رواية مسار اجباري الفصل الاول1بقلم منه محمد
نزل من عربيته وخلع نضارته الشمسيه وقرب منه وقال بنبره فيها سخريه: اهلا يا لبيب اللايام دي بقيت طايش زياده , وسمعت من رجالتي انك غلطت في حق عايلتي
لبيب اتكلم بخوف وقال: انا طالبت بحقي , رجالتك قاطعين الميه عن ارضي الي باكل منها ثلاث ايام والمده عوقت والارض كدا هتبور
امير ضحك بقهقه: طب لعلمك الليله كمان الميه هتكون لصالحنا , وبالنسبه للصح والغلط_ضربه بالقلم ع وشه وقعه ع الارض وشده من القفطان وقال بحده_ ومبقاش عندي وقت كافي اتكلم معاك , واتناقش ع حساب ارضنا , ولو رديت تاني ع رجالتي وطولت لسانك ع اسيادك هتكون مسؤل عن نفسك, انت فاهم
لبيب هز دماغه من قمه الخوف وامير صرخ في واحد من رجالته وقال بصوت عالي: روح يابني افتح الميه ووريني مين هيتكلم ويسمعني صوته
.........قصص منه محمد كاتب.................
في القصر الكبير
ثريا بصوت مرتفع: يا علام انت ياعلام
علام داخل بيجري: نعم يا ست هانم
ثريا: ها العجل وصل
علام: حالا يوصل السواق كلمته وقالي هو بيه علي الطريق
ثريا بصراخ: كام مره نبهتك تروح تشتري الي بطلبه منك بنفسك , الحاج حكيم عازم اهل البلد في المضيفه قولي لما يسالني اقوله ايه , انت بقالك سنين شغال هنا عندنا ,ولازم اقولك الطلب الواحد عشر مرات
علام نزل راسه في الارض وقال: اخر مر ه يا ست هانم اخليكي تشتكي مني
ثريا: ماهو مفيش فرصه تانيه اسمحلك اشتكي منك كل حاجه متوفرالك في البييت هنا , وخد بالك لو عرف الحاج حكيم بالامر هيتعامل معاك بنفسه امشي يله دلوقت
علام هز دماغه ومشي يجري من قدامها وهي دخلت المطبخ وشافت الصواني ع الرخامه والشيطان ركبها
ثريا: وانتي يا شوقيه بتعملي ايه , هو انا مش طلبت منك تعملي صواني رقاق
شوقيه: قلت لخيريه تعملهم انا ببشر الجزر بس هي غيرت
خيريه بهدوء بصت لثريا وقالت: يا هانم انا قلت كل يوم تقريبا بنعمل رقاق , قلت اغير واعمل جلاش , ويبقي مختلف, وهيعجب الكل
ثريا بغضب: وانتي بقي هتأكلينا ع مزاجك مثلا, اسمعي يابت انتي البيت هنا له عادات وتقاليد من قديم الازل , وماشين بيها من سنين, متجيش حته عيله تعلمنا نعمل ايه ونغير في ايه ع اخر الزمن , والتغير ده مش من شانك ولا يخصك, وبدل ما تغيري عوايدنا وتقفلي مزاجنا شيلي الصواني دي خديها لولادك ويبقي اكلناهم وكسبنا فيهم صواب , واعملي الرقاق
خيريه صعبت عليها نفسها وعيونها رغرغت بالدموع
شوقيه بصتلها وقالت برفعه حاجب: اظن قلت لك الست ثريا مش بتحب حد يمشي كلمته عليها ولا يدي رايه , شهلي بدل ما ترجع تسمعك كلمتين من الي قلبك مش بيحبهم
.............قصص منه محمد كاتب....................
