رواية لم اكن قاتل الفصل العاشر10بقلم جمانه السعيدي
محمد....رجعت اشتغل وياا خالي كنت اجمع الفلوس الي احصلهن
فلس على فلس اريد ادزهن الابوي
بااخر مكالمه هو وخالي كال لكيت محل كصابه بغير مكان
وشغلت ولد وياي عامل
واخوي هم يساعده اذا رجع من المدرسه على فكره اخوي السنه رابع عام يعني مو زغير يفتهم
خالي...زين سويت ابتعدت عن مكان عمل ابو عادل
ابوي....حتى ابو عادل المسكين عاف مكانه يكول مااكدر اشوف المكان الي انقتل بي ابني
كلما افتح المحل اشوف عادل غركان بدمه
خالي....اذا ابو عادل عاف المكان ليش مابقيت انت بمكانك
ابوي....الناس هناك تعرفني وتعرف ابو عادل وولد الحرام هواي
راح يضلون يوصلون حجي الابو عادل
...هااا فاتح المحل وما مهتم
يشتغل وماخله خاطر الصديقه
شرد ابنه والمسكين ابو عادل فقد ابنه
مامهتم الابو عادل وكلشي صار موعلى باله ليش ما سلم ابنه لازم يسلم ابنه اذا صدك يريد خاطر صديقه
ومن هذا الحجي الي ما يخلص
اغير مكاني احسن الناس خراب الناس
بهذا الوكت اكثر الناس تسعى للخراب محد يحاول
يصلح الوضع
خالي...وشلون شغلك بلمكان الجديد
ابوي..... شغلي كلش قليل مو مثل قبل
بلمكان القديم جان عندي معاميل وناس متعوده تشتري مني
هنا قليل البيع كلش
خالي....بس تستقر اصير عندك زباين اكيد انت جديد على المكان ينراد وقت يله يصير شغلك زين
ابوي....الله كريم رب العالمين مراح ينسانا
هو الي راح يرزقنا من جميل عطايا
محمد...... ابوي حيل ضايج على وضعي
خايف عليه من هاي المشكله الي ما معروف نهايتها شنو
وضايج على ووضع صديقه الي فقد ابنه الوحيد
والشغل التعبان والمسوليه الي بركبته
محمد....كل يوم ينطيني خالي اجوري اجمعهن مرات اشتري للبنات حلويات
واشتريت منهن ملابس لان ماعندي بس تراكين
وواحد تعب من الشغل وواحد البسه بلبيت
اول مره دزيت الابوي ٣٠٠ هنا كل الي جمعتهن
من شغل شهر ويا خالي
جمانه السعيدي
تحدد يوم الفصل بقضيتي
أجمعوا كل اقاربنا الي بهاي المحافظه وراحو البغداد
حتى يحضرون المشيه
جمانه السعيدي
ابوي هم جاب كم واحد وياهم شيخ معمم
وثنيبن شيوخ عشاير وواحد سيد
اني بقيت كاعد على نار منتظر اعرف مصيري شنو
وشلون تنحل هاي المشكله
عبالك كاعد على نار
اخذت تليفون خالتي وبقيت متواصل ويا خالي
حتى اعرف تفاصيل الكعده شنو
اول مابدا الكلام ابو عادل هاجم عليه وعلى ابوي
حجي واهاين
بس الجماعه الي اجو ويااا ابوي ما قابلين علي
حقه فقد ابنه حقه لو يحجي كلشي
اني عاذره كلبه محترك
اخر شي طالب فصل ٥٠٠ مليون
المبلغ خيالي خصوصا وكل الشهود أكدو هو قتل
غير متعمد خطى صار لحظة شقى
بس ابوعادل صمم وبقى معند
رغم هو يعرف هذا المبلغ مستحيل تكدر عشيرتنا تدبره
