رواية دون أن أشعر
الفصل الثامن 8
بقلم ال زهراء
قولت ليها اي علاقتنا، قالت لي كيف ما فهمتك، قولت ليها علاقتنا من البدايه كانت هشه عشان كدة انا وانتي لازم ننفصل انا ما قادر انسى البت البحبها وعايز اتزوجها،قالت منو كمان وكيف انت تتخذ قرار زي دة براك، اها انا ما عايزة انفصل، قولت ليها عايزة تقعدي مع واحد ما بحبك، قالت لي اي عشان انت ما كنت واضح معاي من الاول وخليتني معلقة واسي عايزة تنفصل زي الما حصل حاجة ،قايلني ما بحس ومشاعري دي لعبة عندك ولا شنو انت اناني شديد وما عندك قيمة لاي زول ،ياخ لو من البدايه كنت واضح معاي وقولت لي اني بحب واحدة تفتكر حا انتظر منك حاجة كنت والله طوالي اتطلقت منك، بس بعد انانيتك وعدم تقديرك لي وجدعيتني دي ما بخليك تنفصل مني!، قولت ليها انا مقدر مشاعرك انا زاتي حاس انو ظلمتك معاي بس والله كان ما بيدي كانت أمي الضاغطة علي، جات وضربتني كف وقالت لي ليه ما كلمتني بالحقيقة لي خليتيي اتسال انا مالي ياخ انا بقيت ما عندي ثقة في نفسي بسببك، الواحد يستهلك كل مشاعرو وبعدين يخلي حبيبتو ويبقى زي الحجر ويخلي زوجتو تفتكر انو منها السبب، قولت ليها اسف على اي احساس حسيتيهو بسببي ،قالت اسفك برجع لي سنيني الضيعتهم فيك ولا برجع لي ليالي الكنت ببكيهن بسببك ،انا بكرهكك يا ياسر وما حا اسامحك نهاي، قولت ليها انا بعتذر ليك انا غلطت في حقك ،قالت لي بغضب ما عايزة منك اي اعتذار ابقى راجل وامشي لأهلي وقول ليهم عايز انفصل عشان عندي حبيبه وانا بوافق على الانفصال !!، شالت شطنتها وفتحت الباب وقفلتو بقوة.
بقيت قاعد وقولت في نفسي لو حاجة بتوصلني لمها بعملها وما همي اي زول ،بمش وبكلمهم.
____________________
بلسان سياف
جات ريم وقالت متخيل مها عملت شنو عشان تنفصل منك ،قولت ليها عملت شنو المجنونة!؟، قالت لي طعنت نفسها،قولت ليها كيف كيف؟؟؟، ضحكت وقالت لي بهظر هي جرحت نفسها جرح سطحي في يدها، قولت ليها البت دي بليدة تاذى نفسها لي ،قالت لي عشان هي ما عايزاك نهاي، قولت ليها ولا انا عايزاها، المهم نمشي َالمرور قرب قالت لي تمام مشينا، بقيت قاعد جاء موظف من المستشفى وقال لي في مريض ما تام الدفع وهو قال انو في واحدة اسمها مها من وحدة دكتور سيفان وعداتهم تتم ليهم المبلغ ،قولت ليهو مها !، ريم قالت لي اي مها بتذكر قالت ليهم بدبر ليكم وحتى بدت تشتغل مع بنك الدم عشان تقدر تساعدهم، عاينت ليها وقولت ليها دي ما عندها اي موضوع ، قالت لي حبت تساعدهم فيها شنو!، قولت ليها اسي هي وين كان تساعدهم! ؟،قالت لي ما نستهم والله الليله بتستلم المبلغ من بنك الدم الاشتغلت فيهو وانا البمشي استلمو ، قولت ليها ريم ما تتجري وراء عواطفك ،سكتت ساي وما جادلتني واكتفت بأنها قالت لي هدي أعصابك الموضوع محلول ،قعدت وانا بقيت َقاعد قولت لكل الحاضرين لو المريض ما عندو قروش دفع يتخارج طوالي نحن هنا ما محل صدقات +اوعى تبقو زي البت الاسمها مها دي في النهايه حا تقعو في ورطة كبيرة.
