رواية اللعب على حبلين
الفصل السابع 7
بقلم مجنونة
بعد صمت دام لي لحظات
: إسمك منو ؟
:وليد
: شغال شنو ؟
:ضابط
: طيب بتعرفني من وين ؟
:اوف ياخ إنتي بتتكلمي كتير موش قلتا ليك ما تسألي عن شي يلا انزلي 😡
: ما قلتا داير تساعدتني 🥺 و هسع داير ترميني في الشارع كدا 😔 كلكم كذابين 😭
: زينب إنتي حياتك كلها دراما كدا ما معقول والله 😂 انزلي وصلنا البيت
:😅 😅
:و بعدين لو سمحتي تاني ما تقارنيني بي زول أنا مختلف عن الجميع قال جملتو دي ونزل من العربية مشى خطوات و إتلفت علي نظام ما نازلة 🤨 وأنا ذي الهبلة نزلتا وجري نزلتا بقيت ماشة وراه بالخطوة دخلنا عمارة كدا طويلة و فخمة كدا و وقفنا قدام باب حديد طبز ليه حاجة في الحيطة ما عارفها لمبة ولاشنو الباب فتح ما قدرتا افهم دا دولاب ولا حمام غرفة كدا ضيقة شديد دخل وقال لي ادخلي قلتا ليه وين ؟ قال لي إنتي اي شي إلا تسألي منو أنا زول اخلاقو ضيقة على فكرة ما تخليني اعصب 😡 تعالي ادخلي قلتا ليك عيوني شالو دموعي وقلتا ليه كيف ندخل في المكان دا 🥺 و برانا كمان بحركة غير متوقعة قام جراني على جوا لمن صرختا و تاني طبز ليه حاجة الباب قفل والعوضة ولا القفص داك بقى بطلع وأنا بقيت اصرخ بكل قوتي وابكي 😭 وااااااي يا امي أنا بدور انزل دا شنو دا وقت وليد مسك لي خشمي بي يدو بس برضو بصرخ وانطنط لمن عفصتو في رجلو عصب شديد 😡 وضرب بي يدو على الدواسة ديك وقال لي اطلعي يافقر اطلعي قبل يتم جملتو لقاني واقفة برا كنت قايلة نفسي في السماء بس طلعنا لسا في الأرض بس الغريبة بقينا في محل تاني ما نفس المحل الدخلنا منو بقيت بلف حول نفسي مستغربة دايرة افهم حاجة بس وليد تعصيبو كلو راح وبقى بضحك فيني اتحرك وقال لي ارح قلتا ليه ارح وين ؟ و الدهية الركبنا دا شنو ؟ و أنت بتضحك مالك ؟ جرا لي نور 😒 طوالي سكتا قلتا ليه بتكلم كتير صاح ؟ طيب اخر سؤال نحن ماشين في السلم دا لينا الساعة قدينا السماء عديل بنصل متين أنا تعبتا ياااااخ 😣😩😫😓 قال لي اوووووف اوف يا زينب اوف طلعنا على الاصنصير ما عجبك طلعنا السلم ما عاجبك اعمل ليك شنو أنا اشيلك يعني ؟ قلتا ليه ااااي قام اتلفت علي وقال لي اقيفي خلاص و الزول جادي حاول يشيلني قمتا جارية قلتا ليه إنت مجنون 😒 قال لي اي شي عشان تسكتي المهم و اخيرا وصلنا لي بيتو وقفنا قدام باب كدا المرة دي خشب و طبز ليه برضو حاجة في الحيطة قلتا ليه اسمع يا وليد المرة دي كن انوم في الحراسة ما بطلع في المصيبة دي وأنا كلمتك دايرة امشي قام مسكني وجراني وقفتا جنبو تاني داس على الدواسة ودقا الباب قام فتحتو مرا كبيرة كدا قال ليه نمتو ولا شنو يا أمي قالت ليه لالا كنت بنوم في البنيات و المرة بتتكلم و بتعاين لي مستغربة قال ليها مافي إتفضلو ياحجة ؟ حتى يادوب انتبهت اننا واقفين لسا قالت ليه معقولة يا ولدي دا بيتك 😅 المهم استضافتنا في هول. كدا وجابت لينا موية وجات قعدت وليد قال ليها يا أمي دي زينب هتكون ضيفتنا لي كم يوم المرة نظرت لي نظرة كدا ما مفهومة حقت حقارة ولا شنو بس سكتت و قالت خير وقف على طولو وقال ليها أنا تعبان والله داير اشوف البنات و ماشي انوم في الشقة التانية خلي زينب تنوم في غرفتي قالت ليه دقيقة اختا ليك حاجة تاكلا قال ليه أنا ما جيعان اكلتا في المكتب بس ختي لي زينب ما أكلت من الصباح و لو لقيتي ليها حاجة تلبسا ما بتكوني قصرتي امو ما ردت طوالي قامت مشت بس ظاهر إنها ما رضيانة أما هو قام و دخل غرفة كدا و أنا بقيت ذي مروحة التربيزة اتلفت يمين و شمال لمن شفتهم طولو و مافي زول جاء فترتا من القاعد لقيت في حيطة كدا معلقة فيها صور كتيرة قمتا اشوف فيهم بنزل و اشوف في منهم صور لي وليد زمن التخريج و صور لي بنات صغار و حلوات كدا معاهو اظنهم بناتو ومن بين الصور ديل كان في صور عروس كدا عجبتني بقيت بطلع في الصورة من القزازة الفيها عشان اشوفا سمح جات ام وليد بي وراي نهرتني إنتي بتعملي في شنو 😡 لمن اتخلعتا و الصورة وقعت و إتكسرت في اللحظة ديك المرة قربت تموت وشها حمر شديد حسيت إنها هتقتلني بقت تصرخ وبتقول لي يا حيوانة عملتي شنو 😡 الوداك تحبشيها شنو مالك و مالهم الصور ديل معلقات هنا بي عمرك مافي زول حبشهم لسا ما تميتي ساعة وكسرتي لي بيتي دي شنو المصيبة دي 😡 طبعاً بي اعلى صوتا لمن وليد سمع وجاء طالع قال ليها في شنو يا أمي ؟ قالت ليه من دي البنت الما بتخجل دي عاين جرائتا كسرت شنو 😭 المرة فجأة قعدت تبكي لمن جاها هبوط وليد مسكا و دخل بيها غرفة تانية وأنا لسا متخشبة في مكاني من نفس الغرفة الطلع منها وليد كان في بنت في عمر 5 سنين كدا وقفة بتعاين لي و الباب متاكة لمن شافتني عاينتا ليه قامت قفلت الباب قلتا في سري دا شنو البيت الكلو مجانين دا ؟ نزلتا الم القزاز المكسور أثناء ما بلم فيه جرحتا يدي وبقت تنزف شديد فتشتا شي اوقف بيه النزيف ما لقيت فا شلتا طرف الستارة لفيت بيها يدي لمن الدم وقف 😂 يا جماعة ما تضحكو أنا بنت ريف و الهمجية دي حاجة عادية بالنسبة لي بعد النزيف وقف قعدتا في الكنبة ذي الما عملتا شي بعد شوية جاء وليد قال لي ارح قلتا ليه وين قال لي الشقة التانية انتي لو قعدتي هنا هتعملي مصيبة تانية و أمي عندها ضعط هتقتليها المهم وداني شقة لصق مع حقتهم قال لي اخدي راحتك هنا مافي زول بصلك اعتبري بيتك و طلع لمن وصل جنب الباب قال لي ما تنومي ماشي اجيب ليك عشاء و جاي بس أنا من الخلعة و الانبهار من جمال الشقة ما سمعتو قعدتا شوية كدا حسيت نفسي وسخانة و مسخنة بس ما عندي شي البسو فتشتا فتشتا مالقيت فا بكل عفوية طلعتا ملابسي ودخلتا الحمام غسلتهم في الطشت الطشت الكبير داك ما عارفه ترعة ولا حق بهيام قدر دا المهم غسلتهم جوا و شريتهم عشان ينشفو وأنا ذاتي كنت وسخانة دخلتا فيه استحمى لقيت في دواسات كتار و أنا كا زينب ام المصايب مستحيل شيطاني يشوف حاجة ذي دي وما يمد يدو عليها المهم كل دواسة اطبزا بتعمل شي لحدي مالقيت لي واحدة كدا حمرا ضغطتا عليه كبت في ضهري موية مغلية نار بس من الخلعة قمتا جارية ابكي و اصرخ لمن طلعتا من الحمام لقيت وليد في الصالون و شافني بي منظري داك 😔
