رواية اللعب على حبلين
الفصل الثامن 8
بقلم مجنونة
الفاضل طلع سكين كان داير يطعني بيها لكن أمي منى شافتو و بقين التلاتا نتقوا فيها عشان نفكها لكن لي الاسف السكين طعنت أمي منى 😔💔 في لحظة بس وقعت بتنزف أنا بقيت بصرخ بي طريقة هيسترية لاااااا لااااا 😭 لمن أحمد و وليد فكو بعض و أحمد وقف في مكانو مصدوم أما وليد جاء جاري ومسك امو أمي قومي امي فتحي عيونك 😭 بس لا حياة لمن تنادي جرا الغرفة شال تلفونو ومفتاح العريبة و مسدس رفع المسدس في وش الفاضل واحمد وقال ليهم بعد أمي ما عندي شي اخسرو ارح قدامي وفعلاً مشو قدامو لمن وصلو غرفة كدا قال ليهم ادخلو دخلو وقفل الباب من برا عاين لي لقاني واقعة في زواية وببكي بطريقة هستيرية شديد جاني مسكني من اكتافي و وقفني قال لي دا ما وقت إنكسار يا زينب أنا محتاجك جنبي ما عارفة لي بس جملتو دي خلت جسمي كلو يقوم شعرة شعرة في عز الفيني دا قلبي بدا يدق شديد وحسيت بي إحساس حلو شديد طبعاً بعدما إتخزلتا من عماد بقيت ما مركزة مع الاولاد خالص عشان كدا يوم ما إنتبهتا على إنو وجيه قدر شنو وليد شخصية كدا ملكية وهيبة شديد عليه طول و عضلات و لحية يا لطيف ذي ابطال التلفزون بس و احلى حاجة فيه حنيتو بالرغم من إنو موقف بلد كاملة على اصبعو بس داخل البيت ملاك حنين شديد بار بي امو و بحب بنات اختو حتى أنا بجيب لي هداية و شوكولاتا بس ما حصل ركزتا في الموضوع كتير المهم وليد شال امو وقال لي بي نهرة كدا يا زينب افحتي الباب دا ياخ 😡 وأنا فتحتا الباب طلع وقال لي اقفلي قلتا ليه يعني امشي معاكم أنا 🤨 جرا لي نور قبل ما يفتح خشمو لقاني واقفة قدامو و الحلوة المرة دي ركبتا المصعد من غير ما اخاف 😂 المهم ودينا أمي منى المستشفى وطلع الجرح سطحتي بس لكن لازم تقعد في المستشفى يومين عشان نطمن عليها و طبعاً وليد رجع البيت ومعهو الشرطة اعتقلو الفاضل و أحمد في تهمة الشروع في القتل امي منى اصرت أنو ارجع البيت عشان اقعد مع البنات أنا رفضتا بس هي اصرت علي وقالت أنو وليد هايكون معاها و بعد اصرار و ضغط منها رجعتا البيت فعلاً لقيت البنات خايفات و ببكو شديد اظن عشان شافو الدم ولقو البيت فاضي من جيت جوني جاريات ومسكوني وقعدو يبكو يا زوبة حبوبة وين و دا شنو الدم هديتهم شوية و عملتا ليهم حاجة ياكلوها و دخلتا معاهم الغرفة رقدتهم في السرير وأنا في نصهم تالين قامت سالتني سؤال غير متوقع قالت لي بكل عفوية يا زوبة حبوبة ماتت 🥺 قلتا ليها لا يا تالين ما ماتت وما تقولي كدا تاني توليب قالت لي طيب مشت وين و دا شنو الدم دا قلتا ليها دا ما دم دا لون كشح و حبوبة مشت المستشفى مع خالو عندها فحص بتعملو وبتجي المهم عديت معاهم ونسة حلوة وحكيت ليهم قصص و و هظار لمن نامو إنسحبتا منهم براحة و طلعتا قعدتا في الصالون شوية كدا جات توليب طالعة وقالت لي