رواية من العتمة إلى قلبي الفصل السابع 7 بقلم ال زهراء
كنت عايز ادخل سمعت بتقول لتوتة جزاهو خيراً والله جاب لي التلفون النسيتو لحدي عندي بعد ما ساعدني قبيل، قالت ليها توتة هو بتعرفيه قالت ليها لا والله بس لاقيتو في الشارع واكان ما هو كان اغمى علي ، امة محمد بخيرها الحمد لله!، انا دخلت توتة قالت لي لاف كدة بجروحك فاتحة لي ،قولت ليها اطلعي برة عندي كلام مع عزة!، طلعت جييت وقعدت جنبها ،تلفونها اتصل طلع عبدالرحمن قلعتو منها ورديت قال ليها السلام عليكم شيخة عزة عساك بخير؟، كل التجهيزات اكتملت للندوة منتظرين تحددي اليوم ،قلعتو مني وقالت ليهو جزيت خيراً يا عبدالرحمن بس الفترة دي ما بقدر بشوف شيخة عرفة إن شاء الله بتحل مكاني!، قال ليها تمام وقفل، اتنهدت وقالت لي مبالغة لكن! ليه ترد على مكالماتي!، ما عبرتها وقولت ليها جيبي الشاش ونضفي جروحي! قالت لي نضف براك! ،قولت ليها عزة انا بأمر فيك ما بحسنك، قومي!، قامت وما عارف ليه سمعت الكلام من اول مرة! جابت لي شاش ومعقم قربت شديد وبقت تنضف بقوة! لمن حسيت انو حا تقلع جلدي! ،قالت لي لو حار قول، قولت ليها لا تابعي!، عاينت جوة عيوني! وقالت لي وكدة!، قولت ليها ما حاس بحاجة!، صغرت عيونها وقالت لي وكدة يا مروان، قولت ليها ما حاس برضو!، قالت لي معقول!، ضحكت بخبث وقولت ليها اي! زحت،وبقت بعيييدة وصارة وشها، قولت ليها مش مفروض تشكريني عشان ما سالتك؟؟، عاينت لي وقالت انت ما سالتني عشان بس ما بتقدر هنا تعمل لي حاجة ، قربت وقولت ليها اعرفي انو في اي مكان ممكن ااذاك!، ملامح وشها اتغيرت بس طوالي رجعت طبيعية وقالت لي ما تهدد!، مسكت شعرها بقوة وقولت ليها بهددك و لو تاني دخلتي اهلي في قصصنا ما حا تسلمي مني!، قالت لي فك لي شعري!، براي مصدعة! ،قولت ليها رأيك شنو اريحك منو مرة واحدة!، فتحت الدرج وجبت المقص وقولت ليها يلا يا حلوة اتعاوني معاي!، قامت وكان عايز تجر مني مسكت يدها!!! وقولت ليها تعالي بدون مقاومة!، عاينت لي وقالت لي بقول لي فكني!، جريتها علي وختيت المقص في شعرها! قولت ليها صداعك اسي بروح!، قالت لي لا عليك الله!!!، قولت ليها تاني بتعلي صوتك وتشتكي لأهلي !، قالت لي لااا، قولت ليها حا تعتذري مني، قالت لي في أحلامك!، عرفتها ما بتتنازل عن الاعتذار اسي ،قررت افكها بعد مشادات منها!، رقدت وقولت ليها عايز انوم ما تزعجيييني! ولمن اصحى ما القاك اختفيتي وعايزك تكوني جهزتي العشاء!!!.
