رواية مسار اجباري الفصل الحادي عشر11بقلم منه محمد
اطياف نزلت تجري عشان تشوفه بس افتكرت انها ع ذمه واحد غيره وقفت تعيط ولفت الطرحه باحكام وقالت لنفسها , مليش حق اقابله انا مليش اي حق ع نفسي بعد دلوقت عدلت الطرحه ومسحت دموعها ودخلت
رشاد قام بلهفه عليها: اطياف عامله ايه
اطياف بجمود: ليه جيت هنا يارشاد
رشاد بتعجب: يعني ايه ليه جيت, جيت اخدك, انا عارف انتي ومنال حبسنكم هنا بالقوه , يله تعالي معايا
اطياف :مقدرش اروح معاك اي مكان
رشاد : مفيش داعي تخافي انا معاكي , لايمكن الناس الي هنا يأذوكي انا هاخدك انتي ومنال من هنا , ولو اتكلموا هصورهم وهبلغ البوليس يساعدكم , انا من امبارح مش عارف انام كويس انتي بجد وحشتيني وافتقدك كتير, انا حتي مش عارف اكلمك في التلفون وقلت اكيد اخدوه منك عشان كده متصلتيش , وجيت اطمن عليكي لاني بحبك اوي , وانا هواجههم متقلقيش
اطياف: انت ليه مش عايز تفهم , مكنش ينفع تيجي هنا
رشاد :مفيش حاجه هتحصل ابدا , ومش هسمح لحد يقرب منك , هاخدك معايا وهتكلم مع امي نكتب الكتاب
اطياف: دلوقت لايمكن الامور ترجع زي ما كانت, ومقدرش ارجع بيتي , ولا حتي اتجوزك مفيش حاجه هترجع زي ماكانت
رشاد :ايه الكلام الفارغ الي عماله تقوليه ,هو انتي مش بتحبيني
اطياف بعصبيه: لاء مش بحبك لاني اتجوزت امير ,ودلوقت تقدر تمشي اتفضل
رشاد وسعت عيونه من الصدمة : ازاي ده , يعني ايه بقيتي لغيري بعد كل الحب ده تروحي مني وتتحول حياتي لضلمه , لاء قولي انك بتهزري معايا ,خليني احس بشعاع واحد من النور ليه بتعملي فيا كده , وانتي بتحبيني
اطياف بقهر: حب! الحب ده ولا حاجه قدام القوه, بيتنسي الحب ويطير زي السبرتوا في الهواء روح وانساني
رشاد نزلت دموعه سيول ع خده : انساكي , ازاي اقدر انسي, لايمكن تكوني خاينه في عيني, احنا كان المفترض نعيش مع بعض , وعمري ما تخيلت واحده غيرك , ولا فكرت اخونك ابدا متسبنيش والا هموت من غيرك , قوليلي ان ده كله كدب ,من فضلك قولي ويله امشي معايا
اطياف :متبهدلش نفسك وامشي من هنا , وابعد عني انت مبقاش ليك حق عليا
رشاد: بس انا عارف عملتي ده غصب عنك
اطياف : لاء مش غصب انا مبسوطه السرايا كبيره اكبر من بيتنا الصغير ,وكل حاجه هنا متوفره وبصراحه اتعودت ع العز وعايزه اكمل
رشاد زعق: لو كدا امال ليه عشمتيني
اطياف بحده: وطي صوتك
رشاد زعق اكتر: مش هوطي قلتي انك معايا وليا , ازاي تعملي فيا كده , لحقتي تتغيري بالسرعه دي
اطياف: امشي يارشاد من هنا وكفايه, انا مفيش بيني وبينك اي علاقه , مش من حقك تسالني اي سؤال امشي
رشاد مشي ومنال مسكتها: انتي قولتيله ايه ’ رشاااد استني
اطياف مسكتها من دراعها :سبيه يمشي
منال :حصلك ايه
اطياف :خليه يفهم الي قلتهوله ويكرهني
منال :ليه عملتي كده
اطياف بدموع: عشان ينساني ويشيلني من دماغه ,ويشوف حياته مع واحده تانيه
......قصص منه محمد كاتب........
