رواية من العتمة إلى قلبي
الفصل الثاني 2
بقلم ال زهراء
زياد قال ليهو عزو اتاخرت ياخ انا لي كم بتصل بيك وبقول ليك انو اخواتك رفعن شكوة على مروان ،انت عايز مروان يضايق منك كنت بعاين لأخوي المهزوز وبالبعتذر ليهو ، وحسيت بالخيبة جيتو وضربتو في صدرو وقولت ليهو مستوعب في الكلام البتقول فيه، كمان تعتذر!!!!، عارف كان بهدد اختك بشنو ؟! ،وعارف عايزها تعمل معاه شنو؟؟، مسك كتفي بقوة وقال لي من متين المرة بتعلي صوتها ،الزمي حدك! ،وفي البيت انا بعرف اادبكن!، بقييت اجوط فيه وهو طوالي لبعني في ضهري وقال لي ما تفضحينا الله يفضحك، وخشمك دة ما يتفتح تاني معاي وفي البييت انا حا اوريك، مروان قال ليهو براحة عليهم بعدين وتعال شيل مننا العايزو، اخوي دة ابتسم من الضرس للضرس انا عرفت انو تعبهم وحبو للم*خدارات والادمان خلاهو حتى ينسى اننا اخواتو خلاهوو واحد خايب وعايب قدامنا وقدام كل ناس الشرطة، انا قولت لمروان انا ما حا اسحب شكوة التعدي قال لي عزام تسحبيها فوق رقبتك دة ،قولت ليهو ابيييت!!!، ضربني كف ،مروان قال ليه ما هنا يا باشة هدي لبعدين ماف مشكلة شكوة صغيرة زيها بقدر اسقطعها وفعلاً زي ما قال الشكوة سقطت في نص ساعة بس، وبقى حر وطليق وانا بقييت بس متجهمة وبعاين ليهو باشمئزاز!!!، جاني وقال لي عزة النظرات ديل شنو انت معجبة!؟، ما رديييت وسوقت اختي من يدها وبقييت متحركييين، سمعتو بقول عزام شوفت عزة دي ما تسالها نهاي ،لو عايز تربي ربي عبير،جاء وقرب وهمس لي شوفتي انا اسي حميتك من اخوك لانو عايز بنفسي اربيييك!!!، قولت ليهو تربي لي شنو هو انت بتقدر تصلني، قايل البلد سايبه!!، قال لي يا نيجنا بنشوف وبينا الايام !!!، نادى لي عزام وقال ليهو يا حبيب نوصلك معانا وتاخد امانتك لانك يا زولي شكلك خلاص ما قادر تتحمل ،عزام كان عينو مرهقات وزي الكان تعبان شديد وبدا يرجف كلو ،بتذكر الحالة الزي دي جاتو مرة والوقت داك شال التلفزيون بدون واعي ومشى باعو بس عشان ياخد زفت الطين الادمن عليهو ،بس ما قايله في يوم ممكن يبيع اخواتي وما يوقف معاهن عشان السم البتعاطى فيهو،انا قريت انو ممكن الزول يقتل اهلو وحتى يقتل اي زول حولو ويعمل اي حاجة بس عشان بس بكون عايز ياخدو وما لاقي طريقة بس ما فكرت انو ممكن الكلام المكتوب يطلع حقيقة واشوفو في الواقع!!!، عزام فرح فرح وطوالي طلع مع زياد،وانا وعبير طلعنا وهي كانت بترجف وقالت عزام حا يكسر راسي ،عزام حا يقتلني بعدين انا متأكدة!!!!، مروان جاء لاختي وقال لييها عبورة ماشة البيت اوصلك ولا خايفة اخوك يطقك يوقعك الأرض لو خايفة رأيك شنو اوديك بيتي ومنها نخلص البديناه مع بعض، عاينت ليهو بحدة ،ضحك وقال لي اسف اسف انا عارفك انو منتظراني اعزمك بس انتي عزومتك خاصة وما بتنفع وانا بالشكل دة!!!، كان بعاين لي بنظرة غريبه ومقرفة!!، قولت لعبير ورح الرد على السفيه مذلة!!!، طلعنا بالركشة وقف وقال لبتاع الركشة البت دي بتخصني امانه في رقبتك توصلها لحدي البيت ،واداهو القروش قولت ليهو رجع القروش انا لا بعرفو ولا عندي بيهو اي صلة!!، قال ليهو يا زول ما تشتغل بيها وشيل القروش أصلها خجلانة مني!!!، انرفزت ونزلت تحت وقلعت القروش من بتاع الركشة ورميتهم ليهو في وشو وقولت ليهو امسك قروشك القذرات ديل عليك وما المحك تاني في وشي يا مروان، قال لي بتصدقي مروان دي حلوة شديد منك نفسي اخنقك عشان ما تنطقيها تاني، كان بعاين لي جوة عيوني وكان خال التعابير لمن خوفني!!، طلعت وقولت لبتاع الركشة اتحرك دا واحد مجنون، ضحك وقال لي نينجا لينا تاني لقاء بس اتظبط واروق واجيييك،قولت ليهو حقيقاً شكلك ما بتفهم!، تاني والله تقرب مني ولا من اختي حا اقتلك واشرب من دمك. قال لي حا نشوف البشرب من دم التاني منو.
