رواية مسار اجباري الفصل الثاني2بقلم منه محمد
في منزل عائله اطياف كان قاعد ع الارض
مديحه وهي جايبه كوبايه الشاي بلوم وعتاب : علام ليه قاعد ع الارض, كام مره قلت لك متعملش كده دي مش سرايا ولا قصر , وقلت لك تقعد فوق ع الكرسي , سواء غني ولا فقير كلنا ولاد تسعه ونستاهل نحترم بعض
علام قام من مكانه وقعد فوق الكرسي وقالها : عزيز بيه مشتاق للبنات كتير من يوم مامشيتي من السرايا وبقي طول الوقت حزين وساكت , فاتت سنين طويله وبقي شخص غريب في كل حاجه
مديحه بقهره: منعني ارفع صوتي عشان اخد حقنا ايه الفرق الي هيحصل بسكوته
علام : لايمكن يتمرد ع تقاليد حكيم بيه , وحضرتك متاخذنيش اتسرعتي لما سبتيه كان زمان البنات عايشين تحت ضل ابوهم
مديحه :وايه فايدة ضله وهو متحمل عيشتهم الي كلها قسوه وشده
علام :حضرتك عارفه كلام حكيم بيه بيمشي ع الكبير قبل الصغير, وبعدين دي تقاليد بلدنا ومن زمان بيحصل فيها كده
مديحه بنرفزه: ازاي اشوف بنتي الي عندها خمس سنين بتعيش العبوديه والقمع وتسميها عادات وتقاليد , ازاي ام تستحمل تشوف بنتها بتتعرض للتعذيب والضرب تقريبا كل يوم , ولو كان عزيز بيه اتكلم ونطق كان منع ظلم كبير وكنا زمنا عايشين كلنا سوي
علام : بس انسه اطياف كبرت وحكيم بيه ساب كل حاجه لابن اخوه امير بيه
مديحه : اكيد عمه هيطلعه قاسي زيه
علام هز دماغه بنفي: لاء امير بيه
مديحه قطعته بحده: علام قفل ع سيره الناس دي , احنا خلاص ملناش علاقه تربطنا بيهم
علام : حضرتك اتفضلي الظرف ده من عزيز بيه , بس لسه فيه علاقه دم ببناته والي مستحيل تنتهي برغبه اي حد
مديحه بقهر : لو كان عايز بناته كان نفذ وعوده
علام : اظن اتعاقب بحرمانه من بناته عاش 18 سنه مشفش بناته ,اتفضلي الشهريه
مديحه: مبقتش محتجالهم البنات خلاص كبروا
علام: هو فضل مخلص ليكي ورفض يدل حكيم بيه ع مكانك وعمل واجب الاب لحد اللحظه وكان نفسي تقبلي الي بقوله عن اذنك
..............قصص منه محمد كاتب.............
رشاد : منال اطياف راحت فين كل ده
منال رفعت كتافها: معرفش , قالتلي رايحه تشتري حاجه , ومرجعتش لحد دلوقت
رشاد بأرتباك: طيب اتصلي بيها اختك ولا مهتمه بيا ابدا
منال: مش هتصل هي دي بتعبر وترد ع حد
رشاد بغيظ: هي مجنونه انا عارف , وكمان زعلانه مني جداا ومعرفش راحت فين انا متوتر وقلقان عليها جدا
منال ببرود: وليه متوتر هي اول مره
رشاد بعصبيه: تعرفي تنقطيني بساكتك انتي مش عارفه اختك قد ايه عنيده
منال : ومين الي خلاها كده مش انت وامك
رشاد :قلت لها الف مره هقنعها ليه بقي عمايلها دي
منال :وانت عارف ان اطياف بتحبك
رشاد بصدق: وانا والله بحبها جدا ,ومعرفش ان امي هتقولها الكلام ده
منال :وانت هيطلع عينك لحد ما تقدر تقنع امك , دي طلبت منها تشوف لك عروسه متخيل انا الي بره الموضوع اتحرق دمي مابالك باطياف , واي واحده في مكانها هيكون ده رد فعلها احتي انقهرت ومعرفش هترجع امتي
رشاد :اهدي ومتقلقليش انا هتكلم معاها
منال : رشاد قبل ما تتكلم مع اختي اقنع امك تيجي تتقدم وتطلب ايد اختي
.............قصص منه محمد كاتب..............