دخلت محل الموبيلات لقته واقف بدهره بيرص الجربات قربت بشويش وضربته جامد ع دماغه وهو اتأوه وهي ضحكت بطفوليه خلابه
رشاد :انتي مجنونه دي الثالته
اطياف:اصلي متغاظه اوي منك
رشاد بغيظ:والله عال بقي انا بخدمك بكل اخلاص وتفاني , وتبقي صاحبه الكل , واخت الكل ومهتمه بالكل بستثنائي
اطياف رفعت كتافها: ولو مش مهتمه بيك كنت جبتلك تلفون امي عشان تصلحه
رشاد عوج شفايفه: قلبك فيه الخير الصراحه
اطياف ابتسمت: بطل تبرطش عليا زي كل يوم
رشاد ابتسملها: ماهو انتي لو تهتمي بيه مش هبرطش, انا كل الي طلبه منك شويه رعايه واهتمام
اطياف : متعرفش ان الاهتمام الزايد خطر وبيعرض الواحد للفساد
رشاد : تمام التلفون الخرابه ده هترميه في الزباله , ولا ارميه بنفسي
اطياف خطفته من ايده وقالت: لاء طبعا هو حته قماشه ده غالي عند امي ,صلحه وظبطه
رشاد: ماتبصي ده طالع عينه , هاتيه وخدي مني واحد جديد هديه مني
اطياف بجديه: انا مش باخد حاجه من حد ,وبعدين دي خساره للمحل سوري
رشاد :يابنتي خديه ومفيش اي خساره انا بدهولك بالحب , والله بحبك اوي جدا ومفيش خساره في الحب
اطياف ضحكت: امك لو عرفت هتشمعلك المحل , وانت هتقف تبيع ترمس ع الناصيه وتكتب حبك ع الورق
رشاد :يابنتي انا ناوي اتجوزك ووقتها نقعد ونكتب انا وانتي احلي كلام في حبنا
اطياف : اسمع يا رشاد لما يبقي معايا تمن الموبيل هاجي اخده غير كدا سوري الوداع
رشاد اتنهد بغيظ: الوداع يا تاعبه قلبي
.........قصص منه محمد كاتب..............
في السرايا
حكيم دخل بصوته الجهوري : ياثريا
ثريا : رجعت ياحاج
حكيم قعد و بصلها : الضيوف جايه خليهم ينضفوا المضيفه
ثريا : حاضر
حكيم: قولتهلم ع الاكل عايز كل حاجه زي ماطلبت بالظبط
ثريا :اه نبهت عليهم اطمن
حكيم: اه اسمعي ليه العجل وصل متاخر
ثريا :وصل متاخر شويه لكن اطمن كل حاجه تمام
حكيم :اظن عارفه عادتي مش بحب التاخير
ثريا : طلباتك اوامر ع راسنا ياحاج
حكيم :روحي هاتيلي المداس عشان اتوضا
ثريا مشت وامير دخل وباس ايد حكيم وقعد قدامه مبتسم
حكيم بصله بابتسامه واسعه: انا مبسوط منك انت ابني الاسد من دهر اسد انت انسب واحد هتحل مكاني من بعدي
امير: مفيش حد يقدر يحل مكانك ياعمي
حكيم : وانا متاكد هتبقي نسخه مني هتعدل بين الناس بالحق
امير: اوعدك ياعمي ابقي دايما ماشي في ضلك ,كل الي طالبه منك تدعيلي
حكيم : وانا بعد ما سمعت منك ده قلبي ارتاح واطمن
..............قصص منه محمد كاتب...............
مديحه بزعيق : انا مش موافقه , انا عايزكم لما تتجوزي انتي واختك تعيشوا عيشه الحريه من غير عبوديه
اطياف : ياماما واحنا مش مجانين عشان نرضا نعيش عيشه العبوديه
مديحه بصتلها بغضب وقالت : وانتي مفكره بجوازك من رشاد هتعيشي , افهمي امه رفضاكي
اطياف مسكت دراعها: يا ماما قلت لك رشاد بيحاول يقنعها بحبنا ,صدقيني هو وعدني وبيدعمني في كل موقف
مديحه ,الوضع مش تحت سيطرته عشان يوفي بوعده ,وانا مش لقياكي في الشارع عشان اروح ارميكي ليها بايديا والي فيه طبع مستحيل يغيره
اطياف بمسايسه :ما يمكن يقدر يغيره ماما من فضلك ادينا فرصه تانيه ,وهو باسلوبه وطريقته هيغير موقف امه مننا
مديحه :خلاص اطلبي منه يجيبها ,ويطلب ايدك مني رسمي
اطياف بفرحه :بتتكلمي بجد
مديحه مصمصت شفايفها: امال بهزر
اطياف ضمتها وقالت بسعاده : بحبك يا احلي ام , منال يا منال ماما وافقت علي رشاد
منال اخت اطياف بسعاده من قلبها قالت :مبروك ياطفطف
مديحه بتحذير :بس افتكري امر واحد لو امه مجاتش تطلب ايدك وقتها هتتجوزي من الي اختارهولك انا
منال: اطياف ماما ع حق اصل امه صعب اوي ولازم رشاد يقنعها تيجي بنفسها تطلبك ونشوف بقي هيقدر يقنعها بيكي لانها رافضه يبقي ليها علاقه بيكي
اطياف كشرت وقالت : عندك حق هقوله , وبعدها نشوف ايه الي هيحصل , والي هعمله بعد ما اكلمه
منال بشك: وانتي ناويه تعملي ايه
اطياف ابتسمت بخبث: وقتها هتشوفي
.............قصص منه محمد كاتب........
