رواية القاسي والبريئه الفصل الحادي عشر11بقلم ايمان ابراهيم
يوم كتب الكتاب الكل على قدم وساق هديه تقريبا منامتش وجاسر زيها فضل يتقلب فى سريره لحد ما النهار طلع مستنى اللحظة اللى هتبقى فيها هديه مراته حتى اذا هتفضل فى بيت اهلها لحد ما الشقه تخلص بس هتبقى مراته قام واتصل بهديه وصبح عليها صباح الخير يا حرمنا الصون ان شاء الله هديه ضحكت برقه وقالتله صباح الفل قالها برضه صباح الفل ساده كده ده خلاص كلها كام ساعة وهتبقى مراتى انطقى بقى هديه ردت بضحكة فيها دلع 😉😉 اصل جاسر ناقص بقى 😄 احلى صباح يا حبيبى اخيرا يا ساتر عليكى جاسر قالها نمتى كويس هديه قالتله لا كنت قلقانه طول الليل يدوب عينى غفلت شويه لقيت النهار طلع روحت قايمة قالها ولا انا كمان عرفت انام مش مصدق ان كلها شويه وهتبقى حرم جاسر جلال الدين العربى هديه اتكسفت وقالتله ولا انا يا جاسر مصدقة بجد كانى بحلم قالها لا دى حقيقة خلاص هتبقى بتاعتى واللى يفكر يقرب منك انا هقطعه قالتله للدرجة دى يا جاسر قالها واكتر يا هديتى وبكرة الايام تثبتلك هى طبعا مش عارفه يقصد ايه هتشوفى هتشوفى استنى بس 🤌🤌😁 المهم انا قلت اصبح عليكى واسمع صوتك انا هسيبك بقى عشان انتى عندك يوم طويل وانا هاجى على المعاد متقلقيش انا مرتب كل حاجه ماشي يا حبيبتى قالتله تمام يا حبيبى وقفلوا مع بعض وكل واحد راح بقى عشان يخلص اللى وراه عند هديه رقيه طبعا صاحية وعماله تبرم من الصبح عشان الفساتين ماهى بقى اللى عملت لهديه فستانها وكان تحفه لونه سكرى وفيه لمعة رقيقة اوى محدد شويه على الجسم وبعدين نازل على واسع شويه زى ديل عروسه البحر كده حاجه كده رقيقة وشيك زى هديه لانها كانت عايزة فستان شيك وفى نفس الوقت بسيط ورقيه فستانها سماوى محدد برضه شويه كله دانتيل وطويل برضه رقيق اوى وشيك جدا متزوق بفصوص فضى رقيقة اوى وشريف برضه كان بيجهز الحاجه بتاعته وكمال وامال بيجهزوا برضه وبيتابعوا التحضيرات لان كتب الكتاب عند هديه فى البيت وهيبقى فى كبار العيلة من الناحيتين من عند هديه وجاسر جاسر قال لعمامه الاتنين وعمته وامال قالت لاخوها ومراته وكمال قال لاخوه ومراته واتفقوا يعزموا باقى الاهل فى الفرح ان شاء الله والاصحاب .
