رواية من العتمة إلى قلبي الفصل العاشر 10 بقلم ال زهراء
مشييت الجامعة عشان ارجع ليها تلفونها واقول ليها انو تاني ماتبقى مهملة وتنتبه اكتر ريان فجاءة رسلت لي صورة لعزة مع واحد واققة تتكلم معاه وانا بدقق فجأءة لقيييتها راكبه معاه وقدام كمان!،لحقتها ووقولت حا اشوف موديها وييين؟؟؟،المسدس كان معاي واذا طلعت عندها أمور معاهو والله اقتلهم الاتنين!!، العربية وقفت في مستشفى، نزلت عزة ومعاها الولد وكان بوراء في حافظات! استغربت وبقيت متابع لمن وصلو! كان في بنات منتظرات وأولاد كمان! وبحفاظتاهم وكان في قهوة وشاي!، بقو يوزعوا للناس! وانا مراقبها من بعيييد لبعييد! ومتفاجي من البحصل!، قولت في نفسي انا تفكيري كلو وسخ وهي ولا على بالها!، جات بت مدت لي قهوة قولت ليها بمناسبه شنو ،قالت لي صدقة جارية لروح شذى الله يرحمها ،قولت ليها انت أصحابها ولا كيف ؟!، قالت لي اي كانت نعم الصاحبه لينه هيينة وطيبة طيية مبالغ فيها، اتوفت بحادث عربية قبل سنة وشوية في السعودية!، قولت ليها الله يرحمها!، قررت ارجع عشان ماف داعي عزة تشوفني! طوالي رجعت البيييت وعاينت للعباية لقيتها خيطتها!!، عاينت فيها وقولت في نفسي البت دي ما بتستسلم نهاي!،نزلت تحت وقولت لأمي اقنعي عزة دي تلبس زي الناس، قالت لي لبسها ما شييين وانت اكتر واحد عارف انو هي لو لبست شوال بتطلع فيه سمحة وانت بتكون مركز معاها وبتاكلها بعيونك.... انا امك وما تقول ما ملاحظة مدى تعلقك بمرتك ،انت خجلان لشنو ما تقول عايز اشوفك بكل العبايات الجبناهن ليها ،بدل تشرط ليها عبايتها،قولت ليها انا اتعلق بعزة والله الا اكون حلمان!!! وبعدين انا بحفز فيها عشان تلبس لبس كويس وليس الا ، طلعت الغرفة لقييت رسالة من ريان قالت لي انت عايز تنفصل مني صاح هي اخدت قلبك وبقيت ما بتحبني!، قولت ليها بحبك حب شديد بس ما بسمح ليك تنشري صور عزة في الفيس وخاصة بملابس البيت المرة دي مرتي!، قالت لي ما تقول لي مرتي ولا بتاع مرة شنو عليك الله انت عايز تقلب المقلب لجد وشكلك منبسط بالتمثيلية دي ،قولت ليها انتي بتالفي من راسك!؟؟؟، ياخ انا ما طايقها بكرهها وبكره وجودها وعايز اعذبها معاي ،دخلت في اللحظة دي قولت ليها برجع ليك، قفلت قلعت نقابها وبقت قاعدة وظاهر انها زعلانة ،قولت ليها يا انتي؟؟، ما ردت علي قولت ليها عزوز!!؟ برضو ما ردت وكانت شاردة! جبت التلفون في وشها فرحت وكانت عايزة تشيلو! بس خطفتو منها وقولت ليها اول حاجة وريني كنتي وين انا جيت الجامعة وسالت منك قالو طلعت!، قالت لي كان عندنا صدقة لروح شذى الله يرحمها!، ما عارف البت دي ليه ما بتكذب ولا بتعرف للف ولا للدوران!، قولت ليها شذى منو ؟!، قالت لي صاحبتي شديد! الله يرحمها عملت حادث السنة الفاتت، قولت ليها ايواا تمام طيب هاك تلفونك انا مسحت كل صورك منو وممنوع تاني تتصوري ولو عايزة اتصوري بتلفوني دة!