رواية لقاء السحاب الفصل العاشر10بقلم حياة محمد الجدوي
دخل عرفان البيت وهو شايل بنته الصغيره ودخلت إيناس وراه وهى ماسكه بنتها من إيدها
إيناس: يالا ريم يا حبيبتي خدى أختك وأدخلوا اوضتكوا .
وبعدها قعدت على الكرسي بتعب فجه عرفان وقعد جنبها وقال بهدوء: عامله ايه دلوقت يا حبيبي
إيناس بتعب: كويسه
مسك إيدها وقال : شكلك تعبانه إرتاحى شويه
( إتكأت إيناس على جنبها )
عرفان: كان فيه حاجه حصلت
إيناس: لأ ليه؟
عرفان: أصلك يعنى خرجتى من عند اختك وإنتى متغيره ومش على بعضك حتى إنك
إيناس: لو سمحت يا عرفان أنا تعبانه ومش عايزة أتكلم في حاجه
عرفان: هسيبك ترتاحى بس يعنى عايزين نتفق على حاجه
إتعدلت إيناس وبصت له وقالت: نتفق على إيه مش فاهمه
عرفان: يعنى إحنا هنعمل ايه ؟
إيناس: في إيه بالظبط مش فاهمه
عرفان: مع هدير إنتى نسيتى
بصت له إيناس وقالت: ومالها هدير
عرفان: مش قلت لك إننا نخلص من إللى فى بطنها عشان يفضى لينا الجو إيناس إنتى سرحانه في إيه
بصت له إيناس وقالت: هو إنت بتتكلم بجد يا عرفان
عرفان: وجد الجد كمان بس عارفه كويس إنك لحقتيها ومسكتيها لما اتزحلقت النهارده. كده لو وقعت المره الجايه محدش هيشك فيكى بس أنا عايزك لما ترشى الزيت تاخدى بالك عشان ماتتعوريش
بصت له إيناس وقالت: خايف عليا يا عرفان ولا على إللى فى بطنى
بص لها وقال : إنتى طبعا
بصت له بتشكيك فكمل ( وإبنى إللى فى بطنك صدقيني ده غالى عليا أوى عشان ده هو اللي هيشيل أسمى من بعدى
إيناس: أنا مش عارفه جايب الثقه دى منين ده إحنا لسه في الأول ومحدش عارف ولد ولا بنت
عرفان: ولد أنا عارف إنه هيكون ولد إن شاء الله طبعا
ابتسمت إيناس بسخريه وقالت: طبعا ان شاء الله
&&&&&&&&ــ&&&&&&&&&&
في اليوم التالي اتصل عبد العزيز على كريم
كريم: أهلا يا عبد العزيز اخبارك واخبار صحتك
عبد العزيز: تمام يا كريم بقيت بخير المهم أنا كنت عايزك في حاجة كده
كريم: قول يا اخويا انا عينى لك
عبد العزيز: كنت بستأذن منك إنى أجى ازورك أنا والباشمهندس عادل إبنى
ضحك كريم وقال: وهو إنتوا محتاجين تستأذنوا عشان تيجوا عندى
عبد العزيز: طول عمرك صاحب واجب بس احنا هنيجى عشان حاجه تخصك وكنت بستأذنك عش
كريم: هو احنا لسه هنستأذن بعض البيت بيتك وعادل إبنى ويجي وقت ما يحب ماشي
اتنهد عبد العزيز وقال: خلاص على بركه الله
&&&&&&&&&&&&&&ـ&&&
ناهد: مين بيتصل
كريم: تصدقى إن عبد العزيز بيستأذن منى عشان يجيى يزورنى
ناهد: يستأذن غريبه ده عمره ما عملها
كريم: عشان كده أنا مستغرب
فكرت ناهد وقالت: يمكن عشان هيجى في غير معاده بتاع كل اسبوع
كريم: لا ماهو بيجي. كتير في غير معاده بس المره دى لأ يمكن عشان هيجيب إبنه معاه
ناهد: هيجيب إبنه !!!! طيب وفيها إيه مايجيبه ليكون جاى يخطب وإحنا مش دارين.
كريم بدهشة: يخطب ؛!! يخطب مين يعنى؟
ناهد: يعنى هيكون هيخطب مين ؟ اكيد البت ليليان طبعا
فكر كريم شويه وبعدها قال: لا ماظنش ليليان!!! لا لا دى عيله صغيره .