بالعصر اتصلت بي مها رديت قولت ليها عايزة شنو بعد اتخلصت منك قالت لي باستهزاء مشتاقة اسمع صوتك!!!، ضحكت وقولت ليها ببردود تصدقي انا زاتي مشتاق ليهو ، قالت لي بغضب يا انت قايل نفسك شنو؟؟!، كيف تقول اي زول ما عندو حق الدفع يتخارج، ياخ انت عارف ظروف الناس شنو ،ولا قايل انو حا تكون كدة على طول احتمال زاتك في يوم ما تلقى حق مسشفى ولا تلقى حق اكل زاتو؟+لو انت مولود وانت في خشمك ملعقة من دهب ما كل الناس زييك، قولت ليها خلي فلسفتك الفارغة دي انت الكلمك منو ؟؟؟!، قالت لي مالك ومال الكلمني +انا ما كنت عايزة اتصل بيك بس كلامك نرفزتي وما قدرت اعمل اي حاجة ويومي خرب بسببك ،انت قايل نفسك شنو؟؟؟، قولت ليها ما انتي الزول البديني محاضرات انتي مجرد واحدة بليدة وما بتفهم، قالت لي صاح ما بفهم لو بفهم بتكلم معاك انت!، قولت ليها يا بت الناس اختيني، قالت لي لو ما وصلني الكلام كنت ختيتك كمان تضرب بي انا المثل اوعى تبقو زي مها ،والله مفروض تقول اوعى تبقو زي عديم رحمة وما فيك قلب، قولت ليها مهااا انا والله...، قاطعتني وقالت لي ولا حرف ما عايزة اسمعو اسمعني هنا يا سياف انت مفتري كدة لشنو وعاد الناس حشرات، انت فاكر ما في زول بقدر يسالك صاح... بس انا ما خايفة منك!، وبقول ليك الحقيقة ما زي الناس المسكينين البس بعرفو يوصلو لي الكلام عشان اهرشك، سلوك...، قاطعتها وقولت ليها انتي ما...، ما خلتني أتم الجملة وقالت لي انا انتهيت اوعى تقاطعني! ،حكيت راسي وبقيت متكي على الكرسي قالت لي وين انت؟؟!، قولت ليها معاك عايز اسمع تفاهتك، بقت تجوط وتجوط وتجوط ،قولت ليها انتي قايله نفسك الشريف الرضى ولا شنو لو انا سي انت اسوء انتي اذيتي نفسك ،قالت لي كنت عايزة اتخارج من الخطبة انت مالك، قولت ليها اذية النفس حرام وانتي عارفة حتى لو عايزة تتخلصي من حاجة ما بتكون بالطريقة دي ولا شنو؟؟؟!، قالت لي انت اسي قلبت على الكورة ولا شنو؟؟؟!، قولت ليها اسي ما كان عاملة نفسك الناصح ليه زعلتي لمن زول نصحك ،اتوترت وما قالت كلمة غير انت واحد...، قاطعتها وقولت ليها انا واحد لئيم وما نافع تاني في شنو اقطعي وشك مني! انا تاني صوتك دة ما عايز اسمعو ولا بصلك هناك وبقطع لسانك انا اسي سايرتك عشان قاطع موضوع ومزاجي رايق بس لو مزاجي كان ما رايق ما عارفة الكان حا يحصل ليك شنو ،قالت لي وهي بتمتم في قانون، قولت ليها لمن افقدك النطق خليهم يجدعوني في السجن ما فرقت على الاقل يرتاح الناس منك ومن لسانك الطويل ، قالت لي بغضب سييييياااااااف انت اكتر انسان بكرهو في الدنيا ،قولت ليها ما فارق معاي كرهكك قفلت في وشها ،قولت في نفسي مستهبله مشيت لريم طوالي وقولت ليها انتي الوصلتي ليها الكلام دة؟؟؟، عاينت لي وقالت لي اي، قولت ليها لشنو ؟؟؟؟