، هو ما زي الكسترتيهو بس احسن من انك من انك تعملي صورك في تلفونك!، قالت لي ليه الحصل شنو؟!، قولت ليها انا مشيت السوق عشان أصلح تلفوني لقيت تلفونك مع واحد وكان عايز يبيعو وعرفتو انو حقك من جرابو القبيح ،تاني مرة انتبهي وما تجدعيهو في اي مكان!، قالت لي الحمد لله رب العالمين! كنت زعلانة انو اتسرق! ،وكنت محتارة حا اعمل شنو!، سلمتو ليها وقولت ليها فهمتي كلامي لو لقيت صورة بس واحدة فيه ما حا اخليك وخاصة صور عوارتك البتعملي فيهن ديل!، قالت لي طيب جيبو!، اديتها ليهو!، وبعدها رقدت وعاينت للتلفون المكسر اللسه ما استعملتو ولا حولت فيه حاجة! بقيت شغال بتلفوني القديم وفتحت المعرض اول صور ظهرن صورها!، انا طبعا قبيل حتى تلفون ريان فرمطتو بعد اديتها كف! ،بقييت أعاين فيهن وإبتسمت لا تلقائياً، قفلت التلفون!، وقولت ليها عزة التفي لي! ،ما اتلفتت، قولت ليها ما تخليني الفتك بالقوة!، قالت لي موش تلفون واديتني ليهو عايز شنو تاني!؟، قولت ليها اتلفتي وبوريك العايزو ،قالت لي ابيييت، جيت ولفتها بالغصب قالت لي عايز شنو كمان!، لمست خدها وقولت ليها اسف!! الليله ! انا غلطت في حقك!، ما صاح مني اعلق على لبسك!، بس والله كنت عايز تلبسي من بتاعت امي الجابتهن ليك لكن يبدو انو ما قدرت أوصل الفكرة، قالت لي طيب بس رجاءاً ما تفتح معاي السيرة دي مرة تانية!.
__________________
بلسان عزة
غريب شديد ما اتوقعتو يعتذر لي نهاي!، استحميت وغيرت وبقيت قاعدة اقرأ عشان امتحاناتي قربت في رساله جاتني من رقم واتساب مكتوب فيها انتي صاحبة شذى ؟؟!، قولت ليهو نعم معاي منو، قال لي سامع عن مبادراة ليها ؟ وعايز اتبرع!!، قولت ليهو جزييت خيراً بتقرب للمرحومة ،قال لي لاا بس كنا عايزين نخطب ،قولت ليهو معقول!، لا حول ولا قوة الا بالله العلي العظيم ،باسم منو طيب اقول، قال لي أسامة،قولت ليهو حول في حسابي باسم عزة بهاء الدين، قال لي عزة بهاء صاحبة ميمونة ،قولت ليهو انت أسامة ود عمها يعني ، قال لي ايوا، قولت ليهو دا انت الكان بتتكلم عنو شذى ،في اللحظة اتصل لي مكالمة قومت قدام المفتري قال لي من منو ماشة مني بعيد ،مروان دة بحسو خانقني وبحسو نسى هو جايبني لشنو وبقى بتصرف انو راجلي!!!، مشيت فوق السطوح وقولت ليهو السلام عليكم قال لي وعليكم السلام ورحمة الله وبركاته اسف على الازعاج بس ممكن تقولي لي شذى قالت شنو عني!؟، قولت ليهو قالت انو صادفت واحد تقي وورع وبخاف ربو وعايزين تتزوجو بس ما ذكرت اسمك، بس من خلال كلامها كانت مبسوطة انو لاقتك ،قال لي بحس مبحوح بالعكس انا المبسوط والله لاقاي معاها كان احسن حاجة حصلت في حياتي بس في النهاية الموت حق وما منو مفر!