رواية فقيرة في جامعة الأغنياء الفصل الثالث 3 بقلم ماريه عبد الله السعود
وانا اصلي دااساك لي الزمن خاتاك عين وقت فقد النظر.. خاتاك عود وقت الكسر ..خاتاك ضل وقت الهجر خاتاك سند وقت البقع مسنودة بيك لمن تجور الدنيا بي...لمن أكون تايهة وما لاقيه الطريق..ألقاك حداي سندي ودواي ما انت مني ولي برااااااااااي 🫶💫
صحيت الصباح كان عندي محاضرتين صليت وشربت الشاي مع امي ومشيت البس بس والله بعد كلمت غراب والضحك علي حلفت مااغير الأسود اكيد لو غيرته بقولو غيرت عشان ضحكنا عليه لبست عبااااايه سودا والطرحه والاسبورت والشنطهه كلو اسود ونهاي مابتغير عشان بس علقو علي طلعت امي قالت لي مريم غيري شوية من الأسود دا لقب غراب شين شديد وضحكت ضحكت معاها وقلت ليه خليهم يقولو انا مركزه مع حلمي وبس قالت لي الله يوفقك ويحميك من عيون الناس يامريم وتحقيقي حلمك قلت ليه امييين ويخليك لي يامي طلعت على الجامعة طبعا البنات التلاته كمان الليلة اتكلمو معاي في اللون الاسود ههههه غايتو الله يستر دخلت وعيني على مكاشفي لابس ليو قميص ابيض ونظيف ومرتب الواحد يسرح فيو عديل فيو كده هيبه وجمال ماعادي وشو دا منور سبحان الله اتحركت سريع قبل مايشوفني صراحه كده نظراتو بتوترني!!!!دخلت القاعة كده الدكتور دخل بعدي طوالي الحمد لله اتحليت من مشاغلات الشله شايفه رهف قاعده عاينت لي وابتسمت انتهت المحاضره وطلعنا على الكفتريا ومن دخلت كده عيني ما تقع الا على الشلة ومن بعيد اشتغلو لي غراب وصل غراب وصل واحد فيهم يضرب في طاولة والباقين يغنو بي غراب غراب وصل وصل ويضحكو اشتغلو فيني شغل رهف قالت لي انا حذرتك يامريم تاني مابتتفكي منهم وبعملو ليك مشاكل حاولي اتجاهلي واوع تردي الشايفهم ديل منهم خوف وطبعا الفي الكفتريا كلو ركز على كلمت غراب وعاين لي لانو رهف لابس تشيرت زرعي مافي اسود في اسود غيري قعدت والشله مواصله ضحك
مكاشفي كان مركز شديد حتى انو رافع ايدو من الاكل ويعاين على الشلة وعلي وانا دي حاسه بي احراج شديد وخصوصاً الكل مركز معاي يعني انا تأتي بكون حديثه الجامعة وتاني الكل بكون مركز مع لبسي مكاشفي قام من الطاولة واتحرك على الشلة ونظراتو كلها غضب واصاحبو قامو معاو ومستغربين في مكاشفي العمر ما اهتم بي حاجه او موضوع في الجامعة وقف قدام الشلة وقال ليهم مااسمع زول يقول غراب او يضحك ليو في وحده عشان مايحصل خير واحد من الأولاد الفي الشلة قام قال ليو يعني بتعمل شنو مكاشفي من غير ما يحس ضربو بنيه في وشو والولد لما نزف اصاحب مكاشفي مسكو وحاول يهدو فيو شوية كده الشلة طلعت من الكفتريا ومكاشفي رجع الطاولة معاو اصحابو وكلهم مستغربين في مكاشفي الهادي البطبعو مابضرب زول ولو بي الغلط رفع راسو عاين لي شديد ونزل عيونو واصل اكل وانا صراحه الاكل غلبني اول مره اخت نفسي في موقف زي دا رهف قالت لي مريم عشان تختصري المشاكل ماتكون نهايتك طرد من الجامعة او فضيحة عندك خيارين ياتغيري لونك الأسود مع انو شايفه عليه رهيبه مشاء الله ومافي زول يلبسو غيرك او نحاول نصلح علاقتك مع الشلة