رواية القاسي والبريئه الفصل الاول1بقلم ايمان ابراهيم
تبدا احداث قصتنا فى الفيوم فى منزل بطل الروايه جاسر مدرس لغة عربيه ٣٠ سنه امه وابوه توفاهم الله من اكثر من سنه واصبح هو المسؤل عن اخيه واخته احمد ٢٦ سنه يعمل محاسب ونهلة ٢٤ سنه تعمل فى احدى شركات الاتصالات وكان جاسر قد ورث عن ابوه ارض زراعية تدخل له ربح مادى جيد جدا مما جعله يعيش فى مستوى معيشي راقى جاسر حاد الطباع لا يوجد فى قاموس حياته مكان للحب او الحنيه حتى احمد حين كان يمزح معه احيانا لم يكن ليقبل فكرة المزاح والابتسامة لا تعرف لقلبه طريق عكس احمد ونهلة فكلاهما طيب القلب لين الطبع .
اما بطلتنا الجميلة هديه وهى كانت فعلا هديه جميلة ورقيقة كالفراشه كانت انتقلت للعيش فى الفيوم مع اسرتها حيث كان لابوها ارض تجاور ارض جاسر لزم على الاب ان يكون هناك ليراعيها كان ابو هديه موظفا بدرجة مدير عام فى احد الشركات فى القاهرة وبعد خرجه على المعاش انتقل الى الفيوم ليراعى شؤن ارضه بعد وفاة جد هديه كانت هديه تبلغ من العمر ٢٣ سنه خريجة زراعة وكانت سعيدة جدا لانها ستساعد ابيها فى تولى شؤن الارض ولكنها لم تكن تعلم ما يخبىء لها القدر كانت هديه اصغر اخواتها كان لها اخ اسمه شريف ٢٩ سنه مرشد سياحى واختها رقيه ٢٥ سنه خريجة اقتصاد منزلى وتعشق الخياطة وكانت تصمم احيانا فساتين لاختها هديه وبعض صديقاتهم .
بدات اسرة هديه بالاستقرار الى حد ما فى منزلهم الجديد بالفيوم وكانت والدة هديه السيدة امال جميلة طيبه القلب جدا وكان والد هديه اسمه كمال يعاملها بحنيه ويدللها كثيرا مما جعل هديه ترى فى ابوها الاب والزوج المثالى وتمنت ان تحظى بمثله فالبنت دوما ما ترى فى ابوها الحب الاول ومصدر الامان والحماية .
اللقاء الاول
كان كمال والد هديه يتفقد الارض وكانت هديه معه وتخبر العمال فى الارض ببعض التعليمات وكان فى نفس الوقت جاسر يباشر عمله فى ارضه ويقف فى وسط عماله وهنا راها لاول مرة خطفت قلبه اه خطفته رغم ان قلبه حجر مش بيرق ولا بيدق لحد لكن فى لحظات الانسان بيبقى ملوش سيطرة على قلبه شافها وهى واقفه بتتكلم مع العمال وشاف قد ايه كمية البراءة اللى فيها وضحكتها اللى مش بتفارق وشها طبعا ماهو اخينا مبيعرفش يضحك وساعتها قال هى دى لازم تبقى بتاعتى فى اسرع وقت وبالفعل بدا يفكر ازاى يتعرف عليهم ويعمل ايه عشان يخلى هديه تتعلق بيه وتحبه .
جاسر كان عامل زى الصياد اللى مستنى الفريسه عشان ينقض عليها وفعلا جاتله الفرصه على طبق من دهب لما شاف هديه واقفه بتتكلم مع العمال وبتقلهم شويه تعليمات قرب منها وقالها فين صاحب الارض من فضلك قالتله طيب الناس تقول صباح الخير الاول ده السلام لله حد شامم ريحة شياط يا جماعة اخينا مولع 😳😄😄 جاسر من جواه يا بنت اللذينه طيب اصبرى عليا راح رادد وهو عايز يعصر على نفسه ٣٠ لمونه بعتذر صباح الخير ردت عليه صباح النور وحضرتك عايز صاحب الارض فى ايه رد جاسر وقالها افضل اتكلم معاه شخصيا راجل لراجل عشان هيفهمنى اكتر هديه تسكت لا والله لازم ترد قالتله هو حد قالك انى مبفهمش مثلا والله اهلى معلمنى وصارفين عليا كويس وبعرف اتفاهم مع الناس ولا هو استفزاز وخلاص على الصبح رد جاسر بحده وقالها انت ايه مشكلتك انا عايز اكلم صاحب الارض هو هيبقى موجود امتى قالتله لما يجى هنبلغك فى حاجه تانى رد بكل برود لا وسابها ومشى وهو يعلم تماما من ملامح وشها انها مش طايقاه .
وبعد ما سابها سال العمال عنها هى مين دى !! ردوا عليه دى الانسه هديه بنت الاستاذ كمال صاحب الارض يا بيه وكمال بيه مش بيعمل حاجه الا لما بياخد رايها مش عشان بنته بس لا عشان هى خريجة زراعة وشاطرة اوى ومن ساعة ما جم وقعدوا هنا والكل بيحبهم عشان طيبين ابتسم جاسر لانه عرف المعلومه الى كان عايز يعرفها انها انسه وده عز الطلب كده بقى الشغل هيبتدى .