ناهد: عيلة مين ده و أنا قدها كنت متجوزه ومخلفه كمان.
كريم: الزمن بقى غير الزمن وبعدين ليليان لسه عيله في الثانوية العامة ومتعرفش حاجه في شغل البيت
ابتسمت ناهد بسعادة وقالت: وهى ليليان لو اتجوزت عند عبد العزيز وتحتاج تتعلم حاجه دى هتعيش أميره تأمر والخدامين يطيعوا طول عمرها محظوظه
ابتسم كريم وقال: تصدقى دى تبقى أمها داعيا لها بنت الإيه . بس لا إحنا مش هقدر حاجه قبل أوانها وبعدين لا ماينفعش دى لسه عيله ماظنش إللى فى بالك ده
ناهد: طيب أنا اهو وإنت اهو إن ماكانش عبد العزيز جاى يخطبها لإبنه
كريم: بس الواد عادل .. يعنى
ناهد: ماله ده هيبقى زى الفل صدقنى
كريم: هو راجل وعبد العزيز مطلع عينه من الشغل وهو مش معترض بس طائش شويه
ناهد: بكره يعقل وبعدين يعنى لسه بدرى على الجواز يعنى يتخطبوا الأول وبعدين نبقى نفكر في الجواز
كريم: نامى نامى ده إنتى جوزى العيال وهما لسه ماتخطبوش ده احنا اساسا مانعرفش هو جاى بكره لإيه يمكن موضوع تانى خالص
ناهد: هو بكره بعيد الموضوع يادوب سواد الليل وبعدها هنعرف كل حاجه
كريم: طيب نامى نامى ورانا شغل بدرى ومش عايزين نتأخر
&&&&&&&&&&&&&&&&&&&
في اليوم التالي دخل عبد العزيز وإبنه البيت عند كريم فجت ناهد تسلم عليهم
ناهد: إزيك يا أبو عاصم عامل إيه ( بصت لعادل) ماشاء الله تبارك الله ده عادل بقى راجل ملو هدومه اهو
عادل بإحراج شديد: شكراً يا طنط
كريم: طبعا ده أنا معرفتوش اول ما شفته شكله اتغير كتير عن الأول بس أنا فرحان أوى إنك جيت مع بابا أيوه كده عشان تعرفنا ونعرفك بالك إخواتك حور وعاصم الاتنين ماكانش بيروحوا كانوا بيجوا عندنا على طول حتى حور بعد ما اتجوزت بتتصل بينا وبتطمن علينا
بص عبد العزيز لعادل إبنه وبعدها قال: وعادل كمان كان بيجيى قبل ما يمشي ورا كلام أمه
فجأة خبط جرس الباب فقامت ناهد تفتح فاقت إيناس وجوزها وبناتها
ناهد: أهلا يا إيناس اتفضلى .
دخلت إيناس وهى بتوشوش أمها وقالت:( هو إيه الموضوع جيبانى ليه على ملى وشى فيه حاجه)
ناهد: خشى بس دلوقتي وبعدين نبقى نتكلم
اتفضل يا عرفان يابنى
عرفان: مش معقول ده عبد العزيز بيه هنا النهارده ألف حمد لله على سلامتك ده أنا كنت قلقان عليك أوى أول ما سمعت إنك عيان
عبد العزيز: الله يسلمك يا عرفان .إزيك يا إيناس يا حبيبتي
إيناس: الحمدلله يا عمى
عبد العزيز: ده يبقى عادل إبنى
بصت له إيناس بكره شديد . بعيدها قالت عن إذنك يا عمى هتروح اشوف ليليان.وقامت بسرعه دخلت الأوضه.
في حين قال عرفان: أهلا بك يا عادل بيه منور خلاص بقى إنت عرفت الطريق نبقى نشوفك كتير
عادل بحرج من نظرات إيناس: ( إن شاء الله)
كريم: عندك أولادى محمد وعادل دول ساكنين فوق هبعت اجيبهم عشان تتعرف عليهم يا عادل
عبد العزيز: مش دلوقتي المرات الجايه كتير ساعتها يبقى يتعرف عليهم وهما يتعرفوا عليه
المهم أنا جاى النهارده نطلب إيد بنتك ليليان لإبنى عادل
إبتسمت ناهد بسعادة وهى بتبص لكريم وبعدها قالت عن إذنكوا وقامت بسرعه دخلت الأوضه لبنتها
ناهد: يالا يا لى لى يا حبيبتي قومى كده
إيناس: أنا كنت بقوامها بس هى مكسله شكلها كده مانامتش كويس .
