رواية من العتمة إلى قلبي الفصل التاسع 9 بقلم ال زهراء
كانت تقيلة شديد وحلفت كان تتحرك! دفنت راسها في صدري ومسكتني قوي بيديها الاتنين!، وقالت لي دافية يا أمي!، عرفت انها مشتاقة لأمها شوق شديد بس ما معقول ما تخليني انا انوم!،،عاينت ليها وقولت في نفسي جابت القوة دي كلها من وين؟؟، فجاءة قامت مخلوعة وقالت امييي!!! وكانت بترجف، قومت لا ارادياً وقولت ليها عزة! دا كابوس! عاينت لي في وشي وقالت لي سوقني ليها اسي، قولت ليها دا كابوس عزة ،قالت لي لااا سوقني ليها كانت بتبكي!، هي ثابتة في كل حالتها الا الموضوع يجي في امها، حضنتها وقولت ليها دا حلم!! كعب بس امك كويسة!، يادوب شكلها حست انو دا حلم لانو تفت 3مرات بالشمال واستغفرت! ،قامت واتوضت وبقت تصلي.
في الصباح كانت عايزة تلبس عبايه من عبايتها القدام هي ما جابت معاها ملابس كتيرة من بيتها وشكلها ما عندها غير 3عبايات، قولت ليها يا عزة نحن جايبين ليك كم عباية ليه مصرة تلبسي عباياتك القدام! ما تنسي انتي زوجتي والناس بتكلمو عنننا وبقولو بخلييين ،قالت لي ما من حقي البس اي حاجة منك!، انا معتبرة نفسي ضيفة في البيت دة، قال لي اعتبري نفسك اي حاجة المهم طالما انتي هنا مرتي تلبسي لبس سمح شنو عبايه واحدة وشينة ،قالت لي موش ساتراني الحمد لله تاني عايزة شنو في ناس ما لاقينها اعرف!!! وبعدين ما واحدة عندي 3غيرها، جيييت وشلتها وشرطتها قدامها بالمقص ،ضربتني وقالت لي امي اشتغلت في كم بيت بس عشان تقدر تجيبها لي،وتعبت تعب شديد وانت قطعتها!!!، زادت الضرب وقالت لي انت ما عندك قيمة لاي حاجة لانو ما تعبت فيهن بس انا ما برضى لحاجاتي اي ما برضى، امي تعبت فيهن! ما جابتهن لي بالساهل! ،ليه بس تقطعها ليه تخرب تعب امي وعشان شنو عشان سمعتك، انا زاتي اسم مرتك دة مجبورة عليه! وصل معاي الحد انو حنست ابوك وقولت ليهو ساعدني في القروش وطلقني منه، بس رفض عارف ليه عشان بس داير يفكك فيني وشايف انك الايام دي لقيت لعبة جديدة ونسيت شلتك شوية ،بس انا ما لعبة اعرفو!!! انا صابرة عشان امي الربتني والعملتني والتعبت عشاني ،بس تهين حاجاتها ما برضى فاهم ما برضى!!!، شالت اللابتوب والتاب وحتى تلفوني وكسرتهن وقالت لي انا ممكن اكون تاعبة نفسي عشان انت اصلا ما بفرقن معاك، ما هو ما بعرق جبينك لانك عمرك ما اشتغلت شغل زي الناس وعارفة كل مشاكلك الفي الشغل!،انت بس معتمد على قروش ابوك البجيبهن وهو مرتاح! بس انا اي عباية جبتها قيمة بالنسبة لي لانو اشتغلت عشان اجيبها وامي اشتغلت كمان وشغلنا كان مرهق ما شغل ورق وحسابات الأرزاق مقسمة والحمد لله نحن ما ساخطييين نعمة بسسس ما تعاير الناس بحاجات انت ما عارف عنها شي وشايفها بلا معنى.
