رواية اللعب على حبلين
الفصل الاول 1
بقلم مجنونة
أنا القانعة خطيبي إنو اهلي رافضين اي تواصل بينا لحدي ما يتم الزواج رسمي عشان كدا بتكلم معاه مرة في اليوم بسلم عليه بس و بقفل و معدية الليل و النهار كلام مع حبيبي الما عارف أنا مخطوبة و أصلاً أنا خاتهو إستثمار بس و اهلي مفتكرين إني بتكلم مع خطيبي على أساس فترة تعارف و كدا 🤭 لحدي ما في يوم ربنا قدر كشفي و مرضتا شديد لمن رقدتا مستشفى و خطيبي جانا هناك لقى أمي و اخوي الصغير عمرو 15 كدا قال لي سلامتك إن شاء الله اخوي الخفيف اللفيف قال ليه ما كلو منك أنت الليل كلو توسوس معاها لمن مرضت من كترت السهر في اللحظة ديك عما صمت مخيف في الغرفة و أنا نسيت كل وجع و نسيت أنا هنا لي و نسيت إسمي ذاتو حاولتا انقذ الموقف و أتكلم بس هو سبقني بي خطوة و قال ليه أنا ذاتي جاي اسوقا بعد دا عشان نوسوس في بيتنا و بي راحتنا 😂 أنا الهبلة افتكرتو ما فهم و بقيت اتبسم و اتكشم ذي العروس و زولك هناك واقعة ليهم لمن غلط قعد شوية كدا اتونس مع أمي و اخوي و كان بتحاشى الكلام معاي و حتى النظر في وشي لحدي ما قام من غير اي مقدمات و قال لي يا زينب جيبي التلفون أنا في اللحظة دي عملتا كدا 😳 و كدا 😱 و كدا ذاتو 🤮 جاني شلل رعاشي وفقدتا السمع و النطق و الإحساس كلو طقطق لي و قال لي مالك يابت ما قلتي دايرة يغيرو ليك بي غمزة كدا 😉 قلتا ليه اااا لالا مافي داعي خليه ساي 😅 قال لي معقول يا قلب أنا مُصر و هو يحلف و أنا احلف أمي قامت قرصتني و ادتني عين حارة نظام ادي ليه يا عبيطة و طبعاً لو خيروني بين المصيبة الهتحصل لو اديتو تلفوني و بين المصيبة الهتحصل لو ما اديتو تلفوني من امي يعني ها اختار الاولى طبعاً 😂 امي دي ما بقدر ليها إلا الله المهم فتحتا النمط و اديتو ليه و أنا يدي بترجف كلها و هو متعمد يعاين لي في عيوني و يبتسم بي خباثة 😏 نظام يقيس نبضي و فعلاً نجح المع،،،فن اديتو ليه إستاذن و طلع بعد طلع اخدتا لي بكية تمام لمن عيوني ورمو و سكتا ارجى الجاياني تاني يوم خرجوني من المستشفى و أنا نفسياتي صفر و عارفة أنو دا هدو ما قبل العاصفة و أنا راقدة في غرفتي كدا جات اختي الصغيرة و قالت لي العريس قاعد في الصالون قالو ليك تعالي