امير طلع من الحمام فتح درفه الدولاب ملقاش هدومه فضل ينادي: اطياف فين هدومي , راحت فين دي
امير طلع الطرقه : شوقيه فين اطياف بدور عليها
شوقيه بفضول:عايزها ليه
امير بشخط: وانتي مالك تردي ع قد السؤال
منال بارتباك :هي في اوضتي روح انت وهبعتهالك
امير: بسرعه مستعجل
منال : حالا
امير رجع تاني للدولاب يدور لقاها داخله قالها بسخريه: اختك بعتتك بسرعه كتير الصراحه ايه ده
اطياف: اعمي هدومي
امير حدف هدومها ع السرير بغيظ وقال: ليه نقلتي هدومي من مكانها الدرفه دي بس لهدومي
اطياف مسكت الهدوم تعلقها في نفس المكان وهي بتقول : ليه مفكر نفسك هارون الرشيدي, هو مش دولابك لوحدك
امير مسكها: انتي بتعملي ايه هو انتي طرشه , نفذي الي بقوله ورجعي هدومي مكانها , ولو عملتي كدا في هدومي تاني هرميلك هدومك بره
اطياف حدفت الملابس في صدره: اتفضل ارمي بس انا هطلع وراها , يله ارميها مستني ايه ارمي , بس انت هتجاوب ع كل سؤال من اساله عمك, مش انا, خد ارمي
.
عزيز : انتي الي ساعدتي منال واطياف يهربوا من البيت
رفعت عيونها وقابلت نظرات عزيز القويه وقع قلبها من الخوف والرعب منه
عزيز بنفعال : ردي عليا
اسمهان بلعت ريقها وجاوبت: ايوه انا
عزيز :متخيلتش تعملي فيا كده وتغشيني . انا وثقت فيكي اكتر من اي حد ,وكسرتي الثقه دي في لحظه
اسمهان :كل الي عملته كان عشانك, فاكر لما البنات دول مكنوش معاك ,كنت بتشقلهم وازاي بكيت ودلوقت راح فين كل الحب ده
عزيز: الحب لسه موجود وهفضل احب بناتي
اسمهان :انت متاكد , لان انا شايفه لو بتحب اطياف مكنتش هتجبرها تتجوز امير
عزيزبعصبيه: انا نفذت وصيه اخويا لان جواز اطياف من امير في مصلحتنا كلنا , واحمدي ربنا ان مفيش حد كشفك في السرايا , مفكرتيش كان ممكن يحصلك ايه
اسمهان : مكنش هيحصلي اكتر من الي حصل لـ اطياف , ومخفتش ع نفسي انا خفت ع البنات
عزيز : متتكلميش بغباء اطياف خلاص بقت مراه امير
اسمهان : عارفه
عزيز : عشان كدا لو عايزه تبقي ام كويسه , عقلي اطياف ان ده بيتها
...........قصص منه محمد كاتب..............
ثريا شافتها: تعالي ياعلا
علا قعدت : هو حد جه عشان يطلب ايد منال
ثريا: لاء محدش جه , هي اصلا مخطوبه , وخطيبها كان بيحدد الفرح
علا :وحددوه امتي
ثريا: ليه بتسالي
علا: الاول جاوبي ع سؤالي
ثريا : ابدا عمك حدد فرحهم قريب بس
علا: غريبه و بابا معلقش ع قرار عمي عزيز
ثريا :لاء
علا :احسن انها هتتجوز وتغور من هنا
ثريا بستغراب: ليه بتقولي كده
علا بحقد: عشان بكرهها ومش طايقه اشوفها في البيت هنا , من اول ما دخلت هي واختها سرقوا سعادتي
ثريا : يابنتي خليكي صبوره يانور عيني انسي الي حصل
علا: سهل عليكي تقولي كده لكن الي حصل معايا مهما شرحتلك مش هتفهمي
ثريا: ازاي مفهمش انا امك قادره افهم حزنك
علا :وانا بقولك مش هتفهمي
ثريا ضمتها لحضنها وقالت: ان شاء الله هتتجوزي احسن واحد في الدنيا بوعدك
...........قصص منه محمد كاتب.........
في الجنينه
امير قرب عليها : عامله ايه يا علا , بقالنا كتير متقبلناش
علا ابتسمت: هاي , معذور معندكش وقت دلوقت ليا , بقي عندك زوجه ,وصديقه جديده
امير: لاء يا بنت عمي الموضوع مش كده , بس عارف انك زعلانه مني
علا :بتتكلم عن ايه انا نسيت وانت كمان انسي , مكنش غلطي ولا غلطك لايمكن نغير الي مكتوب في مصيرنا , وكويس انك مبسوط في جوازك والامور تمام بينك وبين اطياف لدرجه خليتها تقابل الناس
امير عقد حواجبه: ناس مين الي بتتكلمي عنهم
علا :ابدا جه شاب من منطقتها القديمه, ليه هو انت متعرفش بس هي مراتك ومحتاجه تاخد اذنك وفي بيتنا مينفعش يحصل فيها زي الي بيحصل بره , وشكله معرفه قديمه هي مقلتلكش عنه
امير مره واحده قام هيفرقع من الغيره وطلع السلم جري وفتح الباب لقاها بتولع شموع كتير ولابسه اسود وبتمسح دموعها
امير قرب منها والغيره محفورة على ملامحه: جه حد يقابلك , مين الي جه يقايلك من حيكم القديم ,
اطياف ساكته ودموعها حفرت خنادق ع خدودها .