جيييت وشلت التلفون وضربتها بيهو في وشها لمن بقى علامة وبقت تنزف بسبب انو التلفون انكسر وعمل رايش! قربتها للحيط وانا غاضب شديد!! وقولت ليها انتي عاملة نفسك شنو قايلاني عشان صبرت ليك الايام الفاتت دي وبقييت شوية متساهل معاك عشان اهلي ممكن تعملي اي حاجة في بالك!، اعرفي انا ممكن اكسر ليك راسك دة اسي بالحيط واريحك منو مرة واحدة!، جريتها وجدعتها في الأرض ووقولت ليها ماف ليك جامعة ما لم تعتذري، قفلت عليها الباب ومشيت لأمي وقولت ليها ماف زول يفتح لعزة باب غرفتنا والا انا ما بخليكم، وما تقولي لي انت كعب وانت بتاع، البت دي ناقصها تربية كسسسرت حاجات بتجيب قريب الأربعة مليار!عشان عبايةامي انخلعت وقالت لي يا ولدي عليك الله دة ما اسلوب لحل ناقشاتكم!!!، قولت حبستها البحصل ليها شنوو؟؟ ما تتعبني معاك البت دي الماسه الماسه يا ولدي اي زول بتمناها عايز تخسرها انت،قولت ليها انا ما شايفاها الماسه ولا كلام فارغ، قالت لي والله تندم وكلمتك، طلعت سريع ومشيت لشلتنا الكريمة لقييت زياد وتاليا بحضرو سوا وبهناك ريري قاعدة وتعاين في التلفون وفيفي مع مازن يلعبو في ليدو قامت وحضنتي وقالت لي تلفونك دة بعيد وين من امس اتصل قولت جاي وما جيت ؟؟!، قولت ليها اسف في حاجات منعتني معليش!،قالت لي شنو، قولت ليها قعدت مع عماتي المهم تعالي واحكي لي الحاصل معاك شنو من امس لليله، حكت لي، زياد قال لي عزة كويسة ؟؟؟،عاينت ليهو وقولت ليهو للان كويسة! بس ما اظن تسلم مني ،قرب وقال لي ما تقتلها نحن كلنا عايزين دور معاها ولا ما كدة يا مازن!، ضحكو وانا قومت عليهو وضربتو وقولت ليهو نحن موضوع عزة دة ما حسمناه واتصالحنا انت عايز تاني تخليني اخربها معاك +انا عزة دي لو قسمتها بالكيمان انت ما حا يجيك كوم منها اعرف!، تاليا قالت لي ريري شوفي معاملة حبيبك لي زياد عشان هظر معاه في عزة كيف.... انا كلمتك بس انتي ما صدقتيني وشوفتي بنفسك ،ريان قالت لي يا مروان انا ما عاجباني حالتك عزة دي واحدة وضيعة وخطافة رجال و هي اصلا تلقاها قاصدة تلفت انتباهك! خلي زياد يكشف ليك حقيقتها ويتقرب منها!!!...، قاطعتها وقولت ليها دي مرتي!!!، على زمتي اخلي واحد يقرب منها!!! والله الا على جثتي،والبفكر بس يعاين ليها بقدد عيونو الاتنيين ودة تنبيه للكل!!! +انا اتزوجتها كسر لكبرئياها وغروها وعشان اربيها بس ما بخلي زول يقرب منها غيري، انا ما ديوث!!!،ريان قالت ليه اسفة طيب انت راجل وسيد رجال والله واكيد ما بترضى في النهايه سمعتك واسمك! ،انا ما كان اقول ليك كدة!، قولت ليها ما مشكلة بس تاني سيرة حاجة زي دي ما عايز اسمعها فاهمين صاح بكرهها بس انا كاي راجل دمي حار واكيد ما برضى لعرضي!، قالت لي اسفة بس لسه ما اديتني رد ؟؟!، عاينت ليها وقولت ليها اي رد؟؟ ، قالت لي رد الزواج مر اسبوع عديل!، قولت ليها أموري جايطة! ،قالت لي انا عايزة اكون زوجة ليك عليك الله! إن شاء الله زواج عرفي المهم زواج!، انا ما عايزة علاقتنا تكون كدة لاخر العمر انا حا اكون زعلانة ومقهورة، إن شاء الله جيبني ضرة انا رضيانة ،فيفي قالت ليها أعصابك يا ريري كترتي الشراب ولا شنو يا بت ليه تحنسي فيه! هو لو عايز بتزوجك، هو شكلو بس ما عايز يدبل في مرتو وشكلها عاجباهو قولت ليها عاجباني انا عزةةةة!!!! ههههه والله لو بقت اخر واحدة ما تعجبني، قالت لي اثبت!