رواية القاسي والبريئه الفصل الثاني2بقلم ايمان ابراهيم
بعد اسبوع من اخر لقاء او صدام بين جاسر وهديه علم جاسر ان والد هديه موجود لانه ارسل له عندما عرف من ابنته انه يريد مقابلته وانه فى انتظاره وقد تم تحديد اليوم وهو الخميس الساعة السابعة مساءا وفرح جاسر جدا لانه سيقابل والد هديه ويتعرف عليه .
لكنه تسال هل ياترى هديه قالت لباباها عن اللى حصل ولا لا حس جاسر انه قلقان شويه وبعدين قال لنفسه لا لا مظنش والا مكنش طلب يقابلنى وفعلا جه يوم الخميس وجاسر كان بيعد الدقايق عشان المقابلة دى .
هديه كانت قاعده بتتكلم مع اختها رقيه وبتحكليها عن الارض والعمال وبيضحكوا مع بعض وبعدين جت سيرة جاسر وهديه قالت لاختها اللى حصل منه فرقيه قالتلها بصي يا هديه هو حاجه من الاتنين يا اما جاسر ده محبش يتكلم معاكى عشان ميصحش انه يقف كده وسط العمال وياخد ويدى معاكى وراعى اننا جيران وفى راجل لازم يتكلم معاه او هو من النوع اللى بيقل من الست وشايف انها مكانها البيت وبس وملهاش بقى انها تقف وتشتغل بس ده هيبان برضه من مقابلته لبابا وطريقة كلامه مش عايزين نظلمه من دلوقتى فهديه قالت لاختها والله يارقيه كلامك صح وانا برضه فكرت فى كده بس الصراحة طريقته كانت مستفزة وكان بيتكلم ببرود مفيش ود كده فى كلامه كانه بيدى امر ولازم يتنفذ بس خلينا نشوف اخرتها ايه معاه وانا اصلا مليش دعوة بيه خليه منه لبابا احسن مش ناقصة حرقة دم الصراحة انا مبحبش البنى ادم اللى يبقى مدب كده
عند جاسر فى المنزل كان يستعد للذهاب لمنزل هديه وشافه احمد اخوه قاله على فين العزم كده يا جاسر شايفك بتستعد وبتحضر هدومك يعنى جاسر قاله اه رايح اقابل جارنا الاستاذ كمال احمد قاله اه عارفهم دول الجيران الجداد ماشى ياعم الله يسهله بقى جاسر رد عليه ببروده المعتاد ومفيش اى ابتسامة على وشه قاله ايه الله يسهله دى انت بتقول كده ليه احمد قاله الصراحة نفسي اجى معاك واتعرف عليهم انا كمان ده فى هناك مزتين انما ايه حاجه كده من فوق وش القفص 😄😄 يا بختك ياعم جاسر قاله هو انت هتفضل طول عمرك تافه كده ومفيش فى دماغك غير الارف ده من فضلك امشى بقى انا مبحش الكلام ده احمد زعل من طريقة جاسر وقاله طول عمرك هتفضل كده الله يكون فى عونها اللى هتجوزك بجد يا اخى انا ماشي سلام وسابه ومشى وجاسر ولا اهتم ابدا بزعل اخوه وكمل لبس وخرج عشان يروح يقابل والد هديه .
وصل جاسر وكان جايب معاه هديه فاخرة لانه طبعا اول مرة يدخل بيتهم وميصحش يدخل اول مرة وايده فاضيه وراح شريف اخو هديه هو اللى فتح الباب لجاسر قام شريف باستقبال جاسر والترحاب به لحين قدوم والده وطلب منه الجلوس فى الصالون وشكر شريف جاسر على الهديه وبدا يتكلم معاه ويتعرف عليه وعرف انه مرشد سياحى وسال جاسر شريف عن خططه للمستقبل قاله انت ناوى بقى تتجوز يا شريف ولا لسه مش بتفكر فى الموضوع ده شريف قاله بالعكس انا اتمنى انى الاقى بنت الحلال اللى تحبنى وترضى بظروف شغلى لانى بسافر كتيير ولازم حد يتفهم ده كويس فجاسر قاله هو لازم تحبها وتحبك !! فشريف استغرب من السؤال قاله اه طبعا الحب مهم جدا لاى حياة زوجيه سليمة فجاسر قاله انا شايف ان ممكن تلاقى انسانه مناسبه والحب ده بقى يجى ميجيش المهم تبقى عارفه تريحك فشريف معجبوش اوى الكلام ده وقال لجاسر معلش اسمحلى اختلف معاك انا شايف ان لازم يبقى فى حب وتفاهم عشان احنا الاتنين نريح بعض ميبقاش فى طرف مرتاح وطرف تعبان جاسر بصله وسكت وفى الوقت ده والد هديه جه وقام جاسر عشان يرحب بيه ووالد هديه استقبل جاسر بكل احترم وود .
