رواية اللعب على حبلين
الفصل التاسع 9
بقلم مجنونة
السلام عليكم ها سرق الجزو دا من زينب و ها اتكلم فيه أنا .
أنا وليد عمري 30 سنة ضابط في الشرطة و دي تفاصيل كلكم بتعرفوها لكن الما بتعرفو قصة علاقتي مع زينب بدت كيف و دا الجاي احكي ليكم عشان تكونو معانا في الصورة 😉 تتزكرو اليوم الاتمسك فيه زينب و البنات ضربوها في نفس اليوم أنا شفتا و كنت متأكد إنها مامن البنات ديل وفي غلط في الموضوع حسيت بيها ما بتشبهم بريئة شديد بس ما ركزتا مع الموضوع لأنو دي ما كانت قضيتي بس لمن البنات ضربوها ما قدرتا امنع نفسي من التدخل فاشلتا و وديتا المستشفى و عشان ما بقدر اخليها براها وفي نفس الوقت ما بقدر اخلي ناس أمي براهم طلبتا من واحدة
بعرفا تقعد معاها و قلتا ليها لو في اي مستجد اعلميني بيه طبعاً كنت فاكر البنت من هنا والصباح هتتصل لي اهلها و الموضوع بنتهي بس مع الأسف طلع اكبر من كدا إتصلت لي المرة و حكت لي القصة من ولد عمها الغصبوها عليه لحدي الولد السرق قروشها لحدي راجل ست الشاي و كيف العربية لقتا لحدي كلام ود عمها معاها قبل شوية إتعاطفتا معاها شديد لمن لقيتا براها و مافي زول بساعدا فا إطريت انو أنا الاساعدا و قلتا لي المرأة تجيبا لي برا و فعلاً عملت كدا و أثناء ما نحن في العربية إنتبهتا لي وهمة في يدها و اصلو ما كانت غريبة علي فا سألتا هي من وين و إسم ابوها منو قالت لي من قريبة............. و ابوها إسمو موسى تاج السر البخيت في اللحظة ديك إتاكدتا أنو دي هي و الموضوع اتحول من إنسانية مني لي حماية اختي بنت خالي و عرضي و شرفي ما تستغربو إنها ما عرفتني كيف 😂 لأنو أنا لمن طلعتا من القرية عمرها كان أربعة سنة و أنا 11 يعني أنا بتزكرها لكن هي لا و أكيد اكيد أكيد مافي زول حكى ليها عننا لانو بكونو مفهمنا عندها عمة واحدة إسمها منى و ماتت من زمان يلا أنا ما حبيت زينب تعرف عننا حاجة لحدي ما مشكلتا تتحلا و ترجع بيتهم عشان ما تقول ليهم إنها لاقتنا لأنو نحن ذاتنا قاطعين علاقتنا بيهم زينب دي ظريفة شديد و عفوية و روحة حلوة يعني بتدخل القلب طوالي بي حركاتا دي و أنا من أول يوم شفتا قلبي دقا ليها و إخترتا هي بالزات لكن لمن عرفتا هي منو عرفتا الموضوع ما هيكون ساهل وفي مشاكل و عقد كتيرة لازم احلها عشان اقدر اصل ليها لمن وديتا البيت من أول لحظة عملت مشكلة مع امي فا إطريت ادخل أمي الغرفة وأحكي ليها دي منو وقصتا شنو أمي ما قدرت تتقبل الصدمة و إنهارت بالبكى فاسوقتا زينب الشقة التانية لحدي ما أمي تهدأ و تاني حصل الموقف البايخ داك 😅 ما إستغربتو أمي تاني يوم فجأة إتحولت وبقت طيبة مع زينب ياخ أمي دي ملاك حنين لأنو لو كانت اي واحدة تانية مستحيل تقبل بنت الراجل الطرتا هي و اولادا من القرية كلها عشان 😓 انسو ياخ بتعرفو براكم بعدين السبب شنو لمن أمي إتصلت لي وقالت لي زينب