امير مسك دراعها: اطياف انا بسالك مين الي جه يزورك من جيرانكم
اطياف فلتت نفسها منه :مش شايفه ضروري اقولك
امير شدها وهو بيزعق فيها: ليه شايفه انه مش ضروري, انا جوزك تردي ع كل اسالتي, اظن ده حقي
اطياف بضعف وقهر : امير متزعجنيش وخصوصا دلوقت, تقدر تروح للي بلغك وتساله ,وهتاخد كل اجوبه لاسئلتك وهتعرف مين الي جه ومين الي راح ,ودلوقت سبني انام
امير شد من عليها اللحاف و بنبرةٍ فجّة : مش قبل ما تجاوبي وتردي ع سؤالي , مين الي جه مش انا منبه عليكي ممنوع تقابلي حد من غير اذني , والا هاخد روحك
اطياف قامت وصرخت فيه بألم الدنيا : يله خد حياتي , واقـ تلني , والا اقولك مد ايدك
واخـ نقني انا كمان عايزه اتخلص منكم كلكم كفايه بتضربه جامد في صدره يله اخـ نقني مستني ايه اعمل معروف وموتني خليني ارتاح من العذاب ده ,مستني ايه يله طلع مسدسك واقتلني_ خبطته في صدره_ اضرب ليه واقف , ولا اقولك موتني من الضرب
امير زقها جامد ع السرير : جرالك ايه انتي اتجننتي في نفوخك
اطياف انفجرت تبكي بحرقة : انا زهقت من الكره, ونفسي امـ وت قلت بعد ما اتجوزك كل حاجه هتتغير استنيت الحب لقيت نفسي بعاني اكتر , وياريتك تقـ تلني وتخلصني ارجوك يا امير اقتـ لني , انا ميته اصلا بالحياه عايزه اروح لربنا وارتاح
امير قدام انهيارها وحالتها خالته مش قادر يسال ولا ينطق كان نفسه يواسيها بس كدا هتشوف نفسها عليه اكتر اتحرك من مكانه بعصبية كبيره و أنفاسه عاليه وسابها ونزل تحت يدخن سيجاره وقعد علي السلم في الجنينه
ثريا شافته : امير بتعمل ايه هنا يابني في الوقت المتأخر ده
امير طفي السيجاره بسرعه ورحلها : مراه عمي
ثريا :بتعمل ايه مش مفروض تكون نايم في اوضتك
امير: اه بس قلت انزل اطمن ع البوابه , وقعدت شويه هنا اشم شويه هواء
ثريا :خد بالك من تصرفاتك, انا بس دلوقت الي شوفتك , افرض عمك هترد تقوله ايه ,بص يابني انا بحبك كتير ومش عايزه الا راحتك, لو فيه مشكله قولهالي انا زي امك
امير: ايوه فاهم
ثريا :كدا يله احكيلي فيه ايه
امير: مفيش حاجه, ولو فيه اكيد كنت هقولك ,اطمني متقلقيش
ثريا :طيب لو مش عايزه تقول براحتك , بس عارفه انك بتكدب من نظره عينك, انا مش مجرد مراه عمك انا الي ربيتك الوقت متاخر ارجع اوضتك
امير بطاعه: حاضر
.........قصص منه محمد كاتب.................