طول الطريق وكلام تهديدو راعباني بس ما كنت عايزة ابين القلق لعبير البترجف كلها من الخوف ،قالت لي وهي تبكي وديني بيت هاله انا ما عايزة امشي البييت هو حا يقتلني، قولت ليها اقول لامي شنو؟؟، قالت لي كلميها هي حا تعرف اصلا منو حا يجي البيت ساطل وحا يبدأ يصرخ وحا تعرف، قولت ليها طيب اتصلي بيها شوفيها قاعدة ،طبعا هاله دي بتكون بت خالي وهي شغاله في شركة وقاعدة في بيت مع الموظفات وفي كل فترة والتانية هي بتجينا ونحن بنمش لينا وهي بت طيبوبة وحبابة! على عكس أخواتها وامها يلي بكرهونا ويلي هم زعلانين من مدت ابوهم لامنا المهم وصلنا وهي نزلت وقالت لي انتبهي على نفسك والفترة دي احسن ما تمشي الجامعة!، قولت ليها انا عمري 22سنة ما حصل خوفت من زول اخاف اسي!!!، المهم مع السلامه حا اديك فترة تروقي عشان عندي معاك كلام كتيييير عايزة اقولو ليييك.
مشيييت البييت ولقيت امي قاعدة جات وقالت لي انخلعتا لمن لقيت البيت فاضي وقولت الا الولد العاق دة عمل حاجة ولا حصلت ليهو حاجة!!، قولت ليها ما تخافي ماف زول فينا اتاذي،بس عايزاك تعرفي حاجة مهمة شديد عننا، حكيييت ليها وما دسيت منها اي تفصيله لا صغيييرة ولا كبيرة بكت وقالت لي انا بتعب وبشقى عشان أقدر البي كل احتيجاتهم وهم يا بتي بطعنوني كدة في ضهري، عايني يدي من الغسيل الكتير والمكوة وبعد كدة متحملة وصابرة وكلو عشان بس عزت نفسي ونفسهم بس ما قدروني وجدعو تربيتي ليهم واحد صايع مع الشله الفاسدة ديك ،والتانية تقل في ادبها قعدت ووشها بقى شاحب واصفر! ،قولت ليها اكيد ضغطتك ارتفع!، قعدت جنبها وقولت ليها ما تزعلي نفسك ليهم انتي كام عملتي العليييك وأكتر ربيتهم واكلتيهم وشربتهم بس هم اختارو يكونو كدة وانتي ما عندك اي يد في الموضوع، عاينت لي والدموع في عينها ضياع اولادي دة قاطع قلبي ،جملة مختصرة بس معناها لامسني ،قولت ليها الله يهديهم الله يهديهم بس ندعو ليهم بالهداية ،قالت لي إن شاء الله ،مسحت دموعها وقولت ليها خلاص ما تبكي انا ما بحب اشوفك بتبكي!، اوريك حاجة حا تفرحك وتنسيك شوية! كنت عايزة اعملها ليك مفاجأة بس بعد مزاجك انخرب حا اعدلو ليك شلت ليها ورقة واديتها ليها قالت لي دي شنو؟؟!، قولت ليها معهد تحفيظ قبلوني فيه وحا اشتغل معاهم بارك الله في شيخة بتول هي الدلتهم علي، قالت ليها ما شاء الله يا بتي الحمد لله رب العالمين حا تشتغلي طوالي قولت ليها لا بعد 3اسابيع في معكسر حفظ لمدة شهر مغلق والفترة ديك بكون خلصت امتحانات، قالت لي الله يعدل طريقك محل ما تقبلي يا عزة!، قولت ليها اللهم آميييين، قعدت معاها مسافة وهي شاردة وشكلها بتفكر قولت ليها أقرأ ليك قرآن بصوتي قالت لي اي عليييك الله مهمومة.