، قولت ليهو اي ربنا يرحمها بس بالجد كانت طيبة وكل الناس بتحبها وبتدعي ليها بالخير ،قال لي اي عارف وكيف ما اعرف وانا حبيتها للسبب دة +اتخطى موتها كيف بالرغم من اني ساعدت في دفنها ، المهم دخلوني في الصدقات دي واي حاجة بتخصها انا عايز اعمل اي شي ليها، قولت ليهو طيب يا أسامة طيب بس الأفضل انك ما تنكر حقيقة موتها وتتحاول تتخطى ، كان حسو حس زول مكسور ومتوجع ما عارفة الحب الحباهو ليها وصل شنو، بس واثقة انو هي بتدخل القلب بسرعة وبتترك بصمة ،هو كان عايز يصل اهلها وهي كانت موافقة، قال لي إن شاء الله بس عليك الله اي حاجة عنها عايز اعرفها، قولت ليهو تمام بس مرة تانية معليش، قال لي إن شاء الله،رجعت الغرفة لقييت مروان قاعد مما شافني قال لي كنتي بتتكلمي مع منو، قولت ليهو واحد عايز يشاركنا في مبادرة ،قال لي دة وقت اتصال بلا مبادرة بلا زفت!، قولت ليهو مرواااان لو سمحت بطل! انا زهجت!، رقدت وقبلت منو! قال لي نينجا اوعى تقربي لحتتي تاني كفاية امس ،التفت وقولت ليهو امسسس! حصل شنو، قرب وقال لي ما متذكرة قولت ليهو لاا في شنو ؟!، قال لي جيتي في حتتي بنفسك وبقيتي متمسكة بي ،قولت ليهو انا حاشا والله، فتح لي فيديو خجلت من روحي وقولت نومي كعب شديد انا، شلت مخدتي ونزلت في الأرض!، براحة وبقييت نايمة ،قال لي اي احسن من انك تتلصقي بي، ما كنت قادرة أعاين في عيونو من الاحراج، قولت ليهو اسفة، قال لي ما سمعتك!، قولت ليهو اسفة عشان اتعديت على خصوصيتك، قال لي فاالحة تصحبي على خيير! انخمدي نومي زي الشافعة من 8، قالت لي انا قاعدة اقيم اليلل مرات والمره دي مخططة بس معليش جاهل جهل شديد !.
___________________
بلسان مروان
الجو كان بارد بالرغم من انو المكيف كان في درجة قليلة، لمست الأرض لقيتها تلجة! قولت ما اتبلي بيها! طوالي شلتها وهي نايمة ولانو نومها زي الكوالا ما اظن تصحى لو جدعتها في الشارع ولا في اي حتة!، رقدتها جنبي لمست يدها ورجليها كانن باردات شديد غطتيتها كويس، وزحيت ليها شعرها وبقييت اعاين فيها،قولت في نفسي برئية لمن تنوم بس شرسة لمن تصحى، قومت منها وخليتها مشيييت ولقييييت هديل جات يادوب من برة!!!، قولت ليها كنتي وين؟؟!، قالت لي وهي بتقطع كن... ت.. .. مع صاحبتي وما قدرت تتم ، قربت ووعاينت للساعة الساعة ماشة لعشرة كانت جيت وقربتها للحيط ووقولت ليها صاحبتك كويسسس قايلة انو ابوي لو ما بسالك انا بخليك.!