ليليان بتعب: فعلا والله أنا مانمتش ولا ثانيه
ناهد: لا يا ليليان يا حبيبتي أنا عايزاكى فائقه كده ومفرفشه قومى كده وشوفى فستان حلو كده وإنتى يا إيناس اعملى لها مكياج حلو كده خليها زى القمر
إيناس بدهشة: ليه ورانا فرح النهارده
ناهد بسعادة: ماهو لو تم الموضوع هيبقى عندنا فرح
ليليان: موضوع إيه يا ماما ؟
ناهد بسعادة: إنتى عارفه مين إللى بره
إيناس: عمى عبد العزيز وإبنه
ناهد: أيوه وهما دول جابين يطلبوا إيد ليليان لعادل ابن عمك عبد العزيز
ليليان وإيناس فى صوت واحد: إيه؟
ناهد: هدوا صوتكوا هتفضحونا
إيناس: وبابا عارف بالكلام ده
ناهد: أنا كنت متوقعه بس هو ماكانش مصدقنى
إيناس: ورأيه إيه بقى ؟
ناهد: يعنى هيكون رأيه إيه ده إبن صاحب عمره يالا يا إيناس زوقيها كده على ما اجهز العصير ( وخرجت ناهد من الأوضه)
بصت إيناس لأختها وقالت: عارفه إيه إللى بيحصل بره عمك جايب إبنه عشان يصلح غلطتكوا عايز يراضى ضميره إللى وجعه
بصت لها ليليان وقالت: بس أنا مغلطتش محصلش حاجه وأنا بنت زى ما أنا
بصت لها إيناس وقالت: إنتى هتعيدى وتقول ماحصلش حاجه ياترى عشان أنتى لسه بنت ليه هو شرف البنت نقطتين د،م وخلاص دى عليا بتقولى محصلش ليه مالمسكيش ماشفش جسمك مانتهكش حرمته ده حتى لسه فيه أثر على رقبتك ماختفاش
ليليان بدموع: كفايه خلاص حرام عليكى إنتى كل شويه تعيدى في كلامك .
إيناس: أنا مش بقول كده عشان أوجعك ولا عشان أذلك أنا بعرفك عمك شايفك إزاى وليه جاى عشان بس ضميره يرتاح .
ليليان: كفايه يا إيناس لو سمحتى كفايه
قامت إيناس وقالت: فعلا كفايه والمهزله اللى بتحصل بره لازم تنتهى
&&&&&&&&&&&&&&&&ـ
خرجت إيناس لقت هدير داخله البيت وهى سعيده وشايله في إيدها صنية حلويات وبتقول بفرحه: عرفت إن عمو عبد العزيز هنا فجرت صنية جاتوه عمايل ايديا وحياه عنيا
ودخلت بسرعه فقالت لها إيناس بغضب: براحه وإنت. ماشيه ومش قلنا بلاش الكعب العالي ده عشان بيزحلقك وإنتى ماشيه
هدير: غصب عنى متعوده عليه
إيناس: لا تنسيه خالص طول فترة الحمل وكمان بلاش تشيلى أى حاجه تقيله .هاتى هانى الصينيه دى
عرفان بحده: إيه يا إيناس إنتى هتشيلى منها الصينيه ماتنسيش إنك حامل زيها
بصت له إيناس وقالت: عارفه بس الصينيه مش تقيله إرتاحى إنتى يا هدير وأخدت منها الصينيه ووزعت الاطباق
عبد العزيز: إنت عارف إن عادل إبنى مهندس عندى فى الشركة وأنا بجهزه عشان يشيل الشركه من بعدى وبعدين
كريم: إنت بتقولى عليه وبعدين ليليان بنتك زى ما عادل إبنى بس البنت لسه صغيره
عبد العزيز: أنا عارف وإحنا مش هتعمل حاجه دلوقتي هى بس خطوبه بعد ما تخلص الإمتحانات وكتب الكتاب والدخله تبقى بعد ما استقر في الجامعه قلت إيه يا كريم
كريم: أنا رأيي إن
قاطعته إيناس وقالت:ٱحنا مش موافقين.....
&&&&&&&&&&&&&&&
موقف سخيف جدا حطتهم فيه إيناس تتوقعوا هيحصل