تعبانة ياخ خفتا بطريقة تحلف تقول ما بعرفا من 24 ساعة بس في لمح البصر وصلتا البيت لمن لقيتا واقعة في الأرض حسيت روحي هتطلع وديتا المستشفى و وقفتا جنبها لحدي ما قامت ومن اللحظة ديك قطعتا وعد على نفسي إني ما هقصر منها و طالماً أنا حي بعيش لي إسعادها بس و اعوضها الوجع الشافتو و العاشتو دا كلو ومن اللحظة ديك بديت افتش على عماد و فعلاً بعد أسبوع بالظبط قدرتا اوصل ليه ياخ ضربتو ضرب كان نفسي اقتلو عديل بس خليت الموضوع دا لي زينب مشيت المستشفى قلتا ليها ارح معاي ما كانت فاهمة حاجة بس أحلى شي في الموضوع وثقة فيني المرة دي و ما سالتني من حاجة لحدي ما وصلنا القسم و دخلنا الزنزانة الفيها عماد من شافتو خافت و بقت ترجع لي ورا دايرة تطلع مسكتا و بقت تتقاوى معاي و بتقول بي بكى كدا وليد خليني امش وليد والله ما بقدر جريتا و عاينتا ليها في نص عيونها وقلتا ليها لا هتقدري إنتي عندك حق ولازم تاخدي عايني لي الوسخ دا سبب ليك مشاكل قدر شنو لازم تاخدي حقك لازم اداني عصاية و قال لي امشي اخلصي حقك لمن قلبك يبرد و ترجعي زوبة القديمة عاينت لي و جدعت العاصية قالت لي هو ما غلط في شي غير إنو خزلني بس أنا الغلطانة لأني وثقتا في زول ما بستاهل فلو سمحتا خليه يرجع لي قروشي بس و يمشي أنا عافية ليه لأنو بسببو اتعلمتا درس عمري ما هانسى لو ما هو ما كان عرفتا يعني شنو اهل يعني شنو حب يعني شنو وجع و خزلان و كسر أنا كنت فاكرة نفسي تعيسة بس بعد العملو فيني دا عرفتا أني كنت اسعد إنسانة في الدنيا عرفتا أنو المال ما كل شي و المدينة و ما كل شي المهم اني اعيش مع إنسان يحبني و بعرف قيمتي و بحترمني و لو ما العملو فيني دا ما كان لقيت الإنسان دا فلو سمحتا يا وليد اديني قروشي و خليو يمشي بالرغم من إني ما راضي اخليه يمش من غير ما يدفع ثمن الوجع السببو ليها دا لكن برضو كنت فخور بيها شديد و عجبني القالتو دا فكينا عماد الوسخ بعد ما مشينا معاهو و رجعنا القروش كانت ناقصة بس تميتا من عندي من غير ما اوري زينب لانو قلبي ما طاوعني اشيلها هم بعد كمية الفرح الشفتا في وشها دي أثناء ما نحن جايين في العريبة بطريقة غير متوقعة ختت يدها فوق يدي و قالت لي شكراً 🥹 لو لاك أنت عمري ما كان قدرتا اصل لي عماد و القى القروش 😭 ابتسم و قال لي دا واجبي و شغلي قبل البينا دا يبقى
تاني إبتسمتا و قلتا ليها البينا هو البينا شنو صحي 😏 شكلي اتسرعتا في الحكم قالت لي البينا دا اكبر من حب و كلمة حب قليلة فيه البينا دا بجمع ال ب ك العشرة قلتا ليها الباء .كاف العشرة ديل شنو ؟ ضحكت بي خجل كدا و قالت لي بجي يوم و بقول ليك دي شنو ما عارف لي بس حسيت بي فرحة ما عادية لاني بديت احس بي قبول من ناحيتا مشينا المستشفى لقينا تالين و توليب مع أمي الدكتور قال لينا اتحسنت و بتقدرو تطلعو طوالي طلعنا رجعنا البيت كان يوم متعب شديد لينا كلنا من مشينا اي زول دخل غرفتو و نام ما صحينا إلا على رنت جرس الباب لمن فتحتو لقيتهم ديل أحمد و فاطمة