، قولت ليها كيف؟؟!، قالت لي اتزوج ريان، قولت ليها اهلي بحبو عزة ولو سمعو اني..، قاطعتني ريان وقالت لي اهلك؟؟ ؟انت موش قولت لي انو الزول يكون اهل شنو البقيدو، قربت وقولت ليها انا بمشييي فيك حسب عقلك اهلي انا بحترمهم وبقدرهم امي دي عندي بالدنيا وكلامها دا مهم !، ربتني وكبرتني وابوي ما حوجني لحاجة وبعد كل شي انا ما بقدر اعصي ليهم كلمة، قالت لي لا حسب عقلي كيف وضح ؟؟؟،بقيت امسسح بوشي وقولت ليها ريان هس!!، عايزة تنكدي علي ،قربت وضربتني وقالت لي افهم انك كنت بتمشي فيني وشايف كلامي جهل مني ؟؟!، قولت ليها اي كنت عايز اكسبك وعشان بحبك جاريتك بس تفكييرك كلو في الأهل غلط ،الاهل هم نقطه مفصليه وماف زول بقدر يعيش من غيرهم، بس زي ما قولت ليك بحببببك!!!،قالت لي البحب بنصح الزول البحبو ،قولت ليها انتي ما بتحبي النصح وما عايزاني اكون راجل مقيييد، تاليا قالت لريري الزول دة بزهج منك والله ما تبقى نقناقة شديد، قال ليك بتزوجك حا يتزوجك! قفلي على القصة ولو ما عايزة تصدقية انفصلي عنو ،قالت ليها مستحيل اخلي عزة تشلبو، قربت وقولت ليها طيب ما تعملي من الحبة قبة عارفاني باقي عليك صاح، قالت لي اي، قولت ليها ما تزعلي طيب يا حلوة.
قعدت زياد جاء واعتذر وقال لي تاني ما حا ادخل عزة في اي حاجة!، قولت ليهو تمام.
طلعت على البيت لقييت انو امي فتحت لعزة الباب وخلتها تمشي الجامعة قولت ليها انا ما قولت ليك ما تخليها تمشي، قالت لي دي زي بناتي وما هان علي تتعذب واعرف انو انا حا أطلقها منك لانو لسع ما بطلت ضربها البت دي منهارة بس ما بتظهر ويوم والله تلقى قلبها واقف من الوجع، تبقى عليها وجعة امها ولا وجعتك انت،قولت ليها دي مرتي وانا ما بطلقها!، مسكت كتفي وقالت لي بتطلق!، قولت ليها ما بطلق!! ،قالت لي طيب ابقى راجل وما تسأل مرتك تاني! والا حلفت بالله الاعظم ابعدها منك!،قولت في نفسي امي قايلاني انو مهتم لامرها بعدت قربت واحد عندي.
__________________________
بلسان ريان
جييت لجامعة عزة لقيتها تتكلم مع واحد!، صورتها طوالي وتاني مشيييت ليها وسلمت مما شافتني اتجاهلتني! بس انا قولت ليها عايزة اتكلم معاك!، قالت لي ما عندي معاك اي كلام، قولت ليها انتي معتبراني عدوتك! ،قالت لي حاشا! اني اعمل عداوة مع زول!، بس ما عايزة اي احتكاك باي فرد من جماعة ناس مروان، قولت ليها ولو قولت ليك بساعدك تتخلصي من مروان!، خليه بس يتزوجني!، قالت لي داك مروان امشي اقنعيه! انا مالي ومال عرسكم قايلاه يعني بسمع كلامي!، ولو سمحتي تاني اوعى تجيني هنا انا ما عايزة اي تعامل معاك نهاي!،بقت ماشة مشيتها دي كانت مشية رزانة! انحرقت وقررت ااذيها بأحر حاجة ليها ،هو ما قال ما تاذوها قال ما عايز زياد ومازن يعملو معاها اي علاقة!، يبقى نحن لو سالناها حا ينبسط بس وحا يفرح!، دخلت للاستراحة وفتحت وشها كانت زي المضروبة انبسطت انو مروان ضربها! بس دة لسه ما كافي بالنسبه لي، خليتها تطلع شلت تلفونها ومشييت لصاحبي هكر فتح الباسورد وبقييت اعاين فتحت المعرض وشلت صورها ما خلت صوره ما شلتها قولت ليهو بتعرف تعمل شنو صاح الصورة دي القاها في اي مكان ما عايزة مكان ما القاها فيه!، رسلت لمروان انو وش عزة اسي دي حا يكون في كل مكان وكبرئاها حا يروح، قالت لي شنو عيدي ما فاهم!