رواية دون أن أشعر
الفصل السابع عشر 17
بقلم ال زهراء
قولت ليهو سيااااف، ضحك، فجاءة جاهو اتصال رد وقال ايوا يا ريم تاني قال ليها اصبري جاي وجايبو معاي ما حا اتأخر قفل، قولت ليهو دي ريم البعرفها انا ،قال لي انت مالك حشرييه كدة وبعدين لمن انا سالتك علام منو انتي رديتي لي، قولت ليهو لا انت متذكر من قبيل، عاين لي وما رد وبس قال لي جيبي لي مدرك انا مستعجل لازم امشي ،قولت ليهو اول حاجة جاوبني مدرك امو ريم لانو سمعتك شغال ليها جايبو معاي ،قال لي انتي ما متواصله معاها ولا شنو ،قولت ليهو بصراحة أخبارها انقطعت مني لانو انا مسحت رقمها وحظرتها عشان ما عايزة اعرف اي حاجة عنك الوقت داك لانو بكرهك، عاين فيني مسافة طويلة وحسيتو انو ملامح وشو اتغيرت تاني قال لي كره عديل كدة واسي يا مها ما اتغيرت نظرتك عني ،قولت ليهو اسي انا خليت الماضي وراي والا اصلا ما حا تلاقاني واقفة وبتكلم طبيعية معاك ،قال لي دا بيعني انو خليتيهو وراك بس ما نسيتو يعني انتي للان بتكرهيني.... سكت مسافة وتابع انا بعتذر ليك شديد على كل حاجة وخاصة عن كلامي الفي المطار الكلام داك كان ما منطقي نهائي، دنقرت راسي وقولت ليهو بتوتر اي كلام انا نسيتو اصلاً، قال لي الحمد لله انا كنت ما واعي لنفسي ساعتها ،قولت ليهو خلاص انسى واعتبرو ما حصل، قال لي تمام بس عندي طلب اخير، قولت ليهو شنو؟!، قال لي عليك الله يا مها ما تذكريني بحاجة كعبه وحاولي انسي كل الماضي وما تكرهيني، انا اتغيييرت وصافيت كل الناس وباقي بس انتي ، قولت ليهو انت عارف انا لحدي ما طيارتي نزلت كنت بكرهكك بس والله مما شوفتك بالحالة ديك وانت راقد والأجهزة حولك وشوفت كل الناس ديل معاك اتبخرت المشاعر السالبة وعرفت ال5سنين كانت كفيله تنسيني الكره حقك وانو دي مجرد نفسيات مني، لانو ما حسيت باي شعور اتجاهك والله ،قال لي بصوت واطي تمام ! المهم خلينا نبدأ بدايه جديدة ونركز على شغلنا ،قولت ليهو حاضر!، بس في حاجة واحدة ما قادرة انساها ليك وهي الورثة، عاين لي وقال لي الحقوق كلها رجعت لأهلها ما تخافي ،قولت ليهو كيف؟!، اتنهد وقال لي انا رجعتها ما تسأليني كيف، قولت ليهو انت، قال لي مالك مصدومة انا بقول ليك اتغيرت تقولي لي انت!، قولت ليهو بتصدق مستغربة في تغيرك دة شديد ياخ اخر مرة كنت معند، قال لي اي كنت بس اسي اخترت اكون كدة، موش الإنسان هو البكون نفسو وبختار طريقو براهو!، انا اخترت اعيش كدة!، قولت ليهو مبالغة ياخ بتصدق في المستشفى لمن قالت لي الممرضة كدة حسيت انك بتنافق وقولت عشان المظاهر بس والله يا سياف شكلك اتغيرت غيرتك ريم ،قال لي ريم ما كان عندها دور ممكن تقولي غيرني الزمن واتعظت!، قولت ليهو ايوا ممكن اعرف بدايه تغيرك كيف؟؟؟، قال لي ما عايز احكي!، قولت ليهو طيب بس ممكن اعرف ريم ليه بعيدة عن ولدها، عاين لي وقال لي كانو اسئلتك كترت، المهم نادي لي مدرك انا اتاخرت عليها ،قولت ليهو طيب بس اصبر لي انا ما قايلاك بتجي بدون ما تتصل، قال لي لا يا دكتورة عايزاني احجز موعد عشان اجي اشيل ولدي ولا كيف، قولت ليهو ولدك حا تسوقو وسخان ما هو شافع وبلعب صاح!