لمن وليد شافني بي منظري داك قبل وشو بسرعة مني وأنا إتصلبتا من الخجل نسيت الحرق و الوجع واي شي و بقيت بحاول افهم في الموقف الحصل دا لمن إستوعبو برمشة عين رجعتا الحمام ولبستا ملابسي لينا ذي دا وسندتا ضهري على الباب و إتوستا رجليني وبقيت ابكي ختيت يدي في خشمي عشان ما ابكي بصوت عالي 😭 لمن سمعتا باب الشقة قفل إتمنيت الارض تنشقى و تبلعني كرهتا نفسي شديد والله كيف تاني اقدر اوجه واخت عيني في عيونو بعد العملو لي دا كلو واااااي أنا هسع بكون مفتكرك قاصدة عديت الليل كلو بكى في مكاني داك 😭 بتكلم مع نفسي وبقول منتبه يا زوبة في اليومين ديل بقيتي قدر شنو منتبه لي المصايب البتحصل معاك دي لي بحصل فيني كدا يارب سامحني 😭😭😭 خلاص ما فيني حيل لي مشكلة جديدة بكرا بقوم من النجمة وبطلع من هنا قبل ما وليد يطردني بي نفسو لانو مستحيل يقبل بي واحدة ذيي في بيتو واصلاً هو لقاك في قضية دعارة 😭 و كدا التهمة انثبتت عليك خلاص يا زينب كر عليك
:ياوليد ؟
: نعم يا أمي
:البنت الجبتا دي معقول نايمة لي الوقت دا ؟
:ما عارف والله لي مالها ؟
:من قبيل بدقا ليها في الباب موديا ليها عصير وغيارات بس ما فتحت لي
:امممممم يمكن تعبانة عشان كدا نايمة برضو المرت بيه دا ما هين
:صحي والله مسكينة البنية وجعت قلبي 😭 كدي امشي شوفا يا وليد ما يكون حاصل عليها شي
: أنا 😳 لالالالا يا أمي أنا ذاتي متأخر وماشي الشغل يلا مع السلامة
:وليد تعال ياولد اقيف اسمعني هي يا اخواني الولد مالو جرا كدا سبحان الله 🤨 حيرني طبعاً اجي يا اخواني
في_مكان_اخر
:اها ما لقيتو لي خبر منها لي الان ؟ شنو هو اللسا ؟ بنت عمرها 18 سنة ما بتعرف اي مكان تمشيه ولا عندها زول بتختفي كيف يعني ؟ ياخ أنت فتش الفنادق و اللكوندات والشقق مستحيل تكون طلعت من ديل ياخ أنا عارف دي عاصمة و فيها مليار فندق و لكونة وشقة و عارفها ماذي قريتنا بس برضو أنا داير البنت دي في غضون 24 ساعة حية او ميتا و قدر الدايرو بدفعو ليك ياخ دي مسائلة حياة او موت دي مسائلة شرف فاهم يعني شنو شرف يعني حياتي كلها مقابل روح البنت دي تمام يازول شوف البحصل شنو و اديني إتصال يلا مع السلامة يابنت الحرام إنتي والله اندمك على عملتك دي و اخليك تكرهي اليوم الخلقوك فيه 😡🤬
في_بيت_وليد
:الوووو الحقني يا وليد البنت دايرة تموت 😭
:دي منو يا أمي البنات الحاصل عليهم شنو ؟😳
:دي زينب لقيتا واقعة في الحمام جسمها النار بس ومتشنجة شديد ما عارفة اعمل شنو
