رواية اللعب على حبلين
الفصل الثاني 2
بقلم مجنونة
لمن جات اختي و قالت لي العريس في الصالون قالو ليك تعالي بي نطتا واحدة وقفتا قدام اختي و مسكتا من اكتافا و بقيت بهز فيها و بقول ليها عريس منو عريس منو يابت اتكلمي سريع لمن بكت لزتني وقالت لي عريسك إنتي يا مجنونة 😭 في اللحظة ديك رجليني ماتو و بقو ما شايليني إنبرشتا في الارض وختيت يديني فوق راسي وبهز جسمي و بقول الليلة يا زينب عملتيها في نفسك براك يا زينب الليلة وووووب علي اعمل شنو عاينتا لي اختي وقلتا ليها هو ذاتو القال لي اجي قالت لي لالا ابوي البناديك بلعتا ريقي و نطتا عيوني 😳 ابوي قاعد يعني قالت لي ااااي و من قبيل بتكلمو في موضوع و هسع قالو ليك تجي و أنا دموعي عشرة عشرة قلتا ليها امشي قولي ليهم نايمة ولا ميتا ولا اي حاجة المهم إتصرفي قالت لي هوي يا زينب أنتي عارفة ابوي دا كن قام لو ميتا بقول لي رجعي ليها الروح أنا ولا عندي بيك اي شغلة قلتا ليها اصلك منعولة مستحيل الزول يستفيد منك في كسر من الثانية شلتا رميتا برا و قفلتا الباب جريت نفس عميق و قلتا هوي يا زينب البتسوي بي إيدك بغلب اجاويدك و إنتي العملتي كدا في نفسك مافي وقت لي الندم لازم تشغلي بطيختك دي و تلقي حل شلتا سبابتي بنقر بيها على فاخورتي وقبل اجمع سمعتا ابوي بي نهرة بقول يابت يا زينب وقبل يعيدا لقاني واقفة قدامو و دا كلو في جزو من الثانية التوب دا جزو لبستو و جزو كاري في الارض و الوش وارم من البكى و الشعر واقف ذي بوخ الحلة و أنا ماشة تقول ماشة في موية المسافة دي بقت لي سفر ماشة و اتشهود لمن وصلتهم غالبني النطق عديل بالجلالة حتى قدرتا اقول نعم يا ابوي قال لي سلمي أول يا بليدة في دنقيرتي ديك قلتا السلام عليكم 🥺 قال لي وعليكم السلام ابوي قال لي صحي الكلام السمعتو دا يا زينب 😡 و أنا خلاص ما فضل فيني حيل و دموعي ديل كملو قلتا ليه دقيقة يا ابوي افهمك قال لي ما داير اعرف حاجة كتر خير احمد فهمني اي حاجة كفى و وفى عاينتا لي بي غيظ كدا لقيتو متكي في الكنبة بكل ثقة و بعاين لي في اللحظة ديك ما لقيت حل غير
ما لقيت حل قدامي غير إني امسك رجلين ابوي و اتباكى ليه يا أبوي عليك الله اعفي لي 😭 والله اخر مرة 😭 والله ما قصدي بعمل اي شي دايرو بس سامحني 😭😭
كسرة
(ابوي من نوع اهل البلد الصعبين ديلك الشنب حدو الكتف و العيون شرار على دوام الساعة بالمختصر القاهر النهار لو قال حاجة لو مستحيلة لازم تبقى بس ذي ما داير هو و لو رفع يدو و لصقا فيك اقنع من روحك سلاح حربي متكامل ما شاء الله عليه و أنا دي بالذات بخاف منو لاني اكتر واحدة مجربا دقو بس ياريت بعد دا لو بتوب بت حر.....ام خلاص بالرغم من إنو أمي شيخة و ماسكة درب الله صاح و أبوي زول دغري شديد لو لقى واحدة مع راجلا و لا اخوها في الشارع بشاكلا بنات الحلة بقولو ليه نظام عام 😂 بعد دا أنا ما قاعدة واطة و كل يوم واقعة في مصيبة جديدة متزكرة مرة كنت في اولى ثانوي اخوي لقى في شنطتي دفتر بكتب فيه خواطر حب و غرام جابو لي أبوي الساعة الابوي شدتا شنبو و جراني من شعري و ربطتني في شجرة المنقة يجلد يجلد لمن بتعب يمشي ينوم تاني تجيه صحية يجلد يجلد يمشي يصلي يسلم تاني يجي يجلد وحات أسم الله اليوم داك السمع الجلد يحلف يقول والدة بالحرام أسبوع أنا ما قادرة امشي المدرسة شدة جسمي ما وارم لكن اتوب أكيد لا بعد فترة وصلو ليه شمار و قالو ليه لقينا بنتك عاملة مكياج و شعرا برا 😂 الصواطين كتار جاب الموس و حلقني صلعة لكن اخر مرة دي جبتا كبيرة و قبضتني بتكلم بالتلفون مع ولد دي بالذات جاب السكين و داير يضبحني إلا أمي دستني جوا العوضة و قفلت الباب بي جوا واخوي جرا نادا اعمامي عشان يهدو هو ذي التور الهايج إلا يجيبو ليه رجال عشان يتمسك فعلاً الحلة كلها كسرت في بيتنا جلاليب بيض بس مسكو و هدو شوية واحد من اعمامي المصلطين ديل قال ليه بتك دي ما قاعدة في الواطة لو ما عرستا ليه بتجيب ليك كفوة قال ليه اخطبا لي ولدي احمد دا بقدر عليها وبلمها ليك لانو بعد عمايلا دي زول كدا برضى بيها ماف أبوي قال ليه موافق احسن من احمد ذاتو ما بلقى ليها و فعلاً تاني يوم جو خطبو رسمي و أنا من المغصة و الزعل قمتا شربتا سم و الناس ديل قامو و قعدو و دوني المستشفى بعد بقيت كويسة جاني احمد قال لي مالك إنتي ما دايرني النصيحة احمد دا سمح عديل و متعلم و مثقف ما نوعية ابوي دي 😂 بس أنا دايرة لي زول ذي الناس يوديني المدينة ولا برا البلد المهم جاء قال لي مالك إنت....يتبع