، قالت لي ما كنت قاصدة جات باطار الونسة ،انت عارف هي قالت لي شنو بعدها ،قولت ليها اها قالت شنو، قالت لي انتي ما شايفة شغلك كيف حا تكوني مع زول زيو... قولت ليها ما تشغلي بيها واوريك حاجة احظريها، قالت لي هي كلامها صاح لكن لانو انت يا سياف ما قاعد تسمع لرائي زول ولا عندك شغلة بزول،طيب حياتنا بعدين نمشيها كيف؟!، قولت ليها البت دي همها تخرب علاقتنا انت عارفة انو انا بفصل بين الشغل وحياتي الخاصة +يا ريم لو اتعاطفتي مع واحد تاني بجي واحد وكدة انتي بس تدخلي في دوامة ،قالت لي انت لشنو بتفكر كدة بالعكس دا بساعدك انت وبعدلها عليك كونك تسد حوجة انسان ما يعني ...، قاطعتها وقولت ليها كفايه لحدي هنا انا كلامي واضح، قالت لي شوفنا اسي انت سكتني، قولت ليها يا بت الناس انت لا بتعرفني الليله ولا أمس وعارفة دة طبعي فما تهتمي لراي اي زول ،قالت لي بس انا عايزاك تتغير عشاني انا ما بحبك تكون كدة فيها شنو لو حاولت ولو مرة تغير سلوك الموذي مش انت بتحبني طيب حاول عشاني ما شرط تغيير طبعك اسي بس بالتدريج وانا بكون معاك خطوة بخطوة واسي لو عايز ممكن اسجلك في قائمة المتطوعين لمتضرري السيول وكلنا نمش ،قولت ليها بغضب انا ما بغير نفسي لزول العايز يتقبلني كدة مرحب بيه والما عايز احسن يطلع من حياتي انا نمطي معين وحكايه التعاطف مع الناس دة ما عندي بكرة كل الناس ديل يركبو لي فوق راسي ،قالت لي ما عايز تتنازل، قولت ليها اي ما عايز اتنازل!، عايزة تنفصلي ؟! انفصلي طوالي انا زول زاتو بقول لي اتغييير واعمل دة ما بنفع معاي ،قالت لي طيب انت لمن قولت لي انت زمان ما انتقد شخصيتي وقولت لي ضعيفة اتغيري ما اتغيرت عشانك! وعشان بحبك وما عايزة اخسرك، قولت ليها التغيير دا كان لابد منو لانو كدة بتاثري علي وعلى حياتنا المستقبليه وحتى تربيه أولادنا لانو ماف زول بكون ضعيف شخصية بقدر يربي، قالت لي طيب انت قايل طبعك دة كويس ،قولت ليها ما مأثر على الحوليني، قالت لي حا تفقد الرحمة الجواك كدة ولو جاء اي موقف ما عادي حا تحسو عادي، قولت ليها يا ريم انا كطبيب اصلا الحاجات دي متعود عليها شغلنا بطلب كدة المجاملات ماف داعي ليها، ماردت، جيت ووقفت جنبها قولت ليها حبي ليك ما بتغير بس ما بغير نفسي عشانك وما بجبرك تكوني معاي، لو عايزاني كدة تمام ولا ما عايزاني احسن اي زول يشوف طريقو، قالت لي بغضب انت ليه بتوصل الأمور للمرحلة دي انا ما عندي نيه انفصل وما عندي اي نيه اغيرك انا قولت ليك حاول بس ابدا بالتدريج وما بضغط عليك ،خلي اول حاجة عاداتك السيئة السجائر تاني حاجة حاول تكون إنساني اكتر واحد وانا حا اكون جنبك واساعدك انت بس حاول عشاني انا بحبك وما عايزاك تنضر! ،قولت ليها حاجة بتجيني ماف دا انا وما حا اتغير لاي زول ،قالت لي حتى انا، قولت ليها حتى انتي، قالت لي طيب ما حا اجبرك، كانت ملامحها حزينة شديد بس انا مستحيل اتنازل ليها ،لازم تفهم انو هي ما بتقدر تتحكم فيني وانا بس البقدر اتحكم فيها ،قولت ليها تاني ابوك رجع لي وقال لي تعال انت وأهلك الأسبوع الجاي فانا بديك اسبوع تفكري في علاقتك معاي، مشيت وخليتها اتصلت بالبت الاسمها مها وقولت ليها انتي بتحرشيني علي ريم ؟؟؟