في بهو السرايا
اطياف نزلت وراحت لها: افندم بعتيلي
ثريا: اه عايزه اتكلم معاكي
اطياف كتفت ايدها ع صدرها: اتفضلي
ثريا: ايه الي حصل امبارح بينك وبين امير, اتخانقتوا سوي
اطياف: هو حد قالك حاجه
ثريا: ده مش رد ع سؤالي , ردي ع سؤالي
اطياف: اسفه مقدرش اقولك دي مسأله شخصيه بينا , واظن عارفه ان الامور الشخصيه بين الواحد ومراته مينفعش نقولها للعامه, وانا مش بعمل كدا اطلاقا , ومش بسمح لحد يدخل في حياتي
امير بحده و غضب هادر : اطياف انتي ازاي تتكلمي معاها بالاسلوب ده , عارفه الي واقفه قدامها تبقي مين
اطياف بتهكم شديد: عارفه ثريا هانم مراه عمي الكبير, بس اسألها الاول ,بتسألني عن ايه وانا مقلتش حاجه غلط عشان تزعق فيا كدا
ثريا: امير متتعصبش سيبها
امير: ازاي وهي بتتصرف معاكي بقله احترام , وعايزني اقف ساكت انا مش عارف انتي ازاي متعلمه ده بقي الي اتعلمتيه من الكتب
اطياف: التعليم عطاني القوه والشجاعه , ورغم كده انا لسه هنا متحمله عادتكم وتقالدكم المتخلفه
امير اعصابه شعللت كتله نار واتك ع سنانه وزعقلها بغضب : اتكلمي بأدب مع الي اكبر منك , اقسم بالله لو اتكلمتي كدا تاني مع مراه عمي لكون مقطع لسانك ورميه للكلاب , يله اعتزريلها حالا
اطياف: مش هعتذر لحد
امير بصرامة : هتعتذري والا
اطياف: اعمل الي تعمله , برضو مش هعتذر
امير رفع ايده يضربها وثريا صرخت بعصبيه عليه
ثريا: انت هتعمل ايه , هتمد ايدك عليها قدامي , يله اطلعوا اوضتكم مش عايزه منها اعتذار بالعافيه
امير: انا الي بعتذرلك بالنيابه عن قله ادبها
ثريا: مش زعلانه من كلامها مفيش لزوم لـ لاسف انا مرضيه , ويا اطياف مش انا الي اجبرتك تتجوزي امير , ده امر عمك , وانتي عارفه ده كويس , ولا يمكن حد يكسر كلامه
اطياف نقلت نظراتها عليهم واخدت بعضها وطلعت السلم بأقصي سرعتها
امير اتنهد بقوه : ليه منعتيني , كنت هخليها تقعد تحت رجليكي وتعتذرلك
ثريا : جرالك ايه ليه بتكبر اللامور ,وتسمع بينا الخدم , وخد بالك ده ميتكررش تاني سامع
امير: حاضر
...........قصص منه محمد كاتب...............
اطياف : انت ليه رميت الفوطه ع السرير مد ايدك يله شيلها
امير: امشي علقيها
اطياف : والله اعلقها ع ودانك, الي استعملها هو الي يعلقها
امير رفع صوباعه في وشها: متفكريش صبري عليكي اني الليف , والله لو عملت عقلي بعقلك لخليكي تقومي بشغل السرايا كله
اطياف بقرف: انت غلطان انا اطاوع قرد زيك نط ع حياتي
امير : انا نطيت ع حياتك , ليه هو انا مستغني عن عمري للدرجادي , عمي جبرني وده كل الي في الموضوع
اطياف :والله كنت ممكن ترفض بس انت ماصدقت تتجوز واحده زي
امير :دقيقه مين الي مصدق ده انا ببكي بدل الدموع دم , وهموت وانا حي
اطياف: لو عايز تنجز بسرعه روح ادي نفسك حقنه فاضيه وتخلصني منك وارتاح
امير غمض عيونه بانزعاج شديد و هو يهمس بضيق وراح فتح درفه الدولاب لقاها وخداها قال : تاني , يارب اشنق نفسي في مروحه , يارب خد روحي وخلصني منها
اطياف : ربنا يحقق كل رغباتك
امير رماه هدومها من ايده: ياريت ع الاقل مكنتش هواجهه المصير المغبر ده , لمي الخرده دي من دولابي
اطياف : انت ازاي تتجرء تقول ع هدومي خرده, تمام هدومي مش منقوله من هنا
امير: اوكيه انا هخدهالك ارمهالك من الشباك
اطياف: حاول بس تلمسها لو عندك الشجاعه
امير: انتي ايه حكايتك معايا تتصرفي غلط , وتتكلمي بقلب جامد
اطياف :مين فينا الي اساء التصرف
امير: انتي
اطياف: انت
امير : هو انتي طرشه مع قله الادب
اطياف : انت في وعيك بحذرك لم لسانك وعيش بسلام , بدل ما تجيب لنفسك وجع الدماغ
امير: قدامك ربع ساعه تلمي هلاليلك من الدرفه
اطياف بعدم مبالاة : مش هشيل حاجه وكنت فهم عمك انك متصلحش للجواز اطلاقا
امير : انتي الي متصلحيش لحاجه اصلا
اطياف: ولما انا كدا ليه اجبرتني بالغصب واتجوزتني
امير: عشان احسن اسلوبك السيئ , انا اصلا مكنتش عايز اتجوزك , ولا حتي كنت عايز فرصه اتكلم معاكي, يله قومي من هنا
اطياف: انت تقصد ايه مش عايز تشوف وشي, انا الي مش عايزه اشوف وشك , بمجرد ما بشوفك دمي كله بيغلي وببقي عايزه اضربك
امير: بطلي طوله لسان انتي متعرفنيش ممكن اخليكي تخنقي نفسك هنا , وبعدين ليه قعدتي ع الكنبه بتاعتي قومي
اطياف: بجد مش قايمه يله جرب
امير رايح عليها بغيظ: يعني انا هزيل اشيلك ارميكي من عليها
اطياف: الحقوني تعالوا بسرعه شوفوا المجنون بيعمل ايه
امير كمم بؤها: هش اسكتي ,انتي مش انسانه
اطياف برفعه حاجب مستفزه : ليه مش انسانه حتي رجلي مش مختلفه
امير: بس عقلك ولسانك مختلفين
اطياف: بكرهك
امير نفخ بزهق منها: مش اقل مني انا اصلا قرفان منك , ونفسي اقـ تلك
..........قصص منه محمد كاتب..............
