الفصل الثاني 2
بقلم رزان محمد
واحد ملاك بس ما نفس الشفتو كان قاعد مع ابوي .. دا واحد جميل جمال اللهم بارك عمره زي كم و٢٠ سنة لكن كان ماسك عصايا وشغال لي يا وتيني يا غاليتي الليلة اخيرا حلمنا اتحقق وبقيتي مرتي .. وانا مصدومة من الحاصل دا .. يا وتين مالك ما بتردي .. قلت ليه معليش بس انا اسمي رحيق وشكلك انت دخلت غلط .. قال لي ايوا معليش .. لكن ابوي هو دخلني هنا وقال لي مرتك جوا .. وأثناء ما نجن بنتكلم جاء ابوي ومعاهو الراجل الطيب اللاقيتهو يوم داك قال ليه يا محمد ولدي دا مرتك .. قال ليه لكن يا ابوي دي ما وتين ودا ما صوتها وقالت إنها اسمها رحيق .. علي ممكن تسوق مرت ولدنا برا وتشرح ليها وانا هنا حاشرح لمحمد الحاصل انا وابوي طلعنا ..
عند محمد وابوه عمر .. يا ابوي فهمني الحاصل شنو ويني وتين ودي منو .. ي محمد وتين رفضت تعرسك قالت مستحيل تعرس ليها واحد أعمى ودي بت علي صاحبي عمرها ١٢ سنة طلبناها من ابوها ووافقت .. انا لمن سمعت كلام ابوي دا حسيت قلبي داير اطلع من مكانو ودموعي ما قادرة تنزل من الكلام السمعته دا ..
عند رحيق وابوها .. يا بت دا راجلك ودا ابو راجلك تاني تحترميه وما يجو يشتكو لي منك بتكيك وبضبحك.. طيب يا ابوي حاضر .. وانا في راسي مية سؤال كيف ابوي قدر يرميني الرمية دي ويعرسني لي واحد أعمى دا.. لي ابوي قلبو حجر كدا 😭
طيب ي ابوي وينو الولد العرفتني عليه من الاول .. داك اخو راجلك وفي الاول جاء هو عشان اتقدم ليك بس رفض قال انك ما عجبتيه .. ودا اخوهو زوجناك ليه .. ديل ناس اغنياء وعندهم قروش كتيرة شديد وحتى كان أعمى يعني شنو اهم شي قروشهم ..
معقول ابوي طمعان بالقروش للدرجة دي لدرجة انه يبعيني وبكى ما قادرة ابكي لانو خايفاهو يجلدني بصوت العنج بس نزلت راسي وسكت ...
عند محمد وابوه :الخبر نزل علي زي الصاقعة طوالي طلعت من الكوفير ...
صلوا على النبي الحبيب 🤍