يا ذوبة أنا ما صغيرة و حوار حبوبة عيانة و دي لون ما دم ما دخل لي في راسي بس سكتا عشان تالين يلا فهميني في شنو من غير ما اشعر لقيت دموعي بدت تسيل جات مسحتهم لي وقالت لي يا زينب أنا خسرتا امي من زمان وما فضل لي غير حبوبة عليك الله لو حاصلة عليها حاجة قولي لي أنا ما دايرة اخسرا 😭 قلتا ليها والله كويسة و بتجي بكرا حصل حادث سخيف كدا بس هي كويسة هسع و بترجع ليكم إن شاء الله دا وعد مني قالت لي أنا واثقة فيك و عارفة إنك ما بتكذبي يلا أنا ماشة انوم تصبحي على خير وانتي بالف خير يا روحي سبحان الله توليب دا واعية جداً وراقية شديد كانها ما طفلة بعد دخلت قمتا نضفتا الشقة كلها وبخرتا قعدتا في الكنبة دايرة ارتاح شبه مغمضة عيوني حسيت إنو في زول غطاني فتحتا عيوني لقيت دا وليد قمتا مخلوعة صلحتا طرحتي قلتا ليه أنت جيت متين ؟ قال لي قبل شوية كدا لكن إنتي مالك نايمة هنا قلتا ليه اخدتني غفوة قال لي شكلك تعبانة
: شوية بس 😅
:ماشاء الله نضفتي البيت إنتي
: ااي صحي امي منى بقت كيف وخليتا مع منو؟
:جاتا عمتي قالت بتبيت معاها واصرو علي اجي احرسكم
: امممممم ما كان في داعي أنا ما بخاف
: ارجع يعني ؟
: لالا ياخ ما قصدي 😂
: أنا جيعان والله 😓
:عملتا مكرونة لي البنات اختا ليك منها
: ياريت والله البنات أكلو
:اي بعد تحنيس حتى رضو ياكلو حبيباتي زعلانات على حبوبتهم 🥺
:و إنتي اكلتي ؟
قمتا من الكنبة وماشة على المطبخ قلتا ليه اي
جاء وراي وقال لي احلفي قمتا سكتا قال لي خلاص ناكل سواء قلتا ليه ما جيعانة أنا قال لي خلاص خليه أنا ذاتي ما داير دخل غرفتو ختيت الصينية و ناديت عليه بس ما ردا دقيت ليه الباب جاء طالع قال لي نعم قلتا ليه تعال اكل 🥹 قال لي ما داير قلتا ليه بطل دلع ياخ انا جيعانة ارح مشيت و قام جاء بي وراي و لي اول مرة ناكل سواء او بشكل اصح أنا باكل وهو بعاين لي ولمن عيونا تتلاقى بعمل فيها ما منتبه 😂 من غير اي من مقدمات قلتا ليه اسفة قال لي على شنو قلتا ليه على الحصل لي امك بي سببي دا قال لي دا مقدر و مكتوب إنتي ماليك اي دخل بيه سكتا شوية وقلتا ليه طيب البحصل لي الفاضل و أحمد شنو ؟ قال لي هانتخذ ضدتهم الإجراءات القانونية أحمد إتعدا على رجل قانون داخل بيتو و الفاضل شرع في القتل المتعمد و دي جريمة طبعاً بكرا ها احولهم لي النيابة ومن النيابة لي المحكمة ومن المحكمة لي السجن و بس يعني جريت نفس طويل و قلتا ليه خير طيب أنا بكرا ها مش عاين لي إستغراب وقال لي وين ؟ قلتا ليه اي مكان قال لي زهجتي مننا خلاص قلتا ليه لا بس سببتا ليكم مشاكل بما فيه الكفاية و المفروض ما ابقى تقيلة عليكم اكتر من كدا عاين لي في عيوني قوي و قال لي زينب أنا بحبك انا لمن اتخنقتا بالاكل و هو شربني موية و بقى بطبطب على ضهري صاح سمعتا كلمة بحبك دي كتير من عماد بس أول مرة احس بيها صادقة لمن شافني مصدومة قال لي ما داير منك رد هسع فكري في كلامي دا كويس و بعدين قرري و دخل غرفتو و خلاني صاحية لصباح بفكر في كلامو الصباح ما مشيت المستشفى طوالي قعدتا أجهز البنات لي المدرسة أول و وليد كان منتظرني عن عشان يوصلني المستشفى لي أمي منى