الميك اب ارتست جت وهى ست طبعا لان جاسر قال لهديه طبعا تبقى ست والكوافير كمان لانه مش هيسمح بغير كده وفعلا هديه خلصت شعرها وبدات تحط الميك اب كانت حاجه كده شبه الملايكة وهى اصلا جميلة الوش المدور اللى زى التفاحة والعيون العسليه والشعر الاحمر على خفيف ولبست الفستان وبقت جاهزة ورقيه كمان كانت قمر هى كمان خمريه شويه والعيون المسحوبه لوناها بنى غامق وشعرها لون عيونها مع الفستان السماوى قمر هى وهديه وشريف كمان جهز وكمال وامال بس هديه كانت متوترة جدا بس رقيه كانت عماله تضحكها عشان تهديها شويه عند جاسر بقى لبس بدلته وكان زى الامير فيها شكله جذاب جدا جدا واحمد كمان شكله كان ميقلش عن جاسر جاذبية حتى جاسر قاله جرا ايه يا سي احمد انت هتغطى عليا ولا ايه ياعم الشياكة احمد قاله لا يا سيدى دى ليلتك يا عريس انا هحصلك بس شويه كده 😉😉 جاسر قاله ماشي ياعم ونهله كانت جميلة اوى فستانها رون شيفون نازل للوسط وبعدين واسع لحد تحت وكم شيفون وشعرها قصير كستناءى لحد كتفها وميكب روز رقيق اوى كانت زى الفراشه 🥰🥰 وكانوا خلاص جاهزين وجاسر قالهم جاهزين يا شباب ردوا عليه جاهزين الف مبروك يا جاسر
جاسر وصل بيت هديه وكمال استقبلهم ورحب بيهم وكلهم كانوا مبسوطين اوى احمد بص لنهله وغمزلها فى الخباثه 😉 وهى اتكسفت ونزلت وشها فى الارض اه اذا جاسر شافك 🫣😄 كمال بارك لجاسر ودعاله ربنا يكمل على خير ودخلوا يقعدوا عقبال ما الناس توصل وفعلا بدا الناس توصل لحد ما كلهم وصلوا وهديه فى اوضتها رايحة جايه رايحه جايه 😵💫 رقيه راحت قالتلها يابت اقعدى بقى روشتينى عينى وجعتنى فى ايه هى ولادة ولا جوازة 😄😄 مالك هديه قالتلها خلاص انا تعبت من الانتظار بقى وخايفة يكون شكلى مش حلو او فى حاجه ناقصة رقيه قالتلها لا انتى قمر وكل حاجه تمام وبابا وجاسر وشريف كانو متابعين كل حاجه اهدى بقى لان ممكن فى اى وقت يندهوا عليكى استنى اروح اشوف الماذون جه ولا لسه وهرجعلك اوعى تتحركى من هنا ورقيه طلعت تسلم على الناس لحد ما وصلت لجاسر تباركله قالتله مبروك يا عريس ربنا يتمم على خير قالها الله يبارك فيكى عقبالك نفرح بيكى قريب ان شاء الله 😉😉 راحت ضحكت برقه وقالتله مرسي اوى وطبعا احمد كان فى عالم موازى 😄😄 ومش بينطق طبعا كان مركز مع الملاك اللى قدامه ورقيه لاحظت نظراته بس تظاهرت بالثبات وهى من جوه فى طبل وزمر وقالتله ازيك يا احمد عقبالك انت ونهلة قالها قريب ان شاء الله 😍😍 وسلمت على نهلة وحضنوا بعض جامد وقالتلها تعالى معايا نروح لهديه وخلى الرجاله مع بعض وهما رايحين شريف شاف نهلة راحلهم بسرعة ونده على رقيه قال يعنى بقى هيسال على حاجه 😄 قالتله نعم عايز ايه قالها هعوز منك ايه انا بطمن على هديه قالتله اممم ماشي كويسه هااا ايه تانى 😄 قالها يا رخامتك يا شيخة قالتله انجز عايزين نروح للعروسه قالها مش اسلم الاول اهمدى بقى ازيك يا نهله عقبالك 💓💓 قالتله مرسي ومبروك ربنا يتمم على خير قالها الله يبارك فيكى رقيه بقى اجيب اتنين لمون بقى 😉😄😄 شريف قالها ياريت عشان انا زهقت منك والله نهلة ضحكت اوى عليهم قالها خلاص روحوا انا عارف مش هخلص منها دى اختى وانا عارفها بس انتى زى القمر يا نهلة ☺️☺️ نهلة قالتله شكرا وانت كمان ماشاء الله شكلك وسيم اوى رقيه قالتلهم يا حلاوتكوا استاذن بقى عشان شكلى بقى وحش اوى 🙃🙃 شريف قالها لولا الملامه كنت وزعتك بس معلش مضطر استحملك بقى خدى نهلة وروحوا لهديه وانا هروح لجاسر وبابا الماذون خلاص على وصول .
