، قولت ليهو سياف انت ما جادي!!! عربية عدييل، قال لي انتي تستاهلي اكتر منها، قولت ليهو لااا ما بقبل عربية شنو كفاية انك بقييت لي ،قال لي مها ما تزعليني الله يرضى عليك، قولت ليهو ياخ انت ما خليت حاجة..، قاطعني وقال لي أقبلي العربية وما تجادليني ،سحب يدي وقال لي افتحيها بنفسك، فتحتها لقيت فيها هدايا تانية، شال بوكية الورد وقدمو لي،والله بقيت ابكي زي الشافعة وحضنتو!، قولت ليهو دا شنو كلو يا مستري،قال لي ديل الهدايا المن سويسرا الجبتهن ليك وما كنت قادر وقتها اديك ليهن ،قولت ليهو اتغظت غيظ الفترة ديك منك، ضحك وقال لي اسف،قولت ليهو ما تتاسف انا نسيتو الموضوع المهم ما تتكلف تاني انا والله اي حاجة ولو بسيطة منك مممكن تفرحني طول العمر، إبتسم وقال لي دا ما تكليف انا بس اي حاجة عاينت فيها هناك شوفتها لايقة عليك ،دفنت راسي في صدرو من الخجل وقلت في نفسي ما اظن حا اقدر اجاريهو في حكايه البحب التاني اكتر منو،بس بحاول اوصل مرحلة الحب البحبني ليهو.
قولت ليهو تاني ما بقدر اسوق انا بخاف وما عندي رخصة اصلا، قال لي تعمليها وانا بعلمك.
بعد اسبوعين كان العرس سياف كان مصر البس فستان زفاف، وانا بصراحة ما كنت حابه الفكرة بس قولت ما برفض ليهو ومن حقو يشوفني بيهو انا كنت متوترة لمن البت بتعمل المكيب قولت ليها متأكدة حا يطلع حلو وبسيط ،قالت لي ايوا ما تخافي!!!، قومتا منها!!!، عاينت للحجاب قولت ليها عايز تصليح قالت لي لا ختت لي تاج وقالت لي كدة اللوك انتهى، عاينت لنفسي في الفستان الأبيض!!، ولملامحي اليادوب بدت ترجع مما هو دخل حياتي!!!، جاني داخل ووقف قدام المراية وحضني وقرا لي في اضاني!!، قولت ليهو مفروض انا الاحصنك ما عارف نفسك طالع وجية كيف!!!، إبتسم وقال لي صاح طالع حلو بس ما أحلى منك اكيد التفت عليهو وقولت ليهو ما شايف نفسك بس والله، قال لي نقعد نتغالط في الأحسن منو لمن العرس ينتهي، ضحكت وقولت ليهو خلاص طيب بس انا ما بتنازل نهاي ،ضحك وقال لي طيب طيب، حصنتو باسني من جبهتي وقال لي في كل وقت انا حبي ليك ما بقل، واذا في المستقبل في مشاكل أو اختلافات بينا ما حا نصل لطريق مسدود نهاي وبطمنك انو مهما حصل انا مستحيل في يوم اتخلى عنك ولا عن حبك، قولت ليهو وانا بوعدك انو انا حا احبك اكتر وأكتر ومهما حصل انا طريقي دايما بكون موجه ليك، ومستحيل ابعد عنك، وحا اكون ليك رفقتك اختك سندك،المكان البترتاح فيهو من المشاكل وبير اسرارك وانا بوعدك، ضماني عليهو وانا بقيت متشبثة بيهو وبعدها مشينا الصالة وتاني الشقة وريتو يدي وقولت ليهو دي ندبة عملها لي ضرب لؤي لي ووريتو اي حاجة عن ماضييي عشان ما حصل كلمتو، غضب وزهج زهج شديد وحلف ما يخلية ،بس قولت ليهو ما عايزاك تدخل معاه في اشتباكات، وبعدين ربنا عوضني بيك،قال لي عشانك وعشان يزن حا اسكت وبوعدك انو حا انسيك اي حاجة حصلت ليك.
