رواية مسار اجباري الفصل العاشر10بقلم منه محمد
بعد ما ايقنت اطياف انها اصبحت زوجه لامير زادت اضعاف وجعها و نزف جراحها نزلت الدموع لجوفها وحست بمرارة اللحظة وصعوبة الموقف لحد ما حست بأيدين بطبطب على ظهرها
منال بحنيه كبيره: عشان خاطري متعمليش في نفسك كدا هتمـ وتي نفسك , كنتي سبيه يموتني مكنش هيعمل حاجه من دي , وادينا جينا هنا تاني , وانا لايمكن اسامح نفسي ابدا
اطياف شهقت ورفعت رأسها عن المخده وهمست من بين دموعها : رشاد هو حبي, وانتي حياتي , , مستعده اضحي بروحي عشانك, لو كان حصلك حاجه اقول ايه لماما , مقدرتش احمي اختي الصغيره انا انقذت نفسي مش انتي ,كان هيعمل فيكي حاجه, مقدرش اخسرك بعد امي لسه قادره ابقي شجاعه , انتي اختي حبيتي وبنتي الصغيره
اسمهان دخلت بهروله ومنال جريت عليها تحضنها وتبكي وهي بسؤال: حصل ايه مش انا هربتكم مين شافكم وامير عرف مكانكم منين
اطياف: مكنش المفروض نرجع هنا ابدا بصعوبه ساعدتينا نخرج , بس انسجنا مره تانيه ورجعنا تاني وخرب كل شئ
اسمهان: متقوليش كده ثقي فيا بوعدكم هحاول اهربكم مره تانيه من هنا , متقلقوش
اطياف دخلت في بكاء عنيف عنيف جدا لـ اقصي درجه: خلاص انا اتربطت بسلسله من رجلي محدش هيقدر يخرجني من السجن ده ابدا
اسمهان بتعجب: ليه تقصدي ايه ,قوليلي حصلت حاجه
منال ببكاء: اطياف اتجوزت امير
اسمهان شهقت من الصدمه: ايه جواز
ثريا فتحت الباب واسمهان خرجت بسرعه واطياف ومنال قعدوا جنب بعض
ثريا : اطياف البسي الفستان ده
اطياف: لبسوني الكفن
ثريا: حصل الي حصل وخلاص لايمكن نغير الماضي وسواء اعتبرتيه حظك الحلو او العكس انتي بقيتي مراه امير وعروسته
اطياف رمت الفستان ع الارض وقالت: مفكره ايه هحط ايدي ع خدي , واقبل الجوازه دي كدا بسهوله حتت ورقه اتجوزني بيها بالغصب بالاجبار
ثريا مسكتها بشده من دراعها: اسمعي يابنت انتي, لسه قايله ايه من شويه , بالي عملتيه ادتيله الفرصه, هربتي يوم جوازك ده الي كان لازم يحصل , انسي كل حاجه واتقبلي الوضع الجديد انك مراه امير وهو جوزك , والفستان ده البسيه ونفذي الاوامر لان ده من مصلحتك انتي فاهمه الي بكلمك عنه, ودلوقت قوليلي ازاي هربتوا من هناك
اطياف سكتت
ثريا بزعيق: انا بسالك انطقي مين ساعدك, تمام مش مهم , المهم انك رجعتي ومش هتقدري تهربي
اطياف: يبقي ليه بتساليني امشي اعرفي بنفسك ,مين الي ساعدنا نخرج من الجحيم
ثريا: انتي بتقولي ايه يابت ,مش عارفه انا مين بس مسيري اربيكي
اطياف صرخت وهي طالغه روحي اعملي الي تعمليه ( صرخت بكل قوتها ومنال ضمتها وهي منهاره ع وضعهم المزري
............قصص منه محمد كاتب............
