رواية من العتمة إلى قلبي
الفصل الثالث 3
بقلم ال زهراء
بقيت ماشة وانا مبسوطة وقفت عربييية لي وانا عايزة أقطع الشارع القزاز فتح وكان مروان وقال لي نينجا مشتاقييين! عايزك تشرفي معانا الليله،نزل وجراني وانا بصرخ بس ما كان في زول قريب وتاني دخلني العربية بالقوة!!، قال لي الأفضل ما تصرخي لانو لو صرختي مازن دة حا يقتلك!، خوفت شديد وبقييت برجف وبعرق ،مازن صاحبو دة كان من الحاوطوني قبيل والقدام السايق برضو وزياد كان ماف، مازن مسك كتفي بيدو وقال لي ما ترجفي نحن لسه ما عملنا ليك حاجة خايفة لشنو ؟؟!، عاينت ليهو بقرف وطوالي بيدي نفضت يدو وقولت ليهو اوعى تلمسني ،مروان طوالي قال ليهو ما تهبش القطة البرية دي وخلينا لمن نصل والا حا تخرشك!، مازن ضحك وقال ليهو شكلو الليله حا نستمتع!!!، انا في اللحظة دي عقلي بقى قدر الصندوق الناس ديل ناوييين على شنو!!!، قلبي كان بدق بسرعة خياليه ونفسي دا كان قايم وقاعد!!!، بس ما كنت عايزة ابكي وأظهر ليهم انو انا مرعوبة لانو هو عايز يكسرني بس انا ما حا اتكسر ليهو وبلقى طريقة اهرب منو.
وصلنا عمارة نزل وجراني معاه وقال لي ما تقاومي وامشي زي الشاطرة لانك لو صرخت ولو عملتي حركة بنقتلك وندفنك في ارضك ،مشينا الطابق التاني ودق باب شقة دخلني بالقوة كان فيها زياد ومعاهو بت وراقدين في نفس الكنبة وبشربو في شيشية وفي بت بهناك قاعدة تعمل في منكير وواحدة تانيه قاعدة تعاين في التلفون ،البتضرب في المنكير قامت وقالت ليهو حبيبتي دي شنو ال جايبها ،انا بزعل والله..... انا لو وصلت حدي ما حا ارجع ليك تاني ! ،قال ليها ريري انتي ما فاهمة الموضوع... اصلا انتي الجابك شنو في الوقت دا، قالت ليهو انا وفيفي قولنا نمر عليكم بس يبدو انو مشغولين، عاين لزياد بغضب زياد ضحك وقال ليهو اتصلت بيك ورسلت ليك ما تجي بس ما عاينت لتلفونك!!!، البت الراقدة جنب زياد قامت وقالت ليها يا ريري ما هو ما ممكن معاك خلي الشاب براحتة شوية!!،في النهاية حا يتزوجك هو مش باقي عليك، جات لجنبها وشالت منها الشيشية وقالت ليها ما ممكن معاه لكن كرهني العيشة وزفتها معاي وبعدين يقنع اهلو كيف بي!!!، والله عتبه بيتهم ما يخلوني اعتبها، قالت ليها بيرضو لو ما عرفوك انتي منو امشي ليهم بنقابك دا وابتسمي ليهم كم ابتسامة وبراهم بدوك ولدهم ،ضحكت زي ضحكه الرقاصات وقالت لي مروان سمعت يا حبي لازم اتلحلح عشان أتزوجك عشان كدة عرف اهلك علي !!،مروان ضحك وجاء وقعد جنبها وقال ليها يا ريان ما ترهقي نفسك!! انابتزوجك اصبري بس فترة، نفخت في وشو وقالت ليهو لمتين ؟؟!، قال ليها لمن القى طريقة اعرفك بيها على اهلي، مازن قال ليهو يا مروان شكلك نسيت حاجة!!، مروان قام وقال ريان دي لمن تكون قاعدة ما بشوف زول تاني!!!، الاسمها ريرري ابتسمت من الضرس للضرس!!!، زياد قال لي جيتي بنفسك يا حلوة ولا غصبوك، طبعاً هو فاكر نفسو اني حا ارد عليهو!!!، بقيت ساكتة وبعاين بنظرات اشمئزاز ليهم كلهم!!، فيفي قالت الضيفة شكلها ما حابانا شوفوها تعاين لينا كيف!