رواية اللعب على حبلين
الفصل الرابع 4
بقلم مجنونة
تاني يوم قبل صلاة الصبح لبستا عبايتي عبد الواحد السودا ديك و لبستا خمار أمي كبير كاري في الارض بي تحتو الشنطة و عندي طرحة سوداء كدا عملتا ذي النقاب خوف الصواطين يقبضوني لكن ديل الله أكبر عليهم عندهم قرون إستشعار بتلقط الشمارات دي لغض المهم طلعتا قبل ما ابوي يقوم لي الصلاة عشان بصحينا كلنا و لو لقاني مافي كتمت فيني إدبيت براحة ذي الحرامي لمن وصلتا باب الشارع فتحتو وفكيت الجرية الله واحد رفعت عبايتي دي ما وقفتا إلا في نص الحلة كرجك كرجك دي حصان جاري بس السمحة في الموضوع أثناء ما جارية لقاني عمي بابكر حارث الجناين حقات الحلة و أنا جارية من بعيد شايفاهو بدعك في عيونو و مدنقر داير يتاكد دا شنو الجاي عليه دا لمن شافني قاصداهو عديل رفع جلابيو دي مسك بي سنونو وبقى جاري و يصرخ واااااااب ياناس الحلة الحقوني الجنية جاتني وااااااي يا ناس الحلة افزعوني هوووووي عاد خجلتا لي شنباتك ديل يالخايب العايب هارش حلة كاملة هسع خايف من بنت 😂😂 لكن النصيحة شكلي بخوف خليتو جرا إتكيت لي في شجرة كدا و فكيف الضحكة لمن بطني وجعتني تاني رفعتا عبايتي و واصلتا قبل ناس البيت يفقدوني المرة دي ما وقفتا إلا في الظلط البودي المدينة لكنو اضلم عربية كدا ماشة ما فيه البجو كلهم شاحنات و لواري بعد تعب حتى جاء بوكس شايل ليه بهايم اول خاف لكن تاني رجع وقال لي على وين يالاخت قلتا ليه قاصدة المدينة قال لي سمح برفعك لكن دفعي لي 30 الف قلتا ليه لالا كتيرة الباص بشيل 10 قال لي خلاص انتظري الباص ود الذين عارفني محتاجة قلتا ليه لالا خلاص بركب ركبتا معاهو قدام و إتحرك الشارع كلو بحاول يفتح معاي مواضيع بس ابيت نهائي انضم معاهو لأنو من الحلة الجنبنا و بكرا لمن خبري ينتشر ببقيني ونسة الراجل عندنا في الشمارات اكعب من النسوان 😂 المهم من الساعة 3 صباحاً ما وصلنا المدينة إلا قريب لي الضهر الزول قال لي اها يالاخت هدي المدينة إنتي حدك وين قلتا ليه ماني عارفة لكن اديني تلفونك ادق لي زول يوصف لي اداني ليه قمتا اتصلتا لي عماد وهنا كانت الصدم
و كانت المصيبة إنو إتصلتا ليه و ما ردا علي في اللحظة ديك بديت احس بي تشنج و وجع بطن اول مرة في حياتي اخاف قدر دا بس بقيت اهدي في نفسي و تاني إتصلتا و تالت إتصلتا و رابع و خامس و ميئة لمن بتاع البوكسي زهج و قلع مني التلفون قال لي يا بنية هوي اديني قريشاتي و إندلي قلتا ليه سجمي 🥺 اندلا وين و أنا ما بعرف زول هنا قال لي والله دي ما مشكلتي أنا وراي مشاوير و داير ارجع البلد باقي اليوم دا ما عندي ليك زمن انزلي قلتا في سري يا زوبة هوي إنتي كن نزلتي هنا موضوعك مستحمي و بتروحي بين العمارات دولا فا ما عندك حل غير تطبلي لي الراجل الفقر دا و تحنكي ليه و ناس الحلال ديل جواهم شهامة كدا ما بتلقيها عند اولاد المدن البشربو