رواية لقاء السحاب الفصل الثاني عشر12بقلم حياة محمد الجدوي
سميحه: ياسلام وطبعا قررت إنك تسيب كل حاجه وتستسلم صح
عبد العزيز: بالعكس مادامت كده كده مش هتتحل فمش هتعب نفسى سميحه
سميحه: نعم
عبد العزيز:تتجوزيني يا سميحه .
رفعت سميحه حاجبيها بدهشة وقالت: نعم بتقول ايه
عبد العزيز: بقول تتجوزيني يا سميحه
سميحه: أتجوز مين هو أنا اعرفك
عبد العزيز: أمال احنا بنعمل إيه دلوقتى
سميحه: دلوقتي إنت قاعد تتأمل وأنا باكل
عبد العزيز: أنا بتكلم بجد
سميحه: جد إيه بس هو إللى إنت بتقول عليه ينفع يبقى جد
عبد العزيز: وماينفعش ليه أنا مش صغير وإنتى مش صغيره وإحنا ناضجين بما فيهم الكفايه إننا نقرر حياتنا
سميحه: نقرر إيه يااسمك إيه إنت هو السمك المشوي لحس مخك أنا ماشيه
عبد العزيز ': استنى بس إنتى إيه إللى مقلقك
سميحه: الموضوع كله غلط
ابتسم عبد العزيز وقال: وإيه الغلط في إننا نتجوز على سنة الله ورسوله
قعدت سميحه وقالت: الفكره كلها غلط أنا في السن ده اتجوز ... بعد أبو سامح اتجوز وبنتى متجوزه وهبقى جده بدل ما تقولى شوفى عروسه لإبنك تقولى اتجوزى.
عبد العزيز: وإيه علاقة ده كله بإننا نتجوز وبعدين إنتى خايفه من إيه اكيد خايفه من كلام الناس
سميحه بإندفاع: مين دى إللى تخاف شكلك ماتعرفنيش كويس
ابتسم وقال: طب عرفينى
سميحه: إنت عايز ايه بالظبط
عبد العزيز: نتجوز
سميحه: ماينفعش
عبد العزيز: ليه
سميحه: مش بالبساطة دى أنسى عشره أكتر من عشرين سنة مش بالبساطة دى أدخل راجل جديد لحياتى
عبد العزيز: أنا ماقلتش تنسى عشره السنين أنا بقول نتجوز أنا محتاج لك زى ما إنتى اكيد محتاجه ليا. أنا محتاج للونس إلى تشاركنى حياتى واهتماماتى زى إنتى ما محتاجه لحد تستندى عليه فى حياتك
سميحه بتأثر: ياه واضح إنك بتعانى من الوحده هى مراتك ماتت من كام سنه
فكر عبد العزيز شويه وبعدها قال : من حوالى ٣٢ سنه
سميحه: ياااااه وعشت السنين دى كلها وحيد
عبد العزيز: لا دى مراتى الأولى أم عاصم أما أم عادل دى أنا اتجوزتها بعد أن عاصم بس اتجوزت عليها اتنين منهم أم حور بنتى بس لما أم حور رفعت قضية خلع أنا اتجوزت....
قاطعته سميحه: حيلك حيلك يا حاج متولى إنت اتجوزت كام مره أن شاءالله
عبد العزيز: تسعه وإنتى هتبقى الع...
قاطعته سميحه مره تانيه بصدمه: أنا إيه ؟....شكلك اتجننت لا مش شكلك إنت مجنون رسمى وأنا ابقى بنت مجانين لو قعدت معاك ثانيه واحده..... يا خبر ابيض تسعه يامفترى ...ده أنا كنت يشفق على حالك ...ده أنا كنت قربت اوافق عليك ...أتاريك ماشاءالله مابتزهقش تسيب دى وتاخد دى ....قولى اخر واحده اتجوزتها امتى ؟ ولا اقولك ماتقولش أنا ماشيه
وسابته وخرجت من المحل في حين قال عبد العزيز بدهشة: هى زعلت ليه هو أنا قلت حاجه ضايقتها !!!!؟؟؟!!!