، تاني جات الكانت مع زياد وقالت لي تعالي يا حلوة وشيشي وروقي أعصابك اول ،قولت ليها انا ما بشرب شيشية وما بقعد في مكان قرف، انا حا اديكم مهلة دقيقين بس خليتوني امشي فبها ما خليتو بتصل بالشرطة وبخليها تجي تشوف عمايلكم البتعملوها هنا ،ضحكت وقالت لي مروان دي منو؟!!، شكلها ما تبعنا ولا بتعرف سكتنا، ضحك وقال ليها دي شيخة ياخ يا تاليا وما بتعرف لامورانا حاجة ،قالت ليهو جبتها لشنو هنا طيب عايزها تقرأ لينا ولا تدينا محاضرة وضحكت، ضحك وقال ليها لااا بس موش انا اتسجنت النينجا دي هي الكانت السبب في سجني! وحابي العب معاها شوية!!، قالت ليهو واااي لكن دي!!!، هههههي قدرتك لكن! ،قعدت جنب زياد وقالت ليهم عملتكم دي بتوديكم في ستين الف داهية! بكرة ترفع عليك اعتداء واغت*صاب وكلمتكم!! وزول بقدر يطلعكم ماف خلو البت تمشي!، قال ليها لسه بدري! بدري شديد، قرب مني وقال لي اقعدي يا نينجا عندك ليك هدييية حا تعجبك!، قولت ليهو مروان خليني امشي!!، قال لي لا لازم اضيفك اول وبعدها اخليك تمشي، جراني ورماني في الكنبة التانية بالقوة قال لي مازن امسكوها كويس البت دي ما تفلت منكم!! انا ماش اجيب ليها الهدية مازن ومعاهو واحد اي زول كان ماسكني من يد جاب لي حقنة!!!، فيفي قامت وقالت ليهو بل ييييا مخدرات مرة واحدة!!! وضحكت، قال ليها خليها تشوف عالم تاني بدل عالمها الأسود دة وضحك!!!، قرب وهمس لي وقال لي دي حاجة بسيطة شديد لو ما ريان قاعدة كنت ورييييتك الأسوء!!!، شال الحقنة وانا كنت بقاوم الدموع خذلني!!!، البت في الكنبة قالت لي وقعتي مع واحد ما برحم بجد الجرعة دي ممكن تقتلك وضحكت ،ريري قالت ليها هااااا ما بتعمل ليها حاجة احتمال بس تفقد عقلها كانت بتضحك ضحك شديد!!!، انا بكيت في اللحظة دي بكاء قرب وحقنها لي وضحك بخبث!!!، فكوني وانا هنا انهرت عديييل وخشيتت في حاله تانية وكأنووالدينا دي وقفت!!، مازن كان شايل السكين المهددني بيها قررت انو اموت وارتاح من السم الكان بجري في دمي دة!!!، انا ما بصدق انو هو خلاني اتعاطي انا ما عايزة اعيشششش،خطفت السكين من مازن الكان بضحك وشلتها وانا برجف كلي وقولت لمروان مش دة العايز تصل ليهو انا حا اموت واريحك وارتاح بعد ما حقنت الحرام فيني!!!، الله ياذيك ياخ الله ينتقم منك!!!، انا بقيييت بكرة نفسي وبحتقرها بسببك!!، وقعت السكين لانو يدي بقييت ما حاسة بيهن!، وتاني نزلت عشان اشيلها شلتها جاء مروان وقلعها مني وهو بضحك ضحكة سخرية وقال لي دة مجرد نورمال سالين!!!، بس المرة الجاية ما معروف احتمال مزاجي ما يكون رايق واحقنك بيها!!، المهم أخيراً شوفت معالمك الخايفة وعرفتي انا منو وبقدر اعمل شنو فتاني ابعدي مني!!! لانو انا حالياً عاقبتك بأقل عقوبة!! كان ممكن اعلقك ولا اربطك ولا اعمل ليك الاكعب بس اانا عشان طيب رضيت بالخطف وتخوفييك بس تاني لو اعترضي طريقي ولو غلطتي في حقي ما بخليييك وبكرهكك العيشة ، واسي من بكائك دة يبدو فهمتي انو انا ممكن اسوي ليك شنو!!، ضحكو وانا خارت قواي وقعدت في الأرض وبكيت بكاء شديد ،قومني وجراني وقال ليهم ماش اجدعها في أقرب حتة وجاي!!!