دي انا رديت عليه ماعارفه يارهف والله اسه مامجمعه ومخي دا قافل عديل حست بي متوتره حاولت تتطلعني من التوتر وقالت لي هو زاتو بي اسودك دا مكسر الدنيا كلها بسحروك يابنت وشايفه انو في زول مركز معاك شديد ياجميل يانتي ورفعت حاجبة ضحكتني والله في نص توتري وخوفي وقبل م ارد عليه اتصلت نون تسأل نحنا وين وصفنا ليه وجات المهم حكينا ليه وقالت لي ماتغيري من نفسك عشان ترضي الناس انتي حلوه يامريم في اي حاجه تلبسيه بس برضو غيري من الأسود شوية من كلام غراب وما غراب شايفاك زي الغراب ضحكنا التلاته قلت ليه اها اعمل شنو قالت لي ماتردي طنشي بس بكرا بزهجو وبشوفو ليهم موضوع تاني طلعنا من الكفتريا انا ورهف عندنا محاضره ونون عندها كمان دخلنا القاعة وشايفه الشله ومعاها الولد الضربو مكاشفي المهم قعدت سريع وعملت نفسي مشغولة بي التلفون ورهف قعدت جمبي ومسكت يدي قالت لي خليك طبيعية يامريم انا جنب ابتسمت ليه رهف دي عرفته من يومين لكن والله كأني بعرفه من سنين حنينه وطيبه اول مره اشوف زول فيو كل الصفات على جانب انو جميلة مشاء الله في سرحتي دخل الدكتور وانتهت المحاضره وطلعت رهف قالت لي بالمناسبه ساكنه وين ونهاي ماحكيت لي عن حياتك قلت ليه ساكنه في الحي....... ولي بكرا بكمل ليك انشاء الله اسه تعبانه عايزه اجري الحق المواصلات قالت لي بوصلك حلفت وقلت ليه مره تانيه المهم اتحركت على البيت وانا طالعة شايفه الشلة واقفه ومركزين معاي شديد وقلت الله يستر مشيت طوالي وتاني مارفعت عيني عليهم وصلت البيت اكلت وصليت ونمت شوية وصحيت قلت اراجع كنت زهجانه واول مره ازهج كده أمكن عشان اول مره يحصل معاي موقف زي دا وانا زولة في حالي وماعندي شغله بي الناس !فتحت التلفون قلت كده اشوف الفيس فيو شنو من فتحتي لي الشبكه نزلت معاي كمية من الرسائل في الواتس دخلت الواتس لقيت نفسي في قروب وفتحت القروب ومن فتحت كده ظهر انو شوفته الرسائل طوالي واحد قال الغراب مع ضحكة والتشغلات اشتغلت عرفته ديل الشلة الكريمة طوالي طلعت من القروب رجعوني تاني وحده كده قالت لي مالك هربتي سلمي ساي على الاقل وضحكو واحد قال ليه الغراب شكلو كده خواف ويضحكو ساي طلعت تاني قفلت الواتس مشيت على الفيس ماكان في موضوع والفضول قتلني فتحت صفحت مكاشفي ماكان في حاجه جديده غير التعليقات على اخر منشور قفلت التلفون نهاي ونا زهجانه رجعت درست شوية ونمت صحيت الصباح وكان ماعندي محاضرات صليت وعملت شاي شربت مع امي وابوي وانا ساكته ساي امي قالت لي مالك يامريم ساكته كنتي بتحكي لي عن الجامعة وعن يومك الليلة مالك قلت ليه مافي حاجه جديد غير لقب الغراب علي يامي امي ضحكت وقال لي الله يهديك وتغير الأسود المهم ساعدت امي في النظافة ودخلت ادرس والتلفون نهاي مافتحتو ماعايزه اي نفسيات تميت اليوم دراسه علي ونسه مع امي والجيران بشربو القهوة مع امي وباقي اليوم دراسه فتحت التلفون العصر اتونس مع رهف ونون وحكيت ليهم بي القروب وقالو لي لو دخلوك تاني ضيفينا عايزين نشوف ليك حل لانو الموضوع دا مزعجه ونفسيات عديل قلت ليهم تمام فتحت الفيس برضو ماكان في موضوع رجعت قفلت التلفون ودرست شوية ونمت صحيت الصباح كان الجمعة ومافي جامعه كملت اليوم برضو دراسه ونسه مع امي ورهف ونون