جاسر قال نورت الفيوم يا استاذ كمال والاسرة الكريمة كمان استاذ كمال رد قاله اللى يعزك يا ابنى ده من زوقك الفيوم منورة باهلها انا اتشرفت بمقابلتك جاسر قاله انا كمان اتشرفت بمقابلتك وطلبت اقابل حضرتك عشان اقلك انى اعرف هنا تجار كتيير وممكن اعرف حضرتك عليهم لانك كنت غايب بقالك فترة لحد بس ما تاخد على المكان والناس واى حاجه انا تحت امر حضرتك راح كمال قايله كتر خيرك يا ابنى كلك زوق انا فعلا كنت محتاج اتعرف على التجار واعرف النظام ماشى ازاى وعشان بنتى كمان هديه بتساعدنى وهتبقى بتباشر معايا هى شويه واخوها شويه بس هديه اكتر هشان هى بتفهم فى الارض وكده جاسر قاله اه ما انا عرفت وطبعا انا تحت امرها فى اى مساعدة تحتاجها وياريت تقبلوا تشرفونا ونتعرف الاسرتين على بعض انا عندى اختى نهله وهتتبسط اوى لما تتعرف على الانسه هديه واختها وان شاء الله يبقوا اصحاب فكمال قاله يشرفنا دعوتك جاسر قاله خلاص هستناكوا يوم الجمعة اللى جايه ان شاء الله الاسرة كلها ومش هقبل اى اعذار وراح قايم وقاله انا هستاذن بقى واشوف حضرتك على خير وراح سلم على شريف وعلى كمال والد هديه ومشى .
رقيه بقى بعد ما جاسر مشى راحت جايبه شريف اخوها وفضلت تساله عمل معاه ايه وهديه طبعا كانت معاهم وسمعت الكلام اللى بيتقال فرقيه سالت شريف قالتله ايه رايك يا شريف فى جارنا الاستاذ جاسر بقى قالها هو انسان محترم وكل حاجه لكن الصراحة غريب راحت هديه قالتله غريب ازاى يعنى قالها تفكيره غريب اوى لما بيسالنى عن انى هتجوز ولا لا وقلتله اه بس الاقى اللى احبها قالى هو لازم حب كفايه انها تكون مناسبه وخلاص ده غير انه وشه جامد وهو بيتكلم مفيش اى تعبير على وشه متعرفيش هو زعلان ولا فرحان انسان غريب كده فهديه سالته هو كان عايز بابا فى ايه بقى راح شريف قالها انه هيساعد بابا فى انه يعرفه على التجار وهيساعدك انتى كمان وانه هيبقى تحد امرك فى اى مساعدة تطلبيها راحت ساعتها هديه بصت لرقيه وقالت طيب كويس والله انه قال كده شريف قالها ده كمان عزمنا عندهم يوم الجمعة اللى جايه كلنا هديه قالتله ايه سبب العزومه دى شريف قالها عشان هو عايز الاسرتين يتعرفوا على بعض وعنده اخته كمان هتتبسط لما تتعرف عليكوا وقال انه مش هيقبل اى اعذار وشريف قالهم يلا همشى انا سلام وسابهم ومشى .
هديه كانت بدات تحس باحساس غريب كل ما سيرة جاسر تيجى بس مش عارفه تحدد الاحساس ده ايه بالظبط متلخبطة قالت ان الزيارة دى هتبين حاجات كتيير عن جاسر وجزء كبيير من شخصيته هيتعرف وراحت هديه تتكلم مع باباها فى شويه حاجات تخص الارض وباباها قالها على اللى حصل طبعا بينه وبين جاسر وانها ممكن تساله عن اى حاجه هى عايزة تعرفها فهديه قالتله بس يابابا احنا لسه منعرفوش كويس يعنى عشان نثق فى اوى باباها قالها لما نتعامل معاه اكتر هنعرفه اكتر وادينا هنتعرف عليهم فى قلب بيته متقلقيش انا معاكى وهفضل حاطط عينى عليه قالتله ربنا يخليك ليا يابابا يا حبيبى وبدا العد التنازلى ليوم الجمعة وجاسر ينتظر هذا اليوم على احر من الجمر لانه كان يريد ان يرى هديه ولكنه لم يستطيع ولكنه لم يكن الوحيد الذى ينتظر هذا اليوم كانت هى كذالك كانت هديه كالفراشه التى تطير نحو اللهب ولكنها لاتعلم انها تقترب من شيء قد يتسبب فى حرقها ايه اللى هيتم بقى فى الزيارة دى وجاسر هيعمل ايه مع هديه !!!