في البلكونه في بيت رشاد
جليله فتحت الباب: فيه ايه يارشاد انت من امبارح عمال تتصل بيها , ليه مش قادر تصدق ان اطياف سابتك وخدعتك
رشاد: ده مش ممكن , كام مره هاكدلك بدل المره الف لكن انتي مصمم تتكلمي عن المسكينه بالشكل ده
جليله: خليني معاك وقولي لو فعلا هي مش كدا كانت ع الاقل اتصلت بيك مره واحده, تتكلم تقول حاجه مش تسيبك متحير وهي عارفه زمانك قلقان , عجبك وضعك قاعد من امبارح في اوضتك وحاطط التلفون ع ودانك, لحد امتي هيستمر الحال ده , يابني انا مش قادره اتحمل اشوفك كده, اطلع من الحاله دي وانسي البت دي, ليه تدمر نفسك عشان واحده زيها, يابني خد بالك من نفسك عشان خاطر امك , يله غير هدومك وتعال نتفرج ع التلفزيون
رشاد: لايمكن انسي اطياف
جليله :وبعدين هتعمل ايه , هتنسي امك من حسباتك
رشاد: لاء بس لازم اطمن عليها ولحد ده ما يحصل مش هرتاح
جليله بحقد: ياريته ماعرف البلوه دي ولا حبها ابدا
............قصص منه محمد كاتب.........
في غرفه العرسان الخاصه
امير دخل وراها وهو فرحان وقالها مبروك يا عروسه
اطياف لفت وبصتله :مفيش داعي تكون فرجان جدا انا فهمتك بس انت لسه ومش هتقدر تنتصر عليا وزي ما هربت منك امبارح قادره اكرر ده تاني وتالت ومش هياس ابدا
امير ابتسم : فكرتك ذكيه بس طلعتي غبيه , معتقده لما تهربي من هنا مش هعرف اجيبك ها , بس دلوقت خليني افهمك المكان المناسب للست الي بتعاند ايه الي بيحصلها
اطياف :هيحصلي ايه
امير : كويس انتي دلوقت ليا , وهتعيشي زي منا عايز ومن الساعه دي هتقطعي ع صلتك بالماض( خنقها) وهتنفذي كل كلمه بقولهالك, حتي لو مش عايزه انا بكره جدا التمرد , ومش بحبه وبعقابه
اطياف زقته بعيد عنها وقالت بنرفزه شديده: ده بعيد عن شنبك , انا مش معترفه اصلا بالجواز ده , الجواز الي بيتم تحت تهديد السلاح ده يناسبك انت, اما انا مستحيل اقبله وكل يوم بتنزل من نظري اكتر خلتني تحفه وجبتها احتفظت بيها هنا قدامك انا مجرد جثه حيه ومفيش لا قلب ولا روح في الجثه الحيه , مفيش الا الكره
امير صرخ: اخرسي انتي لسه مشفتيش الكره, اول مره في حياتي حد يتجرء ويكلمني بالشكل ده
اطياف: لانك تستاهل ومفكش عقل, لما رجعتني هنا غصب عني جبت البلاء لروحك
امير صقف وقال : واو برغم كل الي حصل لسه نفس اللهجه , ونفس الاسلوب , ونفس العناد ونفس الغطرسه, ونفس البنت المشاغبه بس اوعدك هغيرك كتير لدرجه مش هتقدري تتعرفي ع نفسك
اطياف رفعت حاجب بتحدي: هنشوف مين فينا الي هيغير التاني وده وعد مني, هغيرك كتير ومش هخليك انت نفسك ووقتها مش هتبقي قادر تتعرف ع نفسك ولا تفهم ايه هي حالتك
.........قصص منه محمد كاتب..............
اطياف نزلت : ها مستعده
منال: ايوه مستعده وبقالي ساعه مستنياكي هنا
اطياف بستفسار: فين بابا
عزيز نازل السلم جري وقال: انا جاهز يابنتي يله نمشي
حكيم خرج من المكتب وبشخط: استني واخدهم ورايح بيهم ع فين
عزيز: رايحين نزور امهم
حكيم : البنتين دول لايمكن يروحوا اي مكان
عزيز :ايوه بس بقالهم فتره مزروش امهم
حكيم : عزيز الي بقلهولك يتنفذ , ازاي اثق فيهم بعد الي حصل, ربما بعد ما يخرجوا ميرجعوش زي ما حصل قبل سابق
عزيز: ايوه بس الامور بقت مختلفه اطياف اتجوزت امير وبقت مراته
حكيم بتهكم شديد: مراته ماهي مديحه كانت مراتك لما هربت, قدرت تمنعها ع اي حال تقدر تاخد واحده منهم
اطياف بعصبيه: ايه الي بتقوله ده
عزيز :موافق ياخويا
اطياف :لكن يا بابا
عزيز اتك ع اسنانه : قلت موافق , شوفوا مين فيكم تحب تيجي معايا ,وهاخد التانيه بعدين
منال : انا مش رايحه هفضل هنا , خد اطياف معاك
امير تدخل في الحوار وقال بهدوء: عمي خد منال معاك, انا مش موافق مراتي تروح دلوقت
عزيز: يله يا منال
منال ضمت اطياف ومشت
........قصص منه محمد كاتب.............
