رواية اللعب على حبلين
الفصل الثالث 3
بقلم مجنونة
و قلتي ما دايرة عرس و بهرجة و ذنوب في اللحظة ديك بديت احس بي اعراض سكتا قلبية و حيلي كلو مات و بقيت اتمتم أنا يا أبوي احمد قال لي مالك يا ذوبة غيرتي رايك ولا شنو 😅 أبوي قال ليه تغير رايها وين لعب شفع هو ؟ أنا ماشي اصلي و نجي تنفق على موعد العقد الجمعة الجاية طوالي إن شاء الله ابوي قام من سريرو وأنا لسا تحت كرعينو خلاني سرحانة بعيد و بفكر في العملو فيني احمد دا بعد ابوي طلع سمعتو بضحك و بقول لي شنو يا عروس 😂 مافي مبروك قمتا على حيلي و شلتا عكاز ابوي و ماشة عليه بسرعة و أنا رافعة العكاز فوق قلتا ليه الليلة بقتلك يا ود ....... قام وقف و لو لي يدي قلع مني العكاز وقال لي قال ليك براك بتعرفي تلعبي بقيت بقاوي فيه عشان افك يدي بالجلالة حتى إتفكيت منو قعدتا في الكرسي و إتوستا يديني قلتا ليه حرام عليك 😭😭 لي عملتا كدا أنا مستحيل اتزوج بالطريقة دي و أنا دايرة اكمل دراستي و إنت وعدتني 😭 قال لي صاح أنا وعدتك عشان تكملي دراستك بس انتي زولة لعب ما تعليم و هسع لو سالتك من اي مادة ما بتكوني عارفة لانك معديها كلام بالتلفون و فارغة 😡 قلتا ليه عاين يا احمد من الاخر كدا أنا ما بعرس هسع ولا كدا و دا اخر كلام عندي وقف بكل ثقة و ربع يدينو قال لي جداً هسع بنادي عمي وبقول ليه زينب قالت ما دايرني و عندها زول تاني مربطة معاه وأنا رفعتا يدي منها و إنتظري الجياك داير يطلع وقفتو و قلتا ليه إنت مجنون كدا ابوي هيقتلني قال لي دي ما مشكلتي ما أنا ما طرطور هنا عشان تكوني مخطوبة لي بتلعبي هنا و بتلعبي هناك من البداية قولي ما دايرني بدل تخليني متعشم الزمن دا كلو قلتا ليه هسع أنا ما دايراك قعد يضحك بي إستهتار قال لي راحت عليك يا حبة اخليك عشان يجي ود المدينة يعرسك و أنا اقعد فاتح خشمي هاهاها شكلك بتحلمي قلتا ليه يا احمد العرس ما بالغصب وأنا ما دايراك قال لي لا يالسمحة بالغصب و بي كيفي و مزاجي و العرس الجمعة الجاية و تفتحي خشمك تاني من دربي دا بمشي لي عمي اوريه عمايلك كلها و المرة دي لو قتلك مافي زول بحجزك منو 😏 قعدتا ابكي قلتا ليه طيب أنت بيتك ما جاهز قال لي المشكلة وين تسكني مع امي لمن يجهز قلتا ليه إنت عارف امك دي بتكرهني قدر شنو و ما دايراني ليك 😭 قال لي من عمايلك البطالة لو كنتي هدية و رضية كان حبتك و هسع تحاولي و تكسبي ثقتا لكن ما ظنيت تقدر تثق فيك مدام أنا نفسي ما قادر اثق فيك هي تقدر كيف على العموم دي مشكلتك إتصرفي قام طالع قلتا ليه طيب رجع لي تلفوني قال لي عشان ترجعي تتكلمي بيه مع اولاد تاني لالا معليش تاني التلفون دا تشوفي عند الناس بس لمن تموتي تاني ما بتشيلي لأنك ما بتستاهلي ولا بتعرفي تتعاملي بيه قلتا ليه يعني كدا أنت بتعاقبني مثلاً قال لي والله يا زولة افهميها ذي ما دايرة تفهميها دي حاجة بترجع ليك وبعدين ناس سيدا اختي بجو المساء بجيبو ليك حاجات الحبس و بكرا تمشي السوق مع امك جيبي ليك كم غيار لي الشيلا ذي ما قلتي ما دايرة اي بهرجة حاجة مختصرة و ظريفة قام غمز لي و طلع 😉 قمتا فلقتو بي الشبشب بس ضرب في الباب و قعدتا ابكي و اقول ليه بكرهك يا واطي الله يلعنك ياخ قعدتا في واطتي دي كملتا بكاي كلو قمتا إطنفتا وقلتا لازم اعمل لي خطة محكمة تنقذني من المصيبة دي اتلفتا يمين شمال لقيت تلفون ابوي في السرير تحت المخدة قلتا خلاص يا زوبة جاك الفرج شلتو و جري على عوضتي دخلتا وقفلتا الباب بالترباز....