صحيييت لقيتها قاعدة وبتسبح!، عاينت لقميصي لقيتو فيهو شعر قولت جاء من وين؟؟؟، عاينت ليها لقيتها بتضحك عرفت انو عملت حاجة شلت المراية ووعاينت لنفسي وغصبت لمن عرفت انو قصت شعري يلي مربيه لي سنين وما حصل قصيتو ،هي طوالي قربت للباب بعدها وقالت لي شوفت كيف يادوب بقيييت تنطاق عامل شعرك المن زمن التسعينات داك ،قولت ليها والله ما اخليييك انا الليله حا احلق ليك صلعة! ،قالت لي لو قبضتني احلق!، جرت مني وانا جريت وراها قربت امسكها بس هي من شدة الخلعة فقدت توازن ووقعت من الدرج وفقدت وعيها! ،جيت عليها بالرغم من اني كنت حاقد عليها بس قولت لو ماتت اعذبها كيف!، شلتها ومشيت بيها الغرفة!، ضربتها في خدها عشان تصحصح!، فتحت عيونها وقالت لي وااااي راسي! حاساهو عايز ينفجر ورجلي كمان واجعاني!، قربت وقولت ليها عشان ما يتفجر رأيك شنو احلق ليك صلعة! ،عملت نفسها مغمى عليها!، قومتها وقولت ليها عزة ما تعملي نفسك مغمى عليك وقعت براسها في صدري وعرفت انو ما اتصنعت الحاجة دي!، بقيت شغال ليها عزة اصحي، ما كان في اي ردة فعل!، بقيييت احاول اصحي بيها لمن صحت! قولت ليها انتي كويسة؟؟!، قالت لي راسي يا مروان، قولت ليها دة من أثر الضربة ما بكون اتكسر انتي راسك دة قوي وما بتجيهو حاجة!، قالت لي بتصدق ما قادرة اضحك وبعدين انا ليه مقربة منك كدة، زحت وقالت لي اوعى تستغلني، قولت ليها لا انا فاضي لدرجة اعاين لواحدة زيك وكمان استغلها ،قالت لي الحمد لله رب العالمين عليك الله استمر كدة!،اديني مسكن معاك ،ما اشتغلت بيها وقومت عشان اتصل بريان عشان اتونس معاهاوالفجوة البقت بينا تزح!، وبهناك دي قامت وماشة نجيب موية وكانت عايزة تقع!!، ثبتها وقولت ليها ما ناقصني ابتلاءبيك، اقعدي وانا بجيب ليك زفت المسكن دة وبجيب ليك موية ،رقدت جبت ليها المسكن بلعتو، قولت ليها انخمدي نومي!!!، اتحسست راسها بوراء وتاني رقدت!! والظاهر عليها كانت مقلقة! جيت ولمست مكان الضربة ولقيتها وارمة وكمان في اثر دم ! ،قولت ليها ليه ما قولتي في ورم، قالت لي حا تعمل لي شنو غير تضحك!، ما رديت ليها!، وطلعت اتكلمت مع ريان وقررت اقابلها!!، مشيت استحميت وعاينت لشعري وقولت حا اوريها بس ما اسي!، قولت ليها انا حا اديك اجازة كم يوم من الضرب! لاني عندي أمور عايز احلها، طلعت امي من ما شافتني قالت لي وبقى تبتسم وقالت لي قررت تبقى زول وتخلي تربية شعرك وتحلقو ،قربت وقولت ليها انا احلق زي دة!!! انا!! شوفي حتة فيها وحتة ما فيها، قالت لي منو طيب!، قولت ليها منو غيرها، قالت لي اجي منو هو انت بتتسال، قولت ليها عزة!، ضحكت بصوت عالي وممكن اول مرة اسمع انو تضحك بالشكل دة!،هبشت راسي وقالت الحمدلله انو في زول قدر عليك! امشي ظبطتو وبتبقى اوجه زول! ،لبست الكاب وطوالي مشيت الصالون عشان ما اتفضح، قال لي عمار شنو المفاجأة دي اخر مرة شوفت قبل 15 سنة لمن ابوك جبرك تجي! ، طلعت الكاب بدون ما ارد ليهو، ضحك وقال لي منو العمل فيك كدة!؟ عاينت ليهو وقولت في نفسي لو قولت مرتي حا ابقي مهزلة بين الرجال، قولت ليهو دة انا قررت احلق بس المكنة فجاءة شالت جزو من شعري!، شكلها عطلانة! ورح ظبط لي البتاع دة!، ظبطتو ووعاينت لشكلي انا طولت شديد من شكلي دة! قولت ليهو ياعمك ما قصرت انت مكنة والله!!!، دفعت ليهو القروش ومشيت لريان كانت قاعدة في كافي وحزينة!، عاينت لي وقالت لي مروان قصيت شعرك!!!!!،وضحكت، قولت ليها شوفتي قولت افرفش عليك شوية، قالت لي ما شايف نفسك منظرك كيف بقى!، قولت ليها غريب بس ما شنيت صاح!، عاينت لي وقالت والله زد وجاهه، إبتسمت ،قولت ليها اها شكلك هديتي من ضحك ومجاملتك لي دي ، حدرت لي وقالت لي أهدأ كيف وانت بقييت متزوج ولا كمان لابس دبله ولا مصدق!، قولت ليها الدبله دي شكليات بس!