لما جيت انوم فكرت كتير وقلت انا ليه مهتمه بي مكاشفي !والشله! وقررت من الليلة اركز بس في الجامعة ومااهتم لي اي حاااااجه الا حلمي وبس ونمت على كده وانا مقرره اطلعي تفكيري سلبي من راسي
صحيت الصباح وكان عندي محاضره صليت وشربت الشاي راجعت شوية طلعت عباية سودا وطرحه سودا وقلت خلي البتكلم يتكلم انا زي ماانا ومامهتمه بي أي زول لبست وطلعت وصلت الجامعة من دخلت سمعت زول بقول لي السلام عليكم رفعت راسي لقيتو مكاشفي رديت ليو هو داخل على الجامعة قال لي اخبارك قلت ليو الحمد لله وسكت قال لي الناس بتقول وانت؟مارديت عليو ومشيت سريع سريع من امس قررت مااشتغل بيو ولا بي الشلة انتظرت في المكتبة لما زمن المحاضره قرب طلعت طوالي على القاعة اتصلت على رهف قالت لي انا في القاعة وين انتي قلت ليه جايه عليك دخلت وارسي تحت ماعايزه اشوف اي زول رهف كوركت لي مشيت ليه وقعت الدكتور دخل انتهت المحاضره قالت لي ارح نفطر مشيت الكفتريا ونهاي مارفعت راسي قعدت وفطرت سريع سريع حتى ماعارفه الكفتريا فيه منو فطرنا وطلعنا طوالي استمريت كده شهر مابفتح الشبكه وبجي مع زمن المحاضره واغلب وقتي في المكتبة وماعندي شغلة بي أي زول غير رهف ونون حتى الكفتريا مابرفع راسي حاسه نفسي مرتاحة شديد كده والشلة مهما اتكلمو مابرد ولا بعاين ليهم اصلآ ومكاشفي من اليوم داك. ماشوفتو وصلت البيت استحمت واكلت وصليت فتحت التلفون وفتحت الشبكه قلت اشوف الجديد شنو نزلت معاي رسالة في الواتس من رقم غريب السلام عليكم مريم انا مكاشفي عايز اتكلم معاك في موضوع ممكن!؟؟شوفت الرسالة بس ماعرفت ارد بي شنو دخلت وطلعت من الغرفه الف مره وماااااعارفه ارد ما ارد ارد ماارد ياربي مالو حتى لو رديت اقول شنو في النهايه مسكت التلفون قلت كده اشوفو مالو فتحت شبكه لقيت رسايل منو مريم انا مابلف ولا بدور ولا بحب حركات الشباب والبنات ولا بحب العلاقات الحرام مريم انا عايز اتقدم ليك لو وفقتي بجيب اهلي وبطلبك انا فكرت في الموضوع كتير ومابقول ليك شعور شنو اتجاهك ماعايز تعرفي الا تكوني لي وبي الحلال وبتمنا اعرف عنك اي حاجه وتعرفني عني اي حاجة بس كلو يكون بي الحلال يامريم فكري في الموضوع وانا منتظر ردك وتاني مرسل تصبحي على خير😳قلت دا مكاشفي أمكن واحد من الشلة الكريمة حاول يلعب معاي عشان مكاشفي اليوم دا اتشاكل معهم بي سببي شلت الرقم ومشيت دخلتوا في تطبيق كشف الأرقام وطلع فعلآ مسجل بي مكااااااشفي وااااي انا ياقلبي غلبني النوم عديل اقوم واقعد ادخل واطلع لما في نهاي مماحسيت بي نفسي الا الصباح وفتحت التلفون عشان اتأكد مايكون حلم ورجعت لي الرسايل الف مره عشان اتأكد دخلت الفيس منزل منشور ليو كم يوم منزل صورتو في المنشور كان لابس فيو قميص مربعات بي الكحلي والأبيض وقاعد جنب البحر ومبتسم كاتب في المنشور تمشي وين الخطوة عنك.. ما الزمن بالحب بلاك وابتلاني #قهوتي☕