في غرفه نومهم الخاصه نازلين ضحك بصهلهله ع موقف اطياف مع امير
منال : يالهوي وبجد مخفتيش ليعمل فيكي حاجه ولا يتهور عليكي ويسكعك كف ع وشك يحمر
اطياف : انا مش بخاف لما بعمل الشئ الصح , الخوف ده لما نكون بنعمل حاجه غلط
منال :في دي عندك حق اه كنت عايزه اقولك ع حاجه رشاد جه بيتنا النهارده
اطياف كشرت :ليه جه هنا
منال :بتسالي اكيد عشانك وكان قلقان عليكي جدا
اطياف: سيبك منه
منال :ع فكره هو بيحبك كتير وبجد قلق عليكي انتي ليه قاسيه
اطياف بصتلها بغيظ : ماتقولي بالمره ان كله مني انا عارفاكي كويس
منال بزعل : وايه الغلط الي عملته انا كدا يا اطياف انا عايزه اصلح ما بينكم ومتفضليش واخده موقف كل الخلاف هينتهي سامعه الي بقوله ها بتحبي رشاد ما تردي
اطياف: انتي حكيتي اي حاجه لامك
منال: لاء
اطياف: متقولهاش يله نامي قفلتي مزاجي كله
منال : وانا حاسه مزاجي اتحسن لما عملت مع رشاد الصح
اطياف ضحكت وقالت : المسكين زمانه مشتت في الشوارع
منال وهي بتضحك: فعلا
........قصص منه محمد كاتب.........
في السريا تحديدا ع السفره
امير بهدوء : عمي فيه حته ارض في القاهره معروضه للبيع, ايه رايك نشتريها
حكيم : رغم مش بحب اراضي البندر لاني مش باخد الارض ابني عليها فندق , بس اعرف مطلوب فيها كام
عزيز بهدوء: وليه مش تبني فندق انت هتدفع تمن كبير, وده هيزود الدخل وهتشغل ناس كتير
حكيم شاور عليه بحده :مره واحده قول قرار يتقبل في العايله , والي مشيوا عشان ميتبعوش عادتنا وتقالدنا متحطمتش كرامتنا وبس, انت كمان اتحطمت , اه لو ايدي تطول مديحه هقطعها حتت
اثناء كلامهم رنت نغمه موبيل عاليه صدعت المكان
حكيم بشده: لمين النغمه دي
علا بنته خافت جدا وارتبكت وحكيم بصلها وقال : كام مره نبهت عليكي تقفلي الزفت اثناء الاكل
علا بخوف وارتباك: انا اسفه يا بابا
حكيم: قومي روحي اوضتك والمره الجايه سيبي التلفون اما هكسرهولك امشي
علا وقفت في مكانها: حاضر
امير بحزن: علا سابت الاكل وقامت مكنش ضروري الي حضرتك عملته
حكيم بصراخ :انت متتدخلش اتبع مبادئي وتقاليدي , انا مش بحب حد يكسر كلامي حتي لو كانت بنتي وتحمد ربنا اني موفرلها اسره , غير الي اتمردت علينا وع عيشتنا وسابت عمك ايده فاضيه
.............قصص منه محمد كاتب...............
واقف في جنينه القصر وشكله هيطرشق ع اخره من اسلوب اطياف
علا قربت عليه بستفهام: حصل ايه مالك مضايق كده
امير بغيظ : البنت دي لازم اقابلها مره تانيه ووقتها هعرفها مين هو امير
علا ضحكت : وليه تحرق دمك اقعد شكلك مغلول منها , وهي قاعده في بيتها ولا في دماغها وانت هنا شايط
امير: دي عملت قضيه للراجل وهو الي غلطان , عملت منه ضحيه وليله كبيره , دي مجنونه
علا : خد بالك متغلطش في البنات لاحظ اني بنت زيها , ولو غلطت كدا الموضوع هيبقي سيئ ما بينا فخد بالك
امير: انا مش بتكلم عنك انتي بنت عمي من دمي واجب عليا احترمك زي ما واجب عليكي تلزمي حدودك , لكن بنات المدن دول حاجه تانيه لسانهم طويل , ودماغهم ناشفه , متكبرين حتي عمي لسه بيعاني من عقوبه حبه لست احترامها كتير وقدملها الحب واخد ايه غير الهجر ووجع القلب
علا: الي حصل مع عمو عزيز سميه سوء حظ بس ضروري الناس تتجوز بعض عن حب ومن اختيارهم والا العواقب هتكون وحشه جدا بس لازم لانسان يتجوز ع اي حال لما يلاقي الحب
امير بصلها شويه ومره واحده ضحك
علا بتعجب: في ايه
امير: اصل كل فرد في البيت هنا سعادته مرتبطه بتقاليد البيت ده, ومهما حصل لازم يمشي حسب تقاليد وعادات البيت هنا ولو مشي بعيد واتمرد يطرد من العالم , وياخد لقب متمرد
علا بهزار: وهتعمل ايه لو في يوم وقعت وحبيت بنت مش من نفس البلد او بنت ناس عادين جدا ولا هتنسي تحكمات بابا مين البنت ومين اهلها واصلها وفصلها, ولا لو البنت قالت لك احلق شنبك وشيله
............قصص منه محمد كاتب................