:ما تخافي يا أمي أنا جاي عليكم و فعلاً في اقل من ربع ساعة وليد وصل ولقى زينب واقعة في الارضى و رأسها في حجر امو وامو بتبكي و بتقول ليه الحق البنية ياوليد ما تخليها تموت يا ولدي الله يرضى عليك الحقا قام شال زينب و جرا بيها على المستشفى امو ما قدرت تمشي معاهم عشان هي مرة كبيرة في العمر وفي البنات صغار ما بتقدر تخليهم براهم المهم وليد ختا زينب في الكرسي القدام معاه وكل شوية بحاول يصحي فيها بس هي كانت في عالم تاني خالص وبتهضرب بي كلمات غربية منها أنا ما كدا أنا بنت محترمة والله 😭 و مرات بتقول يا ابوي اعفي لي و مرات بتقول عماد لا كل الضغوطات المرت بيها في اليومين دي بقت تتكلم بيها وليد كان خايف عليها شديد كل شوية يلمس راسا ولمن يشوفا سكتت بي خلعة كدا بناديها لمن وصلو المستشفى الدكتور عمل ليها كتب ليها درب بندول و معوضات وكم فحص بعد ساعتين حتى زينب بدت تفتح لمن صحت قالت أنا وين ؟ نفس الممرضة الامس ادتا المسكن قالت ليها شكلنا بنحجز سرير بي إسمك هنا لأنو بقيتي عندنا ضيفة ثابتة 😂 زينب إبتسمت إبتسامة خفيفة و غمضت عيونا نزلت منها دمعة صامتة شديد وقالت ليها إنتي عارفة كنت بتمنى يكون المريت بيه دا كلو كابوس مزعج و افتح عيوني القى نفسي في سريري بين اهلي و اي شي طبيعي 😭 او ما اقوم من المرض دا بس حظي كعب لدرجة إنو حتى الموت رافضني ياخ أنا تعبتا ياااااخ والله العظيم مافضل فيني حيل الممرضة غلبا تقول شنو وبقت تعاين لي بي زهول لمن ما فهمت مني حاجة طلعت برا العنبر وقال لي وليد و امو المريضة صحت بتقدرو تشوفوها وليد رفض يدخل وقال بقعد مع البنات و دخلت امو بس من دخلت ضمتني عليها شديد وبقت تبكي و بتقول لي خوفتيني عليك يابتي البركة البقيتي كويسة طبعاً ما قادرة افهم سبب التغير الفجاة دا شنو بس كنت مبسوطة بي حضنا دا لاني بالجد كنت محتاجة ليه وأنا بي دوري ضميتا علي وبقيت ابكي و خلينا العنبر كلو يبكي معانا 😭😂 بعد ما خلصنا حفلت البكى مسحت دموعي وقالت لي كفاية من اليوم و فوق تاني ما دايرة اشوفك بتبكي انتي بنت فرحة وربنا خلقك لي الفرح ممنوع دموع تاني واضح قلتا ليها واضح تاني ضمتني عليها و باست راسي ما عارفة لي بس وأنا في حضنا حسيت بي إحساس غريب عمري ما حسيتو مع أمي أصلاً ما بتزكر اخر مرة حضنتني فيها متين بس برضو عمري ما كنت سعيدة كدا وأنا جنبا قدر سعادتني وأنا جنب ام وليد او كما يحلو لي أمي مُنى من اللحظة ديك وأنا حياتي بدت تتغير و ماشة في تحسن طلعنا من المستشفى ورجعنا الشقة المرة نزلتا في شقة امي منى عشان كنت لسا عيانة كانت بتهتما بي شديد او بشكل اصحى اكتر من اللزوم اكل شراب علاج حتى مرهم الحروق دا كانت بتدهنو لي بي يدا ما قصرت مني نهائي و وليد كمان ما كان مقصر بالرغم من إنو بعد الموقف داك الاختلاط بينا قلا او اتعدم عديل لكن برضو كان بعمل العليه و اكتر كمان و برضو في تالين و توليب بنات اخت وليد إتوفت ربنا يرحما دي العروس الكسرتا صورتا اول يوم جيت ديك تالين عمرها ذي 8 سنوات هادية شديد و عاقلة دائماً بتكون قاعدة براها و ساكتا ام توليب عمرها 5 سنة دي شيطان ما بتقعد ساي نهائي كلاما كتير و مشاغبة و بكاية و مدلعة لمن غلط اي شي