رواية لم اكن قاتل الفصل الاول1بقلم جمانه السعيدي
احب ااكدلكم القصه حقيقيه
اني حماده او محمد الكل كان يصيحلي حماده
من صار هذا الحادث وياي الحادث الي غير حياتي تغير جذري كان عمري ٢٣ سنه بلضبط سنة ٢١
اني من عائله متوسطه
متوسطه بكلشي بلماده والتعليم والتربيه
احنا سبع نفرات ٣ اولاد ٢ بنات وابوي وامي
ساكنين بمنطقة النهروان بغداد
اني الجبير مثل مايكولن الفرحه الأولى بلبيت
كنت مدلل مدلل بشكل ماكو شي اريده ماااخذه
رغم اهلي ناس على كد حالهم
من وعيت للدنيا واني اشوف اهلي ماعدهم التزام بااي شي
يعني ماكو التزام بلتعليم
تريد تدرس بكيفك تريد تعوف الدراسه بكيفك
تريد تصلي صلي تريد ماتصلي لا تصلي مو ضروري الصلا
اصلا كل العبادات عدنا مو ضروريه
بس مع ذالك احنا نحلف بلله وبكل الائممه عادي
رغم ماعندي اي التزام ديني بلبيت
اني بلنسبه اليه خلصت ابتدائيه وتركت المدرسه
وابد مااصلي ولا اصوم
وحجي نصه جذب وحلفان على كلشي
رغم امي وابوي يصلون بس ماكو وعي للدين
ماكو حرص على تعليمنا الطريق الصحيح
ابوي كلمه والثانيه كال عوفيهم يكبرون ويصلون
عوفيهم يكبرون ويتعلمون الصح من الغلط
بعدهم زغار خليهم بكيفهم
رغم هذا كان أكبر اسباب فشلنا
لان التعلم بلصغر كلنقش على الحجر
الطفل اذا ما تعلم من هو زغير على الصح والغلط
مستحيل يتعلم بعد
ماكو واحد يتعلم من يكبر
اذا ااجل التعليم يبقى ياااجل طول عمره
واذا اجل الصلا يبقى الشيطان مسيطر علي ويخلي ياااجل العباده لمن يموت
رغم اني واخواني وخواتي كلنا ما نصلي
بس رب العالمين كان ساتر حالتا وماشيه امورنا
امي من محافظه من محافظات الجنوب
وابوي من اهل بغداد
اكو صلة قرابه بينهم يلتقون بلجد الرابع امي مكمله ثالث متوسط وتاركه المدرسه
وابوي مكمل ابتدائيه
زواجهم كان زواج تقليدي مجرد خطبه بين الامهات
وصارت القسمه
امي انسانه طيبه بشكل وصبوره
عدها قابليه تحمل فضيعه
اول ماازوجت ابوي كان معيشها وياا العيال
بيبيتي وعماتي كانن لازمات أمور البيت والمصرف
وامي شبه خدامه بلبيت
ممنوع تطلب ممنوع تكول اريد هذا الشي
ممنوع تنطي رائيها باي شي بلبيت
كلشي جان بنفسها لمن صار عدها ٣ اطفال يله
كدرت تطلع بيت هي وابوي
دائما تكول اني جنت كلشي ما مفتهمه من حياتي
لمن صرت بيت وحدي يله اندليت دربي
اني وخواني وخواتي علاقتي بااهل امي شبه مقطوعه
اخر مره زرت اهل امي وخوالي من تركت المدرسه
يعني بعمر ١٢ سنه
كنت اسمع أخبارهم من امي لان تتواصل وياهم بلتليفون
اما زيارت امي الاهلها كل سنه تروح مره وحده
تشوف امها وخواتها وخوانها تبقى هناك يومين واترجع
امي عدها اخوان ثنيين وخوات ثنيين
اختها الجبيره مزوجه بس ماعدها اطفال
زوجها اتزوج عليها وصار عنده اطفال عايشه هي وضرتها بنفس البيت
وخالتي الزغيره حبت ابن الجيران وزوجته