كلها ناس على كد حالها
ناس فقره كوه مدبرين العيشه شلون يجمعون هيج مبلغ
بقو كاعدين يقنعون ابو عادل ٣ ساعات متواصله
٣ ساعات وهمه يحاولون يقنعو يطلب مبلغ اقل
ناس تسكت وناس تحجي بس هو حيل متعصب
وحاد اسنونه علينا
ومايقبل يلين ابد مايدري كل فلوس الدنيا ما ترجع عادل
عادل لو ينشرا جان اني اشتريته
ملك العالم كله مايعوض نضرة عيونه
بس الرحمه حلوه بهيج أمور وابو عادل اكثر واحد متأكد اني جنت احبه ومستحيل اغدر بي
الراحمون يرحمهم الله
اخر شي وكف الفصل على ٢٠٠ مليون
وافقو الشيوخ والناس الخيره بهذا الفصل لان تعبهم حيل
كلش متشدد
مايقبل يلين شويه ولا يقبل يصدك هذا قضاء وقدر
والناس معراضه كلها توكع بهيج موقف
بس كان عنده شرط اساسي حتى تنتهي هاي المشكله
ويسحب الدعوه من الحكومه
شرطه الوحيد كان محمد بعد ما يدخل بغداد نهائيا
اذا دخل بغداد لو عرفت بي واصل
بوابة بغداد اهدر دمه
وارجع احرك القضيه مره ثانيه
مثل ما حرمني من ابني احرمه من اهله
اضطر ابوي وعمامي وخالي والناس الطيبه يقبلون بهذا الشرط
بعد ما خلصت الكعده اتصل خالي وحجالي التفاصبل
كلش ضجت
شنو ماادخل بغداد
راح ابقى مشرد طول عمري
شنو نهايتي شلون راح اعيش واكمل حياتي
راح ابقى دخيل بيت خالي طول عمري
والى متى هذا الوضع راح يستمر
بعدين اهم شي منيين اهلي راح يجيبون هيج مبلغ هذا المبلغ هواي عليهم
ناسنا واقاربنا تعبانين مومال يجمعون هيج مبلغ
بعد ما خلصت الكعده وابوي رجع للبيت اتصلت علي من تليفون خالتي جمانه السعيدي
محمد....اعذرني يابه اني السبب
كلشي صار بسببي
ابوي....هذا قدر ومكتوب علينا اني وياك
محمد....هواي هذا المبلغ شلون راح ادبره
ابوي....ابيع البيت وباقي الفلوس ادبرهن العشيره
بيتنا يوصل ١٥٠ مليون
والباقي الناس الطيبه اجمعهن
محمد....اعذرني رجعتك النقطة الصفر
لا شغل ولا بيت
ابوي... اهم شي انت سالم البيت والشغل يتعوضن
محمد...لو بس ماشارط هذا الشرط
جان رجعت البغداد وشتغلت باديه وسنوني
ابوي...لا بابا ابقى بعيد لا تجي الرجال منهار على ابنه
اذا سمع انت راجع
ايجوز يتهور ويكتلك
خليك بعيد وسالم لا تجي وضيع مني
محمد....اني غبي ضيعت كلشي بلحظة طيش
محمد...من بعد هاي المكالمه ابوي عرض بيتنا للبيع
اهلي راح يتجهولون بسببي
من بعد ماكانو كاعدين بيت ملك صارو كاعدين بلاجار
شكد انقهرت على اهلي
شلون اني هيج ضيعتهم وين جان عقلي بذيج اللحظه
ليش مافكرت قبل لا اتهور
يومين وامي اجت تشوفني
فتحت الباب بس شفتها كدامي كمت ابجي مثل الطفل الزغير
صار ٤٠ يوم ماشايفها
هي تبجي واني ابجي عبالك ضايع ولكيت اهلي
دخلت وكعدت واني بعدني مامصدك امي كبالي