، كان بجر فيني وانا ما كان عندي قدرة اقاومو جراني لبرة العمارة ووداني الشارع الرئيسي قال لو كلمتي زول بختفك ولا حاولتي تكلمي الشرطة انتي بتتورطي ورطة عمرك معاي وبوعدك المرة دي اندمك لحدي اخر حياتك!!!، وتاني اتعلمي العبي مع زول قدرك!، شال اصبعو وخاتاهو في راسي وقال لي فهمتي يا ما عندك مخ!، ما رديييت ليهو لاني االدخلت فيني من الخلعة والخوفة لسه ما طلعت!!!، وما قادرة اتكلم بس بوعدو انو بوريهو والمرة دي ما حا امشي للشرطة لا انا المرة دي حا اصل اهلو عديييل وبشوف انا منووو !، قال ليها يا نينجا فهمتي ما رديت وبقييت متحركة وقف قدامي وقال لي قوة راسسسك دي ما عايزة تخليها، عايزاني اكسرو ليييك ،ما رديييت ووقفت ركشة!!، قال لي يا عزة خلي كلامي في عقلك وما تنسيه، ركبت الركشة ووقولت ليهو بحس شبة مسموع حا اوريك نجوم الضهر وحا تشوف حا اعمل ليك شنو، قال لي حاولي بس، ركبت الركشة وعاينت ليهو بنظرة امتغاض!! واتحركت،قولت لسيد الركشة وديني لشارع...، وصلت ونزلت دقييت الباب فتحت لي صاحبة هالة!!، دخلت سريييع ومشيييت غرفة هاله القاعدة فيها لقييت عبير قاعدة فكيت النقاب ورميت نفسي في السرير وقبلت بالجيهه التانية ،عبير قلقت وقالت لي مالك الحاصل شنو؟!، قولت ليها ما تسأليني انا عايزة انوم واقوم !،قالت لي طيب حاولت انوم بس ما قدرت وكل مرة بصحى مخلوعة من العيشتو قومت وقولت في نفسي ما بسامحو والله والله اندمو وحا اصل اهلو واوريهم عمايلو عشان يتأدب!! اي ما بخلية لو فكرني اني حا اسكت فهو غلطان! ،عبير جاتني وقالت لي صحيتي، قولت ليها انا ما نومت اصلا، قالت لي خييير، قولت ليها الخير يجي من وييين، كلو منك!!! تاني لو اسمع سمع انك اتكلمتي مع اولاد او حتى لو بسس نظرتي نظرة ليهم بقتلك!!، قالت لي انا توبتا والله، قولت ليها بشوف وبراقبك شلت منها التلفون وقولت ليها تلفونك دة حا اخلية معاي اسي وحا اشوف الحاصل فيه شنو!!!، افتحي النمط قالت لي اختي عليك الله...، قاطعتها وقولت ليها افتحي النمط بقول ليك فتحتو!!، غيرت النمط وقولت ليها حا اديك ليهو بعد فترة!! بس ما اسي، قالت لي ما واثقة مني، قولت ليها اثق فيك كيف وريني، قالت لي والله تاني ما أعمل حاجة غلط بوعدك، قولت ليها بنشوف وبينا الايام ، قالت لي تأني لسه ما قولتي لي الحصل معاك شنو؟!، قولت ليها ولا حاجة انسي عارفة عنوان بيت مروان طارق الدسوقي ،قالت لي ما بعرف عايزة بيهو شنو ؟!، قولت ليها عايزاهو بس قومتا ،قالت لي عليك الله كلميني قولت ليها دايرة اسجل ليهم زيارة، قالت لي ليه؟؟!، قولت ليها اكلمهم بأمور ولدهم ،قالت لي لااا اهلو لو عرفو ما بخلوة!!!، قولت ليها على اساس هم ما عارفين البعمل فيهو!!، قولت ليها عارفين متابع شلة فاسدة بس ما قايلنو واصل درجات بعيدة فهمتيني، قولت ليها لازم يعرفو، قالت لي لااا الزول دة ما بخليك انا بحذرك، قولت ليها انا ما بخاف من واحد زيو!! انتي بس تسكتي!!، طلعت لحقتني وقالت لي ما بخليك براك والبحصل ليك خليهو يحصل لي، قولت ليها بغضب ارجعي سريييع!!! وما اشوفك متقدمة خطوة برة البيت دة!!