قال تعالىبِسْمِ اللَّهِ الرَّحْمَٰنِ الرَّحِيمِ1.* طه 2. مَا أَنْزَلْنَا عَلَيْكَ الْقُرْآنَ لِتَشْقَىٰ 3. إِلَّا تَذْكِرَةً لِمَنْ يَخْشَىٰ 4. تَنْزِيلًا مِمَّنْ خَلَقَ الْأَرْضَ وَالسَّمَاوَاتِ الْعُلَى 5. الرَّحْمَٰنُ عَلَى الْعَرْشِ اسْتَوَىٰ 6 لَهُ مَا فِي السَّمَاوَاتِ وَمَا فِي الْأَرْضِ وَمَا بَيْنَهُمَا وما تحت الثرى...
تابعت للنهاية لقيتها مغمضة عيونها وياودب هدت قولت ليها حا تكوني تعبتي! اليوم، امشي نومي جوة وانا حا اعمل الاكل، قالت لي الليله ما ادوني حقي ولا خالك رسل، اعملي لينا اي حاجة إن شاء الله سخينة، قولت ليها طيب تمام مشيت المطبخ لقييت لي كم بصلة قولت الحمدلله لو ماف الا اشوف لي طريقة تانية!، طوالي عملتها وقعدت عاينت لقروب الدفعة قالو فرضو رسوم!، انا طبعا بقرأ مختبرات طبية منحة حفظة قرآن في جامعة خاصة، وكل الرسوم ممولة بالكامل ودا من فضل ربنا العالميين علي.
المواصلات وحق الاكل هو المتعب بقن وانا كعزه بشغل في مكتبة عشان اطلع حقي وحق مصروفي!، كنت عايزة اقفل الشبكة طوالي جاتني رساله من ممو ودي ميمونة صاحبتي اللطيفة كان فيها انو بكرة عاملين ندوة دينية في الجامعة ،قولت ليها الله يا ميمونة العامليها منو ،قالت لي شيخ زاكي الدين ومعاه شيخ مبارك ،قولت ليها بارك الله فيهم والله ليه انا ما عرفت!، انا مشتركة في كل قروباتهم، قالت لي بتكوني ما عاينتي هم مرسلناها قولت ليها طيب،قفلت وبقييت متحمسة شديد.
بالمساء اخوي جاء ساطل سطلة شديدة وقال لي وينها بت الحرام الما نافعة تمشي تنشر شرفها للناس بت***،قولت ليهو انت ما عندك اي حق تحاسبها انت اخو فاشل وما عندك اي مروءة سحبت الشكوة وبقيتنا مضحكة الله ما جاب باقيييك يا مدمن، لو بس كنت اخو بغار على اخواتك كنت خلييتك تدقها بس اسي ما ليك اي حق تدقها وانا البادبها بذات نفسي جاني وهو هايج وامي كانت نايمة برة ولا جايبة خبر يا حليلها تعبانة ووما اتعشت تاني نامت ،المهم مسك شعري وضرب راسي بالحيط قال لي تعلي علي صوتك انا يا عزة انتي ما بتعرفيني ولا شنو عايزاني اضبحك وارتكب فيك جريمة كان مطلع السكين وخاتيها في رقبتي!!!، تاني خلاها ومشى جاب الخرطوش جلدني بيهو وكل دة وانا ساكتة!! وما بصرخ عشان امي بس ما تصحى بصوتي وتنخلع الفيها مكفيها بقيت بس ببكي بصمت وبستغفر براهو انسحب ومشى الغرفة التانية وانا حاولت اقوم بس ما قدرت من أثر الضرب، الساعة 2صباحاً يادوب قدرت اقوم وطلعت فوق السرير وحاسة انو جسمي دا كلو مخدر!، بلعت مسكن!، وحاولت انوم بس ما قدرت الا لمن المسكن اخد مفعولو.
