الفصل الثاني 2
بقلم ايمي سليمان
بتعمل ايه يافريد
بص فريد وتولين ناحية الصوت بصدمه
فريد بارتباك: بابا! انت ايه الل جابك... اقصد مش كان مفروض تيجى فى الليل
صلاح: نسيت ورق الصفقة الل هسلمه لعمك شريف... انتى جيتى هنا امتى ياتولين
تولين: ها.. انا انا كنت كنت جاية زيارة لاختى بس معرفش قافلة على نفسها الباب ومبتردش على حد انا خايفة ياخالو عليها اوى
صلاح بحدة: انت عملتلها حاجة يافريد انا مش قولتلك متقربش ناحيتها لحد ماتخف
رد فريد على الفور: والله يابابا ماجيت ناحيتها انا معرفش مالها
صلاح بحنية وهو بيخبط على باب اوضة آية: آية ياحبيبة خالو افتحى ياحبيبتى انا جيت
فتحت آية بخوف واترمت فى حضن خالها ودموعها نازلة
صلاح: ايه ياحبيبتي مالك حد زعلك الواد ده عملك حاجة
بصت آية لفريد وتولين بزع*ر وهيا بتسرجع صورتهم مع بعض قصاد عينها
لاحظ صلاح نظرات آية الل كانت مليانة خوف لفريد وتولين
شاورت آية عليهم الاتنين
صلاح بعدم فهم: اهدى يابنتى عايزة تقولى ايه مش فاهمك
تولين بتوتر: طب. طب انا همشى عن اذنك ياخالو
صلاح: استنى ياتولين عندك الظاهر انها عايزة تقول حاجة عليكى
تولين: عليا انا!
صلاح بحدة: عليكم انتم الاتنين
فريد: فى ايه يابابا انت بتكلمنا كدا ليه
صلاح: انا متأكد انكم مخبيين عنى حاجة عملتوا ايه فى المسكينة دى وانا مش موجود
فريد: والله يابابا ولا جينا ناحيتها وبعدين شكلها متوتر تعالى ياآية ياحبيبتي اوضتك
استخبت آية ورى صلاح بخوف
صلاح: متخافيش ياحبيبتي مش هيقرب ناحيتك
تولين: انا مضطرة امشى ياخالو
فريد: وانا كمان
فى الخارج
فريد: هنعمل ايه دلوقتي لو البت دى اعترفت علينا وقالت الل شافته
تولين بغضب: ماقولتلك نخلص منها وانت الل فشلت تعمل كدا
فريد: يعنى هو القت*ل هو الحل
تولين بسخرية: ده بدل ماننفضح قدام العيلة كلها بابى كمان لو عرف الل عملته هيدبح*نى
فريد: خلاص اهدى ياتولين انا عندى فكرة
فى غرفة آية
صلاح: انا عارف يابنتى انك مكنتيش موافقة على الجوازة دى بس صدقيني احنا عملنا كدا عشان مصلحتك ابنى فريد مش احسن واحد فى الدنيا بس طيب ويمكن مع الايام تقدروا تحبوا بعض
كانت آية بتهز راسها بنفى
صلاح: مش فاهمك يابنتى عايزة تقولى ايه؟
وقبل مايفهم قصدها كان تليفوته رن
صلاح: لحظة واحدة ياآية... ايوا ياشريف.... ايه بتقول ايه انا جاى حالا....
بص صلاح لاية وقال باستعجال: انا همشى ياآية فى مشكله كبيرة حصلت فى المصنع هكلم امك تيجى تقعد معاكى متخافيش
سابها ومشى
فريد: كويس بابا مشى يلا نلحق نخلص منها
طلعوا اوضة آية وبمجرد ماآية شافتهم اترعب*ت
مسكتها تولين وبدأت تضر*ب فيها بغ*ل
تولين وهيا بتصفع*ها: انتى اكتر واحدة بكرهها فى حياتى ياآية ومبسوطة انى هقتل*ك
حابة اقولك سر قبل ماتمو*تى انتى مش اختى وامك هيا السبب فى كل الل هيحصلك بس متخافيش انا هبعتلك امك قريب
بعدها مسكت المخدة وكتمت نفسها هيا وفريد لحد ماتأكدوا انها قطعت النفس بعدها شالها فريد وحطها فى العربية
تولين: هنعمل ايه دلوقتي
فريد: هنتخلص من الجثة
فى مكان مهجور
نزل فريد وهو شايل جثة آية
فحت وبعدها دفنها
قال وهو ببنفض ايده: بس خلصنا من عبئ كبير
تولين: مع السلامة ياآية