شباب_دايرة _اوضح_ليكم اغلاط بسيطة اعفو لي فيها أنا قلتا ليكم تالين عمرها 8 بس هي عمرها 16 اما فرق العمر بين زينب و وليد كمان 16 أنا قلتا 11 افو لي اختكم ساقطة حساب 😂😅
وليد فتح الباب و لقى أمي و أحمد أمي قالت ليه دايرين زينب لو سمحتا قال ليهم إتفضلو جوا أنا سمعتا صوت امي جيت طالعة لمن لقيتا دي هي جريت عليها و مسكتا وقعدتنا نبكي الاتنين سواء ممكن تكون دي أول مرة من سنين طويلة طويلة شديد احضن أمي و احس بي حنيتا دي دايرة اوضح ليكم مفهوم خاطئ في ناس بتقول ناس المدينة جافين بس والله أنا الحنية الشفتا عند اهل المدينة عمري ما شفتا في القرى حنية خالتي عوضية مع بناتها و حنية المراءة العسكرية حنية أمي منى و وليد ياخ نحن في قريتنا ما عندنا حاجة اسمها تحضني امك بدون سبب ولا تجي تقعدي مع ابوك الاهل ذاتهم قاسين الابو يطلع من الصباح لي الزراعة والسعي يجي المساء زهجان قرفان يتفشى في الشفع و الأم نفس الشي من تصبح بتكون في المطبخ تخدم الضيوف ما بتفضى لي شفع و بي كدا حتى الاولاد بقومو نفس القومة من الحاجات الخلتني اكره القرية و اعمل المستحيل عشان اعيش في المدينة تفكيرهم السلبي إتجاه الأنثى عندنا في قريتنا بشكل خاص المراءة دي مجرد ألة لي الانجاب ما بدوها زرة احترام لو طفل صغير ممكن يمشيها على كيفو الواحدة من تصل 13 سنة تلقى الخطاب بدو يطاقشو في البيبان لا بسألوها دايرهو أو لا و بعد دا ياريت لو بحترمها تلقهو بضربا في اتفه الاسباب و يزلها و ما بتقدر تتكلم لأنو خايفة يطلقوها و الطلاق دا عندنا اكبر جريمة لو إنتي مطلقة المجتمع كلو بنظر ليك نظرة حقارة كانك شي وسخ شديد ياخ في القرى البنات مظلومات شديد و قصتي أنا بالزات اقلا مثال لي الظلم و المعانة
#نرجع
أمي حضنتني و بكينا قدرتنا سلمتا لي أحمد بي كفي عادي و فضلتهم في الهول وليد دخل المطبخ يجيب موية وأنا قعدتا جنب أمي قالت لي مالك ضعفتي كدا يابتي ما قاعدة تاكلي ولا شنو قلتا ليها قاعدة أكل لكن هو الهم ذاتو بخليك يا أمي جرت نفس طويل و قالت لي انا ما بقول إنك ما غلطانة لا إنتي غلطانة يابتي بس نحن كمان جزو من الغلط دا شوفي العملتي فينا دا شنو و وصلتينا لي وين يا زينب ما حرام عليك يابتي ؟ دموعي نزلت وقلتا ليها يا أمي أنتو كنتو بدورو تعرسوني لي زول أنا ما دايره و قلبي ما بدورو نهائي (طبعاً أحمد قاعد 😂) قالت لي و القلبك بدورو وينو هسع مالو ما عرسك و بعدين من متين نحن بنقرر دايرين منو ولا ما دايرين منو ولا لينا راي ما يهو بكلفتونا و بنلقى نفسنا بقينا نسوان بس أنا الكنت دايرة ابوك ولا أمي الدايرة ابوي لكننا هدا قعدتنا و رضينا بي قسمتنا لمن جبناكم أنتو تعوضونا الوجع و الظلم دا قلتا ليها يا