الصباح بدري لبسست سريع وحتى لبست نقابي بدون ما أوري امي آثار الضرب كنت متالمة بس ما كنت عايزاها تحس، امي قالت لي مالك من الدغش لابسة ماشة وين بدري، قولت ليها الليله في ندوة ماشة اقرا شوية في المكتبة واحضرها، قالت لي بس بدري شديد الوقت ،قولت ليها ما بدري، قالت لي طيب انتبهي على نفسك ودعتك لي الله، قولت ليها وانا، كنت طالعة قالت لي اخوك امس جاء البيت الصباح مشيت اشوفو لقيتو ماف ،قولت ليها جاء في وقت متأخر!!، قالت لي سالك ؟!، قولت ليها لا قال داير عبير وكلمتو انها ماف، قالت لي ما يكون عرف مكانها قولت ليها ما حا يكون عرف!.
في الطريق قولت في نفسي حا امشي ليها الليله واوريها النجوم بالضهر امس كانت منهارة بس الليله حا اادبها عشان تعرف ترسل صورها وتتكلم مع الاولاد.
وصلت الجامعة وطوالي دخلت كنت بعتر لانو أمس دفرني بعد ضربني بالخرطوش مشيت المكتبة وتاني طلعت بعد 3ساعات لممو، في أثناء ما ماشة التفو فيني زي 4اولاد، كان من ضمنهم زياد ومروان قال لي مروان صدفة والله غريبة انتي بتقري هنا يا نينجا، قولت ليهو تزحو من الطريق تزحو ما تزحو حا يكون عندي تصرف تاني ،قال ليهم ما قولت ليك قطة برية!، ضحكوا زياد قال لي ما تغضبي نحن بس عايزين نصبح عليك ولا ما كدة يا شباب ،واحد قال ليهم ايوا ايوا وعارفة يا حلوة انو كلنا بنموت في المنقبات!، تحبي نعزمك حاجة!، استغفرت وحاولت ازح من دائرتهم دي بس ما قدرت!، مروان قال لي ماشة وين مستعجلة دا نحنا لسه عندنا معاك كلام ما خلص لسه، عاينت ليهو وقولت وانا ما عندي اي كلام معاك! وما تزعجني لانو انا لو انزعجت بعرف اعمل ليك شنو! ومش امس أسقطت تهمة الاعتداء بانو قولت هي الضربت اول، الليله ما حا تفلت لو هبشتني ،ضحك وقال لي والله اعمل الداير اعملو فيك وخشمك دة ما تفتحتو!، ما اتكلمت بحرف لانو فايدة النقاش مع واحد زيو عقيمة.!، بقيت قاعدة في نصهم جات ممو سريع وقالت ليهم خير في شنو يا شباب مالكم مع البت دي، عاينو ليها وزياد قال ليها العفو يا الأخت كنا بس بنسال فيها من حاجة، مروان بعد لي من الطريق وقال لي اتفضلي مشيت فيهو وانا بعتب!، فجاءة اسمع صوت ضحكتو العالية وهو بقول ضربك دا انا حذرتو بس شكلو ما سمع عشان بقى في عالم تاني ،قولت ليها شمتان صاح!!،اشمت كويس!!!!.
مشيت منو وسوقت ممو قالت لي يا بت الاشكال دي بتعرفيها من وين!؟، قالت لي قصة طويله بس تاني يا حلوة لو شوفتهم معاي ما تتدخلي لانو انا خايفة عليك ديل ناس خطيرين، قالت لي كيف اخليك معاهم بدون ما ادخل وبعدين انا ما خايفة!، قولت ليها حلفتك بالله العظيم لو لقيتني معاهم اوعى تقربي مني، عاينت لي وقالت لي تمام.