#عند_حجة_منى
جات فاطمة ام زينب و موسى لمن عرفو ولدهم طعن مراة مشو ليها في المستشفى و كلهم إتصدمو لمن لقوها دي هي و بصوت واحد فاطمة و موسى قالو منى 😳 قالت ليهم اي منى اختك يا موسى
اي منى اختك الرميتا السنين دي كلها و ما سألتا عنها ولا عن اولادا شفتا الدنيا دي صغيرا كيف يا موسى يا اخوي نفس الاولاد الفرقونا تاني جمعونا بس الفرق بيني و بينك أنت اتخليت عن اولادي اما انا إحتويتهم و لميتهم ليك 😣 موسى طبعاً مشلول شلل نصفي وكان في العجلة مصدوم و ما قادر يفهم حاجة أما فاطمة ام زينب قعدت في الواطة تبكي قالت ليه تتزكر يا موسى قلتا ليك العملتو في اختك دا برجع في اولادك كلمتك ولا ما كلمتك 😭 اعفي لينا يا منى اعفي لي يا اختي
#عند_زينب
وصلنا البنات المدرسة و كنا ماشين على المستشفى كان ظاهر على وليد إنو زهجان و سكت لي فترة طويلة شديد قلتا ليه ممكن اسألك سؤال قال لي إتفضلي قلتا ليه أنت اختك أم تالين و توليب دي ماتت كيف وقف العريبة فجأة لمن ملنا لي قدام و عاين لي بي غضب و إنفعال قال لي بتسالي لشنو ؟😡 بقيت بتمتم و بقول ليه ما قصدي شي ساي بس كدا أنا أنا بي نهرة قال لي زينب اتخلعتا لمن دموعي سالو قال لي ما تسألي من شي ما بخصك تاني و حرك العريبة عمرو وليد ما انفعل قدامي كدا ولا قسى علي بالطريقة دي قلبي كان واجعني شديد لمن وصلنا المستشفى لقينا ناس امي و ابوي طالعين ابوي في العجلة ضعف وشعرو كلو شيب بقى اكبر من عمرو و ظاهر عليه الكسر و الخزلان امي جات جارية عشان تضمني بس ابوي رجعا قال أنا واقفة قدامو برجف قال لي لو عندي حيل بس عشان اقيف بيه كان ضبحتك من الاضان لي الاضان يابت الحرام بس حتى إنتي الموت خسارة فيك ارح يا فاطمة سوقني من وش المخلوقة دي حاولتا اجر وراه بس وليد مسكني و هزا لي راسو بمعني لا طبعاً ردة فعل ابوي هادية جداً بالنسبة لي إلاعملتو او حتى بالنسبة لي ابوي القاسي كنت مستغربة لي مشى بالبساطة دي قلتا لي وليد بي صوت مبحوح كدا 🥺 لي منعتني امشي ليه ؟ قال لي يا زينب ابوك حالياً ما هيسمعك لانو معصب بس بعد يروق بوعدك أنا بنفسي بسوقك و بوديك ليه قلتا ليه بتهظر😂 شكلك ما بتعرف ابوي قال لي بعرفو اكتر منك وعشان أنا بعرفو ها اقول ليك إنو ابوك خسر كل قوتو و جبروتو قلتا ليه بتعرفو من وين 😳 ضحك بي استهتار كدا 😏 ودخل خلاني قمتا جريت وراهو لمن مشينا لي أمي منى سلمتا عليها و اطمتا عليها وطمنتا على البنات و انهم بعدين هايجوها قالت لي وليد طلع الفاضل و أحمد من السجن قال ليها