متابعه للصفحه ليصلك باقي الأجزاء
صلوا علي النبي#اللعب_على_حبلين (2)
#بقلمي/مجنونة
لمن جات اختي و قالت لي العريس في الصالون قالو ليك تعالي بي نطتا واحدة وقفتا قدام اختي و مسكتا من اكتافا و بقيت بهز فيها و بقول ليها عريس منو عريس منو يابت اتكلمي سريع لمن بكت لزتني وقالت لي عريسك إنتي يا مجنونة 😭 في اللحظة ديك رجليني ماتو و بقو ما شايليني إنبرشتا في الارض وختيت يديني فوق راسي وبهز جسمي و بقول الليلة يا زينب عملتيها في نفسك براك يا زينب الليلة وووووب علي اعمل شنو عاينتا لي اختي وقلتا ليها هو ذاتو القال لي اجي قالت لي لالا ابوي البناديك بلعتا ريقي و نطتا عيوني 😳 ابوي قاعد يعني قالت لي ااااي و من قبيل بتكلمو في موضوع و هسع قالو ليك تجي و أنا دموعي عشرة عشرة قلتا ليها امشي قولي ليهم نايمة ولا ميتا ولا اي حاجة المهم إتصرفي قالت لي هوي يا زينب أنتي عارفة ابوي دا كن قام لو ميتا بقول لي رجعي ليها الروح أنا ولا عندي بيك اي شغلة قلتا ليها اصلك منعولة مستحيل الزول يستفيد منك في كسر من الثانية شلتا رميتا برا و قفلتا الباب جريت نفس عميق و قلتا هوي يا زينب البتسوي بي إيدك بغلب اجاويدك و إنتي العملتي كدا في نفسك مافي وقت لي الندم لازم تشغلي بطيختك دي و تلقي حل شلتا سبابتي بنقر بيها على فاخورتي وقبل اجمع سمعتا ابوي بي نهرة بقول يابت يا زينب وقبل يعيدا لقاني واقفة قدامو و دا كلو في جزو من الثانية التوب دا جزو لبستو و جزو كاري في الارض و الوش وارم من البكى و الشعر واقف ذي بوخ الحلة و أنا ماشة تقول ماشة في موية المسافة دي بقت لي سفر ماشة و اتشهود لمن وصلتهم غالبني النطق عديل بالجلالة حتى قدرتا اقول نعم يا ابوي قال لي سلمي أول يا بليدة في دنقيرتي ديك قلتا السلام عليكم 🥺 قال لي وعليكم السلام ابوي قال لي صحي الكلام السمعتو دا يا زينب 😡 و أنا خلاص ما فضل فيني حيل و دموعي ديل كملو قلتا ليه دقيقة يا ابوي افهمك قال لي ما داير اعرف حاجة كتر خير احمد فهمني اي حاجة كفى و وفى عاينتا لي بي غيظ كدا لقيتو متكي في الكنبة بكل ثقة و بعاين لي في اللحظة ديك ما لقيت حل غير
صلوا علي النبي
دخلتا العوضة وقفلتا الباب بالترباز و صنقرتا في نص السرير مربعة كرعيني بي مزااااج قمتا إتصلتا لي عماد (ود المدينة) طبعاً رقم ابوي ما جديد عليه عشان كدا ردا من اول جرس مع قولة الو بقيت ببكي ليه وبقول ليه يا عماد الحقني 😭😭😭 قال لي بخلعة كدا مالك يابت الحاصل عليك شنو ؟ و وين اختفيتي كدا أنتي كويسة صاح ؟ قلتا ليه لالا ماني كويسة ناس بيتنا عرفوني بتكلم معاك و دايرين يعرسوني لي ود عمي بالغصب يوم الجمعة الجاية علينا دي و أنا ما دايرهو انا بدورك أنت بس يا عماد قال لي كيف الكلام دا قولي ليهم يصبرو أنا بجي اعرسك قلتا ليه ما برضو اهلي دول صعبين يا عماد أنا بموت لو عرستا غيرك 😭 قال لي دي مشكلة شنو دي يا زوبة ؟ اها أنا أعمل شنو هسع ؟ قلتا ليه أنا عندي حل قال لي اها قولي قلتا ليه أنا بجيك في المدينة هناك و إنت قوم عرسني يلا كدا بنكون ختينهم في الامر الواقع و ما بقدرو يقلعوني منك تاني قال لي امممممم فكرة بس أنا حالياً ما جاهز و وضعي ما بسمح لي قعدتا ابكي وقلتا ليه معناها أنت ما دايرني و بتلعب علي 😭 قال لي معقولة يا زينب بس والله القروش العندي كلها دخلتا في مشروع قلتا ليه مشكلتك هسع قروش بس قال لي اي والله قلتا ليه خلاص دي محلولة أنا بقدر عليها تاني في شي قال لي لا قلتا ليه خلاص أنا بكرا بطلع على المدينة و بتصل ليك تجيني قال لي حااااضر يا ست البنات يا عسل انتي قفلتا منو الخط و رجعتا التلفون براحة و رجعتا عوضي فضيت شنطة المدرسة من الكراريس و الكتب الفيها و دخلتا لي غيارين و رقمي الوطني طلعتا الحوش لقيت أبوي نايم تحت الليمونة وامي مشت السوق و اخواني عند الجيران بقيت بحبا في الواطة لمن وصلتا سرير ابوي جيرت المفاتيح احلى حاجة في الموضوع ابوي نومو تقيل المهم شلتهم وجري فتحتا عوضتو و من دربي فتحتا الخزنة شلتا القروش الجواها كلها قريب لي كم منيار و سلتا غوايش امي حقات الدهب قفلتا الخزنة والعوضة ورجعتا المفتح حشرتا القروش جوا الشنطة و لبتا تحت سريري و مع زحمة الضيوف الجو مع العصر جابو حاجات الحبسة و كدا مافي زول فكر ليهم و اليوم عدا على خير تاني يوم قبل صلاة الصبح....يتبع
صلوا علي النبي