واقف قدام المرايا بيسرح شعره وبيرش برفن لقاه الباب اتفتح عليه
علا: امير ليه اتجوزت البت دي قبل ما تجيبها البيت
امير : كان امر من عمي حكيم
علا : مش مقتنعه ومش قادره اصدقك
امير: لو مش مصدقه روحي اسالي ابوكي واتاكدي بنفسك ,دي الحقيقه
علا :يعني نفذت رغبتك تحت اوامر بابا
امير: انتي ليه مش عايزه تفهمي, انا متورط في الجوازه السوده دي
اطياف زقت الباب اتهبد في الجدار وبصتلهم بحتقار لحد ما علا عدت من جنبها ورزعت الباب وراها
اطياف حطت ايدها في وسطها: الي بتعمله غلط
امير رجع يهندم نفسه في المرايا بكل برود : بتتكلمي عن اي غلط بالظبط, انا غلطت كتير لدرجه مش فاكر , فكريني ايه الغلط الي تقصديه
اطياف : انت حاسس بسعاده كبيره وبتضحك كتير, رغم المفروض تحس بالخجل ,انت وعمك بتنبسطوا اوي لما تأذوا اي شخص , وبجد انت بالنسبه لي حاله اشفق عليها
امير : دي مجرد البدايه هتعيطي كتير بعدين
اطياف: انا مش ممكن اعيط من ضربه واحده ده انت , وانا هخليك تعيط كتير وقريب من اول لطشه قلم مني ع خدك الجميل لانك منعتني عن زياره امي, بس معذور تعرف ايه انت عن حب الام وامك ماتت وهي بتولدك للسبب ده مجربتوش ابدا
امير وهو بيلبس الساعه : طبعا فخوه بنفسك وقولتي حاجه توجع امير حكيم الدين , بس نصيحه متبقيش قاسيه لاني ممكن اجبرك تخلفي مني وبعدها احرمك من ابنك
اطياف : تقدر تاخد روحي لكن شرفي لايمكن تاخده غصب عني
امير صرخ فيها: ناوليني الجزمه
اطياف :ايه قلت ايه
امير :الجزمه
اطياف: انا اجيلك الجزمه
امير: ايوه هاتيها انجري
اطياف :جيبها انت ليه انا
امير : لان دي عاده اي ست في البيت هنا , وانتي مش اعلي منهم لما يخرج الراجل من بيته مراته تقعد تحت رجله تلبسه الجزمه, قومي بمهتمك زي اي زوجه صالحه , واعمليها وهاتي الجزمه
اطياف: اليوم الي خلتني مراتك بتهديد السلاح, اجبرني بنفس الطريقه , وارفع عليا سلاحك وخد روحي والا اني البسك الجزمه
امير اتغاظ من اسلوبها وهي طلعت وشافت ثريا واقفه تتجسس عليهم بصتلها بقرف ومشت
.......قصص منه محمد كاتب..........
ع الموبيل
امجد : الي سمعته ده حقيقي يا منال
منال بدموع : مقدرتش انقذ اختي , ولا انقذ نفسي, اطياف ضحت تضحيه كبيره عشاني ,وهي بتحب رشاد كتير
امجد :معقول كل ده يحصل ومتقوليش الا دلوقت, حاسس انك نسياني من حسباتك
منال: لاء يا امجد مش كده , بس مكنتش عايزه اشغلك بمشكلنا
امجد :هو انا واحد غريب انا خطيبك , ولازم اعرف كل الي انتي فيه, انتي مهمه جدا بالنسبه لي
منال :حتي لو كنت قولت لك ايه الفايده , لايمكن اي حد يقدر يساعدنا وينجدنا من الجحيم الي هنا ,احنا عملنا كل جهدنا عشان نهرب لكن محاولتنا فشلت
امجد :انا حقيقي زعلان جدا للي حصل مع اطياف
منال :اطياف ورشاد بيحبه بعض, ولحد دلوقت هو لسه ميعرفش , ومش عارفه لما يعرف ممكن يعمل ايه
امجد اتنهد بقهر وقال :انا اكتر واحد يحس الاحساس ده , لما الشخص بيفقد الانسان الي بيحبه مش بيقدر يعيش من غيره
منال :انت لسه فاكر البنت الي كنت بتحبها
امجد اخد باله من الكلمه الي قالها وسكت
منال: ليه سكت انا عارفه انك كنت بتحبها كتير
امجد: لا مش زي ما مفكره كنت اعمي وخلاص كل واحد فينا راح لحاله ,وبقيت معاكي انتي يامنال وسعيد جدا معاكي
منال : كلامك الحلو ده بالنسبه لي حاجه كبيره جدا
امجد ابتسم :متقلقيش مش هسيبك ابدا
منال :هكلمك بعدين تصبح ع خير
......قصص منه محمد كاتب..........