دخلنا جوة الندوة الشيخ زاكي الدين كان بقرا في آيات قرآنية!، وتاني بقى يقول نحن اليوم في زمن كثرت فيهو الانشغالات، لكن الدين لا يغيب، هو معنا في كل خطوة.. في التزامتنا وفي مشاغلنا الدنيوية وشيخ مبارك الليله معانا عشان يورينا كيف بنعيش الدين في تفاصيل حياتنا اليومية!!.
صفقنا ليهو وقعد جاء شيخ مبارك وقال الدين ليس مجرد صلاة وصيام، بل هو سلوك، طريقة تفكير، وخلق وأخلاق ... . تاني بقى يفصل وقال أبدو بالنية في كل صباح، قبل أن نخرج من البيت، لو نويّنا نساعد غيرنا، أو نطلب العلم، أو نكون سبب خير، بنكون في عبادة. النية تحوّل العادات للعبادات.... وبعد انتهى من النقطة بعد ربع ساعة عديل دي مشى للبعدها وقال"،اتعاملو بأخلاق الرسول صلى الله عليه وسلم في البيت، في الجامعة، في الشارع، نحن بنحتاج نتمثل بصدق النبي، حلمه، تواضعه، وعدله وكرمة ،واخلاقة لانو الدين هو الأخلاق.... جاب أحاديث وايات قرانية كتيرة ." سكت مسافة وقال يا أولادي ويا بناتي اذكرو الله في كل حين والذكر دة ما محتاج مكان خاص حتى اانتو في المواصلات وبين المحاضرات وفي البيت وفي الشارع وفي أي مكان ممكن تذكرو الله سبحان الله، الحمدلله، لا اله الا الله، الله اكبر حاجات ساهلة وما بتكلف من وقتكم.
ما تفصلو الدين من الحياة الدين ما بس في المسجد ،لمن نلتزم بموعيدنا نكون نضاف نحترم الناس دي كلها ممارسات دينية، خلو الناس تشوف الدين فيكم في لبسكم في ردكم في سلوكم ،خليكم يا طلابي دعوة ماشة على الارض....
اتكلم قريب الساعتين وحاجة عن الموضوع دة وتاني قال نسأل الله أن يجعلنا وإياكم من الذين يُحسنون تمثيل هذا الدين، ويعيشونه حبًا وسلوكًا قبل أن يكون حفظًا وأداءً.
وصلى الله وسلم على سيدنا محمد، وعلى آله وصحبه أجمعين
شكرا لحضوركم الطيب ،والسلام عليكم ورحمة الله وبركاتة.
قام شيخ زاكي الدين وقال في أسئلة واحدة رفعت يدها وقالت كيف اخلي الدين اسلوب حياة وما بس شعائر ؟! ،قال ليها سوال جميل بالتطبيق يا بتي، طببقي الدين بتشوفيه معاك في كل مكان ،سالو أسئلة كتيرة وجاوب عليهم وختم رضي الله عنكم يا أولادي وبناتي، والسلام عليكم ورحمة الله وبركاته.
طلعنا قالت لي حلوة شديد في ناس عندهم التدين الظاهري وافعالهم عكسيه ،تلقيه بصلي رياء للناس ،وأخلاقو زفت وما مطبق الدين ولا عندو صلة بيهو،قولت ليها حفظنا الله وجعلنا من الذين يمثلون الدين بدون رياء ولا نفاق ،قالت لي اللهم امين.
مشت تاني وانا قولت ارجع البيت بعد كدة مشيييت واتذكرت كلام الشيخ الجميل الدين ما بس عبادات محتاجين كمان نعملو في حياتنا اليومية يعني لو ابتسمت في وجة أخيك صدقة ،ولو امطت الأذى عن الطريق بتكون حسنة ليك ،ولو ساعدت الناس بتكون اخذت نصيب من الأجر ، أفعال صغيرة ممكن تكون ليها دور كبير في انك تاخذ حسنات.
بقيت ماشة وانا مبسوطة وقفت عربييية لي وانا عايزة أقطع الشارع القزاز فتح وكان مروان وقال لي نينجا مشتاقييين! عايزك تشرفي معانا الليله،نزل وجراني وانا بصرخ بس ما كان في زول غريب وتاني دخلت العربية بالقوة..........