واقفه في المكتبه ترص الكتب ومطنشه رنه الموبيل لحد ما لفت شافته قدامها
رشاد : عمال اتصل بيكي من امبارح , وانتي رافضه تردي نهائي ع مكالماتي
اطياف اخدت بعضها وماشيه من قدامه
رشاد مسك دراعها :الو انا بكلمك انتي ليه قلبك زي الحجر
اطياف: لما اتوجع بقي زي الحجر ,والوجع بيزيد ويبقي عميق
رشاد بحزن: اطياف متقوليش كده , هو انا الي قولت لك تشوف لي عروسه
اطياف : امك رفضاني يا رشاد , وماما مستحيل تقبل ادوس ع كرامتي عشانك ,وانت اتجوز بالانسانه الي امك توافق عليها وانا هسمع كلام ماما
رشاد: انا هقنعها سيبي الامور دي عليا , انتي من ساعه ما غبتي عن عيني وانا متوتر والنوم طار من عيني حتي شوفي
اطياف مسكت وشه وفتحت عينه جامد وقالت :شكل عيونك بخير وواضح نايم كويس انت بتكدب
رشاد مسك ايدها بين ايديه وقال: الشك في الحب من الحب الاعمي
اطياف ضربت ايده: وانا مش مقتنعه
رشاد :انتي عارفه اني بحبك كدا ولا لاء
اطياف :اه لكن مش شرط ناخد كل الي بنحبه , لما يبقي مفيش احترام في العلاقه وامك مش عايزني زوجه ليك , ولو صممت هتلف تقول اني عملت لك سحر اسود وورطتك وحاصرتك بكلامي الحلو
رشاد كتم ضحته بالعافيه وهي بتتريق ع امه!
اطياف بتعجب: ليه بتضحك
رشاد :سيبك مني
اطياف بأصرار: لا قولي الي في نفسك بصوت عالي , وواضح يله قول
رشاد بجديه: اقولك ايه يعني انتي مش شايفه, اني مش عايز عروسه غيرك وانك اخر بنت بالنسبه لي , وبصراحه انا مسحور بكلامك وحركاتك الحلوه يله امتي نتجوز
اطياف: رشاد انا مش بهزر انا بتكلم بجد الاحترام عندي اهم من الحب
رشاد : وانتي بالنسبه لي سعادتي واغلي من حياتي, اسف يا اطياف
اطياف ابتسمت ووشها احمر من الخجل
رشاد ابتسملها: ايوه تبقي حلوه لما بتبتسمبي ممكن واحده تانيه
اطياف بعناد: لاء
رشاد مسك دقنها وقال برجاء: والنبي واحده صغيره
................
في السرايا ع السفره
حكيم بصلها وقال : لما وصلت علا وشك نور
ثريا : اكيد مش قاعده في حضني , من غير وجودها بفضل انا واسمهان نلف في البيت من هنا لهناك
حكيم: عشان كدا بفكر اخليها هنا , قعدتك لوحدك في القاهره بعيد عن امك وابوكي مش حلو
امير تدخل وقال: بعد اذنك ياعمي انا شايف تسمحلها تخلص ع الاقل الترم الاول وانا بوصلها وبجيبها
حكيم:لو فضلت رايح جاي مين هيتفرغ للارض
عزيز: حكيم ياخويا انا رآي لو علا فضلت في سكن الجامعه هتقدر تدرس اما لو فضلت هنا مش هتركز ولا تجيب مجموع بالطريقه دي
حكيم بشخط: انت تتكلم بس عن نفسك حد طلب نصيحتك, الراجل الي يقبل الهزيمه من حرمه هيقع في عيون الكل وهييؤ ملوش اي حق ياخد قرارات لو عندك شويه احترم كنت احترمت نفسك ومسمحتش لست تسيبك بالطريقه دي , تقدر تقولي بناتك الي هما عرضنا وشرفنا فين انت حتي مش عارف تلاقي مكان بناتك , وسيايبهم لراجل غريب يربيهم , المفروض تروح تردم نفسك بالحيا
عزيز غرز الشوكه في المفرش وقام من ع السفره واسمهان مراته قامت وراه
حكيم : ليه وقفتوا اكل كملوا علام هات شفشق ميه بسرعه
.............قصص منه محمد كاتب...........
