الفصل العشرون 20
بقلم محمد منصور
يعني انا عايش ولا ميت
دة اللي قاله فضل ل خالد اللي رد وقال
هتكون ميت ازاي وانا جوة مخك وقادر اتواصل معاك
فضل
انا اتعدمت ازاي اكون لسة عايش
خالد
اللي عرفته لما قدرت اسيطر علي مخ الابيض اننا احفادة وهو وهب اجسامنا لملك الجن جرهام علشان يمتلك هبه معرفه المستقبل وان الجن مش هيمتلك اجسام
ل اموات والا الجسم هيتحلل ويصبح بلا اي قيمة
علشان كدة ارواحنا متسلسة في مكان واجسامنا ملك الملك جرهام وانت جسمك امتلكة نفر من الجن اسمه تابع
فضل
كل دة انت قولته ليا اول ما شوفتك لكن اللي انا دلوقتي عايز اعرفه. اقدر احرر جسمي ازاي من تابع وارجع روحي المتسلسة
خالد
اجابة السؤال دة عند الابيض نفسه او اما الخدام بتاعه مغاوري
فضل
مغاوري اللي ضرب نفسه في مكتبي
خالد
هو.
فضل
هو لسة عايش
خالد
هدور عليه وسط الاحياء وهوصل له ولو الظروف ضدنا هوصل للابيض نفسه واسيطر علي مخه واعرف هو مخبئ اية، ،،،،،،،
عالم تاني . حكاية جديدة من ضمن حكايات.
اوراق التاروت
من تاليفي
محمد منصور
منص
وقبل ما نبدأ الحلقة نوحد الله ونصلي علي خير خلق الله سيدنا محمد. صلاة تحل بيها العقد وتفك بيها الكرب
بسم الله توكلت علي الله. وهو رب العرش العظيم
ونروح دلوقتي ل ثريا اللي كانت لسة قاعدة في مكانها بتمارس عبادتها اللي شبه اليوجا وقدرت توصل لمكان خالد وعرفت ان هو اللي شافها لما هي وعيلتها اتغذو علي خوف الطفل مالك وهنا ندهت باعلي صوتها علي جوزها وهي فرحانه وقالت
قابيل تعالي بسرعة
فعلا في لمح البصر كان قصاد منها قابيل اللي بص لها وقال
الفرحة المرسومة علي وشك دي بتقول انك وصلتي للي شافنا في الليلة اياها
ثريا
وصلت
قابيل
عرفيني هو فين وخليني اخلص عليه
ثريا
اكبر غلط اننا نفكر نخلص عليه دة كنز وبصير بيقدر يخترق مخ اي حد ويمتلك تحقيق الاحلام ويشوف بعيون ضحايا اللي هو بيكون مسيطر علي مخهم
قابيل
هو اعمي
ثريا
اعمي لكن بصير ما فيش زية يعني لو بقي معانا هنقدر نكون ملوك العالم التاني
قابيل
مش قادر استوعب ممكن نستفاد من اعمي زي دة في اية
ثريا
لما اسيطر عليه واجيبة لغاية هنا هتعرف احنا ممكن نستفيد من وراء ازاي
قابيل
ناوية تهجمي عليه النهاردة
ثريا
كمان ساعة وقت ما الليل هيحكم باحكامة انا هكون في احلامه وهسلسلة واخلي عبد عندنا،،،،،،،،
ويجي الليل وخالد نايم وقت ما بدات ثريا تتسحب
ل احلامه وقدرت تدخل احلامه و من عالم الاحلام
ل مخه اللي كان ظلمة لكنها بطرقعة واحدة من صوابعها انوار مخه بدات تقيد واحدة وراء التانية وراحت ناحية الذكريات ولسة بتمد ايدها ابواب المخ اتقفلت علي ايدها وما بقتش قادرة تسحب ايدها وهنا ظهر وراء منها خالد اللي بص وقال
بصراحة يا ثريا ما كنتش مصدق ان واحدة زيك تقع في الفخ بتاعي بالسهوله دي
ثريا اللي لسة بتحاول تسحب ايدها من الابواب المقفوله عليها قالت
انت اية. جن ولا انس وازاي عندك القوة دي وانت مجرد اعمي
ضحك خالد وقال
صدقي انا كنت لسة هسالك السؤال دة. انتي جن
ولا انس يا ثريا
ثريا
احسن لك ما تعرفش
خالد
هو انا بسألك لية. ما انا ادخل مخك واعرف اللي انا عايزه
واختفي خالد وثريا فضلت تحاول تسحب ايدها من الابواب وفجاة بدات تصرخ لان خالد دخل مخها وبدا يعرف عنها كل حاجة وعن عيلتها اللي عايشة قرون في عالم تاني عالم الاحلام مخلوقات عبارة عن خليط من الجن والانس اعراق متداخلة بطريقة مرعبة. وهنا ثريا جمعت كل قوتها وسحبت ايدها من الابواب لدرجة ان جلد ايدها اتسلخ وبانت طبقة الجلد التانية لكن دة ما فرقش معاها وقدرت تهرب من خالد ورجعت لعيلتها وهي بتتوجع وشافها قابيل وشاف اللي حصل في ايدها فقال
اية اللي حصل
لكن ثريا صرخت باعلي صوتها وصرخت وصرخت صحيت الالاف الاطفال من نومهم وكانو مفزوعين وقالت ل قابيل بغل شديد
خالد دة لازم يموت ،،،،،،،،،
ونرجع ل خالد اللي كان عند فضل في مخه وفضل بيقوله
وصلت ل مغاوري
خالد
وصلت له وانا دلوقتي جوة مخه وعرفت فين جسمك
فضل
فين
خالد لسة هيقول فين، ،،،،،،