في منزل رشاد فضل رايح جاي وكانه بيفكر في امر
جليله امه بصتله بستفهام : هتفضل ساكت لو عندك كلمتين قولهم
رشاد اتحس:ايوه عندي اصل سمعت ان فيه عريس متقدم لاطياف
جليله: كدا ربنا يتمملها بخير
رشاد بعصبيه :خير ده ايه ,انا عايزك تكلمي امها عشاني
جليله بستنكار: والله ما فاهمه شايف ايه فيها عدل عشان تتعلق بيها بالشكل ده , دي مركبه في رجولها عجل مش بتقعد دقيقه في بيتهم ,وواضح ان امها عجبها الوضع دي بنتها عامله زي البزين الي بيتحط للعربيه
رشاد : ياماما مالها اطياف كل بنت في سنها عندها حماس الشباب وبعد الجواز بتلتزم ببيتها وولادها
جليله: اطياف لاء
رشاد: يا ماما هي بتساعد الناس , وبتراعي الاطفال اللايتام , وكل الي بتاخده الدعوه الحلوه
جليله بتريقه: والله واخدت , يابني اسمع كلامي دول ملهمش راجل يحكمهم ,دي تربيه مره من الاخر كدا دي متنفعش ست بيت محترم!
رشاد: متقوليش كدا قلبي هينكسر , روحي يا امي اطلبيها وجوزهالي
جليله: لا يمكن انت ابني الوحيد ولازم افتحلك عنيك
رشاد: بس البنت دي الي قلبي حبها
جليله: يابني افهم واستوعب, البنت دي لو غلطت في حقنا نكلم مين امها, انا عايزه واحده لما تغلط يبقلها راجل نرد عليه , لكن البت دي مستحيل تبقي مراه ابني وتدخل بيتي مجنونه ادمر استقرار بيتي عشان قلبك
رشاد بصوت باكي: هو انتي مش عايزه تشوفيني مرتاح ومبسوط ,ليه مصممه تضيعيها من ايدي
جليله بنرفزه شديده: اسمع ياواد انا رديت ع كلامك
رشاد برجاء وتوسل: ماما ارجوكي انا عايزها ,ومش عايز حد غيرها
جليله لمت الغسيل واخده السله وهي خارجه ناحيه الباب: وانا مش هقول اكتر من الي قولته , واظن فهمت الي اقصده كويس
رشاد: يا امي لو سمحتي اقفي واسمعيني, اطياف بنت محترمه وانا بحبها جدا
...............قصص منه محمد كاتب...............
في منزل رشاد
منال بهمس: بقولك ايه تفتكري ليه طلبتنا هنا
اطياف بنفس الهمس: ليه متوتره حالا هنعرف
جليله دخلت: ازيكم يابنات
منال سلمت: اهلا يا طنط عامله ايه
جليله: الحمد لله عاملين ايه بخير
اطياف: الحمد لله بخير
جليله: كنت عايزكي يا اطياف اتكلم معاكي في موضوع مهم جدا ليه واقفين اقعدوا
اطياف: خير يا طنط ايه الموضوع
جليله بخبث: انا زهقت من قاعده البيت طول اليوم لوحدي , ورشاد طول النهار مش موجود شغال في الدكان وبعمل كل شغل الييت لوحدي
اطياف: ماهو ممكن تشوفي واحده تساعدك , وانا اعرف واحده بنت حلال وامينه ونضيفه في شغلها
جليله:لاء مش للدرجه, انا مش بحب حد غيري يدخل بيتي وبعدين انا بتسلي وبضيع وقتي لحد ما اجوز رشاد
منال : اه للسبب ده اتصلتي بينا وجبتينا هنا
جليله: اه ماهو لما تيجي مراه ابني البيت هتاخد بالها منه وتنوره
منال ابتسمت لاطياف وقالت :في دي معاكي حق
جليله عيونهاع اطياف تابعت: واليومين دول بدور ع بنت الحلال لرشاد , وبقول لوعندك صاحبه كويسه يا اطياف قوليلي عليها , انتي بتلفي طول النهار في الشوارع وتعرفي الكل وعشان كدا فكرت اطلب منك لو فيه واحده قدامك عرفيني عليها
اطياف بصت لمنال واتجمدت وحست بطعنة قوية ..طعنة قاتلة ..غرزت في قلبها و مزقته بدون رحمة