هديه كانت امال معها وعماله تدعيلها وتحضنها وتقولها ماشاء الله يا حبيبتى كبرتى وبقيتى عروسه ربنا يحميكى ويتمم على خير قالتلها ربنا يخليكى يا ماما وميحرمنيش منك انتى وبابا وراحت رقيه ونهلة داخلين عليهم ونهلة سلمت على امال وقالتلها مبروك يا طنط عقبال شريف ورقيه امال قالتلها الله يبارك فيكى حبيبتى بس ايه الحلاوة والجمال ده قمر حبيبتى ردت نهلة ربنا يخليكى ياطنط امال قالتلهم اسيبكوا بقى واروح اشوف الناس اللى جت وسابتهم مع بعض نهلة قعدت مع رقيه وهديه يتكلموا ويضحكوا والماذون وصل والزغاريط اشتغلت وهديه عرفت ان الماذون وصل قلبها بقى بيدق جامد اوى كانه هيخرج منها
عند كمال وجاسر بقى قعدوا والماذون بدا فى عقد القران لحد ما وصل للجملة الشهيرة بارك لكما وبارك عليكما وجمع بينكما فى خير وتم عقد القران وبقت هديه حرم جاسر جلال الدين العربى كله بقى يبارك ويهنى وجاسر حس انه خلاص وصل للسما هديه عرفت انه خلاص الكتاب اتكتب راحت رقيه ونهلة فى نفس واحد مزغرطين وحضنوا بعض وهديه جامد وباركلولها وبعدين امال ندهت على هديه قالتلها يلا يا هديه تعالى عشان تسلمى على جوزك جوزى جوزى ده بجد اه يا حبيبتى جد وربنا 😄 روحى روحى يلا مع ماما عشان تلبسي الشبكة هديه كانت ماشيه وحاسة انها بتحلم لحد ما لقت نفسها قدام جاسر وهو باصصلها وراح ماسك ايدها الاتنين وباسها من جيبنها وقالها مبروك 😍😍 قالتله الله يبارك فيك وراح كمال حضنها وقالها مبروك يا حبيبتى ربنا يسعدك قالتله الله يبارك فيك يا بابا ويخليك ليا وشريف كمان حضنها وباركلها كان شاهد على العقد واحمد كمان وبعدين جاسر لبس هديه الشبكة واليوم كان روعة كل حاجه كانت منظمة ومفيش غلطة وكل الناس باركت وهنت العرسان وخلص اليوم وكل مشى الا جاسر طبعا خلاص بقى هديه بقت مراته قالها خلاص يا هديه بقيتى ليا وبتاعتى قالتله وانت كمان ليا انا وبس قالها ماشي ياستى بصي بقى من هنا ورايح رجلى على رجلك فى كل حاجه مفيش حاجه هتتعمل لوحدك تانى قالتله يعنى ايه قالها يعنى مثلا نزولك الارض يبقى معايا انا مش هينفع اسيبك لوحدك انتى دلوقتى مراتى مينفعش تقفى وسط العمال لوحدك قالتله ماشي وقالها انا همشي دلوقتى وهجيلك الصبح ماشي حبيبتى عشان انتى اكيد تعبتى النهاردة وسلم عليها ومشى .
فات كام يوم على كتب الكتاب وجاسر راح لشغله عادى كل واحد بقى بيمارس حياته حسب المعتاد لحد ما فى يوم جاسر اتصل بهديه قالها ازيك يا هديتى قالتله تمام قالها مالك فى ايه فى حاجه مضاياكى قالتله بصراحة كده عايزة انزل اشوف الارض وانت عقبال ما تيجى بتتاخر قالها احنا متفقين عل كده عندى احساس انك عايزة تغيرى الكلام قالتله مش فاهمة ايه المشكلة لما انزل ما انا كنت بنزل قبل كده عادى جاسر نبرة صوته اتغيرت ونشفت قالها زمان حاجه ودلوقتى حاجه تانيه انتى مراتى وانا مقبلشانك تقفى كده وسط العمال وده يتكلم وده يبص الكلام ده مرفوض ومش هيحصل تانى قالتله يعنى انا مش هنزل خالص قالها طول ما مش معاكى مفيش نزول والموضوع مفيهوش نقاش قالتله يسلام هو امر قالها اه وهتنفذيه قالتله لا مش هينفع كده خالص بقى قالها لا هينفع واحسنلك تسمعى الكلام عشان اذا مسمعتيش رد فعلى مش هيعجبك قالتله ليه هتعمل ايه يعنى قالها هتعرفى اذا معملتيش اللى اتفقنا عليه وقالها مع السلامة دلوقتى وقفل معاها وهديه كانت زعلانه اوى بس يا ترى هديه هتعمل ايه هتسمع الكلام ولا هتنزل برضه وجاسر رد فعله ايه اذا هديه عندت ونزلت ده هنعرفه