&&&&&&&&&&&&&&&&&
ارتدت ملابسها وجهزت نفسها للخروج فقال كريم: بسرعه ياناهد عشان مانتأخرش
ناهد : لا روح إنت أنا مش راحه الشغل النهارده
كريم:ليه تعبانه
ناهد: لأ أنا راحه لإيناس بنتى أنا مش هسيبها تضيع نفسها أكتر من كده
إتنهظ كريم وقال: أهو حال البت دي هو إللى مزعلنى وإللى تاعبنى أكتر إنى مش عارف اقول لها إيه
ناهد: مش هنقول حاجه إللى فات مات لكنى مش هسيبها تضيع نفسها وتخرب بيتها أكتر من كده
كريم: إللى يزعل أكتر إنها مش بتسمع لحد تصدقى تقولى أنا طردت جوزى من البيت لأ ومش ندمانه ولما زعقت لها قالت دى حياتى وأنا حره فيها ومهما اكلمها مش بتسمع لى
ناهد: هى ماتسمعش لك هى حره لكنى مش هخرب بيت بنتى أنا هروح لها ولازم أعقلها عشان تعرف تعيش دى مش لوحدها دى فى رقبتها بنتين وحامل يعنى عائله كامله هتتدمر بسببها
خرجت ناهد ووصلت لبيت بنتها إللى فى أخر الشارع
فتحت لها إيناس فبصت لها ناهد وقالت: لابسه من بدرى وراحه فين يا إيناس
إيناس: راحه المعرض عند عرفان ياماما
إبتسمت ناهد بارتياح وقالت: عين العقل يا حبيبتي إنك تروحى وتصالحى جوزك ربنا يهديك
إيناس: مين جايب سيره إنى أصالح جوزى
ناهد: مش بتقولى راحه المعرض عند عرفان يعنى هتكونى راحه ليه
إيناس: راحه تراعى مصالحى ومصالح بناتى ياماما
ناهد: يعنى إيه تقصدى إنك هتروحى عشان
إيناس: أيوه عشان إللى فهمتيه
ضربت ناهد على صدرها وقالت: راحه تحاسبى جوزك
إيناس: حقى ولا أنا غلطانه
ناهد: لا يا إيناس لا دى مش تربيتنا لك تحاسبى جوزك
إيناس: بس حقى وأنا من دلوقتي مش هسيبك حقى لحد أنا خارجه والبيت بيتك
وسالت أمها ومشيت فقالت ناهد بقلق' ربنا يستر وماتضيعش حياتها وتندم بعد ما يفوت الأوان.
دخلت ناهد معرض الأدوات الصحية الفخم.والراقى كان عرفان على المكتب بيراجع الكشوفات لما شافها داخله عليه وهى بتتأمل كل معروضات السيراميك والرخام الفخمه فقام وإتجه ناحيتها وقال بلهفه : إيناس في حاجه حد من البنات عيان محتاجه حاجه
بصت له وقالت': لأ البنات بخير
عرفان: الحمدلله طيب إنتى هنا ليه
إيناس: جايه عشانك
إبتسم عرفان وقال بسعادة: أنا عارف إنك قلبك ابيض وبتنسى الزعل بسرعه عشان كده جايه لحد عندى تصالحينى
بصت له إيناس وقالت: لأ مش جايه اصالحك ولا حتى جايه اعاتبك
عرفان: أمال جايه ليه
إيناس: جايه اشوف حقى
عرفان: حقك
إيناس: طبعا المعرض ده كله معمول بدهبى يعنى بفلوس وأنا جايه عشان احرس فلوسي
بص لها عرفان بصدمه وقال: بتخونينى يا إيناس.
