الفصل التاسع عشر 19
بقلم محمد منصور
عرفتي مين اللي شافنا
دة اللي قالو قابيل ل ثريا اللي كانت قاعدة في وضعية لاعبي اليوجا وبتقول
لسة بدور عليه وسط الوشوش لكنه قوي جدا وبيقدر يخترق اي مخ ويوصل للاحلام
في الوقت دة انضم ليهم راجل عجوز ودة يبقي كاظم ابوها اللي قال
انتي اقوي منه ما حدش قدر علينا طول القرون اللي احنا عيشناها. لانك وسطنا
ثريا
بس المرة دي غير اي مرة. واللي قدر يدخل عالمنا ويشوفنا دة مش حد عادي
كاظم
هنوصل له ونخلص عليه ويكون عبرة زي اللي قبل منه ما احنا اللي يشوفنا بتكون نهايته قربت، ،،،،،،،
عالم تاني . حكاية جديدة من ضمن حكايات.
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
ويتغير المشهد ونشوف خالد قاعد في الصاله بتاعت شقته مش مستوعب اللي شافه وقال ل نفسه
دة اكيد كابوس لكن كابوس ازاي وانا بشوف الناس دي
ل اول مرة. انا لازم افهم في اية. يبقي هبدا من عند العيل الصغير اللي شوفته في الحلم اعرف مين دة وحلمت بي لية.
وسكت شوية وبعدها قال
بس اعملها ازاي دي وانا اعمي و بقيت لوحدي بعد ما مني اتخلت عني.
وسكت شوية تاني وبعدها قال
بفلوسي اجيب اللي يخدمني ويكون ليا عيوني اللي بشوف بيها. وانا عارف مين يرضي يشتغل الشغلانه دي،،،
ويطلع النهار وخالد ينزل لعم مسعد البواب ويقول خالد
كنت انت من فترة طلبت مني اشوف شغل ل ابنك عادل
مسعد
ما انت وقتها قولت لي كلام يسم البدن وان،،،،،،،
قاطعه خالد وقال
ابنك هيشتغل معايا ب مرتب 10000 ج. في الشهر
عم مسعد
وكتاب الله الكلام دة صوح
خالد
ايوة يا عم مسعد هو انا يعني جاي اهزر معاك
مسعد
ودة يا بية هيشتغل اية معاك
خالد
هيكون عينية اللي بشوف بيها
مسعد
ولو عايزه يكون مناخيرك هو مش هيقول لا.
خالد
لا. هو هيكون عينية وبس
مسعد
وانت محتاجة من امتي في الشغل دة
خالد
من دلوقتي
مسعد
عقبال ما تشرب الشاي يا بية هخش اصحي و اخلي بستحمي ويلبس لبس العيد ويكون قصاد منك،،،،،،
من جوة شقة خالد كان عادل قاعد قصاد اللاب بتاع خالد وكان. عادل بيقول
انا يا بية مهندس الالكترونيات وحاسب الي يعني الكمبيوتر دة لعبتي
خالد
طيب انا هوصف لك شكل عيل في حدود 10 سنين عايزك ترسمة عن طريق ال Ai. وبعدها تعمل بحث علي النت عن العيل دة واي معلومة توصل لها تعرفهالي
عادل
اوصف يا بية وانا هرسم
بدا خالد يوصف لعادل شكل العيل اللي شافو في الحلم وبعد ما خلص وصف قال عادل
انا رسمت صورة تقريبيا للي انت وصفته لكن هتشوفها ازاي وتتاكد ان هو دة اللي انت هدور عليه
خالد
مش عارف. لكن الصورة اللي قدام منك اعملها عليها بحث شوف اي معلومة ممكن توصلنا لي
عادل
حاضر
وبدا عادل يعمل بحث عن طريق جوجل بعد ما حط صورة العيل دة. ووقت ما عادل كان بيعمل بحث خالد قدر يخترق دماغ خالد بطريقة غريبة وبقي شايف لكنه شايف بعيون عادل اتصدم خالد ومابقاش مصدق نفسه وقال
انت بتعمل بحث مش كدة
عادل
ايوة يا بية وظهر علي الشاشة
هنا خالد كمل وقال
لا توجد اي بيانات عن صاحب الصورة
عادل استغرب وقال
هو انت يا بية بتشوف ولا اية
خالد خاف يقول اللي انه بيشوف بعيون عادل فكذب عليه وقال
لا. طبعا بس بتوقع. ودلوقتي انا عايزك تعمل بحث عن اي اطفال مفقودة خلال يوم او يومين بالكتير. وتشوف الصور اللي هتظهر لك
عادل
حاضر يابية
وبدا عادل يعمل كدة وخالد شايف بعيون عادل كل اللي بيحصل وما كنش مصدق الهبة اللي كانت عنده وقال لنفسه
دي هدية الشيطان ليا. خد نظري واداني القدرة علي اني
اخترق اي مخ واشوف بعيونه المخترق اللي انا عايز اشوفه
لكن هنا يظهر قصاد منه الابيض وقال له
ما اعرفش انك غبي اوي كدة الهبة اللي عندك دي مني انا علشان انت بتفكرني بشبابي
خالد اتفزع وقال
انت مين
الابيض
انا الابيض جدك واللي خليتك تقدر تدخل عالم الاحلام وتكون امير في العالم التاني. بصير ما حدش شاف زية
خالد
انا مش مصدق انك انت سبب اللي انا في باين عليك راجل كذاب. واللي انا في دة هدية الشيطان ليا
الابيض
بلاش الغرور اللي بدا يصيب قلبك لانك ما تعرفش توصل للي انا وصلته في خدمة الشيطان
خالد
مع اني ما اعرفش انت وصلت ل اية. لكن انا اقدر اكون اقوي منك.
الابيض
جرب تقرب من المكانه اللي انا فيها وانت تعرف انك ولا اي حاجة
خالد بص للابيض في عيونه وقال
انت اللي ولا حاجة وانا دلوقتي جوة مخك وشايف كل اللي انت عملته في الماضي والحاضر.
الابيض حاول يهرب من سيطرة خالد لكن خالد قال
انا الحفيد الثامن.
الابيض
اخرج من دماغي يا ملعون
خالد
مش قبل ما اعرف كل اللي انت بتخطط لي.
لكن الابيض صرخ باعلي صوته وقدر يهرب من سيطرة خالد وهو بيقول
مش هسيبك تعيش مرتاح انا ما حدش اقوي مني
وهرب الابيض ومع هروب الابيض خالد سمع عادل بيقول
لقيته
انتبه خالد ل عادل ودخل تاني جوة عقل عادل وبدا يقراء المكتوب علي الشاشة
الطفل دة اسمه مالك اتقتل وهو نايم في ظروف غامضة وتم تقطيع جسمة بالكامل والتحريات شغاله والبوليس بيحاول يوصل للي عمل كدة
هنا خالد قال لنفسه
يعني المخلوقات دي تقدر تقتل اي حد عن طريق زيارتهم لي في الاحلام. يعني اقوي مني وانا مش هقبل ان يعيش حد في العالم دة وهو اقوي مني. بس انا برضو مش هقدر عليهم لوحدي لازم يكون معايا فضل لان مخه اقوي من مخي ولو قدرت اسيطر علي مخه هقدر احارب اي مخلوق في عالم البشر او عالم الجن. يبقي اوصل له والعب مع لعبة الشيطان مع بني ادم وافهمة ان جاي له وعايز مصلحته لكن انا مش عايز منه
الا مصدر قوته. مخه.،،،،،،
وراح خالد لفضل عند المقبرة و. ،،،،،،،