يوم جديد تلفونه رن ورد بأبتسامه: اه طبعا هنحضر معقول اتأخر عنك , انت تامر تمام هجيلك
اطياف دخلت بالغسيل ووقفت ترصه في الدولاب
امير قفل وبصلها و ابتسامته العريضه ع شفايفه : فيه سبوع ابن واحد صاحبي بكره , خليكي مستعده
اطياف: انت بتقولي حاجه
امير بغيظ :لاء بتكلم مع الجدار
اطياف بهمس : انا قلت من الاول مكانك مستشفي المجاذيب
امير رفع حاجب و سألها : ايه قلتي ايه
اطياف: اظن سمعت كويس قلت انك تقعد في مستشفي المجانين
امير بغيظ : والله ما مجنون ومختل غيرك اعملي حسابك هتروحي معايا
اطياف: مش رايحه
امير: وانا قلت هتروحي , وانتي هتسمعي الكلام , وهتروحي , لاني وعدت الناس اجيبك معايا
اطياف: اخدت رآي قبل ما توعدهم
امير: ياسلام , ليه هو انا محتاج اسألك وغصب عنك هتيجي يا اطياف
اطياف بعناد: مش رايحه
امير ضرب خدها وهو بيبتسم وقال: خليكي جاهزه
اطياف طلعت وراه تتمشي في الجنينه لقته قاعد مع عمه راحت سحبت كرسي وأأعدت معاهم
امير بصلها وابتسم بخبث وقال: تعرف يا عمي صاحبي الظابط اتصل بيا , وعزمني ع سبوع ابنه
حكيم: جميل صاحبك ده ابن حلال وعملنا خدمات كتير, وامه كانت بتلمح نفسها تشوف عروستك , كويس خدها وروحوا , والكل يشوفها لازم ارد ع الموبيل
امير واطياف وقفوا له بأحترام لحد ما بعد عن المكان وامير ضحك اوي
اطياف: مفكر نفسك مين, قلت لك مش رايحه بس بتجبرني قدام عمك ,ايه لزومه تكلمه خد بالك انك عمال تغلط
امير: مش قلت لك هتعملي الي عايزه منك
اطياف حركت دماغها : الوهم الي عندك هيختفي قريب اوي , انا مش هنفذ كلامك لما تورطني مع حبيبك عمك هقولك امرك ياسي امير رايحه معاك
امير: هتضطري تروحي مفيش مجال للرفض مدام امير حكيم الدين
اطياف: مش انا , انت الي هتحط نفسك في موقف بايح وسمج
امير : رفرفي زي ما انتي عايزه , بس انا الوحيد الي بأمكاني اخرجك من السجن , والعالم عارف مين هو امير الي لو شاور بأيده لـ اي انسان مستعد يدمر حياته او يسلب منه حريته , او ميقدرش يتنفس
اطياف بحتقار: مغرور وكتير
امير ابتسم ومد ايده ياخد فنجان الشاي اطياف شدت الفنجان وحطت الطبق فوقه
امير ضحك وقام من مكانه وقال بمرح: خديه خديه
اطياف: اسمعني بقي يا امير , المره دي مش هيموت السجين بس هيجي عليه اليوم الي يطير فيه في الهواء الطلق , وده وعدي ليك , وهوريك ازاي هتاخدني بالغصب
اميرميل بجسمه عليها وفي عينيه ألف و ألف تهديد: يا حضره المشاغبه انا ممكن اعمل فيكي حاجات عقلك مش ممكن يتخيلها
اطياف قلبت شفتها لقدام وقالت: طبيعي كل الرجاله ملاعين زي بعض