في جنينه السرايا
امير قرب منه :طلبتني ياعمي خير
عزيز : عايز اتكلم معاك في شئ مهم
امير بحترام: اتفضل اتكلم
عزيز سكت شويه وامير قاله: قلقتني ياعمي اتكلم
عزيز: يابني انا مقدر الوضع الي انتم الاتنين بقيته فيه , والظروف الي اتجوزتها بيها صعب جدا تغيرها , اطياف بنت مختلفه مش متربيه ع عوايدنا , عاشت في القاهره وصعب جدا تعيش وتتجوز هنا , ولو اتحكمت فيها بالشكل ده الوضع هيبقي اصعب من كده
امير :عايز تقول ايه من كلامك ده ياعمي, اني غلطت لما اتجوزت بنتك عافيه واجبرتها ,بس انت عارف مكنش قدامي غير الاسلوب ده ,وبنتك السبب بسبب عنادها حصل الي حصل
عزيز :وبنتي كان لازم تعمل كده غير انها تتجوزك
امير وانا متجوزتهاش بمزاجي اظن كلكم عارفين بالوصيه الي اتفاجئت بيها , وبامر من عمي حكيم نفذتها , وبعدين انت ناسي ياعمي بنفسك قرات الفاتحه مع ابويا , واحنا اطفال حسب رغبتك
عزيز: امير حاول تفهم مهما كان رد فعلها الطريقه كانت غلط , ولازم تسامحها وتغفرلها ومكنش ينفع ابدا تمنعها عن زياره امها لان كدا هتعاند اكتر
امير: الكلام ده تقوله لبنتك مش ليا , هاتها واقعدها واشرحلها ايه هي واجبات الزوجه, هي محتاجه تفهم كل ده , انا ماشي
......قصص منه محمد كاتب..........
في غرفه منال
منال: طفطف مهما حصل بابا ملوش ذنب في كده, متزعليش منه
اطياف ابتسمت خفيف: انتي طيبه جدا عشان كدا بتفكري بالطريقه دي , بابا غلطه ميقلش عن عمي وامير
منال: لاء مش كدا
اطياف بضيق: منال بجد مش عايزه اتكلم عنهم , كنت هسالك عن حاجه اهم , شكلي نسيت اه امجد عرف
منال: ايوه ومن وقتها قلقان عليا
اطياف مسكت دقنها : جميل امجد شاب كويس وهيسعدك بأذن الله
منال: بس حاسه بالخوف
اطياف بصتلها بهتمام: ليه خايفه , ومن ايه قوليلي يا منال
منال: لو هنا رفضوا علاقتي معاه
اطياف: مفيش حاجه من دي هتحصلك زي ما حصل معايا, لان مفيش امير تاني واوعدك انـ
قطع حديثهم خبط ع الباب ودخلت لما سمحولها بالدخول
شوقيه: اطياف هانم فيه واحد تحت عايز يقابلك
اطياف :يقابلني انا مين قال اسمه
شوقيه: اه وبيقول انه جاركم القديم , واسمه رشاد
استوب ورايكم في البارت وطبعا اطياف هتاخد علقه محترمه من امير بسبب رشاد ربنا يستر
مين البنت الي امجد كان بيحبها او معجب بيها ياتري واحده احنا نعرفها وناخد الصدمه انتظروني واحداث جميله بين اجمل كابلز امير وطفطف😂😍😂😍