أمي الزمن اختلف و تفكيركم زمان ما ذي تفكيرنا هسع المراءة زمان ما عندها صوت تتكلم بيه ولا عارفة حقوقا شنو عشان كدا بتسكت عنها لكن حالياً الوضع إختلف أنا عندي حقوق و من حقوقي دي اقول لا على الحاجة الانا ما دايراها فهميني كيف اعرس واحد أنا ما مقتنعة بيه كيف اعيش معاهو و اجيب منو اولاد ما بقدر والله (أحمد إضايق شديد من كلامي و الحاجة دي بدت تظاهر في ملامحو) قالت لي يابت إنتي غبيانة أحمد دا مالو عيبي الوقفة الوقفها مع ابوك في الفترة دي براها سبب تخليك ترضي بيه و كن شفتيهو كان خايف عليك قدر شنو و الوقت كلو بفتش عليك لحدي ما لقاك و وصلنا ليك قلتا ليها يا أمي جمايلو دي كلها على العين و الرأس و أنا ما بنسى وقفتو معاي و فعلاً هو ما قصر في حقي لكن برضو دا ما سبب عشان يخليني اربط حياتي بيه العمر كلو في اللحظة ديك أحمد أتكلم و قال لي يا زينب حصل أنا جبرتك علي ؟ من البداية كان تقولي ما موافقة بس ضحكتا وقلتا ليه 😂 على أساس كنت بقدر اقول ما موافقة كان زمان فرمتوني لكن أنت المفروض تفهم من تصرفاتي إنو أنا ما موافقة جرا نفس طويل و مسح وشو وقال لي و هسع أنا غيرك ما بعرس كن ترضي او ترفضي في الوقت داك وليد كان شايل صينيه العصير و جاي علينا و سمع جملتو الأخيرة دي و وقعت منو كان ظاهر عليه الزعل و التعصيب بقى بلقط في القزاز قمتا لقطتا معاهو جات أمي منى من هناك وقالت لينا دا شنو انتبهت لي ناس أمي أمي بكل عفوية قالت ليها بقيتي كيف يا منى و حمد لله على السلامة كمان أمي منى قالت ليها نحمد الله احسن بكتير وقفتا على طولي وقلتا ليها بتعرفو بعض يعني كلهم بقو بعاينو لي امي منى قالت لي اي أمس جوني في المستشفى أمي قالت ليها لا يا منى كفانا جفاء خلاص يا زينب يابتي منى دي عمتك شقيقة ابوك اسمها منى تاج السر البخيت و الفترة دي كلها ماخاصمين معاها عشان كدا مافي زول جاب ليكم سيرتا الخبر دا وقع على قلبي ذي الصاقعة لمن فقدتا توازن و دايرة اقع إلا وليد مسكني زحيتو مني بي إنفعال كدا وقلتا ليه كنت عارف ؟ قال لي يا زينب بي نهرة تاني سألتو كنت عارف ؟ هزا لي راسو بالايجاب إتلفتا لي أمي منى و قلتا ليها حتى إنتي قامت سكتتا أنا دموعي بقو عشرة عشرة في ظل كل الحصل معاي دا دي تعتبر اكبر صدمة مريت بيها جريت غرفتي وقفلتا الباب بقيت ببكي لمن راسي وجعني ما عارفة ببكي لي بس حسيت بي وجع كبير أنو أنا كنت قاعدة وسط اهلي ذي الغريبة أنو أنا عندي اهل بالحنية دي و السنين دي كلها ما عارفة بيهم بعد شوية باب الغرفة دقا باب قلتا ما دايرة كلام مع زول تاني دقا ابيت افتح لمن دقا المرة التالتا لقيتو دا أحمد قال لي داير اتكلم معاك في موضوع قلتا ليه أنا ما رايقة حالياً قال لي دايرة احكي ليك حقيقة الخصام بين ابوك و عمتك السنين دي كلها شنو ؟ قلتا ليه حتى أنت كنت عارف قال لي أنا سبب الخصام دا