إيناس: أنا مش بخون حد أنا جايه اضمن حقى ودى حاجه ماتزعلش
عرفان: مفيش بين الراجل ومراته حقوق
إيناس: مين ضحك عليك وقال الكلام ده فيه حقوق وزمه ماليه مستقله وده شرع ربنا ولا إنت هتعترض على شرع ربنا
عرفان ': أنا مقصدش أنا قصدى.....
قاطعته إيناس وقالت: أنا مش جايه اسمع قصدك أنا جايه عشان نتحاسب وأظن دى حاجة ماتزعلش
بص لها عرفان وقال: لا ماتزعلش إتفضلى على المكتب لحد ما أجيب دفتر الحساب
إتحركت إيناس ناحيه المكتب وهى حاسه بالندم لكنها قالت احساسها ده وهى بتقول لنفسها ده حقى وأنا معملتش حاجه غلط
&&&&&&&&&&&&&&&&&&&
يا مسهر النوم في عينيّ
سهرت أفكاري وياك
يا مسهر النوم، النوم في عينيّ
سهرت أفكاري وياك
الصبر ده، ده مش بإيديّ
الصبر ده، ده مش بإيديّ
والشوق واخذني في بحر هواك، هواك، هواك
أقول لروحي أنا ذنبي إيه
يقول لي قلبي حلمك عليه
مسيره بكرة يعطف علينا
ونبقى نعرف هجرنا ليه، ليه، ليه هجرنا ليه
( اغنيه يا مسهرني)
قعد عبد العزيز في الأنتريه وهو متضايق فجت ليليان وقعدت جنبه في حين كانت العائله لسه بتكمل اكلها
ليليان: قمت ليه يا عمو إنت ماأكلتش
ضرب عبد العزيز على الكنبه بخفه عشان تيجى ليليان وتقعد جانبه فقامت وقعدت جنبه فمد إيده وسحبها لحضنه وقال بهمس: أنا عارف إنك زعلانه منى عشان ماجتش واتكلمت معاكى بعد إللى حصل من عادل أبنى بس غصب عنى أنا كنت خجلان مش عارف احط وشى في وشك ولا ابص لك
ليليان بنفس الهمس: وبدل ماتيجى تكلمنى جيت تخطبنى لإبنك إنت شايف إنك كده بتحلها ولا كنت بترضى ضميرك.
عبد العزيز: ماكنتش لاقى حل غير ده إحساس الخيانه والغدر مر ومش سهل عليا إن إبنى يضيع عشرة السنين دى كلها بطيشه
ليليان: طيش إنت بتسمى إللى عمله إبنك. ده طيش
عبد العزيز: لأ طبعا إبنى غلطان بس برضو إنتى كمان غلطانه
ليليان: ياسلام أنا غلطانه
عبد العزيز: يابنتى الغلط غلط وإنت. غلطتى معاه من الأول يعنى اول ما تقابله تقولى أنا خطيبة ابوك وكلام فارغ من زى كده وبعدين إيه إللى يوديكى عنده بالليل وإنتى عارفه إنى عندكوا
ليليان: يعنى أنا غلطانه ( وقامت من مكانها فسحبها عبد العزيز مره تانيه)
كريم: نفسى اعرف بتوشوشوا بعض بتقولوا إيه
عبد العزيز خليك إنت في العكاوى بتاعتك ومالكش دعوه مابينا
كريم: إنت إللى خسران حد يسيب العكاوى ويقوم ..طب أنا هغسل إيديا واجى لك
عبد العزيز: كمل أكلك وماتقلقش أنا مش مستعجل إلا بجد فين إيناس ماجتش ليه
إتنهد كريم وقال بحزن : إيناس حكايتها حكايه بس هى مارضيتش قال إيه هتاخد البنات تفسحهم وتأكلهم بيتزا وبرجر.