جليله ابتسمت بخبث ووقفت من مكانها وقالت :خليكم قاعدين علي ما اعملكم حاجه تشربوها هجيبها وارجعلكم
اطياف طفح كيلها قامت من مكانها بغضب تجري في اتجاه الباب
منال مسكتها :اطياف استني
رشاد دخل وقال بسعاده كبيره: اهلا وسهلا طيب لما انتي هنا ليه مكتبتليش رساله كنت رجعت البيت بدري ,بس ليه ماشين ادخلوا نقعد شويه مع بعض
اطياف بصتله بغيظ وزقته ومشت بسرعه البرق جريت علي برا
رشاد بتعجب : ايه الي حصل منال مالها اطياف
منال : هقولك بعدين
رشاد : الله هو في ايه يا ماما انتي فين
جليله بصوت مرتفع : رشاد انا هنا
رشاد دخلها وعلامات الاستفهام برفرف فوق دماغه وقال مبتسم: سلامو علكيم
جليله بهدوء بارد: رجعت
رشاد: اه انا شوفت اطياف ومنال خارجين , اتصلتي بيها مش كدا
جليله: وليه اتصل بيها هي جات من نفسها , وبعدين ما هي دي عداها طول النهار بتلف في الشوارع كلها جات تبص وبعدها مشت
رشاد: بس شكلها مضايقه وع اخرها حصلت حاجه بينكم
جليله : بقولك ايه روح اغسل ايدك ووشك وهعملك شاي
رشاد :يا امي فهميني
جليله بشخط: قلت روح وانا هعملك الشاي ممكن تسمع كلامي وتمشي
رشاد دبدب رجله في الارض بتأفأف:حاضر
.............قصص منه محمد كاتب..............
في غرفه نومهم الخاصه التلفون نازل رن لحد ما صدع الجدران
منال لفت وبصتلها: مش هتردي عليه ,عمال يتصل من بدري
اطياف: مش هرد
منال: خلاص ارد انا
اطياف سحبت منها الفون بغل : اياك مفيش داعي تتكلمي معاه
منال: اسمعيه لو مره واحده ,بيحاول يقولك ايه
اطياف: حالا نسيتي امه عملت معانا ايه ,وعايزني ارد ع ابنها
منال: وهو غلط في ايه ,دي امه ,ويمكن معندوش علم
اطياف: حتي لو ده حصل خلاص علاقتي بيه بقت مستحيل
منال: بس انتي بتحبيه ولا ايه وهو واثق فيكي ,والثقه هي اول خطوه في الحب
اطياف بحزن: لو انعدمت الثقه دي بيبقي من ضعف الست , ولو امنا كانت ضعيفه كان زمانها مكمله حيانها مع بابا ولغت كرامتها وكبريائها عشان الحب , لكن شوفي بسبب الحب وصلوا لـ ايه في المقابل , حب العمر بيفشل ويدمر في لحظه لما الكرامه تتغلب عليه وشوفي امنا فضلت تبكي طول حياتها رغم مش بتعيط قدامنها لكن واضح في قهره في عيونها حزن ع فراق بابا حتي لما بتبتسم فيه حزن مخفي وري ابتسامتها وبقدر اشوفها
منال من بين دموعها: تفتكري بابا فاكر ماما كمان
اطياف : لو كان بابا بيحبها مكنتش اتجوز واحده تانيه عليها, لو حبنا بجد كان جه شافنا لو مره واحده واطمن علينا وبص في وشنا
اطياف اخدت الموبيل وردت بحده : قول عايز ايه
رشاد: انتي ليه مش بتردي عليا
اطياف: وليه اصلا ارد عليك يا رشاد
رشاد: فهميني ايه الي حصل, قلبك عليا كدا
اطياف: يعني مش عارف
رشاد: وانا هعرف منين بس انتي ليه زعلانه
اطياف بنفعال : روح اسال امك_ رمت الموبيل بقوتها ع الارض_
منال: حصلك ايه ع الاقل اسمعيه لمره واحده
اطياف بشخط: اسكتي وروحي نامي , يله ربنا يولع فيه تلفوني اتكسر بسببه
منال: رفعت الموبيل من الارض: لا مش مكسور
اطياف: الحمد لله متكسرش
منال بغيظ: اوعي اللحاف خليني انام
.........قصص منه محمد كاتب...............