، طلعت القاش وضربتها وهي بقت تصرخ ولمت ناس البيت كلهم، ابوي قال لي مالك يا ولد مع البت، قولت ليهو بتك جاية زي الحرامية الساعة 10 ،قال لي البت اتصلت وقالت انو حنة صاحبتها وحتى وصلوها ،قولت ليهو انت مدلع بناتك ديل وبكرة يجننا بمصايب ،ادخلي جوة وبكرة نعرف اخرك ، دخلت وامي جات وقالت لي قطعت لي قلبي دة بالوجع يا ولدي، ياخ اسمع من اختك وخليها تبرر ليك بكرة والله تبقى كعبة بسبب ضغطك اثق بيها شويه ،اسي لو عاينت لتلفونك بتلقاها اتصلت بيك عشان تسوقها بس ما رديت عليها، عاينت للتلفون ولقيت الاتصالات ،قولت ليها ما عندي بت بتجيني 10 برضو تتأدب ،قالت لي ادب نفسك يا صايع يا ما مربى، وتفت علي ومشت دخلت جوة ورقدت نومت ،لمن صحييت لقيت عزة بتصلي زي ما قالت لي الليله ،قولت ليها بركاتك يا شيخة، عاينت لي واستغفرت ورجعت تاني تصلي ،حاولت انوم بس ما قدرت!، قولت ليها يا عزة عايزة أسألك سوال بس جاوبيني عليه بصراحة، قالت لي ما تسالني، قولت ليها مفروض ما اخد رايك واقولو طوالي انا كاي اخوي خايف على اخواتي عشان شوفت نموذج بنات مثاليات للمجتمع ظاهرياً وهن ما مخليات حاجة كعبه ما عملنها، اخواتي عايزات يتنقبن بس انا كاره الفكرة ألنقاب دا بلبسنو السيئات بس وما شوفت واحدة بت حلال لابسه ليها نقاب كلهن يا لمضاراه الفضائح ولا عشان الواحدة تسكت أهلها! ،واسي ما بقى عندي ثقة فيهن حاسيهن حا يعملن غلط وانا لو عملن بقتلهن وانسجن فيهن تصرفي صاح ؟ !!!، قامت من مصلايتها وقعدت جنبي وقالت لي لااا لانو انت قابلت الفئة السيئة من النقابات عشان عشت في مجتمع سيء بس انا زولة قابلت الاف المنقبات وكلهن اللهم بارك، انت مجتمعك القابلتو دة مجتمع منحل وفاك من يومو ولو اتنقبت الواحدة ولو ما اتتنقبت واحد ،لو انت بتشارك معاي في الندوات حا تتعرف ببنات كويسات شديد ،بس يا مروان مرات البت الجاية لرزيلة بتلبس كدة عشان تغطي على نفسها بس دة ما بعني انو كل المنقبات كعبيين! ،اي مجتمع فيهو الصالح وفيه الطالح وانت واقع في الطالح دة عشان كدة ما شوفت فئة كويسة نهاي ،بس لو خليتني اوريك عالمي العايشاه فيه براك بتقتنع ،عاينت ليها شديد وقولت ليها شوفتو فيك سحبتها لعندي وبوست خدها بسرعة وضميتها علي وقولت ليها شكراً، زحتتي طوالي وكانت زي المرتبكة، انا زاتي ما عارف ليه عملت كدة، رقدت وهي طلعت برة ختيت يدي في راسي وغمضت عيوني
في الصباح بدري اجتمعت مع الأسرة كلها وقررت انو تاني اي حتة ماشات ليها يكلمني ،ما عدم ثقة فيهن بس اطمنئنان، وقولت لتوتة عايزة تتنقبي صاح اتنقبي وعزة حا تختار المناسب ليك من نقابات لحاجاتهن !، طلعت برة امي جات وقالت لي أخيراً بقيت عاقل يا ولدي، قولت ليها لازم اكسب ثقتهن والا تاني بدسن علي، قالت لي اي بس اعتذر لاختك ،قولت ليها تمام، المهم تاني قالت لي عايزة اسوق مرتك لقريبتي هنا! تشوفها، قولت ليها متيييبن ؟؟!، قالت لي الليله ،قولت ليها تمشي طوالي ما عندي مانع نهائي ،مشيت الغرفة وانتظرت تجهز جات طالعة بعبايه جميله شديد َ قالت لي ما تعاين انا ما كنت دايره البسها لولا امك قالت لي ضغطتي مرتفع فما تزعليني، ما قدرت ارد وقولت ليها شينة فيك قربت وقالت لي رايك ما مهم! معليش، عملت مكيب و لبست نقابها ،قولت ليها الحاجب كلو برة دة نقاب ليك ،قالت لي اصبر حا اعملو ،بقت تعمل فيهو، وانا كنت بعاين!