، قالت لي طيب اوريك طارق شغال وين عشان تمشي ليهو ،قولت ليها وييين!، قالت ليهو عندو مصنع زيت من أكبر المصانع في السودان برسل ليك اللوكيشن!!، رسلت لي مشيت هناك وسالت موظفة من استاذ طارق قالت لي المدير ماف حاليا ً قولت ليها بيتو وين عايزاهو ضروري ،اول مرة رفضت بس بعد الحاح مني رضت تديني العنوان، طلعت سريييع وركبت ترحال المرة دي مع اني ما كانت عندي قروش وشكلو ما حا امشي الجامعة يوم يوميين وصلت!!! ودقيييت الباب!، فتحت لي مرة في بدايه الخمسينات وفي علامة صلاة في جبهتها قولت ليها السلام عليكم عايزة اتكلم مع استاذ طارق لو ممكن وزوجتو،قالت لي وعليكم السلام ورحمة الله وبركاته حبابك انا زوجتو ثريا اتفضلي ،دخلت جوة!!، وقعدت ثريا طوالي نادت وقالت توته ممكن تجيبي ضيافة لضيفتنا دي وتنادي ابوك !!، فتحت وشي عشان حسيت اني مضايقة!! عاينت لي وقالت ما اظن قبل كدة شوفتك يا بتي، قولت ليها اي ما بتعرفيني واسفة على الازعاج بس الموضوع ضروري شديد!، قالت لي ماف مشكلة يا بتي انا اصلا فاضية الفترة دي إن شاء الله موضوعك موضوع خير بس، دليت النقاب وما رديت ، طارق جاء وسلم وقعد، قولت ليهو اسفة اني جيت في البيت من غير سابق إنذار بس ما عرفت جهة غيركم، شهقت وزفرت وتابعت ولدكم مروان مضايقني ضيق شديد حكيت ليهم اي حاجة!، وحتى وريتهم حادثة الليله! ،قالت لي لا حول ولا قوة الا بالله دا كلو عاملو مروان!! وبعلي يا طارق منو نعمل ليه شنو الولد دة!! ضاع خلاص!! الخلاااا علينا! عايز يجيب لينا المصايب غلطتنا انو دلعناه وخلناه في راحتة!!...، توتة تعالي قيسي لي الضغط الضغط طار السماء عايز يقتلني ويقعد! ،استاذ طارق قال ليها ما تصرخي فينا يا مرة!!!، الولد دة عاق من يومو بس فكرتو انو حا يعقل ومرحلة وحا تعدي واسي ماش ل26ولا قادر يشتغل ولا قادر يتقدم في حياتو، عاين لي تأني وقال انا بعتذر ليك يا بتي على ولدي قليل الحياء والصايع ظاهر عليك بت ناس ومربيه وما بتكذبي!، انا حا اادبو قدامك وقدام كل ناس البيت عشان يكون عبرة،قولت في نفسي اهلو شكلهم عارفين هو شنو عشان كدة طوالي صدقوني وشكلهم طيبين وبتاعين حق!!!، توتة جات وقاست الضغط وكان في حدود عمري ولا أقل بسنة قالت ليها اخوي الفارغ عمل شنو المرة ددي!!!، حكت ليها قالت ليها يتحكم فيني بمزاجو ويلعب مع بنات الناس كدة!!، تاني لو منعني الطلعة ما بخلية والله وكلمتكم!، وأنت يا ابوي ما تقول ليهو كلمة! ليه يعمل العايزو ونحن لااا، امها قالت ليها قفلي خشمك ابوك دة زهجان واعصابو لطرف نخرتو والله يلفحك بحاجة ياذيك وانا كلمتك ،سكتتت، استاذ طارق اتصل طوالي بولدو قال ليهو تعال البييت بعد نص ساعة جاء وشافني انا واتهجم وبقى يعاين لي طارق جاء وضربو كف وشلتو لمن وقعو في الأرض وقال ليهو متين تبقى زول ؟؟!، لا نافع في شغل لا نافع في حاجة ، والله انا لو عارف انك بتكبر وتبقى لي كدة كنت رصتتك وانتهيت منك مما كنت صغييير!!، اطلع من بيتي وتاني ما اشوف وشك وامشي لعفنك المباري فيهم ديل وخلوهم ينفعوك وقرش تاني ما حا تطولو مني! ،امو جات وقالت ليهو غلط بس ما تطردو الله يرضى عليك اسي بعتذر للبت موش يا مروان، قوم واعتذر ليها ،مروان قام وقال ليها لا يا أمي ما بعتذر لاي زول ولو عايز يطردني خليه يطردني!!!