، قالت لي شلت تلفونها جا انشر صورها هي حا تتعذب حا تتمنى انو لو ما ولدوها وانت حا تنبسط لمن تشوفها كدة!، رسلت ليهو الصور وقولت ليهو كلها صور شعرها مكشوف فيهو وكمان بملابس البيت ،الصور دي بتخلي كل المجتمع الهنا ينفر منها انتقامك دة حا يكون انتهى وبعدها خلاص هي حا تستلم ليك وآنت حا تطلقها ،قال لي في زول شاف الصور دي غيييرك، قولت ليهو اي شافها حاتم!، قال لي ما تنشريها خليني اجي اشوف صور مناسبة! وما تخلي حاتم يمشي، قالت لي لا حاتم مستمتع ولسسسه يعاين في صورها!، شكلو على ذوقو ،ضحك ضحكة طويله وقال لي ايييييوا كويس، ممكن تلاقوني في الشقة المفتاح عندك الليله نهاية عزة!، قولت ليهو اي شوفت كيف انا بفكر انت لو من الاول عملت كدة كنت انتهيت منها! ضرب لبت زي دي ما بتتاثر بيهو!، هي همها شرفها بس ،وسخو ليها وكدة حا تتنازل ليك والله تجيك وتبوس رجلك بس عشان تطلعها من المصيبة دي ونحن كدة حا نكون كسرنا ليها غرورها ،قال لي اييي ايييي بس ما تنسي حاتم دة ضروري يجي عشان هو بفهم في الأمور دي، قالت لي اي منتظرنك طيب.
________________________
جانب مروان
وصلت الشقة ودخلت شوفتهم سوا وبضحكوا قال ليها والله البت دي قاطعة شوفي النعومة دي! ،ود المحظوظة مروان! ،قالت ليهو والله انتو الرجال ما عندكم زوق شوف انا أنعم منها، ضحك وقال ليها في فرق بينك وبينها لكن!، جييت عليهم وقطعت كلامهم قولت ليهو ااووو زولي كيفك واخبارك ؟؟؟، قال لي بخير ،قولت ليهو شايفك مستمتع بصور زوجتي! والحاجة دي ماكلة معاي جنبة! ،عارف انو ماف راجل غيري بحق ليهو يشوفها! اسي انا اقلع ليك عيونك ولا افقدك الذاكرة عشان تنسى شكلها!، ريان دي بقت تعاين ساي وقالت لي يا زول انت جنيييت! مش كنت عايز تكشف وشها ،قولت ليها كنت بس اسي غيرت رايي!!، طلعت المسدس وختيتو ليهو في راسو وقولت ليهو !، انا شايف انو الضرب في حقك قليل فلازم تموت عشان تتمسح عزة من راسك!، شلت التلفون وقولت ليهو بغضب شوفت كل الصور؟؟؟، قال لي ما كلهن !، قولت ليهو استمتع بيهن! صاح!، ضربتو بخاتمي لمن نزف! ،قولت ليهو عارف انك عملت أكبر غلطة في حياتك! وانا ما بقدر اسامحك، قال لي يا عمكككك انا قايل انك موافق+عايز تقتلني عشان بت، قولت ليهو البت القولت عليها دي مرتي وانا بتحسس شديد لو زول عاين لحاجة بتخصني ! وما بقدر اسامح!،زوجتي منقبة و لو عاينو ليها في عيونها انا بغضب خلي واحد يشوف وشها وصورها بملابس البييت ،حا اقتلك!!!، قال لي يا مان ما تتهور! هدي انا صاحبك!، انا اسف ما قايلك بتتضايق، شلتو وضربت بي راسو الحيطة كم مرة وقولت ليهو طلع صور عزة من راسك طلعهم والا بكسرو ليك والله، كنت زهجان وغصبان شديد وما كنت قادر اتحكم في نفسي!، اغمى عليهو!!! ريان قالت لي قتلتو كلو عشان عزة! انا قايلاك موافق انو اذيها،قولت ليها انا بس مشيتك عشان ما تتهوري وتنشري الصور ضربتها كم كف و شلت التلفون منها وقولت ليها لو قربتي لعزة ولا لحاجات عزة بقتلك!!!.
مشييت الجامعة عشان ارجع ليها تلفونها واقول ليها انو تاني ماتبقى مهملة وتنتبه اكتر ريان فجاءة رسلت لي صورة ليها مع واحد واققة تتكلم معاه عزة وانا بدقق فجأءة لقيييتها راكبه معاه وقدام كمان.........
اللهم صل على محمد عدد ما ذكره الذاكرين وغفل عن ذكره الغافلين..❤