دايرهو لازم يحصل طبعاً خالهم معودتهم على كدا و هو بحبهم شديد في البداية افتكرتهم بناتو لانو متعلق بيهم بشكل ما عادي لدرجة إنو ما يتزوج عشان هم رفضو و قالو ليه لو عرستا ما بتحبنا تاني ولمن جيت اول ما قدرو يحبوني خالص عشان كانو مفتكرني مرت خالهم لكن مع الايام اتعودو علي شديد وبقينا أصحاب بالزات تالين إتغيرت وبقت تتكلم معاي حبة حبة في بيتهم دا في اسرار كتيرة مدفونة ظاهر في وش كل واحد فيهم قصة مختلفة بس ما حبيت أسأل من شي ااااي ما تستغربو أنا إتغيرتا شديد بعد موقفي الاخير مع وليد دا بقيت عاقلة و هادية شديد و بحاول أبعد قدر الإمكان عن المشاكل مع إني بشك في إنو المشاكل بتقدر تبعد عني لكن برضو بقيت محترمة فكرة إني قاعدة في بيت ناس غربة عني باكل وبشرب و بلبس و بنوم و دا كلو لا قرش ولا تعريفا تاني البخليني أسأل و ادخل في حاجات ما بتخصني شنو ؟ بالرغم من إني كنت مرتاحة معاهم بس برضو ما مفروض اخد راحتي على الاخر وانسى إنو فترة قعادي معاهم محدودة كل ما اجي و اقول لي أمي منى أنا دايرة امشي بتقول لي لا إنتي لسا عيانا خليك قاعدة لمن تتحسني اجي لي وليد اقول ليه عملتا لي شنو في موضوع عماد أنا دايرة امشي بعد دا يقول لي اصبري شوية قربنا نلقاهو حياتي كلها بقت عبارة عن متاهة كل ما اقول قربتا اطلع القى نفسي إتعمقتا ذيادة 😂 لحدي مافي يوم من الأيام جرس الشقة ضرب مع الساعة 10 كدا أنا كنت في المطبخ و وليد في شقتو و البنات مشو المدرسة المهم أمي منى مشت فتحت الباب لقتهم شاب عشريني كدا و ولد في عمر 16 او 15 سلمو عليها و قالو ليها نادي لينا زينب طبعاً أنا في سمعتا اصواتهم لأنو المطبخ جنب الباب و عرفتهم قعدتا في الارض و ابكي 😭 قلتا خلاص يا زينب بعد ما مشاكل كلها إتحلت تاني بدت تقوم بس فاجأني رد أمي منى لمن قالت ليهم زينب منو ؟ الولد قال ليها البنت القاعدة معاكم دي قالت ليه لالا معليش شكلك غلطان ما عندنا اي بنت بالاسم دا في بيتي الولد قال ليها اسمعي هنا يا عجوز أنا عارف المغضوبة دي قاعدة هنا و احسن ليك بالحسنة ناديها عشان ما نستخدم اسلوب تاني سمعتا صوت وليد بقول ليه لالا عليك الله استخدم الاسلوب التاني نفسي اعرفو لمن جاء قدام الباب قال ليه أنت عارف نفسك واقف وين و بتتكلم مع منو والله بحركة يد بس اضيعك احسن ليك إحترم نفسك أحمد قال ليه لا تضيعنا لا نضيعك نحن اختنا عندكم جايين نسوقها و ماشين فلو سمحتو ادونا ليها بكل زوق وليد قال ليه افتكر كلامنا واضح نحن ما عندنا اي بنت بالاسم دا في بيتنا وتاني واحد يتعرض لينا ويصل هنا ما يلوم إلا نفسو داير يقفل الباب الفاضل لزاهو و بقى بكورك يا زينب يا زينب أنا عارفك هنا يابت الحرا.م بس والله بقتلك والله ما بخليك وأنا جوا بتقطع من البكاء وليد قام لصق ليه بوكس في وشو و أحمد إدخل و قامت الشكلة وأنا إطريت اطلع عشان افرق بينهم وفي نص الشكلة ديك الفاضل طلع سكين و حاول يطعني بيها لكن