رشاد بعصبيه: انتي ليه مش عايزه تفهمي انا بعشق اطياف
جليله بغيظ: بعد كل الي قولته لسه ماسك فيها, انا قلت لك البت دي مش هتبقي مراه ابني ومش هتدخل البيت هنا ابدا
رشاد: ايه الغلط فيها
جليله : الحاجات الحلوه الي شايفها فيها هي شر في عيون الناس, الست هي حارسه البيت وجدرانه الاربعه ودي بتلف في كل مكان
رشاد: يا ماما قلت لك هي بتحب تعمل الخير , وبعدين هي كمان بتشتغل واظن هي لا اول ولا اخر واحده الستات مالين الشوارع , واطياف هي المسؤله عن البيت كله
جليله بسخريه:عن البيت ولا عن الكل الي في الشوارع
رشاد :ودي صفه حلوه عندها انسانيه ورحمه , ولازم نشجعها مش نقلل منها
جليله: لما تيجي كمراتك الحلو الي فيها هيتحول سم عليك
رشاد : دي مشكلتي انا متخصكيش
جليله :مشكلتك لحد اول اسبوع من جوزتك بيها , وبعدها انا الي هشيل الطين ع دماغي اسمع انت ابني الي محلتيش غيره , ومقدرش اتحمل اي عاصفه تجيلك واجيبهالك بنفسي لحد البيت
رشاد :يعني ده قرارك النهائي
جليله : ومعنديش غيره, انا مش موافقه ع اطياف , واعرف بنات جميله وعندهم ااخلاق هختارلك واحده اعرفها واعرف اصلها
رشاد :مش عايز انا عايز اطياف وبس
جليله :اخر كلام
رشاد: اخر كلام انا بحبها ولو مش هتجوزها مش هتجوز ابدا ومش بس كدا هسيلك البيت نهائي
جليله بصراخ: اياك تقف قصادي
.......قصص منه محمد كاتب.......
في منزل عائله اطياف
علام طلع ظرف وقالها: عزيز بيه بعتلك معايا الشيك ده
مديحه: كان المفروض تبلغه انه ميبعتش فلوس كتير بالشكل ده , مش محتاجين الفلوس الي جبتها المره الي فاتت لسه موجود منها كتير
علام: بناتك محتاجين وهو لسه ابوهم , ولو فضلوا في بيته كان هيصرف اكتر من كده عليهم
مديحه: لو فضلنا في البيت ده , بناتي كانوا هيبقوا عايشين زي الدبيـ حه الي بتتعلف عشان تنـ دبح , وابوهم ولا حتي هيقدر ينقذهم وبناتي هيمـ وتوا بحكم العادات
علام: لآء انتي متعرفش طيبه امير بيه
مديحه بحده: هو عبد , وبلاش تجبلي سيرتهم هنا انا مش مهتميه بالعالم دول
اطياف دخلت: سلاموا عليكم
علام قام من مكانه: وعليكم السلام
اطياف: عامل ايه ياعمو علام بخير
علام: الحمد لله ربنا يحفظك
اطياف: والسرايا عامله ايه, لسه زي ماهي و يبقي الوضع ع حاله
مديحه غمزتها: اطياف اقعدي
اطياف اخدت بالها ان علام واقف ومحرج يقعد وهي واقفه بسرعه قعدت وقالت: تمام قعدت ها مفيش حاجه هناك اتغيرت
علام لسه هيرد مديحه سبقته وقالت: مفيش حاجه اتغيرت في السرايا , مفيش حد فيهم ممكن يتغير هنك عايشين زي الضفادع في البلاعه الي لا يمكن يطلعوا منها , اطياف روحي جهزي الغداء عمك علام هياكل معانا
علام قام من مكانه: لاء ملوش لزوم انا لازم امشي , البيه ممكن يحتاجني في اي وقت , وهو قاعد مستنيني بفارغ الصبر سلامو عليكم
اطياف ردت السلام وبسؤال لامها: عمو علام كان بيتكلم عن بابا مش كده
مديحه: سيبك من الي بيتكلم عنه علام , وعايزكي تفهمي شئ واحد السرايا بلي فيها ملناش علاقه معاهم من اي نوع مفهوم
..........قصص منه محمد كاتب...............