شنو يا أمي 😳 قالت ليه اسمع الكلام يا وليد الفاضل و أحمد يطلعو الليلة من السجن و يرجعو بيتهم أنا قلتا ليها يا أمي لو عشاني أنا خليهم يتعاقبو والله ما بزعل قالت لي لا يا بتي أنا دايرة كدا و عاينت لي وليد قال ليها حاضر و طلع زعلان ركب عربيتو و ساق بي اقصى سرعة عندو لمن وصل القسم كان معصب شديد قال لي العسكري البرا جيب لي الفاضل موسى و أحمد ادريس سريع العسكري قال ليه حاضر يا جنابو وليد دخل مكتبو و عداها ماشي جاي جاي ماشي و بطقطق في اصابعو لمن الباب المكتب دقا قال ادخل جابو ليه أحمد و الفاضل مكلبشين وليد مشى وقف ورا مكتبو مايل عليه و متسند في في غبضات يدو ورافع راسو بعاين ليهم قال ليهم موجه الكلام لي الفاضل بشكل خاص قال ليه أنت عارف كان نفسي نهايتك تكون على يدي و تكون بي طريقة كل العالم يتكلم بيها لانك وصلتا لي ممتلكاتي و البخصني وأنا في البخصني ما برحم جاء بي حركة بطيئة وقف قدام المكتب وقعد في الطاولة خلف رجلو قال ليه بس لي الاسف طلعتا محظوظ كوني رجل قانون نُبلي و اخلاقي بمنعوني اعمل كدا على العموم بوعدك أنو دي ما اخر مواجهة بينا و هيكون في جزو تاني بس المرة دي هيكون لي صالحي أنا 😏 نادا العسكري وقال ليه فكهم خليهم يمشو بشرط يوقعو على اوراق عدم تعرض ليه ولي زينب وطلعو بعد طلعو وليد نادا على عسكري وقال ليه عملتا لي شنو في موضوع الزفت الاسمو عماد دا قال ليه قدرنا نحدد مكانو و دايرين بس الأذن منك عشان نمشي و نجيبو قال ليه و منتظر شنو يعني ارح طوالي أنا ذاتي ماشي معاكم
#في_مكان_اخر
بتبكي ؟ تبكي لشنو علي خيابتك ولا على عدم رجولتك اختك بقت ارجل منك
: اسكتي 😡🤬
: ما بسكت والله العظيم ماني ساكتا يا موسى لأنو الموضوع وصل بيتي و اولادي السنين دي كلها ساكتة خوف منك بس الليلة بتكلم و ببرد قلبي دا عامل فيها أنا ربكم الاعلى و مافي اقوى منك لا راعيت لي إنو دي اختك و ما عندها غيرك عشان يسترا ولا راعيت لي اولادا بكت ليك لمن حيلا مات ركعت ليك في الواطة دي عشان ترحما بس أنت قلبك حجر ربنا برحم بس أنت ما رحمتا 😡 و شوف نفسي الحصل فيها حصل لي بتك شفتا الدنيا دي دوارا كيف بس أنا ما بغلط نفسي غلطتك يا موسى أنا ماشة اجيب بتي و الرهيفة تنقد
: فاطمة 😡 تعالي هنا والله تطلعي من البيت اعتبري نفسك طلقانة
: طلقني أصلاً ما فارق معاي كتير غير الهم و الغم لقيت منك شنو و البركة في اولادي ديل ربنا يحفظهم لي قالت كلمتا دي و طلعت خلتو يصرخ وينبذ بس ولا إشتغلت بيه طبعاً هم قاعدين في المدينة عشان جلسات الدلك
عند_وليد
ياخ عليك الله ما بتخجل من نفسك ؟ تسرق من بنت حبتك عشان تشرب بيها بنقو و بنات أنت راجل هسع عليك الله فاكر انو صعب نصل ليك يعني و بقى بضرب فيه بوكس في وشو جدعو في رجلين العساكر وقال ليهم جيبو لي الخايب دا و باقي الكلاب المعاهو ديل