، قالت لي انت ما عندك شغل، حكيت حاجبي وقولت في نفسي سؤال منطقي، قومت وبقيت لاف في الغرفة ووصلت الدولاب وبقيت اعاين بالجنبه!!، قالت لي مرواااان في حاجة ،قولت ليها لا انا زاتي ما فاضي ليك، اخدت دوش وغيرت وجيت ليها قولت ليها عدلي البتاع دة كويس والا بحميك المشية ،قالت لي شكلو من النقاب الجديد دة وبعدين انت اكتر واحد داير فضيحتي ، قولت ليها ما بكشف وشك لكن ،غيرت النقاب وكانت مستعجلة وما شافت المويه الكشحتها براها قبل شوية ووقعت، جيت ورفعتها وقعدها على السرير قولت ليها فيك حاجة قالت لي لا ،قولت ليها متأكدة يا شليقة، قالت لي اي قولت ليها تمام، بقيت معاها للباب امي بقت تضحك ضحك شديد!، قالت عزة راجلك دة ما قادر على فراقك نسوقو معانا، انا طوالي ركبت العربية وكشيتها لمن وصلت الشقة ولقيت ريان فيها حضنتي وقالت لي مشتاقين وتاني قالت لي ريحتها فييك يا مروان ،انت قاعد تقرب منها من وراي، قولت ليها لااا، انا أقرب من واحدة زيها عليك الله انسي!، قالت لي تعال نحضر حاجة ،بقيت احضرت وحسيت بالملل يمكن انا شوفت عزة الايام دي وحدها البتقدر تعمل لي جو!، انخلعت من نفسي وقولت بعت القضية ولا شنو ،عذبها يا مروان اي لمن تجي لازم اوريها هي الأيام دي ماخدة راحتها، كنت متوعد ليها وطوالي بالمساء لمن رجعت لقييت عزة قاعدة وبتقرا في قران، بقيت مراقبها لمن خلصت قولت ليها بزهج تعالي جات وقالت لي في شنو؟؟!، قولت ليها بكرة عندك جامعة، قالت لي اي، قولت ليها يلا ماف ليك مشية وضحكت ضحكة شماتة، قربت مني وقالت لي وانا ما بشتغل برأيك ولو داير تضرب اضرب! ،قربها دا خلا ضربات قلبي تضرب، وبلعت ريقي! ،قومت وبقيت متحرك قولت ليها انتي عايزة مشاكل معاي صاح، قالت لي اي عايزة وريني عايزة تضربني بشنو المرة دي ؟!!، مسكت يدها بالقوة صرخت من الألم، قولت ليها انا ما هبشتها زي الناس، قالت لي من الوقعة، قولت ليها من الوقعة وماشة لشنو؟ ،قالت لي ما ظرييفة في آخر لحظة اعتذر! ،بقيت اعاين فيها قولت ليها طيب ارتاحي في مرهم كان هنا دقيقة جبتو وعملتو ليها ،قولت في نفسي انا مش مفروض اضربها ما ادلعها رفعت يدي وقررت اضربها بس طوالي غيرت راييي ولمست خذها وقولت ليها اهتمي بنفسك وتاني لو في حاجة واجعاك ما تمشي مكان،قالت لي سبحان الله لكن مروان شخصياً يتحدث المهم شكراً ،قولت ليها تشكريني كم مرة!، رقدت وغمضت عيونها.
بعد اسبوع كدة جو الشرطة وواحد فيهم قال لازم تمشي معانا في واحد اسمو حاتم المنصور مشتكي عليك...........
اللهم صل على محمد عدد ما ذكره الذاكرين وغفل عن ذكره الغافلين..❤.