، خلي امورك دي وانتظرني هنا دقائق بس، قال لي جيبهو كدة ماف اي مشكلة ،قولت ليهو سياف انا كلامي معاك واضح موش امشي العربية دي واقعد فيها كلها ربع ساعة، كان داير يتكلم ،قولت ليهو انا ما عايزة اسمع منك اي كلمة!، سكت ومشى زي الشاطر ،بقيت اضحك براي ،اتلفت وقال لي ما مصدقة نفسك انو قدرتي تقنعيني ولا شنو!، انحرجت وما رديت، ضحك وركب عربيتو! ،مشيت طوالي حممتو ولبستو الملابس الإصلا انا قلعتها ليهو قبيل عشان ما يتوسخ!، والفنيله الداخليه الاتوسخت اديتو بدلها واحدة من يزن كانت أكبر منو بشوية!، المهم طلعتو ليهو برة ورتبت ليهو شعرو!، سياف نزل وقال لي اتعبناك معانا يلا يا بابا أشكر خالتو مها واطلع العربية ،شكرني وطلع العربية!، تاني سياف برضو شكرني، قولت ليهو ما تشكرني انا بحب مدرك وبحب انو يلعب مع يزن بحسو عاقل وبحسو مربى شديد وهادي... قبيل خطف قلبي لمن ساعدني في خت الغداء، وكمان كل مرة مرة يستذن لو عايز يهبش حاجة ،الولد دة مبالغة ماشاء الله تبارك الله ونفسي بالجد يزن يبقى زيو!، بالجد انت ومرتك تعبتو فيهو وتربيتكم صاح ليهو،قال لي بنبرة حازمة يا بت الناس انتي قبيل ما سمعتي كلامي مع مرام ومصرة تقولي لي مرتك انا ما عندي مرة!، قولت ليهو ايوا اسفة منفصل يعني! طيب منو ريم!، ليه انفصلتو!!، قال لي انا ما بتكلم بخصوصاتي زي بعض الناس، قولت ليهو انت بتضرب فيني انا!!!، طيب ما تتكلم انا ما هاميني اعرف، قال لي ما باين عليك نهاي انو ما عايزة تعرفي!، قولت ليهو انت ما عايز تكلمني اعمل ليك شنو!؟، ضحك وقال لي وبعد الكلام دة كلو مصرة تعرف!، يا حشرية ريم هي الطلقتني قالت لي انت ما بتنفع معاي عديييل،صغرت عيوني كذبو من صدقو ما بنعرف، قولت ليها عندها منطق لو انا زاتي في محلها كنت طلقتك غتيت!، ضحك وركب العربية!، مدرك رفع يدو وهو ومشو دخلت جوة وقولت انا من متين قاعدة معاه نسيت زاتو المشكلة لقيت ميسون مما شافتني جات اعتذرت وبكت وقالت لي انا جاحدة اسي العابك وحاجاتك الجايباهن بالكتير قاعدات جوة انا اسفة عشان قولت ليك كل الكلام البسم البدن انا ما مفروض انكر فضلك ،قولت ليها انا قبلت عذرك انتي عاملتني احسن من اختي انا غلطت!، انا والله بقيت ما بعرف نفسي!، انا تاني حا احاول ما ااذى الناس بكلامي عشان ما عندهم ذنب انا المشاكل الحصلت لي في حياتي دي أثرت فيني شديد بس برضو ما مفروض اعمل كل العمايل دي ياخ انا في خلال الأيام الفاتت جوطت كل البلد!، ضحكت وقالت لي عليك الله ،قولت ليها اسكتي بس في زول قال لي عويرة بالسبب دة ،ضحكت تاني وقالت لي ماف مشكلة لو عرفتي غلطتك، قولت ليها عرفتو وحا احاول اتمالك نفسي وحا اادب ولدي ،كنت خايفة يخليني بس في زول قال لي لو عملتي ليهو اي حاجة لو عايز يخليك بخليك فعشان كدة لازم اربيه تربيه سليمة! عشان على الاقل لو مشى واختار ابوه اكون متأكدة انو حا يكبر وهو ماش في الطريق الصاح واكون على الاقل ضميري ارتاح واقدر أواجه ربنا بعدين يوم الحساب، قالت لي بارك الله في الزول النور ليك طريقك!، قولت ليها امين يا رب.