عايشه بنفس الشارع وياا اهلها
اما اخو امي الجبير اسمه علي عنده اربع بنات
وماعنده ولد
وازغر واحد من خوالي كرار مزوج وباقي بيت اهله عايش عنده بنات ثنيين وولد
عايشه وياااا بيبي لان جدي ميت
جمانه السعيدي
من تروح امي زياره الاهلها تاخذ اخوي الزغير وياها وبس
محد يروح وياها غيره
تبقى يومين واترجع البغداد
ابوي مايقبل امي تروح بيت اهلها يكول شنو تعوف البيت وتروح يومين هي بعد كبرت على اهلها
قابل زغيره وتكول اروح الاهلي
رغم هي بلسنه كلها تروح يومين وترجع
ابوي مايعرف الإنسان مها يكبر يبقى محتاج اهله
المهم ابوي يشتغل كصاب
كصاب يكصب على الشارع العام
عندا كرفان زغير مااجره يكصب بي كل يوم
يطلع الصبح
يشتري خروف او عجل يذبح ويبع على الناس
يرجع النا اخر النهار بمسواك
مثل ما كتلكم حالتنا متوسطه يعني عايشين
بستر رب العالمين
اني بعد ما تركت المدرسه امي شكد حاولت وياي ارجع
بس اني قفلت بعد ماارجع للمدرسه ابد
حاولت تقنعني بكل الطرق ما قبلت
حتى تحميني من الشارع والمشاكل وياا الجهال
صممت اطلع وياا ابوي للشغل
قنعت ابوي ياخذني ويااا حتى اتعلم مهنه احسن من
العب بلشارع لان اني الصراحه كنت كلش وكح
وصاحب مشاكل
كمت اطلع وياا ابوي
حتى اتعلم أصول الشغل
وحتى اشوف شلون ابوي يذبح ويصير كلبي قوي
بلبدايه كنت معتبر طلعتي وياا ابوي تسليه ولعبه
وخاصه ابوي عافني براحتي هناك اللعب بكيفي
دائما يجيبلي ريوك قوي
لو معلاك شوي يطلعه من الذبيحة وينطي الواحد يشوي بصفنا يشوي ونتريك بي
لو نتريك كباب وتكه
ومن نرجع ابوي ينطيني فلوس من الشغل
علمود اتوهس بلشغل ويااا
اكو رجال صديق ابوي اسمه ابو عادل
يشتغل تفس شغل ابوي
هو وابوي الروح بلروح اصدقاء بشكل
يطلعون ويدخلون سوه وواحد يساعد الثاتي
حتى يرحون يشترون حلال سوه
ابو عادل عنده سياره تكسي قديمه ياخذ ابوي ويااا
اذا اشترو خرفان يجيبوهن بجنطة السياره
واذا عجول يااجرون سياره ويجببوهن
ابو عادل عندا اربع بنات وولد واحد الي هو عادل الجبير
عادل اكبر مني بسنتين ومثل حالي بلضبط
ترك المدرسه بلابتدائيه
واجا يشتغل وياا ابو
مثل ماابوي صديق ابو عادل
وبحكم هما كل الوقت سوا حتى كرفانات الي
يذبحون بيها وواحد بصف الثاني
ويتريكون سوا ويطلعون ويدخلون سوااا
صرنا اني وعادل أصدقاء مقربين
جمانه السعيدي
عمري ١٣ وعمر عادل ١٥ سنه واني وياا صرنا اصدقاء
مقربين جدا اكثر من صداقة ابوي وابو
مانفترك ولا دقيقه
نطلع الصبح سوه ونشتغل سوه وناكل سوه
وحتى إذا اشترينا ملابس نشتري سوه
نفس الملابس
عجيب حتى ذوقنا بلملابس متشابه
اني ماكنت معتبره صديقي كنت معتبره اخوي
واكثر من اخوي
اني احبه اكثر من اخواني وخواتي
محمد.....عدول ولك انت ماتعرف اني شكد احبك
اخوي خايف نزوج وتفركنا النسوان
عادل....المره الي تبعدني عنك اطلكه