الصبح بدري راحت بعلبه طعام لمكانه المعتاد
اطياف بأبتسامه مشرقه: صباح الخير يا عم جلال
جلال: صباح الخير عامله ايه
اطياف: زي الفل بقولك جبتلك معايا حاجه عشانك
جلال: يابنتي ليه تاعبه نفسك بيا
اطياف: متقولش الكلام ده هزعل بجد منك و يله روح اكل العيال
جلال: تعرفي انتي نزلتي عليا زي الملاك, ولادي مكلوش من ليله امبارح والاكل الي بتجبيه بروح ادهولهم يشبعوا ماتاخدي مناديل بداله
اطياف هزت دماغها برفض: لاْ لآء مش عايزه اي حاجه , انت بس ادعيلي دعوه من قلبك الطيب
جلال: ربنا يباركلك في صحتك ويرزقك بأبن الحلال
اطياف فرحت جدا بالدعوه وجلال اخد الشنطه وبيعدي الطريق فرحان لكن للاسف عربيه خبطته وقع واطياف وقفت وهي مبرقه من المنظر الي قدامها والراجل واقع مرمي ع الارض والبضاعه الي تخصه مبدوره حواليه
امير بزعيق للراجل: انت ايه ماشي اعمي
اطياف جريت ع الراجل تهز فيه بجنون: عمي جلال عمي جلال رد عليا
امير : الراجل الاعمي شايفني ماشي , مش ياخد باله من الطريق
اطياف وقفت وصرخت فيه بجنون: ولما انت شايفه بيعدي وانه راجل كبير, ازاي تضربه بالمنظر ده , يبقي مين الاعمي انت ولا هو
امير بصلها وقال: اولا لمي لسانك , وبعدين دي مش غلطتي غلطته هو , بيعدي الطريق من غير ما يبص
اطياف: مهما كان غلطه انت خبطته , وبقيت مجبر تاخده لحد المستشفي بنفسك
امير بصلها بستنكار وقال: ليه اجيب لنفسي مصيبه , هو انا مجنون
اطياف بغضب: انت انسان ولا انت حجر , ولا عشان راكب عربيه احدث موديل ولابس كويس شايف الناس الغلابه قدامك حشرات ووغد زيك يدوس عليهم
امير: بت انتي الزمي بقي حدودك, والا وديني وما اعبد
اطياق قطعته بهستريا شديده: ايه هتعمل ايه , يله وريني مفكر نفسك مين تهدد الغلابه , بس انا هوديك في ستين داهيه , واخد حق الراجل المسكين ده منك
امير: هو انتي مفكرتيش لحظه واقفه ضد مين, انا هوريكي في خلال دقيقه بتهددي مين
اطياف: ده انا الي هوريك اقل من الدقيقه هوديك فين_ صرخت بكل قوتها_ ياناس شيلوا عم جلال حطوه في عربيته حالا , ما هو الناس الاغنياء يستقوي ع الناس الفقيره ويدهسوا الغلابه بدل ما يساعدوه الفقير
في المشفي
الممرضه: مين مع الحاله انتي ولا هو
اطياف بصتله بغيظ: هو معاه , وانت روح ادفعلهم الحساب بسرعه
الممرضه: لو كدا ياريت الايداع حالا عشان نبدء في علاجه
اطياف: يله روح ادفع واقف ليه
امير بغضب: ما تبطلي اوامر , انا عملت الي عليا وجيبته ومروح
اطياف طلعت تمد بخطوانها وراه: انت رايح فين, لايمكن تمشي بالطريقه دي , ادفع الفلوس وبعدها امشي
اميرعقد حواجبه: مين انتي عشان تحكمي عليا , الزمي حدودك معايا يابنت
اطياف: غصب عنك هتدفع , والا هتصل حالا بالبوليس وهبلغ عنك وهسجنك , فالاحسن تدفع بالذوق وبسرعه يله اتحرك
امير: افتكري اسلوبك معايا افتكريه كويس
اطياف: اكسكيوزمي هو انا ليا معاك عداء شخصي ولا حاجه , انا بعمل الي يملاه عليا ضميري وحسيت بالراحه وع فكره انا دايما بعمل الي انا عايزه
امير: مش معايا وانتي زدتي كتير ,وانا هعمل الي عليا وهوريكي
اطياف: الله انت واقف تهددني , بس انا مش بخاف لا منك ولا عشره من عينتك ,وانت في طريقك وانا في طريقي
امير: انا صابر عليكي عشان انتي بنت ضعيفه تعرفي لو مش قدام الناس الراجل العجوز ده انا كنت سيبته ولا كنت قتلته , وافتكري امير حكيم قراره امر مفروغ منه ومش هسيبك
اطياف: تصدق انت شخص جبان وضعيف وعطتني الدليل بتتشطر ع راجل فقير مش خجلان من نفسك ورافض المساعده , يله امشي اتحرك واحد جاهل متخلف