في اليوم التاني بقيييت قاعدة في غرفة الطبيب العمومي جاتني رساله من علام وقال لي انا برة، طلعت وشوفتو جيت وقولت ليهو السلام عليكم ،قال لي وعليكم السلام ،سألني من احوالي وانا سالتو من احوالو ومن مرتو ،قال لي ييياخ ما عارفة الحصل لي وانا عارف اي حاجة عنك، قولت ليهو لا والله الحصل شنو، قال لي اختلفنا واطلقنا ،قولت ليهو لا حول ولا قوة الا بالله، قال لي النصيب انقطع!، قولت ليهو اي اي!، قال لي ورح انا عازمك قولت ليهو انت داير يطردوني الشغل هنا خط أحمر اعرف!، ضحك وقال لي ياخ انا بستذن ليك من سياف شخصياً، قولت ليهو انت ما مخاصمو انا قايله انو حتى لو رجع حقكم ما بتسامحوهو، قال لي لشنو سياف عرف غلطو من بدري ما زي ابوهو، ابوهو هو المستحيل نسامحوا ياكل في حقنا ليه 30 سنة ومخلينا جيعانين ،المهم المهم انسي ، سكتا بس وما عرفت اواسيهو ولا عرفت أقول حاجة ،تاني قولت ليهو انت زاتك غتيت زمان بدل تقول لي عارف ضحكت علي وقولت تمام، قال لي ايوا لانو منظرك كان جاد شديد وكنتي متحمسة ، فقولت ما اخرب عليك الفرحة بتكليمي وخاصة انك مراقباني اسبوع، ضحكت!، فجاءة سياف جانا سلم على علام!، وتاني عاين لي وقال ليهو بتعرف دكتورة مها!، قال ليهو اي حكى ليهو اي حاجة ،سياف ضحك وقال ليهو دي مستعدة تراقبك سنة بس عشان تكلمك! اعرف! ،صريت ليهو وشي، ضحكوا الاتنين تاني قال لسياف خليني اسوق الدكتورة لاني عازمها، سياف قال ليهو دي ساعات عمل!، ضحك وقال ليهو سياف ما تهظر انا ما فاضي...، قاطعو وقال ليهو وشي دا وش هظار!، عاينت فيهو كان باين انو جاد، قال لي طيب بعد الدوام ،بتطلعي كم، قولت ليهو 5، قال لي طيب 5 انا بجي اسوقك، قال ليهو سياف يا علام انت مخك دا فيهو حاجة ولا شنو تمشي معاك 5 وين؟؟، قال ليهو 5ما بدري نتغدا غداء خفيف و...، قال ليهو ما بدري لكن لو دكتورة مها شايفة بدري انا ما حا يكون عندي مشكلة ،عاين لي بنظرة مخيفة لمن بلعت ريقي قولت ليهو دا وقت شتاء ما بدري وبعدين انا ولدي بكون منتظرني في البيت ولو الوقت اتاخر ببكي!، سياف فرد وشو وتاني مسك في كتفو وقال ليهو انت وقت مقرش كدة ما تعزمني انا! انا اصلا فاضي الايام دي انا طلعت من الموت ناسي ،ضحك وقال ليهو على عيني وراسي، عاين لي وقال لي طيب كان نفسي اعزمك واعرف حياتك واخبارك بس مديرك صعب عشان كدة نتواصل احتمال تلقي طريقة بعدين، قولت ليهو تمام تسلم!، طلع!!، سياف بقى يعاين لي وقال لي متواصل معاك ليه كم، قولت ليهو رسل لي أمس يادوب! لي كم سنه منو، قال لي علام ما بتذكر زول ساي اكيد عندو معاك حاجة!، قولت ليهو لا هو زميل واتذكرني بس ،كان عايز يتكلم بس أتراجع ،قولت ليهو عن اذنك ماشة عندي مرضى ،قال لي الحمدلله اتذكري انو عندك مرضى، عاينت ليهو وقولت ليهو سياف انا اسي كنت بلعب ،قال لي كنتي بتتونسي ولو سمحتي هنا مكان شغل قولي لي مستر سياف!، قولت ليهو اها رجعت لجنك صاح!، وبعدين ما كنت بتكلم معاك ومع علام ،يبقى انت زاتك عطلتني، قال لي انا جيت بالصدفة، ما رديت واتقدمت خطوتين وبقيت ارفع في يدي واحاكي فيه! لمن وصلت! الغرفة!.