اتفق وياها من البدايه انت واني خوان اذا
كالت محمد.لا أكلها انتي طالك
محمد...شنو رائيك نزوج خوات حتى ما يفركنا
عادل... اي هم معقول ليش لا
شوف محمد ترا انت أعز عندي من اهلي
محمد....واني هم ولله ماعندي اعز منك
عادل...انشاء الله نبقى سوه طول العمر وما نغترق
محمد....انشاء الله
كبرنا اني وعادل سوه وكلما نكبر اكثر نتعلق وواحد بلثاني اكثر
اني فاهمه وهو فاهمني يعرف شنو احب وشنو اكره
واني هم عادل بلنسبه اليه كتاب مفتوح
اعرف الزغيره والجبيره عنه
لمن صار عمر عادل عشرين
اني كنت ١٨ سنه
اهل عادل قررو يزوجو بس عادل رفض
ابو عادل...ليش بابا انت موزغير امك تعبانه ازوج بلكت تطلع بت حلال وتساعد امك بشغل البيت
عادل...اني ومحمد متفقين نزوج سوا
ابو عادل ....ايجوز محمد اهله مايردون يزوجو هسه
عادل...انتظره
ابو عادل...شنو تنتظره بابا امك خوش محصلة بت حلال
ليش اضيعها من ايدنا
جمانه السعيدي
عادل...ولو ماازوج اله حمودي وياي نزوج سوا
ثاني يوم ابو عادل فتح هذا الموضوع وياا ابوي
ابو عادل ...اريد ازوج عادل ويكول اله اني ومحمد.سوه
ابوي....اني الصراحه حاليا ماعندي امكانيه ازوج محمد
وبعد زغير
ابو عادل...زين انته احجي وياا عادل بلكت يقتنع
فهمه محمد مايزوج هسه
ابو محمد... اي تدلل
ابوي صاح على عادل وحجا ويااا
شوف عادل اني ماناوي ازوج محمد حاليا ازوج انت
وشوف حالك
عادل...لا ماازوج اله اني ومحمد.سوه هذا اتفاقنا من زمان
واذا اكو خوات نزوجهن
ابو محمد....ههههه ولك ازوج لا ابوك يغير رائيه
عادل...ماازوج بعدني زغير عليمن خال علاكه بركبتي من هسه
جمانه السعيدي
محمد....شكد حاولو اهل عادل يقنعو بموضوع الزواج بس ماقبل
علاقتنا اني وعادل كلما تتعمق اكثر
مااضيع عادل اله تلكاني ويااا
وماضيعني اله تلكاني وياا عادل
مرات اصفن واكول اني شكد محضوظ بهذا الصديق
الوفي
لو افر العالم كله مالكه صديق وفي مثله
الفجراطلع من البيت امر على عادل نطلع اني ويااا
نروح نحد السجاجين والطبر مال الكصابه
ونروح نغسل الكرفانات ونحضرهن للذبح
عمي ابو عادل وابوي يطلعون ورانا يرحون يجيبون الذبايح ويجون
ونبدي نكصب ونعلك الذبيحه ونبيع
على هذا الحال كل يوم بلا كلل ولا ملل
شغلنا نحبه ومهتمين بي
طول النهار كلام وفشار وضحك وتحشيش
احنا والي يشتغلون يمنا
ولكل يعرف اني وعادل اخوان وما نتفرك ابد
محد يكدر يقرب علينا لو يندك بينا
فاتن خمس سنوات لاخ واحنا بعدنا سوه
اني عمري ٢٣ سنه وهو ٢٥ سنه طلبنا من أهلنا
يشوفولنا عرايس حتى نزوج سوااا
هذا الخبر كان مفرح بلنسبه الاهلنا واخيرا راح نزوج
رحنا اني وياا اختارينا الغرف الي راح نشتريهن
نفس الغرفه ثنيينه اختارينا
بس بعدنا ما مشترين وامي وامه جاي يدورن النا عرايس
حتى نوفي بوعدنا ونزوج اني ياا بنفس اليوم
وتكون حفلتنا وحده
الفصل الثاني من هنا