، قالت لي في كان طرق تانية غير العرس يا مروان ما معقول تتزوج بس عشان تتنقم، قولت ليها انا زواجي دة عشان اخليها محبوسة وتحت سيطرتي! وما بعني لي اي حاجة!، قالت لي ولو في يوم حبيتها ،ضحكت وقولت ليها احب ليها شنو ام راس ناشف!، انا بس داير اكسر غرورها! واخليها تندم على اليوم العرفتني فيهو!، قالت لي اتزوجني عشان تثبت مدى صدقك! ،قولت ليها بوعدك اني بتزوجك بس اديني فترة!!! احل مشاكلي، قالت لي بدييك اسبوع بس وقرر ساعتها! ،قولت ليها انا باقي عليك وانتي عارفة انو عايز اقضي طول عمري معاك والبت الاسمها عزة مجرد تسليه وتضيع لوقتي!،طلعت ليها خاتم وقولت ليها البسي دا يا حبيبتي! واعتبريه وعد مني،فرحت وقربت تحضني بس قالت لي نسيت اني منقبة!، ضحكت وقولت ليها خاربة الدينا وعاملة نفسك شيخة!، قالت لي أهلي اعمل ليهم شنو؟؟! ياخ الزول لو بس ولد واتربى بدون اهل ما كان احسن!، مقيييدين بصورة فظييعة شديد!!!، ضحكت وقولت ليها جبروك!!، رجعت بالكرسي وقالت لي يجبرو منو!!! انا بس عايزاهم يسكتو مني عشان هم برة السودان عاملين خايفين علي ما تلبسي كدة ما تطلعي في وقت متأخر ما تمشي براك لحتة ما بتعرفيها!!، انا عمري كم عشان يعاملوني زي الشافعة وريني... وبالسبب دة قررت انتقب واعمل فيها ملتزمة وكدة شوية بوقفو مني!!، قال لي الاهل كلهم كدة بسس طنشيهم! ،وشوفتي لمن تتزوجيني اتبري منهم لو عايزة!، ضحكت وقال لي ينفع كدة دي امي حا تجيها جلطة! ،قولت ليها يسالوك باي حق انتي زولة كبيرة ،جاني اتصال من هديل قالت لي ماشة لحفلة...، قولت ليها ماف ليك مشية! ولو مشيتي بقطع رجولك الاتنين! ،قفلت عاينت لي وقالت لي بحس بيك ابجيقة ابجيقة بامورك مع اخواتك ديل ،قولت ليها ديل ما بتادبن الا كدة، قالت لي في يوم حا تعمل لي زي ما بتعمل ليهن!، قولت ليها لااا، قالت لي ليه لكن!، قولت ليها دي حياتك وانتي حرة!، قالت لي انتي ما معتبرني زي اخواتك مهمة ولا شنو!، قولت ليها لاااا بس انتي موش بتحبي انك ما تكوني مقيدة!، قالت لي وجهة نظر برضو!، قومت وقولت ليها بنتلاقى بعدين جدعت ليها مفتاح شقتي وطلعت.
مشيت المكتب الهندسي بتاعي الفتحو لي ابوي لقيت المهندسين زهجانينن، قولت لي متوكل في شنو ؟!، قال لي الرواتب ما اندفعت وكل الناس زهجو وفي مشاريع متوقفة واسي ناسها طالبو بتعويض ،قولت ليهو أيمن وين! ؟،قال لي جوة مشيت ليهو وقولت ليهو أيمن انا ما امنتك على الشغل!، قام وضرب الملفات بالطربيزة وقال ليهو هو انا براي بقدر اعمل حاجة! وانت ما بترد علي!، المكتب سمعتو زي الزفت!، والزبائن من المشاريع الواقفة بقو ما بصدقو بي وكمان عايزين تعويض!!!، مسك ياقة قميصو وقولت ليهو َوالله لو ما انت ود صاحب ابوي كنت قتلتك وارتحت منك!، غالبك تحل المشاكل الهنا، بعدني وقال لي لو انت جيت واستلمت مكانك وبطلت فارغتك كان اي شي اتحل! انا اتصلت بابوك وجاي عشان يشوف المشاكل دي! واعرف انو انا لو عمو ما كنت فكرت في يوم اني اشتغل معاك!، طلع الملفات وجدعن في وشي وقال لي ديل التعويضات الطالبو بيهن الناس اعرف حلهن بدل بس بتعرف للمشاكل!، جدعتهن في الأرض وما اشتغلت بيهن وطلعت بدون ما اتكلم معاه ابوي صادفني وقال لي بغصب اتحرك معاي نشوف حل للمصايب العملتها، دخلت معاه جوة إيمن كلمو! ،جاني وضربني كم كف قدامو وقال لي المكتب دة بقفلو منك!، ومرتك مسؤوليتي اعرف عيش نفسك! اتخارج!، قولت ليهو تصدق كلام إيمن وما تصدق بولدك!، قال لي لو ولدي ما قدر الثقة اثق بيهو كيف!؟ اطلع انا عايز اتناقش مع ايمن.
طلعت ومشيييت وانا معصب قعدت كم يوم في شقتي وكم يوم مع زياد بعد ما صالحتو وكانو كلهم بطعمجو وبتريقو على قصة شعري، وعلاقتي مع ريان بدت ترجع وتاليا علاقتي معاها ما أتقدمت، عشان انا بس كنت مع ريان وكنت عايز اراضيها!.