موية باردة ديل فا طبلي يا ختي طبلي تلقي الهنا وفي لحظة دموعي بقت تسيل كيف دي ما عارفة دي قدرة خارقة كسبتا من كضبي و لبطي لي النكاران و إنقاذ المواقف المهم بقيت ابكي و اقول ليه معقول يا ود الاصول بهون عليك تخلي بنت بلدك في وضع ذي دا و تمشي قالو المدينة دي كلها و حوش ما بخافو الله كيف تخليني في وسطتهم اعتبرني اختك ساي 😭🥺 قال لي بي نهرة كدا هوي يا بنية أنا اختي ما مطلوقة ذيك عشان تنفكا من الحلة هناك لي المدينة هنا و مع راجل غريب أنا ذاتي لو ما محتاج لي القروش ما كان برفعك كنت جريتك ذي البهيمة و وديتك حلتكم و شكيتك لي العمدة و هسع تنزلي بي ادب لو عندك ولا اسل سكيني دي و اضبحك 😡 شميتو المع.فن 💩 قمتا فتحتا شنطتي و طلعتا ربطة قروش لمن شافها عيونو بدو يبرغو برغ وقال لي إنتي عارفة شكلك بنت حلال و أنا روجولتي ما بتسمح لي اخليك هنا أنا بوصلك مكان بارز كدا و من هناك اتصلي لي اي زول يجي يسوقك قلتا ليه ابشر تب فيك العشم وفيك الخير ارح قال لي لكن بشيل حق المشوار اكون واضح معاك بقيت اطنطن و اقول اصلك كلب قروش الله أكبر عليك قال لي قلتي شنو ؟ قلتا ليه بري ولا شي ارح اتوكل العريبة اتحركت ما تمت خطوتين نزلني في مكان كدا إسمو الصينية المركزي ولا شنو ما خابرة المهم نزلني و قال لي ست شاي خلي البنت دي هنا بجي زول يسوقا المرة طيبانة قالت ليه جداً حبابا عشرة اديتو 30 حق السفر و قال إلا اديه عشرين لي المشوار وأنا حلفتا ما اديهو قلتا ليه كتيرة والله عملنا شكلة السوق كلو اتفرج فينا الراجل لمن خاف من الردحي 😂😂 قنع من القروش و مشى المهم شلتا تلفون ست الشاي و بقيت بتصل لي عماد بعد خمستشار مكالمة حتى ردا لي قلتا ليه أنا زينب اول قال لي زينب منو لمن قلبي قال شح بعد شوية حتى قال هااااا زوبة اها كيفك قلتا ليه أنا في المدينة أنت وين قال لي يابت إنتي جادة 😳 قلتا لي وحات شنبات أبوي جوا المدينة وهسع قاعدة مع ست شاي جوا الصين قال لي صين شنو يابت قولي بسم الله لكن ما بستغرب بي جنك دا إنتي بتمشي الصين 😂 و قعد يضحك قلتا ليه ثقيل 😒 هسع جاي تسوقني ولا فهمك شنو ؟ قال لي أنا ما بقدر اجي الصين والله بديت اهيج فيه قال لي خلاص معليش معليش ادي التلفون لي اي زول جنبك خلي يوصف لي اديت التلفون لي ست الشاي اسمها عوضية نضمت معهو وقالت لي في الصينية المركزي قال ليها خلاص نص ساعة كدا و بكون عندكم وقفل الخط و فعلاً ما تما نص ساعة لقيتو جاء بس ما يهو عماد البعرفو كان ولد سحسح كدا و مربي شعرو والجسم ناااعم واللون دا انظف من ضميري لابس ليه لباس كدا فوق الركبة و فنيلة فيها صورة و كتابة كدا لو ما الصوت افتكرتو بنت المهم سلم علي و قعد شوية كدا قال لي اها جبتي القروش قلتا ليه ااااي فتحتا الشنطة و طلعتا ليه القروش الولد لمن جاهو هبوط قال لي خلاص إنتي خليك هنا و أنا بمشي اجيب الماذؤن و أ