رواية اللعب على حبلين
الفصل السادس 6
بقلم مجنونة
و من حظي السيئ دخلوني مع نفس البنات الاتشاكلتا معاهم في العربية في البداية كانو بحاولو يستفزوني بالكلام عشان اردا ليهم لمن لقوني ما شغالة بيهم قامت واحدة جات وقفت قدامي و جرتني بكل قوتا رمتني في الارض وقالت لي دايرة اقعد هنا عندك إعتراض دايرة اقوام عشان اقعد في محل تاني قامت مدت رجلها عترت لي لمن تاني وقعتا و المرة دي ضربتا راسي لمن نزف قمتا و مسكتا من شعرها وبقيت ادق فيها دق غبينا بس لي الأسف الكثرا تغلب الشجاعة هم ثلاثة نسوان كبار و مانعات و أنا بنت واحدة عمري يادوب 18 سنة إتلمو فيني الثلاثة ضرب ما كنت حاسة بي وجع في جسمي قدر الوجع الحاسة بيه في قلبي كنت مكسورة شديد و مخنوقة في البداية كنت بدافع عن نفسي بس وقفتا وخليتهم يضربوني لمن اغمى علي فتحتا عيوني وأنا في المستشفى مركبين لي درب وراسي ملفوف بي شاش جسمي كان تقيل شديد بالجلالة حتى قدرتا احرك ليساني أول كلمة قلتا أنا وين كان في مراة لابسة ملابس شرطة قاعدة في كرسي قدامي قالت لي هتكوني وين يعني في الجنة مثلاً أكيد بعد التف الاتفيتي دا ما بجبوك مكان غير المستشفى بقيت ببكي بي حرقة و بقول لي بحصل فيني كدا يارب أنا تعبتا والله 😭 يارب اغفر لي و سامحني 😭 يارب ساعدتني في مصيبتي دي والله أنا ندمانة 😭 المرة حنت علي وجات قعدت في السرير جنبي قالت لي مالك يابتي احكي لي ممكن اقدر اساعدك قلتا ليها احكي ليك شنو يا خالة إتخيلي بس إنو بنت عمرها لسا ما وصل ال18 سرقت ابوها و امها و هربت من البيت عشان ما تتزوج ولد عمها المغصوبة عليه و جات عشان تتزوج الإنسان البتحبو سرق قروشها و هرب وبقت لا بتقدر تقعد في محل ما بتعرفو ولا بتقدر ترجع البلد عشان اهلا بقتلوها و بعد دا دخلت السجن في دعارة 😭 تاني امشي وين أنا سمعتي اتوسخت بكل الاشكال المرة لمن دموعها سالو وقالت لا حولا و لا قوة إلا بالله العلي العظيم دا كلو فوقك و الله قلبي وجعني عليك صاح إنتي غلطتي بس كلنا بنغلط و المهم إنك عرفتي نتيجة غلطك المهم هسع ناوية تعملي شنو ؟ قلتا ليها ما عارفة والله 😔 قالت لي أول حاجة اعمليها إتصلي لي زول يجي يسوقك و بعدين كلو بتحلا قلتا ليها لكن أنا ما عندي زول 🥺 فكرتا شوية قلتا ليها ولا اقول ليك ممكن اتصل لي احمد قالت لي أحمد دا منو ؟ قلتا ليها ولد عمي القلتو ليك المهم ادتني تلفونا اتصلتا ليه ومن قال الو مرحب دموعي بدو يسيلو وما قدرتا اواصل قمتا قفلتا الخط اظنو عرفني قام تاني رجع اول مارديت بس رديت المرة التانية المرة دي طوالي قال لي زينب ؟ بي صوت مبحوح و تعبان قلتا ليه أي بقى بنبز بي اكعب الالفاظ ما خلا لي شي قال لي يا عا.هرة لو لقيتك ها اقتلك و إنتي كلبه ما بتستاهلي الثقة و ابوك بي سببك جاتو جلطة وأنا بصل ليك و الله ما برحمك و كلام اكعب من طعن السكين قفلتا الخط و بقيت ابكي بكل قوتي جاني انهيار عصبي ببكي و اصرخ واكسر الحاجات إلا جاء الحرس مسكني والممرضة ادتني حقنة مهدئ و نمتا صحيت بعد كم ساعة لكن ما كنت زينب خالص كنت جثة هامدة كدا في اقلا من 24 ساعة حياتي كلها إتغيرت و إتحولت إلا جحيم لو اتزوجتا أحمد بس ما كان حصل معاي كدا كنت تعبانة شديد نفسياً و جسدياً تحت عيوني هالات سود البشوفني بخلف يقول شايلة هم الدنيا كلو و هو كذالك المهم جاتني المرة ديك وقالت لي يا زينب إستهدي بالله كدي و ختي الرحمان في قلبك و مافي مشكلة و ماليها حل قلتا ليها إلا مشكلتي حلها موتي بس قالت لي لا يا زينب استغفري ربك الاعمار بيد الله وحده واكيد في حكمة ربانية ورا الموضوع دا نحن اصغر من ما نفهما فا ما تشككي في قدرة ربنا كلامها دا ريحني شديد و حسيت إنو في أمل حتى لو بنسبة واحدة في الميئة إنو مشكلتي دي تتحلا قالت لي الدكتور قال إنك تحسنتي وبتقدري تطلعي قلتا ليها لكن امشي وين أنا ما عندي مكان امشيهو و لو قعدتا في الشارع تاني بتمسكوني قالت لي لا عندك مكان تمشيهو يا زينب قلتا ليها وين 😳 ؟ قالت لي ارح معاي و بفهك كل شي في الطريق فعلاً طلعنا لقينا في عربية منتظرانا برا ما باين عليها عربية شرطة على العكس هي عربية شخصية لمن وقفنا جنبها المرة فتحت لي الباب الورا وقالت لي إتفضلي بقيت اعاين ليها بي إستغراب 🤨 قالت لي اثقي فيني والله ما بتجيك عوجة قلتا ليها خير و ركبتا بس هي ما ركبتا قفلت الباب ورفعت يدها لي السايق نظام مع السلامة و مشت أنا خفتا شديد و حسيت إنو في كمين في الموضوع حاولتا افتح الباب بس ما فتح لي لحدي ما
زينة : يعني يا أمي خلاص تاني ما هنشوف زينب؟😭
فاضل: الزِينة اوعك تجيبي سيرة المخلوقة دي في البيت دا تاني 😡 ما كفاية المصايب الجاتنا من وراها لسا بتحني عليها؟
فاطمة: كيفن ما تحن يا ولدي؟ مهما عملت و مهما غلطت دي بتي و من لحمي ما بقدر اكرها
فاضل: بتك دي لو لميت فيها بضبحا ليك سوووت بسببها ابوي إتشلا و الحلة كلها بتنضم بينا بقتنا فضيحة تقولي لي لحم و دم بتك دي دا طرفي منها ومن اللحظة دي أنا عندي اخت واحدة و هي الزينة بس و تاني اسمع اسم زينب دا في خشم زول ما هايحصل خير 😡
ناس البيت السلام عليكم
فاطمة : و عليكم السلام حبابك يا أحمد إتفضل لي جوا
أحمد: اها كيفكم و عمي دا بقى كيف؟
فاطمة: ياهو في حالو يا ولدي لا بياكل لا بيشرب راقد بس هسع الفاضل ماشي عليه في ا المستشفى يودي ليه أكل بس إن شاء الله يرضى يأكل
أحمد: ربنا يسهل يا خالتي خلاص أنا النلحق الفاضل نمشي معاهو و دعتكم الله
فاطمة: مع السلامة
#في_المستشفى
أحمد: اها يا عمي كيفك الليلة ؟
موسى: الحمدلله عايش لسا
الفاضل: يا أبوي ما تعمل كدا في نفسك والله ما بتستحق الكلبة دي
موسى: كن عليها خلي تموت بس يا ولدي دي شالت قروش ناس ارجعها من وين لو قالو دايرنا بكرا الخبر بصلهم و بجوني مطالبين بي حقهم اجيبو ليهم من وين أنا انتهيت خلاص 😭
الفاضل طلع من الغرفة ببكي بعد ما شاف دموع ابوه موسى إتلفت لي احمد وقال ليه بي صوت ممروض بت الحرا..م دي دقت ليك قال ليه لا ياعمي قال ليه والله يا أحمد كن إتواصلتا معاها و ما علمتني ما بعفي ليك لا في دنيا ولا أخرى أنا اديتك حرية التصرف فيها البنت دي دايرها حية او ميتا لو ما شربتا من دمها اصلو ما برتاح 😡
أحمد: إستهداء بالله يا عمي خليك من دا كلو اهما شي صحتك هسع
موسى : صحة فضل فيها صحة هي ياهو إتشليت و جلستا تاني بقيت ذي الدقل ما مني اي فايدة 😭
أحمد: ما تقول كدا يا عمي بتبقى كويس والله باكر نوديك المدينة و الجلسات الفيزيائية بتتحسن إن شاء الله 😭
موسى: ماعارف لو بتحسن او لا بس كن فضل فيني حيل لي يوم واحد داير اقتل بيه المغضوبة دي و كن متا خليتا ليك أنت و الفاضل
#في_المدينة
اهدي يا زينب ما تخافي
: أنت منو ؟ و داير مني شنو ؟ لو كنت فاكرني بنت البنات التفاهات الامس ديل فا أنت غلطان أنا بنت رجال و محترمة 🥺
: أنا عارفك بنت رجال و محترمة عشان كدا أنتي معاي حالياً لانو الاقسام و الشوارع ما شبهك بس خلي عندك فيني ثقة و إن شاء الله ما بخزلك
: ما بتخزلني 😂 أنا البعرفهم صحي صحي خزلوني أنت منو عشان ما تخزلني و بعدين بتعرفني من وين ؟ عليك الله خليني في حالي اقسم بالله ما ناقصة هم فوق همي افتح لي الباب و خليني اتيسر
: بس أنا داير اساعدك
: و المقابل شنو ؟
: منو القال ليك داير مقابل؟
: لانو مافي زول بخدم زول من غير مقابل
: طيب رايك شنو إنو أنا ها خدمك و ما داير منك اي مقابل بس لله كدا تاني في حاجة ؟
: امممممم تمام موافقة أصلاً ما عندي خيار تاني
: تمام بس عندي شرط
: اها بدينا خلاص 😒
: يابت إنتي هبلة شرطي إنو تديني الثقة الكاملة و ما تسالي عن اي شي واضح
: طيب خير
: يلا ارح على بيتي
: شنو 😳😳😳 ؟