،مشى وهو غضبان شديد وانا بس كنت بعاين ومبسوطة من ردة فعل اهلو!!!، جيت واعتذرت ليهم تاني!! وقولت ليهم ما كنت عايزة اغلغل ليكم عيشتكم بس والله غلبت حيله وما عرفت اتصرف معاه كيف، استاذ طارق قال لي ما تعتذري! نحن ولدنا وبنعرفو! ،خالتو ثريا ما ردت وبقت قاعدة ومتمحنة وبتقول كرعلي ولدي ضاع من يدي!!! اسوي شنو ، اعمل شنو وامشي لمنو ،قولت ليها ماف زول بنفعك يا خالتو انت بس وكلي أمرك لربنا وادعي انو ربنا يهدية، قالت لي دة بهتدي وبتوب دة مستحيييل والله ذنوبو ديل لا تغتفر ذنوبه كتيرة يا بتي كتيرة شديد!!!!، قولت ليها ما دام فيهو روح ممكن يتوب في اي وقت سمعتي حديث الراجل القتل 99شخص وجاء يقول هل لي من توبه،قالت لي لا قولت ليها طيب اسمعي الحديث دة عن أبي سعيد الخدري رضي الله عنه، عن النبي ﷺ قال:*"كان فيمن كان قبلكم رجلٌ قتل تسعةً وتسعين نفسًا، فسأل عن أعلم أهل الأرض، فدلّ على راهب، فأتاه فقال: إنه قتل تسعةً وتسعين نفسًا، فهل له من توبة؟* فقال: لا. *فقتله، فكمل به مئة.*ثم سأل عن أعلم أهل الأرض، فدُلَّ على رجل عالم، فقال: *إنه قتل مئة نفس، فهل له من توبة؟*فقال: *نعم، ومن يحول بينه وبين التوبة؟* ولكن اذهب إلى أرض كذا وكذا، فإن بها أناسًا يعبدون الله فاعبد الله معهم، ولا ترجع إلى أرضك فإنها أرض سوء.فانطلق حتى إذا نصف الطريق، أتاه الموت، فاختصمت فيه ملائكة الرحمة وملائكة العذاب.فقالت ملائكة الرحمة: *"جاء تائبًا مقبلًا بقلبه إلى الله."*وقالت ملائكة العذاب: *"إنه لم يعمل خيرًا قط."*فأتاهم ملك في صورة آدمي، فجعلوه بينهم، فقال: قيسوا ما بين الأرضين، فإلى أيّهما كان أقرب فهو له.فقاسوه، *فوجدوه أقرب إلى الأرض التي أراد، فقبضته ملائكة الرحمة."*
شوفتي يا خالتو باب التوبه مفتوح ما دام الإنسان بتنفس!!، ادعي ربنا يهديه فعسى ولعل يبقى زي الراجل دة!! ما تيأسي من رحمة ربنا انو ممكن يتصلح في يوم!!، ادعي ليه بس حتى لو مليان ذنوب رحمة ربنا واسعة شوفي الراجل قاتل 100نفس وربنا تاب عليه! وإن شاء الله ولدك لو ختا في يوم نيه التوبة بإذن الله ربنا بغفر ليهو! ،خالتو كانت بتعاين ومنبهرة شديد بهناك استاذ طارق كمان، قالت لي انتي منو يا بتي ما عرفت اسمك ،قولت ليها عزة!! قالت لي عزة انتي زوله متدينة ما شا الله تبارك الله وعجبتيني شديد ربنا يحفظك بتقري؟؟!، قولت ليها اي، سالتني من كم سوال تاني وجاوبتها، بعد عرفت انو انا حا امسك معسكر تحفيظ الشهر الجاي قالت لي بناتي فاطمة وهديل حا اسجلهن معاك انا ارتحت ليك!، قولت ليها بديك رقم ناس المعهد سجلي طوالي إن شاء الله اكون في حسن ظنك،استذنت وقومت وقولت ليها فرصة سعيدة يا خالتو ثريا وانا بعتذر مرة تانيه ليكم عشان زعلتكم وقلقت بيكم وبراحتكم! ،خالتو قالت لي ما قولتي الا الحقيقةو ما غلطتي انا ولدي وبعرفو، طلعت ورجعت البيت وكنت فرحانة فرح شديد!!، جات اميي وكانت تعبانة قولت ليها مالك؟؟