رواية ما في شي يبعدنا الفصل الثاني2بقلم بسمه ابو العلا
_ايوا بقولك استني كده في حد بيخبط شكل دول رزق و روضة
رانيا:
_ ماشي
فاطمه قامت فتحت الباب لقت رويدا و رباب:
_ أهلاً يختي
رباب :
_ ازيك يا فطوم عامله ايه
فاطمه:
_ كويسه الحمدلله
رويدا:
_ اومال روضة فين يا فطوم
فاطمه:
_ و انا اللي قولت جايين تسألوا عليا
رويدا:
_ ده انتِ الأساس و الباقي كله شنط و كياس
رباب:
_ ايوا أنتِ التوب و الباقي كنتالوب
فاطمه:
_ نفسي اعرف بتجيبو الكلام ده منين
رويدا:
_ عادي يا فطوم
رباب:
_ البت فين يا فطوم قتلتيها
فاطمه:
_ اه و مخبيها تحت السرير
رباب:
_ لا لا ماكنتش مصدقه انك تعملي في بنت عمي كده
فاطمه قلعت الشبشب و اول ما شافوه طلعوا يجروا و فاطمه ضحكت على جنانهم
ــــــــــــــــــــــــــــــــــــــــــــــــــــــــــ
لا اله الا الله وحده لا شريك له له الملك وله الحمد وهو على كل شيء قدير
|تاني يوم بليل|في بيت عيلة الحسيني|في شقة محمد|
فاطمه :
_ منزلتيش امبارح ليه كنت مستنياكي والله
هند:
_ لبست و كنت لسه هنزلك حمزة اتصل بيا كلمتوا و بعد كده لقيت زينب بتتصل
خرجت رويدا بالشاي:
_ اتفضلي يا فطوم
فاطمه بابتسامة:
_ تسلم ايدك يا حبيبتي
رويدا اديت الشاي لـ هند :
_ خدي يا ماما
هند:
_ ماشي يا حبيبتي
روضة:
_ طب و احنا فين
رويدا:
_ بعمل نسكافيه عشان عارفه أنكم مش بتحبو الشاي
رباب:
_ شايفة الاهتمام يا استاذه مش زيك
روضة:
_ عشان عملتلك مرة كنافة بالقشطه بدل الساده
رباب:
_ لا و مرة كمان عملتيلي قهوة بدل نسكافيه
روضة:
_ لا مرة
رويدا خرجت من المطبخ:
_ ثانيه بس يماما أنتِ و هي أنتِ عملتي يا روضة كنافة بالقشطه و مطلعتليش
روضة:
_ مانتِ كنتي عند صحبتك و لما جيتي عملتلك كيكه و طلعتهلك
رباب قامت و مسكت روضة من هدومها وكان في أيدها مفتاح :
_ أنتِ عملتلها كيكه و انا لا
روضة بخوف:
_ اهدى بس يباشا هفهمك
رباب :
_ يلا انطقي
هند:
_ معلش هنقطع عليكم المشهد الفظيع ده قوموا اتخنقوا جوا عشان مش عارفين نتكلم منكم
رباب:
_ احنا بنتخانق هنا ليه صح
رويدا:
_ يلا على جوا
روضة:
_ يلا بينا
دخلوا التلاته اوضة رويدا بقلمي بســـمه أبو العلا
ـــــــــــــــــــــــــــــــــــــــــــــــــــــــــ
سبحان الله و الله اكبر و الحمدلله ولا اله الا الله
|على القهوة|
فريد بيتكلم في التليفون و تميم قاعد و حاطط ايده على خده
فريد:
_ خلاص ماشي يا حبيبتي لما اروح هكلمك … سلام
فريد:
_ مالك قاعد و شايل طاجن ستك ليه
تميم:
_ مافيش بفكر
فريد عرف تميم بيفكر في ايه:
_ يعم ما تروح تتقدم و خلاص
تميم:
_ الموضوع مش بسهولة دي يا فريد
فريد:
_ لا الموضوع سهل خالص بس انت اللي بتصعب كل حاجة
تميم:
_ انا مش عايز اخسر صحبي و في نفس الوقت مش عارف أنساها و عايزها
فريد:
_ و انت هتخسر صحبك ليه
تميم:
_ هيقول إني ببص على أهل بيته
فريد:
_ لا طبعاً هو مش هيقول كده و أنا و انت عارفينه كويس
تميم:
_ يعني انت رأيك اروح اتقدم
فريد:
_ ايوا و انا معاك انت قولت لأهلك بس الاول
تميم:
_ لا لسه
فريد:
_ يبقى تروح تقول لأهلك انهارده و بكره نقوله في الشغل
تميم:
_ هقول لأهلي قبل ما يوافق ازاي
فريد:
_ هيوافق صدقني قول لأهلك بس
تميم:
_ نفسي اعرف انت جايب الثقه دي منين
فريد بابتسامة:
_ فاكر من سنة لما كنت خايف برضو اروح اتقدم لــ شهد لأهلها يرفضوا و انت ساعتها قولتلي طالما انت عايزها في الحلال يبقى ربنا معاك و هيساعدك و أنت كمان ربنا معاك و هيساعدك عشان انت عايزها في الحلال
تميم:
_ ربنا يديمك ليا يا صحبي
فريد:
_ حبيب قلبي
ــــــــــــــــــــــــــــــــــــــــــــــــــــــــــــــ
لا حول ولا قوة إلا بالله
|في بيت عيلة الحسيني|في شقة أسامه|
رباب وقفة بتعمل الأكل و سليم دخل يتسحب
سليم بصوت عالي:
_ بخ
رباب صوتت و سليم بيضحك رباب ضربته في كتفه:
_ يا بارد
سليم بضحك:
_ أنتِ اتخضيتي يا بطه
رباب:
_ والله انت رخم اوعى بقى
سليم:
_ متأكدة
رباب:
_ اه
سليم:
_ ماشي هاكل انا بقى الشوكلاتة اللي كنت جايبهلك
رباب:
_ انت جايبلي شوكولاتة
سليم:
_ كنت يماما انا هاكلها
رباب بزعل:
_ ماشي يا سليم
سليم:
_ أنتِ زعلتي ولا ايه
رباب:
_ اه و هعيط دلوقتي
سليم:
_ عيطي
رباب:
_ سليم بقى
سليم بضحك:
_ هتلاقيها برا في الصاله
رباب حضنته:
_ حبيبي حبيبي يلا بقى خد الاطباق دي
سليم:
_ تحفه من قبل ما ادوق
سليم و رباب خرجوا بالأطباق و حاطوها على السفرة
رباب:
_ اي رأيك يابابا
اسامه ضحك و قالها:
_ مش لما ادوق الأول فكرتيني بــ نور كانت تحط الأكل و تقولي ايه رأيك زيك كده و اقولها نفس الكلام ربنا يرحمها
رباب و سليم:
_ يارب
سليم :
_ انا فاكر و كانت بتقولك العين بتاكل قبل البق
أسامه بحزن:
_ تعرفوا ايه اللي مصبرني على فراق أمكم
رباب:
_ ايه يا بابا
أسامه:
_ انتوا… انتوا شبهها جداً أن شاء الله هنروح لها آخر الأسبوع بقلمي بســـمه أبو العلا
رباب و سليم:
_ أن شاء الله
أسامه:
_ تسلم ايدك يا روبي الأكل تحفه
رباب:
_ تسلم يا حبيب قلبي
ـــــــــــــــــــــــــــــــــــــــــــــــــــــــــــ
"اللهم صلِ على محمد وعلى آله وصحبه أجمعين"
بقلمي بسمه ابو العلا
|في شقة عمران |على السفرة|
هدى:
_ ادي طبق السلطة لــ بابا يا نازلي
نازلي:
_ حاضر
يونس :
_ مساء الخير يا جماعة
الكل:
_ مساء النور
عمران:
_ عامل ايه في المذاكرة يباش مهندس
يونس:
_ في حاجات صعبة شويه بس تمام الحمدلله
عمران:
_ طب الحمدلله
تميم:
_ في بنت بحبها و عايز اتقدملها