جليله: رشاد يله الاكل جاهز
رشاد خارج من غرفته وقال وهو مكشر: مش جعان
جليله: انت لابس كدا ورايح ع فين
رشاد: عندي شغل
جليله طبطبت ع صدره: طيب كل الاول وبعدها امشي
رشاد: لاء مستعجل
جليله سحبته من ايده: تعال هنا واسمعني
رشاد: نعم
جليله: رجعت امبارح متأخر
رشاد: كنت زهقان قعدت في الدكان مع واحد صاحبي
جليله: طيب تعالي نتغداه الاول
رشاد: قلت لك مش جعان ولازم امشي
جليله: استني خلاص هروح بيت مديحه
رشاد: بجد بتتكلمي بجد
جليله خبطته ع صدره بخفيف وقالت :عمري كدبت عليك قبل كده يا واد
رشاد: لاْ بس مش مصدق اخيرا وافقتي ورايحه بنفسك تخطبلي اطياف _باس ايدها_ الف شكر يا امي
جليله: يله بقي ناكل قبل الاكل ما يبرد مش جعان
رشاد: جعان اوي
جليله ضحكت: طيب يله اقعد يا ضنايا هجيبك باقي الاكل
رشاد طلع موبيله وكتب رساله لاطياف ان امه جايه تخطبهاله
.............قصص منه محمد كاتب..............
مديحه: اهلا وسه يا جليله
جليله: اهلا بيكي يامديحه
منال سلمت: اهلا وسهلا يا طنط
جليله بأبتسامه: اهلا يا منال عامله ايه
منال: الحمد لله تعالي اتفضلي اهلا وسهلا
مديحه: منال هاتي كوبايتين شاي بسرعه
منال جريت ع المطبخ وقالت بسعاده: حماتك جات
اطياف: مين
منال: مين ايه اكيد جايه عشان تتكلم عليكي لرشاد
اطياف: اه
منال: يالهوي ع السعاده الي هتنط من وشك , وخدودك احمروا
اطياف: مش النهارده خطوبتي
منال: المفروض تبقي مكسوفه
اطياف حطت ايدها ع وشها وقالت وهي بتضحك: ابقي كدا يعني
منال ضحكت: بالظبط يله تعالي نقدم الشاي
اطياف : روحي انتي ع ما البس الطرحه
منال اخدت الشاي وطلعت قعدت معاهم في الصالون
مديحه: قلت لرشاد كذا مره تيجي تزورينا , ده احنا جيران والباب في الباب يعني مش هتركبي مواصله دول يادوب خطوتين
جليله: والله ياختي طول الوقت مشغوله واليوم بقي بيجري رهوان
مديحه ابتسمتلها: فعلا البيت والشغل مش بيخلصوا , وانا طول اليوم ببقي مشغوله , ومفيش وقت حتي ابص في المرايا
جليله ضحكت: في دي عندك حق
اطياف طلعت وصافحتها: ازيك يا طنط
جليله سلمت: اهلا يا اطياف
مديحه: مدي ايدك يا جليله كلي بسبوسه مع الشاي
جليله: لا اصلي عامله رجيم منال تعالي اقعدي جنبي
منال: لاء انا كويسه هنا
مديحه: يابنتي قومي اقعدي جنبها
منال قامت واطياف مبقتش مرتاحه لجليله بالمره بس سكتت لما تشوف اخرها
جليله: شوفي يامديحه انا جايه اتكلم معاكي في موضوع مهم
مديحه: اتفضلي ياختي خدي راحتك
جليله: طبعا انتي عارفه ابني رشاد , اتربي وكبر قدام عنيكي
مديحه: طبعا يعلم ربنا بعتبره زي ابني واكتر
جليله: وانا فعلا عايزكي تعتبريه ابنك , وعشان كدا انا بطلب ايد بنتك منال لرشاد ابني