رواية زواج القاصر والاعمي
الفصل الاول 1
بقلم رزان محمد
عرسته وعمري ١٢ سنه ابوي زول من جماعه الأنصار سنه حتي بتزكر يوم عرسي جايه كنته من درس العصر قالي تعالي يا رحيق قالي دايرك في الصالون... استغربته ابوي عمرو ما ناداني بطريقه دي... كان دايما نبرتو معانا كلها ترهيب وخوف.. المهم وانا ماشه مع ابوي عاينته لي اختي فاطمه دي أكبر مني شويه قاعده تبكي وشغاله لي ابوي حرام عليك رحيق لسه صغيره لي تجدعه الجدعه دي المهم ابوي شاكله ودخله جوه وقفل الأوضة وقالها حسابك معاي بعدين وامي قاعده وبتعاين بعيونه وبتبكي نهاي ما قالت حاجه.. المهم مشيت الصالون لقيت راجل كبير وولد شاب الراجل الكبير شكلو زول طيب لكن الود صاري وشيو وزعلان حسيت بيو...ابوي قالي سلمي يا رحيق دا عريسك..بعد كلمت عريسك انا راسي بده يلف ودمعتي في عيني وكان نفسي اقوم من المحل بس خايفة من صوط العنج الراجي اختي فاطمه لو قمته انا زاتي بدقوني معاها...المهم قعدته زي دقيقتين ومشيت بهناك قعدته ابكي ابوي بعد ودع الضيوف جه لقاني ببكي قالي بتبكي مالك ناس مروقين وعندهم قروش وناس انصارسنه... قولته لي ي ابوي انا دايره أقره ما دايره اعرس انا لسه صغيره م تميت كلامي ابوي اداني كف.. قالي البنات مصيرم بيت راجلم وانا داير اكمليكن نص دينكن (اوي اصلا كان ماسك الدين غلط يعني ما كان عارف شي وحده صاح من الدين)...مرت الايام وانا حموني المدرسه وقعدوني ف الدخان وكمان ابوي قالي تاني حتعرسي الا تتنقبي وانا اساسا م كنته بعرف للدخان والحاجات دي بس ابوي قال لي امي قعديها وقعدوني... امي زوله مسكينه وبتريدنا ابوي طوالي بضربها مره بتزكر قالت ليو بطلق منك قاليها تمشي وين ما عندك محل كان طوالي بقوليها امك وابوك ماتو حتمشي مني وين... جا يوم العرس وكانت أجواء غريبه صراحه وودوني الكوافير بتاعت الكوافير زعلت قالت لي كيف بعرسو ليك انتي شافعه المهم بعد خلصنا العريس خاشي اول ماشفته العريس اتخلعته طبعا واشوف ليك بس......
صلوا على النبي 🤍