رواية ما في شي يبعدنا الفصل الثالث3بقلم بسمه ابو العلا

_ في بنت بحبها و عايز اتقدملها 

هدى بفرحه:

_ انت بتتكلم بجد 

تميم:

_ اه والله 

عمران:

_ اهدي مش لما نعرف مين البنت دي و اهلها و أخلاقها ايه 

نازلي بابتسامة:

_ اكيد نغم 

عمران:

_ فعلاً 

تميم:

_ لا طبعاً مش نغم 

يونس 

_ اومال مين 

تميم:

_ اخت رزق صاحبي شوفتها في الكافية مع اخوها و هي محترمه جدا 

هدى :

_ هنروح امتى 

تميم:

_ هقول لــ رزق بكره كده و اخد منه معاد 

عمران بابتسامة:

_ يبقى على بركه الله 

ــــــــــــــــــــــــــــــــــــــــــــــــــــــــــ 

لا اله الا الله وحده لا شريك له له الملك وله الحمد وهو على كل شيء قدير 

|الساعه 10 الصبح|في الشارع|

يونس:

_ يلا ياسطا هنتأخر كده على الدرس 

آدم:

_ ما احنا مش هنروح الدرس اصلا 

يونس :

_ اومال هنروح فين 

آدم:

_ هنخرج مع ساره و لميس 

يونس بفرحه:

_ إذا كان كده ماشي هما فين بقى 

آدم شاور على بنتين جايين من بعيد:

_ جايين اهم انا قولت لساره أنها تلمح لــ لميس زي ماقولتلي اي خدمه بس 

يونس:

_ حبيب قلبي يا دومي 

آدم:

_ عاملين ايه يبنات 

ساره:

_ كويسين الحمدلله 

آدم:

_ هنتمشى شوية احنا بقى يا يونس 

يونس:

_ ماشي 

بعد شوية بقلمي بســــمه أبو العلا 

يونس:

_ اي رأيك نتمشى احنا كمان 

لميس بابتسامة:

_ زي ما تحب

مشيوا و كل شويه يبصوا لبعض و يبتسمو 

يونس :

_ بقالي كتير ماشوفتكيش 

لميس:

_ كتير ايه ده هو اسبوع 

يونس:

_ بالنسبه لك مش كتير لكن بالنسبه لي كتير اوي 

لميس بكسوف:

_ اممم 

يونس :

_ عايزك تذاكري اوي عشان تخشي كلية كويسة 

لميس:

_ و أنت كمان 

يونس:

_ ماشي يا حبيبتي 

لميس:

_ ايه 

يونس اتوتر و سكت و بعد شوية قالها:

_ ما تجيبي رقمك مش احنا صحاب ولا ايه 

لميس بابتسامة:

_ اكيد 

ـــــــــــــــــــــــــــــــــــــــــــــــــــــــــــــ

سبحان الله وبحمده ، سبحان الله العظيم 

|في الشركة|

سليم:

_ خلاص ماشي هروح انا و كريم هناك كده و نشوف ايه الدنيا 

أحمد:

_ امتى 

كريم:

_ كمان يومين كده 

رزق:

_ تمام يبقى اتفاقنا 

فريد:

_ انا و تميم عايزينك في موضوع كده يا رزق 

رزق :

_ طب كل واحد يروح يشوف شغله يلا 

سليم:

_ ماعدا انا طبعاً

رزق:

_ لا يا حبيبي زيك زيهم خده في ايدك يا كريم معلش 

كريم:

_ حاضر يلا يا سليم 

سليم:

_ ماشي و هعرف الموضوع برضو 

رزق:

_ ده بعينك يلا ياض من هنا 

سليم:

_ ماشي يا رزق لينا بيت يلمنا 

خرجوا و هما بيضحكوا على رزق و سليم بقلمي بســــمه أبو العلا 

رزق:

_ ايه الموضوع بقى 

فريد بص لــ تميم بمعنى انه يتكلم 

تميم بتوتر :

_ فكرت كتير قبل ما اكلمك في الموضوع ده و خدت رأي فريد لأني بصراحة خايف نخسر بعض بس هو قالي طالما انت نيتك خير يبقى ربنا هيوقف معاك انا طالب ايد أختك اللي شوفتها معاك في الكافية انا حتى ماعرفش إسمها ايه لو وافقت يبقى اخد منك معاد و نيجي فيه انا و اهلي و لو ما وافقتش اعتبر إني ما قلتلكش حاجه 