جاببتلي ملابسي وشغلاتي الخاصه
امي...هااا يمه مرتاح هنا
محمد....خالي وزوجته شايليني شيل كلش مرتاح
امي...الله يجازيهم خير
محمد....يمه اشتاقيتلكم
امي...احنا أكثر بس شبدينا يايمه هذا المقدر والمكتوب اهم شي انت سالم
جمانه السعيدي
امي...خويه علي لو شسوي مااجازيك
علي...تحجين صدك اني اصلا لو ابو عادل ماشارط هذا الشرط جان اني شرطت محمد مايرجع البغداد
اني تعودت علي
ولد مؤدب ومطيع بس هو جان مضيع دربه
ماشفتي الصلا بكل وقت شلون يصلي وقرأت
القرأن
امي...الله يهدي الدرب العدل
ابو هم يريد يجي يشوفه بس تخلص هاي السالفه
محمد...امي بقت يومين ورجعت البغداد
بس اخذت كلبي وياها جان ودي ارجع وياها البغداد
بس مابيدي شي
نباع بيت اهلي ١٤٠ مليون لان بناء قديم ماوصل سعر زين
والباقي جمعته العشيره
اندفع فصل عادل
والقضية انسحبت من الحكومه
بقى عليه بس الحق العام لازم انسجن ٦ اشهر
كدر المحامي يحصل حكم مؤجل
حكم مع وقف التنفيذ
يعني السجن اتأجل اذا انلزمت بقضيه ثانيه ونحكمت
يدمجون الست اشهر ويا الحكم الجديد
انشاء الله مراح اغلط اي غلطه أدخلني السجن
اخذت عبره من الشي الي صار
قررت مادام راح ابقى هنا اقدم ثالث متوسط خارجي
ليش اضيع هيج فرصه اليوم الي يروح بعد مايرجع ابد
مروه بت خالي علي ثالث متوسط
بديت اقرا وياها بكتبها
بليل من ننجمع بعد الأكل اخذ كتاب وابقى اقرا
واي شي ماافتهمه اسئل مروه علي
لو اسئل رحمه
مراح اكول سهله وبسيطه وفهمت كلشي بسرعه
لا ولله صعبه كلش
بلبدايه حسيت نفسي طيحت نفسي بورطه اني دكيت صدري وكلت راح امتحن
بس بلحقيقه كلشي مجاي افتهم
صعبه المواد
قررت ادخل دورات بس محتاج مدرس يدرسني بليل
لان بلنهار اشتغل مااكدر ادرس
كمت اسئل اي واحد يجينا للمحل
عن مدرسين
اكو ولد شاب السنه متخرج اكبر مني بسنه وحده
كال اني ادرسك اني السنه تخرجت وتعيين ماكووو
وما دام الدراسه بليل اني فارغ بليل
واي مبلغ تنطيني اني قابل بي
جمانه السعيدي
محمد..وافقت وضعي ووضعه متوالمات
كنت اشتغل بلنهار وبليل ارجع اتعشى واطلع اروح
للمدرس مره ناخذ الدرس بيتهم
مره نروح حديقه عامه نكعد وندرس
مره بلشارع نفرش فراش ونكعد ندرس
الصراحه طريقته حيل حلوه بلتدريس
جاي افتهم علي
الدرس الي يدرسنيا بليل اطلعه باليوتيوب بلنهار
وابقى اسمع بي واني اشتغل الحد مااحفظه
بديت افتهم شويه شويه مرات نراجع الدرس اني ومروه
مشاء الله مروه كلش شاطره
حتى خالي فرحان بيه ومايقبل اشتغل هواي بلمحل
اذا شغله بسيطه يشتغلها وحده
ابوي وامي اجوني مرتين يشوفوني
هلمره ماكدرت انطيهم فلوس لان جاي انطيهن للدروس الي جاي اخذها
وضعي مستقر بيت خالي كمت اعرف اني شنو اريد
حددت هدفي وصممت علي