بعد مرور 6 شهور :
قاعدة وبحضر في الشاشة وخاتة الفشار جنبي وماسكة التقرير بتاع الحمل وبتبسم براي وبفكر كيف اكلم سياف بالخبر دة!، الباب دق شلت التقرير وختيتو في جيبي!، فتحتو كان سياف قولت ليهو وين اللييله مفتاحك، قال لي ما عارف، قولت ليهو دة الكم الشهر دة ،قال لي الرابع، قولت ليهو بتبالغ صاح، دخل جوة وحضني وقال لي الشغل الشغل نساني كل حاجة اعمل شنو ومرتي ما عايزة تساعدني فيهو، قولت ليهو مرتك دي ما فاضية بقت متفرغة لبيتها وعيالها ولزوجها البجي كل يوم من الشغل تعبان ومحتاج يلاقاها في البيت ،ضحك وقال لي فهم برضو، قعد جبت ليهو موية وعصير وقعدت جنبو ،قال لي جيتي بدري الليله ،ما كنت حابة اقول ليهو عشان تعبت وفحصت وطلعت حامل ،فقولت ليهو ماكان في عيانين كتار! ،المهم يومك كان كيف!!؟، قال لي الطابق التالت بقى جاهز وجبنا الأجهزة!!، قولت ليهو الحمدلله قربنا خلاص، اصبر هانت متجرس كدة ،ضحك وقال لي ما حا اتكلم مع زول بشتغل في الأسبوع مرتين ومرتاح، ضحكت وقولت ليهو انت والولدين ديل يساو شغلك كلو وانت عارف، باسني في يدي وقال لي عارف بس بهظر ممكن نقول انو اكتر واحدة تعبانة فينا بس برضو بغار منك، على الاقل بتجي البيت بدري وبتلعبي مع الاولاد ،ضحكت وقولت ليهو خلي الشغل وتعال احبسنا، ضحك وقام وقال لي حا اشوف الاولاد ،قولت ليهو نامو، قال لي بدري الليله ،قولت ليهو لعبو كتير كان معاهم اولاد ميسون قال لي تمام حا اخد دوش ،قولت ليهو وانا في المدة دي حا اجهز ليك العشاء.
بعد اتعشينا حاوطني بيدو وبدا يقص لي ايام المدرسة، قال لي مرة من المرات جانا استاذ جديد وبتذكر انو مشيت اصحح مقرر كامل لانو ما قاعد اكتب كنت وهددوني اذا ما جيت الليله وصحصحت بندق بكرة في الطابور، المهم دخلت المكتب الاستاذ الجديد قال لي تشبة ابو شنب شبه شديد بتبقى ليهو ،انا كنت بس مستغرب وما بعرف صاحب الاسم فقولت ليهو لا !!!، المدير ا قال لي انت ما بتعرف لقب ابوك ولا شنو زمان وضحكوا وانا ضحكت معاهم، لمن قال كدة انا قلبي عمل شح، ووعاينت ليهو الاسم دة كل مرة بفكر بيهو وكل مرة نفسي اعرفو منو وجاني لمكاني عاينت لسياف بدهشة وقولت ليهو ابوك بقولو ليهو ابو شنب قال لي اي وضحك، قولت ليهو اسمع ابوك يوم وفاة ابوي ابوك كان عايز يقابل ابوي الساعة 2صباحاً وتاني ابوي مات اكيد هو القتلو لازم يتحاسب ويتسجن ،هو معالمو اتغيرت وقال لي انت بتقولي من راسك ولا متأكدة، قولت ليهو متأكدة وانت عارف انو ابوك بعملها لازم يتسجن ،قال لي الناس اتقبضو، قولت ليهو وانا ببكي ما بعرف بس هو اكيد القتلو لانو بتذكر انو ابوي كان زعلان عشان ابوك شكلو ما رضى بشروطو ومشى وهو بتحلف اكيد قتلتو ،قال لي يا مها مستحيل ابوي يصل مرحلة زي دي انا بعرفو كعب بس مستحيل يقتل، قولت ليهو ما انا البحدد الشرطة هي البتحدد، قال لي راجل معقد توديهو السجن لمجرد تكهنات منك ،قولت ليهو بغضب اي وشوفت لو كانت حالتو الصحية اكعب بوديهو!!!، قام ومشى كم خطوة وتاني رجع لي ومسك يدي وقال لي بنبرة ثابتة مها روقي وما تكسري قلب امي كفاية آلم ندى اللسه ما طلع منها، قولت ليهو هو التقول انتو أسرة مثاليه ما تفكر انو ما عارفة علاقة امك وابوك كيف!!!، دي هي كانت القشة القصمت ظهر البعير زي ما بقولو قام وبعد مني وشال مفاتحو وانا ما قدرت اقول حاجة ولا ابرر ؟؟!، وقفت قدامو وقولت ليهو ما تمشي اسمعني...، ما رد واتجاوزني فتح الباب بقوة وقفلو وانا بقيت ببكي...........
اللهم صل على محمد عدد ما ذكره الذاكرين وغفل عن ذكره الغافلين..❤