كنت ما بتصل بعزة ولا كنت عايز اعرف أخبارها لانو ما طايقها وحاس انو هي سبب كل مشاكلي.
جاتني رسالة من امي كان مكتوب فيها انا سكت ليك كل الايام الفاتت عشان عارفة مشاكلك مع ابوك بس الليله جايين لينا عماتك وعايزاك تظهر مع مرتك والا لسانهن الطويل دة ما بسلم منو بتعرفهن انت،ريان الكانت بتحضر في فيلم وخاتها راسها في كتفي قالت لي مالك مركز مع التلفون؟!، قولت ليها عندي مشوار شوية وجاي!، قالت لي وين؟!، قولت ليها البيت!، قالت لي ليه قولت ليها بحكي ليك بعدين!.
رجعت البيت ومشيت لبست جلابية! ،امي قالت لي شوف عزة جهزت معاها توتة! ،قولت ليها موش عبايتها دي بتكون لبستها!، قالت لي يا ولد امشي شوف مرتك كلامي واضح!، مشييت ودخلت من دون أدق الباب كانت متلفتة وشكلها قايلاني توتة لأنها قالت التوب دة ما رضيان يتثبت! اعمل شنو؟!، وكانو المكيب دة تقيل ومتاكدة انو ماف رجال اكشف وشي عادي!!، اتلفت سريع وقالت تو...، وسكتت لمن شافتني انا ،بقيت اعاين ليها ومنبهر فيها!، كانت مكياجها البسيط مع خضرتها الناعمة عاكس جمالها! ،والتوب زاد الجمال دة!، وكمان عاملة حنة وراسمة!!، قربت وقالت لي اووو السيد مروان ياخ اتذكرتنا كيف ؟؟!، انا قولت حا ارتاح منك بالكتييير شهر!، قولت ليهاوانا قولت انو الوقعة ممكن تكون قتلتك وكنت منتظر خبر وفاتك! بعد درامتك دي ،قالت لي ما تخاف انا كويسة جدا والحمد لله ربنا كتب لي عمر جديد!.
قعدت وقولت ليها التمثيلة دي لشنو حنة ورسم وبتاع! ،قالت لي تصدق ما كنت عايزة بس خالتو اجبرتني!، وما قدرت اكسفها!، المهم نجي للمهم ،قولت ليها المهم شنو؟؟!، قالت لي عايزة رقم حساب عايزة أحول ليك مليارين!، من قروشك!، قولت ليها من وين القروش ديل!؟، قالت لي ما خصك! قريباً جداً حا اتخلص منك ومن الزواج دة!، قولت في نفسي عندها سر كبير ولازم اعرفو ،قولت ليها لو بقيتي حية للوقت داك اتخلصي!، عاينت لي بنظرة ثابتة ومشت ولا على بالها!، جات توتة وثبتت التوب وقالت لي عماتي جن، قالت ليها ما معاهن رجال، قالت لي ما تخافي براهن!، قولت ليها دا هو الرجال لو شافوك بجرو منك!، ما عارف ليه الإصرار دة! ،قالت ليها توتة ما تشتغلي بيه دة متخلف وما حا يفهم!!، جريتها من يدها وقولت ليها ورانا ضيوف صاح!، مشينا عماتي عاينن ساي وامي كانت ماف شكلها في المطبخ مع توتة وهديل كانت قاعدة ! وتاني واحدة قالت لي العرس كان مستعجل ما قدرن نجي! ،قولت ليها امها عيانة وكانت عايزة تشوفها متزوجة! ،قالت لي خاطبها من زمان، قولت ليها ايوا!، قالت لي لشنو نحن ما عارفين ،قولت ليها انا ما متواصل مع أي زول فيكم داك اخوك امشي اساليهو السؤال دة!، عمتي قالت لي اصلك قليل ادب وما مربي من يومك!، غلطانين نحن الجينا!، قولت ليها انت جيتن لينا يعني ما جيتن عشان تعرفن الحاصل ،وتلمن قروش من ابوي وتتخارجن!، عزة مسكت يدها بقوة وقالت لي مروان عيب!، نفضت يدها من يدي وقولت ليها ما تتحشري!، قالت لي كدة غلط لكن ديل عماتك وما قالن ليك كدة الا عتاب!، وما قصدهن حاجة!، قولت ليها ما تخلينييي اقوم عليك!، قالت لي مروان احترم نفسك على الاقل قدام الناس الكبار!، ضربتها كف ومسكت حنكها بقوة ! وقولت ليها ولا كلمة!!!، عمتي دي استغفرت وقالت لي عمتي التانية ما قولت ليك الولد دة مجنون ومدمن، الله يعيين اخوي! ومرتو!!، عزة دنقرت راسها وقولت خلاص دي هي اللحظة الكنت منتظرها! بس فجاءتني بأنها...................