جات 5 طلعت!، لقيت سياف قاعد برة!، قولت في نفسي المنفسن منتظر منو ،جيت عليهو َسالتو وقولت ليهو عدن بكرة بتجي ايامي بكونن كيف، قال لي وقت الشغل انتهى، بكرة تعالي نناقش وضعك، وقفت ركشة وطوالي ركبتها لانو لو قعدت كنت خنقتو واتحركت ،في نص المسافة سيد الركشة قال لي انت قبيل كنتي تتكلمي مع بتاع التوسان لو بتعرفية كان يوصلك لانو شايف طريقو من طريقك، قولت ليهو شنو؟؟!، قال لي بتاع ال توسان االورانا دة ،عاينت وقولت ليهو بكون ماش مكان تاني بقينا ماشين الطريق كلو ماش معانا لمن استغربت، قولت مالو زي المتابعني، قولت لبتاع الركشة وقف الركشة وقفها شايفه التوسان وقفت نزلت وبقيت جاية عليهو شوفتها اتحركت ،وقفت ليهو في الطريق!، بقى يضرب في البوري ،جيت بعلي الشباك قولت ليهو ملاحقني ولا شنو ؟؟!، قال لي يعني بس الطريق دا بودي بيتكم، قولت ليهو طيب ليه وقفت لمن انا وقفت قال لي كان عندي مكالمة، ما رديت، قال لي شكلك ما مصدقة اوريك المكالمة عشان تصدقي، صغرت عيوني وقولت ليهو لا انا اسفة!، كشا العربية وبقى قدامنا وتاني اختفى ،قولت في نفسي انا كنت بفكر في شنو وليه هو اصلا يلحقاني انتي مجنونة!.
نزلت ودخلت جوة جاتني رساله من علام قال لي اها بتقدري تطلعي ؟!، قولت ليهو انا جيت البيت، قال لي يوم تاني طيب، كنت ماشه على اتجاه المطبخ اشرب عمتي قالت لي جاتك ضيفة قولت ليها ضيفة؟؟، قالت لي اي ضيفة قولت ليهو ما تقولي مروة قالت لي لا وبعدين يا بت مروة اختك ضيفة شنو و حا تتحاربن كدة لمتين ابوكن لو قاعد قايله برضى ،قولت ليها انا ما عايزة اي زول يناقشني في الموضوع دة. قالت لي طيب امشي لضيفتك، قولت ليها حصل جاتني قبل كدة، قالت لي اي بس ما متذكرة اسمها!، دخلت جوة وشوفت ريم مما شافتني قامت جيت بعليها قالت لي يا معفنة قولت بعد قطعتها مني ناشف اخليك بس تاني قولت لازم اجي واشوف ولدك ،دمعت من كترة شوقي ليها وحضنتها ،تاني قعدنا قولت ليها اسفة انا تواصلي انقطع معاك بسبب انو ما عايزة اعرف اي حاجة بتخص سياف كنت بكرهو الفترة ديك وما بطيقو، ضحكت وقالت لي اي سياف كلمني أمس باي حاجة ، عاينت في يديها كانت لابسه دبله، قولت ليها اتزوجتي تاني ،قالت لي تاني؟؟؟!، انا انفصلت متين وبقت تضحك، قولت ليها سياف قال انك طلقتيهو، ضحكت وقالت لي انتي تصدقي كلامو الكذاب ،انا ما طلقتو انا فسخت الخطبة منو بس، قولت ليهو ما بنفع لبعض ،قولت ليها لشنو، قالت لي سياف كان مختار حياه تانيه، قولت ليها بحس خافت خانك يعني عرفتو انا الثقيل ،قالت لي شبه ذلك، المهم احكي لي انتي!؟، خوفت شديد من التجربة السابقة لمن حكيت لمرام وبقتني سيرة على لسانها، فاختصرت الكلام كلو وقولت ليها بس انو انا اتزوجت وجبت ولد واتطلقت، قالت لي اسباب الطلاق شنو ؟!، قولت ليها قسمة وانقطعت!، قالت لي ايوا شكلك ما عايزة تتكلمي بس براحتك، غيرت الموضوع وقولت ليها جبتي اولاد، قالت لي اي الحمدلله عندي بت، قولت ليها ما شاء الله تبارك الله عايزين معاكم نسب بعدين، ضحكت وقالت لي طوالي انا لاقيه يزوني العسل!، ضحكت وقولت ليها يا حليلك ياخ يا ريم والله مشتاقة ليك واسفة انو حظرتك بالطريقة دي زمان، قالت لي ماف مشكلة!، بقينا نتكلم عن وجع الشفع والمشاغبة ،قولت ليها لو شوفتي مدرك ماشاء الله تبارك الله، قالت لي نفسي اشوفو سياف وراني ليهو صورة بس، قولت ليها امس ما كان جايبو ليك، قالت لي لا كان جايب لي ورق انا طلبتو منو عندي بحث مهم، قولت ليها ايوا خطر على بالي سؤال من باب الفضول، قولت ليها انتي قولتي سياف اختار حياة تانية معناتو خانك مع ام مدرك الحاليه صاح ،قالت لي..................
اللهم صل على محمد عدد ما ذكره الذاكرين وغفل عن ذكره الغافلين..❤