عبد العزيز: واهى إيناس ذنب جديد هشيله على كتافى طول العمر
بصت له ليليان وقالت : مفيش ذنب ولا حاجه أنا مش زعلانه خلاص
بص لها كريم وقال: لا زعلانه ماتكدبيش عليا لو مش زعلانه كنت ناديتينى بزيزوا زى زمان بس إنت حاليا بتنادينى بعمو
ليليان: لاخلاص زيزوا دى كانت زمان لما كنت عيله دلوقتي أنا كبرت وعرفت الصح من الغلط وعشان أأكد لك إنى مش زعلانه أنا عايزاك تبقى تجيب عادل إبنك معاك
بص لها عبد العزيز وقال: بجد
ليليان: طبعا يا عمو أنا عايزه تشيل الحرج إللى حاسس به وده مش هيحصل إلا لو كانت العلاقه مابينا عاديه عشان كده بقولك هات إبنك معانا كل اسبوع وأحنا كمان هنرجع تيجى عندك تانى .
تتنهد عبد العزيز براحه وقال: بجد يا ليليان ماتعرفيش إنتى شيلتى هم تقيل أوى من على قلبى
بصت له ليليان وقال بغموض: ولسه يا عمو هشيل عنك كمان وكمان
&&&&&&&&&&&&&&&&&&&&&
دخلت ليليان البيت بسعادة وقالت بفرح شديد: ياأهل الدار ايها الكائنات خلصت الإمتحانات ( وقعدت ترقص وهى بتقطع الكتاب وبترمى الورق في الهواء) : خلصت الإمتحانات أنا خلصت الإمتحانات الله يخرب بيت الثانويه العامه على إللى اخترعها
كريم: بتعملى إيه يا بنت الكلب بهدلتى الدنيا
ليليان بفرح: مش مهم يا بابى المهم أنا خلصت اخيرا نضفت من الثانوية...لا لا لسه ما نضفتش أنا هاخش اخد دش عشان ابقى نضفت بجد وبعدها هنام وأنام نوم عميق بتاع اربع خمس ايام هنام فيهم ومش عايزه حد يصحينى وبعدها لما افوق الاقيك حاجز عند دكتور نفسي عشان يعالج الأثار الجانبية للثانويه العامه وبعدها تبعتنى على سويسرا شهرين نقاهه عشان بعد ما اتخلصت من الآثار الجانبية بتاعت الثانويه العامه وبعدها أروح موزمبيق عشان
كريم: أنا عندى حل احسن واوفر من ده كله ( وقلع الجزمه وحدها بها فجريت ليليان وهى بتتفادى الخبطه )وبعدها قالت: تصدق خفيت من غير سويسرا ماشاءالله جزمتك فيها الشفاء
ضحك كريم وقال: إنتى ماصدقتيش في حاجه غير إنك مخك ضايع
ليليان من ورا الباب: عرفت اهى دى الآثار الجانبية إلحقنى بدل ما اضيع منك وبعدها تندم
كريم: أنا دلوقتي هدخل اندمك إنك اتولدتى من اساسه
ليليان: وأرضاها ليا يا كوكى
كريم: ارضاها يابنت المجانين
فتحت ناهد الباب وهى بتقول: خشى يا إيناس
بص كريم لبنته وقال: اخيرا اتعطفتى واتكرمتى وجيتى
ايناس: لو متضايق أنا ممكن ارجع عادى
كريم: خشى يا بنت الكلب إنتى كمان فيه إيه انتوا مش بترتاحوا إلا لما اشتم نفسى
دخلت إيناس وقبل ما تعدى من جنب والدها سحبها كريم في حضنه وضمها لصدره بقوه و هو بيقول: وحشتيني أوى يا إيناس
ردت إيناس بصوت مخنوق من الدموع وقالت : وإنت كمان وحشتني أوى يا بابا
حوط كريم وشها بكفيه وباس جبينها وقال: حقك عليا يا بنتى