، قايله انو ممكن اغير رايي لزول، والله انا ماف زول بقدر يقول...، قاطعتني وقالت لي لو الطرفين ما اتنازلو العلاقة بتمش كيف ؟؟!، يعني هي مستعدة تعمل اي شي عشانك وانت ما مستعد تتغير شوية عشانها، قولت ليها هي موافقة كانت بي بس كلو منك انتي ،اوعى اسمع انك متواصلة معاها تاني وبعدي من حياتنا، قالت لي انا ما عايزة اكون جزو من حياتكم انا بس قولت ليها الحقيقة انت ما قاعد تاخد رايها على محمل الجد وبتحب بس تمشي رأيك وحتى ما قاعد تتنازل نهاي، قولت ليها ما عندي اي شغلة، قالت لي صاح القلم ما بزيل بلم ،انت جاهل بكل معنى الكلمة ،قولت ليها بغضب ايوا انتي عشان بعيدة قايله انو ممكن تقولي اي كلمة وانا اسكت ليك بس والله لو عايز اصلك هناك واوريك منو الجاهل، سكتت مسافة وقالت لي بصوت متقطع دي اخر مكالمة حا تكون بينا انا ما عايزة اي تواصل معاك وريم صاحبتي وصحبتنا ما بنتهي بس ما بخليها تجيب لي سيرتك، قولت ليها دا المطلوب قفلت طوالي قمت حظرتها للمرة الالف.
___________________________
بلسان مها
انسان ثقيل وما نافع وحقار شديد كيف ريم حبت واحد زيو، طلعت لأبوي قال لي تعالي اقعدي، قعدت قال لي بعد خليتي العرس تنزلي تشتغلي ما تقعدي في البيت ،قولت ليهو طيب تمام، تاني قال لي في الفترة دي حا اشوف ليك زول واعرسو ليك ،قولت ليهو انا ما عايزة اعرس، قال لي انا كبرت يا بتي وعايز بس اشوفك مع راجلك عشان اطمن،قولت ليهو انت لسه شباب بس كبرناك نحن بهمنا ،ضحك وقال لي اي هم والله انا متونس بيكن يا بناتي وبعد وفاة امكم لو ما كنتن معاي ما عارف كنت عملت شنو.
ابوي كان بحب امي حب شديد وبعد وفاتها اتغير عدييل وحس بالضغط من كل الجهات المسؤوليات كترت وبقى لازم يعلمن ويربينا ويشتغل ،هو كان عندو حل وهو يتزوج بس هو رفض. وقال احتمال المرة الجديدة تحقر بينا ولا تربينا غلط.
انا كان بشبهني بأمي ومروة دي بقول عشان شرانيه بتشبه نسيبتو يلي هي أم امي ،كنا بنضحك وانا بقول ليهو مروة دي عمتي بس ،هو بضحك برضو.
فترة من الفترات عمتي طلبت انو نتربى معاها بس ابوي عشان عندها اولاد خاف علينا واكتفى انو يخلينا مع امو.
ابوي كان بفضي لينا وقت وكان مهتم بينا شديد وما بخلينا ندس منو اي حاجة كان صاحبنا وامنا واي حاجة ،هو مرات بكون قاسي وبفقد اعصابو بس براجع نفسو، لمن كان عايز يضربني قدام ناس عمو محمد جاء واعتذر لي في ليلها.
دخلت جوة لقيت اتصال من رقم غريب، قولت اللهم اجعلة خيراً، رديت لقيتو ياسر ،قولت ليهو وانا متوترة جبت رقمي من وين؟؟!، قال لي من أحمد، قولت ليهو حا اقفل، قال لي ليه بتعامليني ببرود بعد عرفتي الحقيقة، قولت ليهو في حاجة حا تتغير بعد عرفتها ما هو انت مشيت بطريقك وانا مشيت بطريقي، قال لي معقول ماف فرصة انو طرقنا تاني تتلاقى............
التغير التدريجي والتنازل ضروري في استمرار العلاقة