، قالت لي قبل فترة ما قولت ليك عندي قطيعة!!!، الليله قايمة علي قومة شديد قولت ليها متين قولتي لي؟!، قالت لي ايوا اتذكرت كلمت عبير ما انتي، جيت وقولت ليها طيب وريني مكانها وين، قالت لي كتفتي الشمال دي كلها، قولت ليها طيب عندك حاجة تانيه قالت لي والله مرات بتجيني قبضة كدة في صدري حارة ،قولت ليها وصفيها لي وين ؟!، مسكت يدها وقالت لي كلو كدة يا بتي!!، خوفت وقولت ليها بكرة نمشي الدكتور!؟، قالت لي بري كمال قروش انا شديدة الحجز اسي اتريض واقوم ذي الطلقة! ،قولت ليها لا نمشي نطمن، مشيت ورسلت لممو لأنو اختها بتقرا طب ووريتها الأعراض بعد شوية قالت لي اختي قالت ليك وديها الدكتور ووورينا الحاصل وقالت ليك وديها سرييع وما تتأخري!، خوفت وقولت ليها تمام!!، قررت ابيع اي شي إن شاء الله تلفوني بس عشان افحص لأمي، جيت وقولت ليها قومي نمشي اسي المستشفى، قالت لي ما ماشة، قولت ليها عليك الله ،قالت لي باي قروش، قولت ليها ببيع تلفوني قومي ورح، قالت لي بري ما بتبعيه، بعد الحاح واني بخلي ليها الجامعة وافقت بس بشرط انو ابيع تلفونها هي وكمان ما نمشي اسي نمشي لبكرة قالت عشان ماف محل تلفونات بالوقت دة بكون فاتح، زي الساعة 1 صباحاً سمعت صوت شهققة طويييلة انخلعت شديد لانو دا من سرير امي النايمة على مقربة مني جيت ولقيتها بتزبد ومغمى عليها مشيت جرييت جري لعزام النايم في سابع نومة وصحيتو وقولت ليهو امي ما كويسة نوديها المستشفى، ما كان واعي بقول في شنو وكان زي المضروب ،قولت انا بتكلم مع منو جريت لجيرانا ودقيت الباب فتح لي عمو حيدر قولت ليهو امي مغمى عليها كلهم جو معاي ومعاهو مرتو ساقوها بعربيتهم المسشفى قالو ذبحة وعمليه مستعجلة،وانا راسي دة بقى تقيللل شديد اجيب القروش من وين؟؟؟، اتصل بي عزام بعد مسافة قال لي انتو وين؟؟!، وصفت ليهو جاء ،قولت ليهو يادوب صحصحت امك محتاجة عملية ب.....،وأنت صحيان قبيل ابيت ما تصحى لي، قال لي بدبرهن خليهم يعملوها ،قولت ليهو من وين اوعى تجيبهم من ناسك الفاسدين ديل!!! ، قال لي بغضب بقول ليك بدبرهم يعني بدبرهم وما تسأليني من وين!!!، طلع.
مشيت اديتهم ضمان تلفوني وتلفونها وبطاقتي الشخصية ،قولت انا متأكدة انو معتمدة على حيطة مايله بس ماف اي حل تاني غير قروشو دي، دخلوها العمليه جاب القروش بعد ساعة ودفعهم، قولت ليهو من وين، قال لي اداها لي زوجك المستقبلي.... انا اول مرة رفضت عرضو للزواج منك وحتى شوفي الضرب الاتضربتو عشانك بس امي محتاجة القروش دي ولازم اقبل بيهو وتتزوجيهو فوق رقبتك وبكرة العقد،كنت عايزة اصرخ فيهو بس مشى سريع بدون ما يتلفت لي وما كان في حيل الحقو، الدنيا دي بقت تدور بي وبقيت ارتعش كلي عرس شنو ؟،مشيت جري عشان اكلم خالي بأمي واكلو بأمور عزام العملها لي استلمت تلفون امي وتلفوني لقيت رساله من رقم غريب مكتوب بكرة بتكوني مرتي ماف جامعة ماف زيارة لأهلك وماف اي طلعة حا تكوني بس محبوسة في البيت يلي حا يكون سجنك مدى الحياة....................
"لقد زرعوا فينا خذلانًا نخشى بعده كلّ يد تمتد إلينا وإن كانت صادقة."