رزق كان بيبصله بنظرات مش مفهومة و فضل الصمت لحد ربع ساعة و بعد كده فريد اتكلم عشان يفك الصمت ده 

فريد بمرح:

_ ايه يا رزق قولت ايه الواد شوية و هيعيط انا حاسس بيه 

رزق ضحك و قال:

_ طبعاً مش هلاقي حد أحسن منك لأختي بس هاخد رأيها و هرد عليك إن شاء الله 

تميم:

_ إن شاء الله 

سليم فتح الباب و هما اتخضوا :

_ ألف مبروووك يا أخواتي هتصل بقى على البت روضة اقولها 

تميم ابتسم لما سمع إسمها 

رزق:

_ والله كنت حاسس أنك واقف بتتصنت علينا 

سليم رفع له حواجبه و قاله بغيظ:

_ مش قولتلك هعرف الموضوع برضو 

سليم جري بسرعة لما شاف رزق هيقوم و تميم و فريد ضحكوا عليه 

ـــــــــــــــــــــــــــــــــــــــــــــــــــــــــ 

لا اله الا الله 

|بليل في ألمانيا|في شقة حمزة|

حمزة:

_ خلصتي يا حبيبتي 

اوليفيا:

_ اه يا زوزو اخيرا اشوف ماما و رود 

حمزة بضحك:

_ رود ايه بس يا حبيبتي إسمها رويدا 

اوليفيا:

_ اه صح 

حمزة:

_ انا خايف عليكي من الطياره بلاش نسافر 

اوليفيا:

_ لا عشان خاطري الدكتور قال مافيش خطر و انا عايزه أشوف مصر 

حمزة بابتسامة:

_ ياااه أخيراً قولتي عشان خاطري و عايزة و مصر صح 

اوليفيا:

_ حلوه

حمزة:

_ طبعاً 

اوليفيا:

_ أنت قولت لماما 

حمزة:

_ لا مخليها مفاجأة 

اوليفيا بفرحه و حماس:

_ الله طب يلا بسرعة بقى 

حمزة ضحك على حماسها 

ـــــــــــــــــــــــــــــــــــــــــــــــــــــــــــــ 

اللهم صل وسلم وبارك على سيدنا محمد بقلمي بســــمه أبو العلا 

|تاني يوم الصبح في الكافية| 

نازلي:

_ اتأخرتي ليه 

نغم:

_ في ايه 

نازلي:

_ في مصيبة 

نغم :

_ انجزي قولي في ايه 

نازلي:

_ تميم امبارح قال بيحب بنت و هيخطبها 

نغم بصدمة:

_ انتِ بتقولي ايه بعد كل ده تميم هيتجوز حد غيري 

نازلي :

_ ماعرفش بقى 

نغم:

_ خلي في بالك لو ماتجوزتش تميم يبقى أنتِ كمان مش هتتجوزي سامر 

نازلي بخوف:

_ أعمل ايه يعني 

نغم:

_ أفكر و أقولك بس أنتِ كمان لازم تشوفي حل 

نازلي:

_ حاضر

ــــــــــــــــــــــــــــــــــــــــــــــــــــــــــــ

سبحان الله و الله اكبر و الحمدلله و لا اله إلا الله 

|في بيت عيلة الحسيني|في شقة يعقوب|

رزق مجمع عائلته عشان عايز يقولهم على موضوع تميم و روضة 

اسامه:

_ ما تتكلم يبني في ايه

سليم:

_ رزق عايز 

رزق قاطعه:

_ أنا مش عايز اسمع صوتك أنت بذات انهارده 

سليم :

_ اشمعنا انا يعني 

رزق:

_ هش اسكت بصوا يا جماعه مجمعكم انهارده عشان 

و قبل ما يكمل خرجوا روضة و رويدا من المطبخ و في أيديهم الشاي 

رزق:

_ استغفرالله العظيم طب ممكن يجماعة تسيبكو من الشاي دلوقتى و تركزوا معايا شويه بقلمي بســــمه أبو العلا 

زينب:

_ احنا معاك اهو اتفضل أتكلم 

رزق:

_ تميم صاحبي طالب ايد 

و قبل ما يكمل الباب خبط رباب قامت فتحت 

                  الفصل الرابع من هنا